Bibele e Reng?
Armagedone ke Eng?
Batho ba bang ba dumela hore . . .
Ke timetso ya larita, ntwa ya nuclear, dikoduwa tsa tlhaho tse bolayang batho ba bangata. Wena o reng?
Seo Bibele e se buang
Armagedone ke sebaka sa tshwantshetso sa “ntwa ya letsatsi le leholo la Modimo ya Matla Ohle,” moo a tla beng a lwana le dira tsa hae.—Tšenolo 16:14, 16.
Seo re ithutang sona hape ka Bibeleng?
Modimo ha a fedise lefatshe ka ntwa ena, empa o fedisa ba le senyang.—Tšenolo 11:18.
Ntwa ya Armagedone e tla fedisa dintwa tsohle.—Pesaleme ya 46:8, 9.
Empa na ho bonolo ho pholoha ntwa ya Armagedone?
Wena o ka reng?
Ee
Tjhe
Mohlomong
Seo Bibele e se buang
“Bongata bo boholo” ba batho ba tswang ditjhabeng tsohle, bo tla pholoha ‘matshwenyeho a maholo,’ a tla qetella ka ntwa ya Armagedone.—Tšenolo 7:9, 14.
Seo re ithutang sona hape ka Bibeleng
Modimo o batla hore batho ba bangata kamoo ho ka kgonehang kateng, ba pholohe Armagedone. Qetellong o tla fedisa ba kgopo ba hanang ho baka.—Ezekiele 18:32.
Bibele e ya re hlalosetsa hore na keng seo re lokelang ho se etsa e le hore re pholohe Armagedone.—Sofonia 2:3.
O ka Nna wa Rata le Tsena
DIPOTSO TSA BIBELE DI A ARAJWA
Ntwa ya Armagedone Keng?
Lentswe Armagedone le hlaha ha nngwe feela ka Bibeleng, empa ho na le Mangolo a mang a Bibele a hlalosang ntwa eo lentswe leo le e bolelang.
