E RELATO bíbliko na Génesis 22:6 ta bisa ku Abraham mester a hasi un sakrifisio na Yehova na un lugá leu, i p’esei el “a kohe e palu pa e ofrenda kimá pone riba su yu Isak, i el a kohe kandela i un kuchú den su man. Asina nan dos a sigui kana huntu.”

E Skritura no ta menshoná kiko hende a usa pa sende kandela den antigwedat. Relashoná ku e relato na Génesis, por lo ménos un komentarista ta kere ku “lo tabata difísil pa tene un kandela sendí durante e biahe largu” ku Abraham i Isak a hasi. Pues, kisas aki kandela ta referí na e material ku tabata nesesario pa sende kandela.

Sinembargo, otro komentaristanan ta bisa ku den antigwedat, no tabata fásil pa sende kandela. Si tabata posibel, lo tabata mas fásil pa un hende haña karbon kayente serka su bisiña en bes di purba di sende e kandela e mes. Pues, vários eksperto ta kere ku Abraham tabata transportá un pòchi, kisas un wea kologá na un kadena, ku a kontené palu pa kandela òf karbon sendí di e anochi promé. (Isa. 30:14) Ora hende tabata transportá karbon kayente na e manera akí, lo tabata fásil pa agregá palu fini pa sende un kandela na kualke momento durante e biahe.