上帝所赐嘅平安超越人嘅理解
“上帝就一定会赐你哋平安,超越人所能理解嘅。……可以守护你哋嘅内心”——腓立比书4:7
唱诗76,141首
1,2. 喺腓立比发生咗乜嘢事之后,保罗同西拉俾人韫咗入监?(请睇吓课文开头嘅图片)
而家正系半夜,喺腓立比从事海外传道工作嘅保罗同西拉俾人韫喺监狱嘅最深处。佢哋双脚俾人用枷紧紧锁住,背脊啱啱俾人打完仲隐隐作痛。(使徒行传16:23,24)事情转变得真系快!冇任何警告嘅情况下,佢哋俾一班暴民拖到市集广场,突然间要面对一场临时审讯。佢哋俾人扯烂啲衫,又俾人用长棍打到遍体鳞伤。(使徒行传16:16-22)实在太唔公平喇!作为一个罗马公民,保罗有权得到正式嘅审讯。 *
2 监狱四周围都黑嘛嘛,保罗坐喺度谂翻当日发生嘅事。佢谂到腓立比人嘅情况。喺佢哋嘅城市连一个犹太会堂都冇,同佢之前去过嘅好多城市都唔一样。实际上,喺腓立比嘅犹太人要做崇拜,就需要聚集喺城外嘅河边。(使)申请成立会堂最少需要10个犹太男子,腓立比系咪连10个犹太男子都冇呢?好明显,腓立比人以罗马公民嘅身份为荣,就算佢哋只系享有部分嘅公民权,或者只系做二等公民,都觉得好自豪。( 徒行传16:13,14使徒行传16:21)会唔会因为噉,佢哋完全冇谂过保罗同西拉呢两个犹太人会系罗马公民呢?无论点都好,总之保罗同西拉受到唔公平嘅对待,俾人韫咗入监。
3. 点解保罗对俾人韫入监呢件事感到困惑?但系佢表现出点样嘅态度?
3 呢个时候,保罗可能都谂翻前嗰几个月发生嘅事。之前喺爱琴海另一边嘅小亚细亚,好多次圣灵都阻止佢进入某啲地区传道。睇嚟,圣灵指引紧佢去其他地方。(使徒行传16:6,7)不过,到底去边度呢?喺特洛阿斯嘅时候,保罗通过异象得到答案。异象入面有人恳求保罗话:“请嚟马其顿”。得到耶和华咁清晰嘅指示,保罗即刻接受邀请。(请读使徒行传16:8-10)但系,跟住发生咗咩事?佢去到马其顿之后冇几耐,就俾人韫咗入监!点解耶和华容许噉嘅事发生喺保罗身上呢?佢要坐几耐监呢?虽然保罗唔知呢啲问题嘅答案,佢仲系继续保持信心同喜乐。保罗同西拉开始“唱歌赞美上帝”。(使徒行传16:25)佢哋嘅内心同头脑都因为上帝所赐嘅平安而得到安慰。
4,5. (甲)我哋嘅情况同保罗嘅可能有乜嘢相似嘅地方?(乙)保罗嘅情况有乜嘢令人意想唔到嘅转变?
4 喺生活当中,你可能觉得自己嘅情况有时同保罗嘅好相似。或者你已经按照上帝圣灵嘅指引去做,不过事情嘅发展唔系好似你期待嘅噉。可能你要面对一啲挑战,又或者你喺新环境生活要作出好大嘅改变。(传道书9:11)谂翻转头,你都可能会问,点解耶和华容许某啲事发生。如果你有同样嘅困惑,乜嘢可以帮助你全心信赖耶和华,继续保持忍耐?为咗揾出答案,等我哋再睇翻保罗同西拉嘅记载。
5 就喺保罗同西拉唱赞美歌嘅时候,发生咗一连串佢哋意想唔到嘅事。突然间发生大地震,监狱嘅门都打开晒,所有囚犯嘅锁镣都松开咗,保罗制止狱卒自杀,狱卒同佢全家都受咗浸。第二日天一光,民政官就叫执法人员放咗保罗同西拉,要佢哋安静噉离开。后来,民政官知道咗保罗同西拉系罗马公民,意识到自己犯咗大错,于是就亲自护送佢哋两个离开。不过,保罗同西拉要求先去同啱啱受浸嘅姊妹吕底亚道别,仲利用呢个大好机会去强化弟兄。(使徒行传16:26-40)呢一切转变得真系快啊!
“超越人所能理解嘅”
6. 而家我哋会讨论同留意乜嘢?
6 我哋从呢啲事学到乜嘢呢?耶和华能够做出我哋意想唔到嘅事,所以我哋面对考验嘅时候唔需要过度忧虑。保罗后来写咗封信俾腓立比嘅弟兄,提到忧虑同上帝所赐嘅平安。从呢一点睇得出,呢啲经历肯定令保罗印象腓立比书4:6,7(请读)写嘅话。然后,我哋再留意其他圣经例子,睇吓耶和华点样用我哋意想唔到嘅方式嚟解决难题。最后,我哋会考虑吓耶和华所赐嘅平安可以点样帮助我哋保持忍耐,全心信赖佢。
深刻。等我哋先讨论吓保罗喺7. 保罗写信俾腓立比嘅弟兄嗰时,强调咗啲乜嘢?我哋可以从佢嘅话学到乜嘢?
7 腓立比嘅弟兄读保罗写俾佢哋嘅信嗰阵,一定记得发生喺保罗同西拉身上嘅事,亦都唔会忘记耶和华点样出人意料噉帮助佢哋。保罗想教导佢哋乜嘢呢?简单嚟讲,就系唔使担心。只要祷告,你就会得到上帝所赐嘅平安。值得留意嘅系,上帝所赐嘅平安系“超越人所能理解嘅”。呢句话系咩意思呢?有啲圣经译者将呢句话译成“超出我哋嘅一切想象”或者“超越人类嘅所有计划”。其实,保罗嘅意思系,上帝所赐嘅平安远远超过我哋能够想象嘅。虽然从我哋嘅角度可能睇唔到出路,不过耶和华可以,而且佢会用我哋意想唔到嘅方式帮助我哋。(请读彼得后书2:9)
8,9. (甲)虽然发生喺保罗身上嘅事好唔公平,但系最终有乜嘢好结果?(乙)点解腓立比嘅弟兄可以相信保罗嘅话?
8 腓立比嘅弟兄谂翻起呢十年来发生嘅事,一定大受强化。保罗写得好啱。虽然耶和华容许唔公平嘅事发生喺保罗身上,但因为噉,传讲好消息嘅工作最终可以“通过法律途径确立”。(腓立比书1:7)可能因为保罗系罗马公民,所以,就算民政官想对付喺腓立比新成立嘅基督徒会众,都要谂清谂楚。亦都因为噉,保罗同西拉离开腓立比之后,佢哋嘅同伴路加医生可以继续留低,为当地新近受浸嘅基督徒提供更多帮助。
9 冇错,腓立比嘅弟兄阅读保罗嘅信嗰阵,佢哋清楚知道呢啲话并唔系嚟自一个只系识得讲理论,其实冇乜实际经验嘅学者。事实上,保罗亲身经历咗好多艰难险阻,但系佢依然显出有上帝所赐嘅平安。保罗写呢封信嘅时候,正喺罗马遭受软禁,而上帝所赐嘅平安一直守护住佢。(腓立比书1:12-14;4:7,11,22)
“任何事都唔好忧虑”
10,11. 当我哋过度忧虑一件事嘅时候,应该点样做?我哋可以有乜嘢合理嘅睇法?
10 乜嘢可以帮助我哋对任何事都唔会过度忧虑,享有上帝所赐嘅平安呢?保罗对腓立比人讲嘅话向我哋表明,祷告系解决忧虑嘅良药。所以,我哋忧虑嘅时候,就应该将担心嘅事全部话晒俾耶和华知。(请读彼得前书5:6,7)要满怀信心向耶和华倾心吐意,相信佢一定关心你;亦要数算自己得到嘅福分,“连同感谢”献上祷告。紧记耶和华能够“成就一切,远远超过我哋一切所求所想嘅”,我哋对佢嘅信心就会受到强化。(以弗所书3:20)
11 就好似保罗同西拉呢次喺腓立哥林多前书10:13)当然,意思唔系话我哋坐喺度乜嘢都唔做,净系等住耶和华去扭转事态或解决问题。我哋要采取同祷告一致嘅行动。(罗马书12:11)我哋用行动证明自己系恳切真诚嘅,噉耶和华先至有理由祝福我哋。但同时,我哋要知道耶和华唔系只能够做到我哋请求、计划同期待嘅事,有时佢会用令人意想唔到嘅方式俾我哋惊喜。等我哋嚟考虑一啲可以增强我哋信心嘅圣经例子,睇吓耶和华帮助我哋嘅方式点样超出我哋嘅想象。
比嘅经历噉,耶和华为我哋所做嘅,或者会出乎我哋意料之外。呢啲事唔一定惊天动地,但就一定会系我哋需要嘅。(耶和华令人意想唔到嘅作为
12. (甲)面对亚述王西拿基立威胁嗰时,希西家王做咗啲乜嘢?(乙)我哋从耶和华解决问题嘅方式学到乜嘢?
12 我哋查考经文嘅时候可以揾到好多耶和华施行奇妙作为嘅例子。喺希西家王嘅日子,亚述王西拿基立入侵犹大国。除咗耶路撒冷之外,所有坚城全部沦陷。(列王纪下18:1-3,13)后来,西拿基立又将注意力转向耶路撒冷。喺呢个危急关头,希西家王做咗啲乜嘢呢?佢向耶和华祷告,亦都向先知以赛亚征求意见。(列王纪下19:5,15-20)希西家都尝试让步,交出咗西拿基立要求嘅贡品。(列王纪下18:14,15)同时,希西家为咗长期嘅守城战而做好准备。(历代志下32:2-4)危机点样解除?耶和华派出一个天使,喺一夜之间杀咗18万5000个西拿基立嘅士兵。连希西家都冇谂到事情会噉样发生!(列王纪下19:35)
通过创世记41:42,我哋从约瑟嘅经历学到乜嘢?(请睇第13段)
13. (甲)我哋从约瑟嘅经历学到乜嘢?(乙)有乜嘢出乎意料嘅事发生喺亚伯拉罕嘅妻子撒拉身上?
13 我哋又睇吓年轻时候嘅约瑟,佢系雅各嘅仔。喺埃及坐监嘅时候,约瑟有冇谂过,有一日自己会得到法老重用治理全埃及呢?或者佢有冇预料到,耶和华会用佢去拯救自己嘅家族免受饥荒?(创世记40:15;41:39-43;50:20)毫无疑问,耶和华所做嘅远远超出约瑟嘅想象。我哋再考虑吓约瑟嘅曾祖母撒拉。上咗年纪嘅撒拉有冇认为耶和华真系会俾佢一个亲生仔,而唔系只系通过佢嘅女仆替自己生一个名义上嘅仔?最终,以撒嘅出世确实远远超出撒拉嘅想象。(创世记21:1-3,6,7)
14. 我哋确信耶和华可以点样帮助我哋?
以赛亚书43:10-13)知道呢一点,使我哋对佢更加有信心。我哋知道,佢会俾我哋所需嘅力量去成就佢嘅旨意。(哥林多后书4:7-9)我哋从呢啲圣经例子学到乜嘢呢?希西家、约瑟同撒拉嘅例子表明,只要我哋忠于耶和华,佢就会帮助我哋解决一啲喺人睇嚟冇办法解决嘅事。
14 当然,我哋唔会期望,喺应许嘅新世界嚟到之前,耶和华会好神奇噉除去我哋嘅一切难题;我哋亦都唔会向耶和华提出要求,一定要喺我哋嘅生活里面做啲惊天动地嘅事。但系我哋知道,如果上帝耶和华想以奇妙嘅方式帮助佢嘅仆人,佢一定做得到。(请读只要我哋忠于耶和华,佢就会帮助我哋解决一啲喺人睇嚟冇办法解决嘅事
15. 乜嘢帮助我哋继续享有上帝所赐嘅平安?通过乜嘢先可以做得到?
15 我哋面对挑战嘅时候,点先可以继续享有上帝所赐嘅平安呢?就系要同我哋嘅上帝耶和华保持亲密嘅关系。呢种关系只有“通过基督耶稣”献出嘅赎价先可以得到。提供赎价系我哋天父嘅另一个奇妙作为。耶和华用赎价嚟遮盖我哋嘅罪,使我哋有清白嘅良心,可以亲近佢。(约翰福音14:6;雅各书4:8;彼得前书3:21)
守护我哋嘅内心同头脑
16. 我哋得到上帝所赐嘅平安之后,结果会点样呢?请解释。
16 我哋得到上帝赐嘅“超越人所能理解嘅[平安]”之后,结果会点样呢?经文话:“通过基督耶稣,可以守护[我哋]嘅内心同头脑。”(腓立比书4:7)“守护”呢个词喺圣经原文系一个军事用语,用嚟描述古代嘅驻军部队奉命守卫坚城。腓立比就系一座噉样嘅城。腓立比嘅居民知道有士兵守护住城门,佢哋就可以瞓得好安心。同样,当我哋有上帝所赐嘅平安,内心同头脑就可以得到安舒。我哋知道耶和华好关心我哋,希望我哋享有幸福快乐嘅生活。(彼得前书5:10)明白呢一点,可以使我哋避免过度忧虑或者感到灰心。
17. 乜嘢帮助我哋信心十足噉面对未来?
17 好快,地上嘅人类将会面临史无前例嘅大患难。(马太福音24:21,22)我哋唔知道自己喺大患难期间会遇到啲咩事。不过,我哋唔需要为呢件事太过忧虑。虽然我哋唔知道耶和华将会做嘅每一件事,不过我哋认识我哋嘅上帝。我哋从耶和华以往所做嘅事可以睇出,无论发生咩事,佢一定会实现自己嘅旨意,有时所用嘅方式系我哋意想唔到嘅。每一次耶和华为我哋噉样做,我哋都可能会以唔同嘅方式体会到上帝所赐嘅“超越人所能理解嘅”平安。
^ 1段 睇嚟,西拉都系一个罗马公民。(使徒行传16:37)