“သစ္စာကတိပြုသည်အတိုင်း ဝတ်ကို ဖြေလော့”
“ယေဟောဝါဘုရားထံ သစ္စာကတိပြုမိလျှင် ထိုအတိုင်း ပြုရမည်။”—မ. ၅:၃၃။
၁။ (က) တရားသူကြီး ယေဖသနဲ့ ဟန္နမှာ ဘာတူညီချက်တွေ ရှိသလဲ။ (ဆောင်းပါးအစမှာပါတဲ့ ရုပ်ပုံကို ကြည့်ပါ။) (ခ) ဒီဆောင်းပါးမှာ ဘယ်မေးခွန်းတွေကို သုံးသပ်သွားမလဲ။
ယေဖသက ရဲစွမ်းသတ္တိရှိတဲ့ ခေါင်းဆောင်။ ဟန္နက လက်အောက်ခံတတ်တဲ့ ဇနီး။ တစ်ယောက်က ရဲရင့်တဲ့စစ်သည်။ တစ်ယောက်က နှိမ့်ချတဲ့အိမ်သူ။ သူတို့နှစ်ယောက်စလုံး ယေဟောဝါဘုရားကို ကိုးကွယ်တာချင်း တူနေတဲ့အပြင် နောက်ထပ် ဘာတူညီချက်တွေ ရှိသေးသလဲ။ နှစ်ယောက်စလုံး ဘုရားသခင်ကို သစ္စာကတိပြုထားပြီး သစ္စာကတိအတိုင်း လုပ်ဆောင်ခဲ့ကြတယ်။ ယေဟောဝါထံ သစ္စာကတိပြုထားတဲ့ ဒီနေ့ခေတ် အမျိုးသား/သမီးတွေအတွက် သိပ်ကောင်းတဲ့ စံနမူနာတွေပါပဲ။ ဒါပေမဲ့ အရေးကြီးတဲ့ မေးခွန်းတချို့ ပေါ်လာတယ်။ သစ္စာကတိဆိုတာ ဘာလဲ။ ဘုရားသခင်ထံ သစ္စာကတိပြုခြင်းက ဘယ်လောက် အရေးကြီးသလဲ။ ယေဖသနဲ့ ဟန္နဆီကနေ ဘာတွေ သင်ယူနိုင်သလဲ။
၂၊ ၃။ (က) သစ္စာကတိဆိုတာ ဘာလဲ။ (ခ) ဘုရားသခင်ဆီ သစ္စာကတိပြုတာနဲ့ပတ်သက်ပြီး ကျမ်းစာမှာ ဘာပြောထားသလဲ။
၂ ကျမ်းစာမှာ သုံးနှုန်းထားချက်အရ သစ္စာကတိဆိုတာ ဘုရားသခင်ဆီ အလေးအနက် ကတိပြုတာ ဖြစ်တယ်။ တစ်ခုခု လုပ်ဖို့၊ ဆက်သဖို့၊ အမှုတော်တစ်မျိုးမျိုး ထမ်းဆောင်ဖို့၊ တစ်ခုခုကို ရှောင်ဖို့ လွတ်လပ်စွာ ရွေးချယ်ခွင့်အတိုင်း စိတ်လိုကိုယ်လျောက် သစ္စာကတိပြုတာ ဖြစ်တယ်။ တစ်ခုခုကို လုပ်မယ်၊ မလုပ်ဘူးဆိုပြီး ကတိပြုတဲ့ ကျိန်ဆိုချက် ဖြစ်တာမို့ သစ္စာကတိဟာ ဘုရားသခင်ရှေ့မှာ မြင့်မြတ်တယ်။ (က. ၁၄:၂၂၊ ၂၃။ ဟေဗြဲ ၆:၁၆၊ ၁၇) ဘုရားသခင်ဆီ သစ္စာကတိပြုခြင်းရဲ့ အရေးကြီးမှုကို ကျမ်းစာမှာ ဘာပြောထားသလဲ။
တော. ၃၀:၂) နောက်ပိုင်း ရှောလမုန်ကလည်း “ဘုရားသခင်ထံတော်၌ သစ္စာကတိပြုမိလျှင် သစ္စာဝတ်ကို မဖြေဘဲ မနေနှင့်။ မိုက်သောသူတို့ကို အားရနှစ်သက်တော်မမူ။ သစ္စာကတိပြုသည်အတိုင်း ဝတ်ကိုဖြေလော့” လို့ ရေးခဲ့တယ်။ (ဒေ. ၅:၄) “‘ကျမ်းသစ္စာ ကျိန်ဆိုချက်ကို မဖျက်ရ။ ယေဟောဝါဘုရားထံ သစ္စာကတိပြုမိလျှင် ထိုအတိုင်းပြုရမည်’ ဟုရှေးခေတ်လူတို့အား ဆင့်ဆိုသောစကားကို သင်တို့ကြားဖူးကြပြီ” လို့ ယေရှု ပြောပြီး သစ္စာကတိပြုခြင်းရဲ့ အရေးကြီးမှုကို ဖော်ပြခဲ့တယ်။—မ. ၅:၃၃။
၃ ‘လူယောက်ျားသည် ယေဟောဝါအား သစ္စာကတိပြုသော်လည်းကောင်း၊ . . . ကျိန်ဆိုခြင်းကိုပြုသော်လည်းကောင်း၊ မိမိပြောသောစကားကို မဖျက်ဘဲ မိမိနှုတ်ထွက်ရှိသည်အတိုင်း ပြုရမည်’ လို့ မောရှေပညတ်မှာ ဖော်ပြထားတယ်။ (၄။ (က) ဘုရားသခင်ဆီ သစ္စာကတိပြုတာက ဘယ်လောက် အရေးကြီးသလဲ။ (ခ) ယေဖသနဲ့ ဟန္နဆီကနေ ဘာသင်ယူနိုင်သလဲ။
၄ ဘုရားသခင်ဆီ ကတိပြုခြင်းဟာ အလွန်အရေးကြီးတာ ရှင်းပါတယ်။ သစ္စာကတိနဲ့ပတ်သက်တဲ့ ကျွန်တော်တို့ရဲ့ သဘောထားက ယေဟောဝါနဲ့ ဆက်ဆံရေးအပေါ် သက်ရောက်မှု ရှိနိုင်တယ်။ ‘ယေဟောဝါရဲ့ တောင်ပေါ်ကို ဘယ်သူ တက်ခွင့်ရှိသလဲ။ သန့်ရှင်းရာဌာနမှာ ဘယ်သူ ရပ်နေခွင့်ရှိသလဲ။ . . . ဘုရားရဲ့အသက်ကို တိုင်တည်ပြီး မဟုတ်မမှန် မကျိန်ဆိုတဲ့သူ၊ အလိမ်အညာစကားတွေနဲ့ မကျိန်ဆိုတဲ့သူပဲပေါ့’ လို့ ဒါဝိဒ် ရေးခဲ့တယ်။ (ဆာ. ၂၄:၃၊ ၄၊ ကဘ) ယေဖသနဲ့ ဟန္နတို့ ဘာသစ္စာကတိ ပြုခဲ့ကြသလဲ။ သစ္စာကတိအတိုင်း လုပ်ဆောင်ဖို့ လွယ်ကူခဲ့သလား။
ဘုရားသခင်ဆီ သစ္စာကတိပြုတဲ့အတိုင်း လုပ်ဆောင်ခဲ့ကြ
၅။ ယေဖသ ဘယ်လို သစ္စာကတိပြုခဲ့သလဲ။ ဘာဖြစ်ခဲ့သလဲ။
၅ ယေဖသဟာ ဘုရားလူမျိုးတွေကို ခြိမ်းခြောက်နေတဲ့ အမ္မုန်တွေကို စစ်တိုက်သွားချိန်မှာ ယေဟောဝါဆီ သစ္စာကတိ ပြုခဲ့တယ်။ သစ္စာကတိအတိုင်းလည်း လုပ်ဆောင်ခဲ့တယ်။ (သူကြီး. ၁၀:၇-၉) အောင်ပွဲရချင်လွန်းလို့ ‘အကယ်၍ ကိုယ်တော်သည် အမ္မုန်အမျိုးသားတို့ကို အကျွန်ုပ်လက်၌ အပ်တော်မူလျှင် အကျွန်ုပ်သည် အမ္မုန်အမျိုးသားတို့ရှိရာမှ ငြိမ်ဝပ်စွာ ပြန်လာသောအခါ အကျွန်ုပ်ကို ခရီးဦးကြိုပြုအံ့သောငှာ အကျွန်ုပ်အိမ်တံခါးဝမှ ထွက်လာသောသူ မည်သည်ကို ယေဟောဝါအား အမှန်ဆက်သ . . .ပါမည်’ လို့ ယေဖသ သစ္စာကတိပြုခဲ့တယ်။ ဘာဖြစ်ခဲ့သလဲ။ အမ္မုန်တွေ စစ်ၡုံးသွားတယ်။ အောင်ပွဲခံပြီး ပြန်လာချိန်မှာ ယေဖသကို ထွက်ကြိုသူက တစ်ဦးတည်းသောသမီး ဖြစ်နေတယ်။ သူ့ကို ယေဟောဝါဆီ “ဆက်သ” ရတော့မယ်။ (သူကြီး. ၁၁:၃၀-၃၄) ယေဖသရဲ့ သမီး ဘာလုပ်ရမလဲ။
၆။ (က) ဘုရားသခင်ဆီ ပြုထားတဲ့ သစ္စာကတိအတိုင်း လုပ်ဆောင်ဖို့ ယေဖသနဲ့ သမီးအတွက် လွယ်ကူသလား။ (ခ) ဘုရားသခင်ဆီ သစ္စာကတိပြုခြင်းနဲ့ပတ်သက်ပြီး တရားဟောရာ ၂၃:၂၁၊ ၂၃ နဲ့ ဆာလံ ၁၅:၄ ကနေ ဘာသင်ယူနိုင်သလဲ။
၆ ဖခင်ရဲ့ သစ္စာကတိအတိုင်း လုပ်ဆောင်ဖို့ ယေဖသရဲ့ သမီးက တဲတော်မှာ ယေဟောဝါရဲ့ အမှုတော်ကို အချိန်ပြည့် ထမ်းဆောင်ရတော့မယ်။ ယေဖသ မဆင်မခြင် ကတိပြုခဲ့တာလား။ မဟုတ်ပါဘူး၊ မိမိကို ထွက်ကြိုမယ့်သူဟာ သမီးဖြစ်နိုင်မှန်း ကောင်းကောင်းသိထားမှာပဲ။ သားအဖနှစ်ယောက်အတွက် တကယ် စွန့်လွှတ်အနစ်နာခံရမယ့် စိတ်ထိခိုက်စရာ အခြေအနေပါပဲ။ သမီးကို တွေ့တော့ “မိမိအဝတ်ကို ဆုတ်” ပြီး ရင်ကွဲပါပြီလို့ ပြောခဲ့တယ်။ သမီးကလည်း မိမိရဲ့ “အပျိုကညာဖြစ်ခြင်းကို ငိုကြွေးမြည်တမ်း” ခဲ့တယ်။ ဘာကြောင့်လဲ။ ယေဖသမှာ သားမရှိဘူး။ တစ်ဦးတည်းသောသမီးကလည်း အိမ်ထောင်သားမွေး မလုပ်နိုင်တော့ဘူး။ မိသားစုနာမည်၊ အမွေဆက်ခံမယ့်သူ မရှိနိုင်တော့ဘူး။ ဒါပေမဲ့ အဲဒါက အရေးကြီးဆုံး မဟုတ်ပါဘူး။ ‘ယေဟောဝါအား ငါလျှောက်ထားပြီ။ နုတ်ရသောအခွင့် မရှိ’ လို့ ယေဖသ ပြောတယ်။ သမီးကလည်း “လျှောက်ထားသည်အတိုင်း ကျွန်မ၌ ပြုပါ” လို့ပြောတယ်။ (သူကြီး. ၁၁:၃၅-၃၉) ဘာကိုပဲ ပေးဆက်ရပါစေ အမြင့်မြတ်ဆုံးအရှင် ဘုရားသခင်ဆီ ပြုထားတဲ့ သစ္စာကတိကို ဘယ်တော့မှ မချိုးဖောက်မယ့် သစ္စာရှိသူတွေပါပဲ။—တရားဟောရာ ၂၃:၂၁၊ ၂၃ နဲ့ ဆာလံ ၁၅:၄ တို့ကို ဖတ်ပါ။
၇။ (က) ဟန္န ဘယ်လို သစ္စာကတိပြုခဲ့သလဲ။ ဘာဖြစ်ခဲ့သလဲ။ (ခ) ဟန္နရဲ့ သစ္စာကတိဟာ ရှမွေလအတွက် ဘာအဓိပ္ပာယ် ရှိသလဲ။ (အောက်ခြေမှတ်ချက်ကို ကြည့်ပါ။)
၁ ရာ. ၁:၄-၇၊ ၁၀၊ ၁၆) ‘အိုကောင်းကင်ဗိုလ်ခြေအရှင် ယေဟောဝါ၊ ကိုယ်တော်၏ကျွန်မကို မေ့လျော့တော်မမူဘဲ ကိုယ်တော်ကျွန်မ၏ ဆင်းရဲခြင်းကို ကြည့်ရှုအောက်မေ့သဖြင့် သားယောက်ျားကို ပေးသနားတော်မူလျှင် သူ၏ဆံပင်ရိတ်ခြင်းကို အလျှင်းမပြု။ တစ်သက်လုံး ယေဟောဝါ၏ကျွန် ဖြစ်စေခြင်းငှာ ကျွန်မအပ်ပါမည်’ ဆိုပြီး ဘုရားသခင်ဆီ သစ္စာကတိပြုခဲ့တယ်။ * (၁ ရာ. ၁:၁၁) ဟန္နရဲ့ အသနားခံချက် ဖြေကြားခံရပြီး သားဦးလေး မွေးလာတယ်။ သူ သိပ်ပျော်မှာပဲ။ ဒါပေမဲ့ ဘုရားသခင်ဆီ ပြုထားတဲ့ သစ္စာကတိကို မမေ့ပါဘူး။ သားလေး မွေးချိန်မှာ “ယေဟောဝါဘုရားဆီမှာ တောင်းလို့ ရလာတဲ့သားပဲ” လို့ ပြောခဲ့တယ်။—၁ ရာ. ၁:၂၀၊ ကဘ။
၇ ဟန္နလည်း ယေဟောဝါဆီ သစ္စာကတိပြုထားတဲ့အတိုင်း သစ္စာရှိရှိ လုပ်ဆောင်ခဲ့တယ်။ အမြုံဘဝနဲ့ မပြတ်ကြုံနေရတဲ့ ကဲ့ရဲ့မှုကြောင့် စိတ်သောက ရောက်နေချိန်မှာ သူကတိပြုခဲ့တယ်။ (၈။ (က) သစ္စာကတိအတိုင်း လုပ်ဆောင်ဖို့ ဟန္နအတွက် လွယ်ကူခဲ့သလား။ (ခ) ဆာလံ ၆၁ မှာ မှတ်တမ်းတင်ထားတဲ့ ဒါဝိဒ်ရဲ့ စကားတွေဟာ ဟန္နရဲ့ စံပြသဘောထားကို ဘယ်လို အမှတ်ရစေသလဲ။
၈ ရှမွေလလေး အသက် သုံးနှစ်လောက်မှာ နို့ကွာတာနဲ့ ဘုရားသခင်ဆီ သစ္စာကတိပြုထားတဲ့အတိုင်း ဟန္န လုပ်ဆောင်ခဲ့တယ်။ ပြောင်းလဲဖို့ လုံးဝတောင် မစဉ်းစားခဲ့ဘူး။ ရှိလောမြို့ တဲတော်က ပုရောဟိတ်မင်း ဧလိဆီ ရှမွေလကို ခေါ်သွားပြီး “ဤသူငယ်ကို ရမည်အကြောင်း ဆုတောင်းပါ၏။ တောင်းသည်အတိုင်း ထာဝရဘုရားသည် ပေးသနားတော်မူပြီ။ ထို့ကြောင့် ကျွန်မသည် သူ့ကို ထာဝရဘုရားအား ငှားပါပြီ။ သူသည် တစ်သက်လုံး ထာဝရဘုရားထံတော်၌ အငှားခံ၍ နေရပါမည်” လို့ပြောတယ်။ (၁ ရာ. ၁:၂၄-၂၈) အဲဒီမှာ ‘သူငယ်ရှမွေလသည် ယေဟောဝါရှေ့တော်၌ ကြီးပွား’ လာတယ်။ (၁ ရာ. ၂:၂၁) ဒါပေမဲ့ ဟန္နအတွက် ဘယ်လိုလဲ။ သားလေးကို သိပ်ချစ်ပေမဲ့ နေ့တိုင်း မတွေ့ရတော့ဘူး။ သူ့ကို ပွေ့ဖက်ဖို့၊ အတူကစားဖို့၊ ကျွေးမွေးစောင့်ရှောက်ဖို့၊ သားလေး ကြီးပြင်းလာတာကို ကြည့်ပြီး ကြည်နူးရတဲ့ အမှတ်တရတွေကို သိမ်းထားဖို့ ဘယ်လောက်တောင် တမ်းတလိုက်လေမလဲ။ ဒါတောင် ဟန္န လုံးဝ နောင်တ မရခဲ့ဘူး။ အဲဒီအစား ယေဟောဝါကြောင့် စိတ်ရွှင်လန်းခဲ့တယ်။—၁ ရာ. ၂:၁၊ ၂။ ဆာလံ ၆၁:၁၊ ၅၊ ၈ ကိုဖတ်ပါ။
ယေဟောဝါဆီ သစ္စာကတိပြုထားတဲ့အတိုင်း သင် လုပ်ဆောင်နေသလား
၉။ ဘယ်မေးခွန်းတွေကို ဆက်ဆွေးနွေးကြမလဲ။
၉ ဘုရားသခင်ဆီ သစ္စာကတိပြုခြင်းရဲ့ အရေးကြီးမှုကို နားလည်လာပြီဖြစ်လို့ ဒီမေးခွန်းတွေကို သုံးသပ်ကြည့်ကြစို့– ခရစ်ယာန်တွေအနေနဲ့ ဘယ်သစ္စာကတိတွေ ပြုရနိုင်သလဲ။ သစ္စာကတိအတိုင်း လုပ်ဆောင်ဖို့ ဘယ်လောက် စိတ်ပိုင်းဖြတ်ထားသင့်သလဲ။
ဆက်ကပ်အပ်နှံ သစ္စာကတိ
ဆက်ကပ်အပ်နှံ သစ္စာကတိ (အပိုဒ် ၁၀ ကိုကြည့်ပါ)
၁၀။ ခရစ်ယာန်တစ်ယောက်အတွက် အရေးကြီးဆုံး သစ္စာကတိက ဘာလဲ။ အဲဒီမှာ ဘာတွေ ပါသလဲ။
၁၀ ခရစ်ယာန်တစ်ယောက်အတွက် အရေးကြီးဆုံး သစ္စာကတိကတော့ အသက်တာကို ယေဟောဝါဆီ ဆက်ကပ်အပ်နှံခြင်းပါပဲ။ ဘာကြောင့်လဲ။ ဘာဖြစ်ဖြစ် ယေဟောဝါကို ထာဝရ ဝတ်ပြုသွားပါမယ်လို့ သီးသန့်ဆုတောင်းပြီး အလေးအနက် ကတိပြုထားလို့ပါပဲ။ ယေရှုရဲ့ စကားအရ “ကိုယ့်ကိုယ်ကိုယ် ငြင်းပယ်၊” လုပ်ပိုင်ခွင့်တွေကို စွန့်လွှတ်ပြီး ဘဝမှာ အရာရာထက် ဘုရားအလိုတော်ကို ဦးစားထားပါမယ်လို့ ကတိပြုတာဖြစ်တယ်။ (မ. ၁၆:၂၄) အဲဒီနေ့ကစပြီး သူ့ကို ‘ယေဟောဝါ ပိုင်’ သွားပြီ။ (ရော. ၁၄:၈) ‘ငါ၌ ယေဟောဝါဘုရား ပြုတော်မူသော ကျေးဇူးအလုံးစုံတို့ကို အဘယ်သို့ ဆပ်ရမည်နည်း။ ယေဟောဝါဘုရားအား သစ္စာကတိထားသည်အတိုင်း ယေဟောဝါဘုရား၏ လူများရှေ့၌ သစ္စာဝတ်ကို ဖြေမည်’ လို့ ပြောခဲ့တဲ့ ဆာလံဆရာလို ဆက်ကပ်အပ်နှံ သစ္စာကတိပြုသူတိုင်း အလေးအနက် ထားရမယ်။—ဆာ. ၁၁၆:၁၂၊ ၁၄။
၁၁။ သင်နှစ်ခြင်းခံတဲ့နေ့မှာ ဘာဖြစ်ခဲ့သလဲ။
၁၁ သင်ဟာ ယေဟောဝါဆီ ဆက်ကပ်အပ်နှံပြီး နှစ်ခြင်းခံထားသူလား။ ဒါဆိုရင် သိပ်ကောင်းတာပေါ့။ ကိုယ့်ကိုယ်ကိုယ် ယေဟောဝါဆီ ဆက်ကပ်အပ်နှံပြီးပြီလား၊ “သင့်ရဲ့ ဆက်ကပ်အပ်နှံခြင်းနဲ့ နှစ်ခြင်းဟာ ဘုရားသခင့် စွမ်းအားတော် ညွှန်ကြားခံ အဖွဲ့အစည်းဝင် ယေဟောဝါသက်သေတစ်ဦးအဖြစ် သင့်ကို သတ်မှတ်ဖော်ပြကြောင်း” နားလည်သဘောပေါက်သလားလို့ နှစ်ခြင်းခံတဲ့နေ့မှာ မျက်မြင်သက်သေတွေရှေ့ မေးခဲ့တယ်။ ခိုင်မာပြတ်သားတဲ့ သင့်အဖြေက အကြွင်းမဲ့ ဆက်ကပ်အပ်နှံထားကြောင်း လူသိရှင်ကြား ကြေညာရာကျပြီး ယေဟောဝါရဲ့ ခန့်အပ်ခံ အမှုတော်ဆောင်တစ်ဦးအဖြစ် နှစ်ခြင်းခံဖို့ အရည်အချင်း ပြည့်မီကြောင်း ဖော်ပြတယ်။ ယေဟောဝါ သိပ်ပျော်ရွှင်ခဲ့မှာပဲ။
၁၂။ (က) ကိုယ့်ကိုယ်ကိုယ် ဘယ်မေးခွန်းတွေ မေးသင့်သလဲ။ (ခ) ဘယ်အရည်အသွေးတွေ ရှိသင့်တယ်လို့ ပေတရု ပြောခဲ့သလဲ။
၁၂ နှစ်ခြင်းခံတာဟာ အစပဲ ရှိသေးတယ်။ ဆက်ကပ်အပ်နှံမှုနဲ့အညီ ဘုရားသခင်ကို သစ္စာရှိရှိ ဆက်ဝတ်ပြုသွားချင်တယ်။ ဒါကြောင့် ‘နှစ်ခြင်းခံချိန်ကစပြီး ဘုရားရေးရာဘက်မှာ ငါ ဘယ်လောက် တိုးတက်လာသလဲ။ ယေဟောဝါကို စိတ်နှလုံး အကြွင်းမဲ့ ဆက်ဝတ်ပြုနေရဲ့လား။ (ကော. ၃:၂၃) အတတ်နိုင်ဆုံး ဆုတောင်း၊ ကျမ်းစာ ဖတ်၊ အစည်းအဝေး တက်၊ အမှုဆောင် ထွက်နေသလား။ အဲဒီဘုရားရေးရာ လုပ်ဆောင်မှုတွေမှာ အားနည်းနေပြီလား’ လို့ ကိုယ့်ကိုယ်ကိုယ် မေးပါ။ ယုံကြည်ခြင်းအပေါ် အသိပညာ၊ ခံနိုင်ရည်၊ ဘုရားတရား ဆည်းကပ်ခြင်းကို ထပ်ဆင့်ခြင်းအားဖြင့် အမှုတော်မှာ မလှုပ်မရှား မဖြစ်အောင် ကာကွယ်နိုင်ကြောင်း တမန်တော် ပေတရု ရှင်းပြခဲ့တယ်။—၂ ပေတရု ၁:၅-၈ ကိုဖတ်ပါ။
၁၃။ ဆက်ကပ်အပ်နှံ နှစ်ခြင်းခံပြီးသား ခရစ်ယာန်တစ်ယောက် ဘာသိထားရမလဲ။
၁၃ ဘုရားသခင်ဆီ ဆက်ကပ်အပ်နှံ သစ္စာကတိပြုထားတာကို ရုပ်သိမ်းဖို့ နည်းလမ်း မရှိဘူး။ လူတစ်ယောက် ယေဟောဝါကို ဝတ်ပြုရတာ၊ ခရစ်ယာန်လမ်းစဉ်အတိုင်း အသက်ရှင်ရတာကို ငြီးငွေ့လာလို့ တကယ် မအပ်နှံခဲ့ပါဘူး၊ နှစ်ခြင်းခံတာလည်း အတည်မဟုတ်ပါဘူးလို့ ပြောလို့ မရဘူး။ * ဘာပဲဖြစ်ဖြစ် ဘုရားသခင်ဆီ အကြွင်းမဲ့ ဆက်ကပ်အပ်နှံထားကြောင်း လူအားလုံးကို အသိပေးခဲ့ပြီပဲ။ သူကျူးလွန်မိနိုင်တဲ့ ကြီးလေးတဲ့ အပြစ်မှန်သမျှအတွက် ယေဟောဝါနဲ့ အသင်းတော်ရှေ့ စာရင်းရှင်းရလိမ့်မယ်။ (ရော. ၁၄:၁၂) “ကနဦးမေတ္တာ ပျောက်ဆုံး” သွားပြီလို့ ဘယ်တော့မှ အပြောမခံရပါစေနဲ့။ အဲဒီအစား “သင်၏အကျင့်များ၊ သင်၏မေတ္တာ၊ ယုံကြည်ခြင်း၊ ဓမ္မအမှုနှင့် ခံနိုင်ရည်တို့ကို ငါသိ၏။ မကြာသေးမီက သင်ကျင့်သောအကျင့်များသည် ယခင်ကထက် သာ၍များကြောင်းကိုလည်း ငါသိ၏” လို့ ယေရှု ပြောနိုင်ပါစေ။ (ဗျာ. ၂:၄၊ ၁၉) ဆက်ကပ်အပ်နှံ သစ္စာကတိအတိုင်း၊ ယေဟောဝါ နှစ်သက်တဲ့အတိုင်း ဆက်အသက်ရှင်သွားကြပါစို့။
အိမ်ထောင်ရေး သစ္စာကတိ
အိမ်ထောင်ရေး သစ္စာကတိ (အပိုဒ် ၁၄ ကိုကြည့်ပါ)
၁၄။ လူတစ်ယောက်အတွက် ဒုတိယ အရေးကြီးဆုံး သစ္စာကတိက ဘာလဲ။ ဘာကြောင့်လဲ။
၁၄ လူတစ်ယောက်အတွက် ဒုတိယ အရေးကြီးဆုံး သစ္စာကတိကတော့ အိမ်ထောင်ရေး သစ္စာကတိပါပဲ။ ဘာကြောင့်လဲ။ အိမ်ထောင်ရေးဟာ မြင့်မြတ်တယ်။ သတို့သားနဲ့ သတို့သမီးဟာ ဘုရားသခင်နဲ့ မျက်မြင်သက်သေတွေရှေ့ သစ္စာကတိပြုကြတယ်။ “ဘုရားသခင့် အိမ်ထောင်ရေး အစီအစဉ်အရ မြေကြီးပေါ်တွင် အတူတကွ အသက်ရှင်နေမည့် ကာလပတ်လုံး” တစ်ယောက်ကိုတစ်ယောက် ချစ်ခင်၊ မြတ်နိုးပြီး လေးစားသွားပါမယ်လို့ သစ္စာကတိပြုလေ့ရှိတယ်။ တခြားသူတွေလည်း အဲဒီလို အတိအကျ မဟုတ်ပေမဲ့ ဘုရားသခင်ရှေ့ သစ္စာကတိ ပြုကြတယ်။ အဲဒီနောက် အကြင်လင်မယားဖြစ်ကြောင်း ကြေညာတယ်။ ရာသက်ပန် ပေါင်းသင်းသွားကြရမယ်။ (က. ၂:၂၄။ ၁ ကော. ၇:၃၉) “ထို့ကြောင့် ဘုရားသခင် တွဲဖက်ထားသူတို့ကို” ယောက်ျားဖြစ်စေ၊ မိန်းမဖြစ်စေ၊ တခြား “မည်သူမျှ မခွဲမခွာစေနှင့်” လို့ ယေရှု ပြောခဲ့တယ်။ ဒါကြောင့် ကွာရှင်းပြတ်စဲလို့ရတယ်ဆိုတဲ့ သဘောထားမျိုး မရှိရဘူး။—မာ. ၁၀:၉။
၁၅။ အိမ်ထောင်ရေးကို အလေးမထားတဲ့ လောကသဘောထားကို ခရစ်ယာန်တွေ ဘာကြောင့် ရှောင်ရမလဲ။
၁၅ ပြီးပြည့်စုံတဲ့ အိမ်ထောင်ရေးဆိုတာ မရှိပါဘူး။ အိမ်ထောင်တိုင်း မစုံလင်သူနှစ်ဦးနဲ့ ပေါင်းဖက်ထားလို့ “ကာယဆင်းရဲဒုက္ခ” ခံရမယ်လို့ ကျမ်းစာမှာ ပြောထားတယ်။ (၁ ကော. ၇:၂၈) ဝမ်းနည်းစရာကတော့ လူများစွာဟာ အိမ်ထောင်ရေးကို အလေးမထားကြတော့ဘူး။ ဆက်ဆံရေး တင်းမာလာပြီဆိုတာနဲ့ လက်လျှော့ပြီး လမ်းခွဲလိုက်ကြတယ်။ အဲဒါ ခရစ်ယာန်လမ်းစဉ် မဟုတ်ပါဘူး။ အိမ်ထောင်ရေး သစ္စာကတိကို ချိုးဖျက်တာဟာ ဘုရားသခင်ကို လိမ်ညာရာကျတယ်။ လိမ်ညာသူတွေကို ဘုရားသခင် မုန်းတယ်။ (ဝတ်. ၁၉:၁၂။ သု. ၆:၁၆-၁၉) “သင်သည် ဇနီးနှင့် နှောင်ကြိုးဖွဲ့ထားသလော။ လွတ်ခြင်းအခွင့်ကို မရှာနှင့်တော့” လို့ တမန်တော် ပေါလု ရေးခဲ့တယ်။ (၁ ကော. ၇:၂၇) သစ္စာဖောက် ကွာရှင်းတာကို ယေဟောဝါ မုန်းတီးမှန်း သိလို့ ပေါလု အဲဒီလို ရေးခဲ့တာပါ။—မာလ. ၂:၁၃-၁၆။
၁၆။ ကွာရှင်းပြတ်စဲခြင်း၊ ခွဲနေခြင်းနဲ့ပတ်သက်ပြီး ကျမ်းစာမှာ ဘာပြောထားသလဲ။
၁၆ အပြစ်မဲ့တဲ့ အိမ်ထောင်ဖက်က ဖောက်ပြန်တဲ့ အိမ်ထောင်ဖက်ကို ခွင့်မလွှတ်ဖို့ ဆုံးဖြတ်ခြင်းကသာ အိမ်ထောင်ရေး သစ္စာကတိကို ဖျက်သိမ်းနိုင်တဲ့ တစ်ခုတည်းသော ကျမ်းစာအကြောင်းရင်းဖြစ်တယ်လို့ ယေရှု သွန်သင်ခဲ့တယ်။ (မ. ၁၉:၉။ ဟေဗြဲ ၁၃:၄) ခွဲနေခြင်း ကော ဘယ်လိုလဲ။ ဒီအကြောင်းကိုလည်း ကျမ်းစာမှာ ရှင်းရှင်းလင်းလင်း ပြောထားပါတယ်။ (၁ ကောရိန္သု ၇:၁၀၊ ၁၁ ကိုဖတ်ပါ။) ခွဲနေဖို့ အကြောင်းရင်းတွေကို ကျမ်းစာမှာ မဖော်ပြထားဘူး။ ဒါပေမဲ့ ကြမ်းတမ်းရိုင်းစိုင်းတဲ့ အိမ်ထောင်ဖက်၊ အယူဖောက်ပြန်တဲ့ အိမ်ထောင်ဖက်က အသက်အန္တရာယ် ကျရောက်အောင်၊ ဘုရားနဲ့ ဆက်ဆံရေး ထိခိုက်အောင် အလွန်အကျွံ လုပ်ဆောင်တာမျိုးစတဲ့ အခြေအနေတွေမှာ ခွဲနေဖို့ ခရစ်ယာန် အိမ်ထောင်သည်တချို့ ဆုံးဖြတ်ကြတယ်။ *
၁၇။ ခရစ်ယာန်မောင်နှံတွေဟာ အိမ်ထောင် တည်မြဲစေဖို့ ဘာလုပ်နိုင်သလဲ။
၁၇ အိမ်ထောင်ရေး ပြဿနာတွေနဲ့ပတ်သက်ပြီး အကြီးအကဲတွေဆီ အကူအညီ တောင်းတဲ့အခါ အချစ်စစ်၊ အချစ်မှန်ဆိုတာ ဘာလဲ ဗီဒီယို ကြည့်ပြီးပြီလား၊ ပျော်ရွှင်တဲ့ မိသားစုဘဝကို ဘယ်လို ပိုင်ဆိုင်နိုင်မလဲ ဘရိုရှာ ဖတ်ပြီးပြီလားလို့ အကြီးအကဲတွေ မေးသင့်တယ်။ ဘာကြောင့်လဲ။ ဒါတွေက အိမ်ထောင်ရေး ခိုင်မြဲစေတဲ့ ကျမ်းစာမူတွေကို ဖော်ပြပေးလို့ပဲ။ “ဘရိုရှာကို အတူလေ့လာချိန်ကစပြီး ပိုပျော်လာတယ်” လို့ ဇနီးမောင်နှံတစ်စုံ ပြောတယ်။ အိမ်ထောင်သက် ၂၂ နှစ် ရှိနေပြီး အိမ်ထောင်ပြိုကွဲခါနီး ဖြစ်ခဲ့တဲ့ ဇနီးတစ်ယောက်က “ကျွန်မတို့နှစ်ယောက်စလုံး နှစ်ခြင်းခံပြီးသားပါပဲ။ ဒါပေမဲ့ စိတ်ခံစားချက်ချင်း မတူကြဘူး။ ဗီဒီယို ထွက်လာတာ အချိန်ကိုက်ပါပဲ။ အခုတော့ ပိုအဆင်ပြေလာပြီ” လို့ပြောတယ်။ သင်ဟာ အိမ်ထောင်သည်လား။ အိမ်ထောင်မှာ ယေဟောဝါရဲ့ စံနှုန်းတွေကို အတတ်နိုင်ဆုံး ကျင့်သုံးပါ။ ဒါက အိမ်ထောင်ရေး သစ္စာကတိအတိုင်း ပျော်ရွှင်စွာ နေထိုင်သွားဖို့ ကူညီပေးပါလိမ့်မယ်။
အထူးအချိန်ပြည့် အမှုဆောင် သစ္စာကတိ
၁၈၊ ၁၉။ (က) ခရစ်ယာန်မိဘများစွာ ဘာလုပ်ဆောင်ခဲ့ကြပြီလဲ။ (ခ) အထူးအချိန်ပြည့်လုပ်ငန်းမှာ ပါဝင်နေသူတွေနဲ့ပတ်သက်ပြီး ဘာပြောနိုင်သလဲ။
၁၈ ယေဖသနဲ့ ဟန္နတို့မှာ နောက်ထပ်တူညီချက် ရှိသေးတယ်ဆိုတာ သတိထားမိသလား။ သူတို့ရဲ့ သစ္စာကတိတွေကြောင့် ယေဖသရဲ့ သမီးနဲ့ ဟန္နရဲ့ သား တဲတော်မှာ အထူးမြင့်မြတ်တဲ့လုပ်ငန်းအတွက် ပေးဆက်ခဲ့ကြတယ်။ အဲဒါက ကျေနပ်စရာ အကောင်းဆုံးဘဝ လမ်းစဉ်ပါပဲ။ ဒီနေ့လည်း ခရစ်ယာန်မိဘများစွာဟာ သားသမီးတွေကို အချိန်ပြည့်လုပ်ငန်းမှာ ပါဝင်ဖို့၊ ဘုရားအမှုတော်ကို အဓိကထားဖို့ အားပေးနေကြတယ်။ သူတို့ကို တကယ် ချီးမွမ်းထိုက်ပါတယ်။—သူကြီး. ၁၁:၄၀။ ဆာ. ၁၁၀:၃။
အထူးအချိန်ပြည့်အမှုဆောင် သစ္စာကတိ (အပိုဒ် ၁၉ ကိုကြည့်ပါ)
၁၉ လောလောဆယ် ယေဟောဝါသက်သေများရဲ့ ကမ္ဘာချီ အထူးအချိန်ပြည့် အမှုဆောင် ၆၇,၀၀၀ လောက်ရှိတယ်။ ဗေသလအိမ်သား၊ ဆောက်လုပ်ရေး လုပ်သား၊ တိုက်နယ်အမှုထမ်း၊ သင်တန်းပို့ချသူ၊ အထူးရှေ့ဆောင်၊ အစည်းအဝေးပွဲခန်းမ ဒါမှမဟုတ် ကျမ်းစာသင်တန်း အဆောက်အအုံ အမှုထမ်းတွေ ဖြစ်တယ်။ သူတို့အားလုံး “နာခံမှုနှင့် ချို့ငဲ့မှု ခံဝန်ချက်” အောက်မှာ ရှိကြတယ်။ ဘုရားနိုင်ငံတော် အကျိုးစီးပွား တိုးတက်ရေးအတွက် ပေးအပ်တဲ့တာဝန် မှန်သမျှကို ထမ်းဆောင်ဖို့၊ ရိုးရိုးရှင်းရှင်း နေထိုင်ဖို့၊ ခွင့်ပြုချက်မရဘဲ လောကအလုပ် မလုပ်ဖို့ သဘောတူညီချက် ဖြစ်တယ်။ လူတွေကို မဟုတ်ဘဲ တာဝန်တွေကိုသာ အထူးအဖြစ် ယူမှတ်တယ်။ အထူးအချိန်ပြည့်လုပ်ငန်းမှာ ရှိနေသရွေ့ ခံဝန်ချက် သစ္စာကတိအတိုင်း နှိမ့်ချစွာ နေထိုင်ဖို့ အရေးကြီးကြောင်း သူတို့ သဘောပေါက်ကြတယ်။
၂၀။ “နေ့ရက်အစဉ်အတိုင်း” ဘာလုပ်သင့်သလဲ။ ဘာကြောင့်လဲ။
၂၀ ဆွေးနွေးခဲ့တဲ့ သစ္စာကတိတွေထဲက ဘယ်နှခုကို သင် ဘုရားသခင်ဆီ ကတိပြုထားပြီလဲ။ တစ်ခုလား၊ နှစ်ခုလား၊ သုံးခုစလုံးလား။ သင်ပြုထားတဲ့ သစ္စာကတိတွေကို ပေါ့ပေါ့တန်တန် သဘောမထားသင့်ကြောင်း သိထားမှာ သေချာပါတယ်။ (သု. ၂၀:၂၅) ယေဟောဝါအပေါ် ကတိမတည်ရင်၊ သစ္စာကတိအတိုင်း မလုပ်ရင် ကြီးလေးတဲ့အကျိုးဆက်တွေ ခံစားရနိုင်ပါတယ်။ (ဒေ. ၅:၆) ဒါကြောင့် “နေ့ရက်အစဉ်အတိုင်း သစ္စာဝတ်ကို ဖြေခြင်းငှာ နာမတော်ကိုအစဉ်အမြဲ ထောမနာသီချင်း ဆို” ကြပါစို့။—ဆာ. ၆၁:၈။
^ စာပိုဒ်၊ 7 ဟန္နရဲ့ သစ္စာကတိအရ ကလေးဟာ တစ်သက်လုံး နာဇရိလူ ဖြစ်ရမယ်။ ယေဟောဝါရဲ့ မြင့်မြတ်တဲ့လုပ်ငန်းအတွက် ရွေးချယ်ထားသူ၊ ဆက်ကပ်ထားသူ၊ သီးသန့်ဖယ်ထားခံရသူကို ဆိုလိုတယ်။—တော. ၆:၂၊ ၅၊ ၈။
^ စာပိုဒ်၊ 13 လူတစ်ယောက် နှစ်ခြင်းခံဖို့ အရည်အချင်း ပြည့်မီမမီ အကြီးအကဲတွေ ဆန်းစစ်တဲ့ အဆင့်တွေကို ကြည့်ရင် နှစ်ခြင်းခံတာ အတည်မဖြစ်ဘူးလို့ ပြောစရာအကြောင်း မရှိသလောက်ပါပဲ။
^ စာပိုဒ်၊ 16 “ဘုရားသခင့် မေတ္တာတော်၌ တည်နေလော့” စာအုပ်၊ “ကွာရှင်းခြင်း၊ ခွဲနေခြင်းနဲ့ပတ်သက်တဲ့ ကျမ်းစာရှုထောင့်”နောက်ဆက်တွဲ ဆောင်းပါကို ကြည့်ပါ။