စရိုက်ဟောင်းကို ချွတ်ပယ်ထားနိုင်ပုံ
“စရိုက်ဟောင်းကိုရော စရိုက်ဟောင်းရဲ့ အကျင့်တွေကိုပါ ချွတ်ပယ်ကြပါ။”—ကော. ၃:၉။
၁၊ ၂။ ယေဟောဝါသက်သေတွေနဲ့ပတ်သက်ပြီး ဘာသတိပြုမိကြသလဲ။
ယေဟောဝါလူမျိုးရဲ့ ထူးခြားတဲ့ အရည်အသွေးတွေကို လေ့လာသူတွေ မှတ်ချက်ပြုကြတယ်။ ဥပမာ၊ နာဇီ ဂျာမနီခေတ်က ညီအစ်ကို/မတွေနဲ့ပတ်သက်ပြီး စာရေးဆရာ အန်တန် ဂီးလ်က “ယေဟောဝါသက်သေတွေဟာ နာဇီတွေရဲ့ အထူးရန်လိုမှု ခံရတယ်။ . . . ၁၉၃၉ ခုနှစ်တုန်းက [ချွေးတပ်စခန်းတွေမှာ] သက်သေခံ ၆,၀၀၀ ရှိတယ်” လို့ပြောတယ်။ ရက်ရက်စက်စက် နှိပ်စက်ခံရတာတောင် “တည်တည်ငြိမ်ငြိမ် အေးအေးဆေးဆေးပဲ။ သမာဓိရှိပြီး စည်းလုံးညီညွတ်ကြတယ်” လို့ ဆက်ပြောတယ်။
၂ မကြာသေးခင်တုန်းက တောင်အာဖရိကမှာရှိတဲ့ လေ့လာသူတွေလည်း ဘုရားသခင့်လူမျိုးရဲ့ အလားတူ အရည်အသွေးကောင်းတွေကို သတိပြုမိကြတယ်။ တစ်ချိန်က အဲဒီနိုင်ငံမှာ အသားအရောင် မတူတဲ့ သက်သေခံတွေ လွတ်လွတ်လပ်လပ် မပေါင်းသင်းနိုင်ခဲ့ကြဘူး။ ဒါပေမဲ့ ၂၀၁၁၊ ဒီဇင်ဘာ ၁၈ ရက်၊ တနင်္ဂနွေနေ့မှာ တောင်အာဖရိကနဲ့ အိမ်နီးချင်းနိုင်ငံတွေက လူမျိုးပေါင်းစုံတဲ့ ညီအစ်ကို/မ ၇၈,၀၀၀ ကျော်ဟာ ဂျိုဟန်နက်စ်ဘာ့ဂ်မြို့ အားကစားရုံကြီးမှာ ဝတ်ပြုစည်းဝေးဖို့ စုရုံးခဲ့ကြတယ်။ အားကစားရုံ မန်နေဂျာက “ကျွန်တော် တွေ့ဖူးသမျှမှာ အရည်မွန်ဆုံးလူတွေပဲ။ အားလုံး သပ်သပ်ရပ်ရပ် ဝတ်ဆင်ထားကြတယ်။ အားကစားရုံကို သန့်ရှင်းရေး လုပ်ပေးကြတယ်။ တကယ့်လူမျိုးပေါင်းစုံပါပဲ” လို့ပြောတယ်။
၃။ ညီအစ်ကိုအသင်းအပင်းကို ဘာက စည်းလုံးစေသလဲ။
၁ ပေ. ၅:၉) ဒါပေမဲ့ တခြားအဖွဲ့အစည်းတွေနဲ့ ဘာက ကွဲပြားစေသလဲ။ ကျမ်းစာနဲ့ သန့်ရှင်းသော စွမ်းအားတော် အကူအညီအားဖြင့် ‘စရိုက်ဟောင်းကို ချွတ်ပယ်’ ပြီး “စရိုက်သစ်ကို ဝတ်ဆင်” ဖို့ ကြိုးစားကြတယ်။—ကော. ၃:၉၊ ၁၀။
၃ သက်သေခံ မဟုတ်သူတွေရဲ့ အလားတူ မှတ်ချက်တွေက အပြည်ပြည်ဆိုင်ရာ ညီအစ်ကိုအသင်းအပင်းရဲ့ စည်းလုံးမှုကို ဖော်ပြတယ်။ (၄။ ဒီဆောင်းပါးမှာ ဘာအကြောင်း ဆွေးနွေးသုံးသပ်ကြမလဲ။ ဘာကြောင့်လဲ။
၄ စရိုက်ဟောင်းကို ချွတ်တာနဲ့ ပယ်ထားတာ မတူဘူး။ ဒီဆောင်းပါးမှာ စရိုက်ဟောင်းကို ဘယ်လို ချွတ်ပယ်နိုင်ကြောင်း၊ ချွတ်ပယ်ဖို့ ဘာကြောင့် အရေးကြီးကြောင်း၊ မကောင်းတဲ့ အကျင့်တွေ ဘယ်လောက်ပဲ အမြစ်စွဲနေပါစေ ပြောင်းလဲနိုင်ကြောင်း ဆွေးနွေးပါမယ်။ အမှန်တရားထဲ နှစ်ပေါင်းများစွာ ရှိနေသူတွေ စရိုက်ဟောင်းကို ဘယ်လို ချွတ်ပယ်ထားနိုင်ကြောင်းလည်း ဆန်းစစ်သွားပါမယ်။ အဲဒီသတိပေးချက်တွေ ဘာကြောင့် လိုအပ်သလဲ။ ယေဟောဝါကို တစ်ချိန်က ဝတ်ပြုသူတချို့ သတိမပြုမိဘဲ လမ်းဟောင်းဘက် ပါသွားကြတယ်။ “ကိုယ့်ကိုယ်ကိုယ် တည်ကြည်တယ်လို့ ထင်နေရင် မလဲသွားအောင် သတိထားပါ” ဆိုတဲ့ သတိပေးချက်ကို ကျွန်တော်တို့အားလုံး နှလုံးသွင်းဖို့ လိုတယ်။—၁ ကော. ၁၀:၁၂။
‘လိင်အကျင့်ယိုယွင်းခြင်းကို ဖြစ်ပေါ်စေတဲ့’ ဆန္ဒအားလုံးကို “သေစေကြပါ”
၅။ (က) စရိုက်ဟောင်းကို ချွတ်ပယ်ဖို့ ဘာကြောင့် အရေးတကြီး လိုအပ်သလဲ။ (ဆောင်းပါးအစမှာပါတဲ့ ရုပ်ပုံကို ကြည့်ပါ။) (ခ) ကောလောသဲ ၃:၅-၉ အရ စရိုက်ဟောင်းမှာ ဘယ်အကျင့်တွေ ပါဝင်သလဲ။
၅ အဝတ်အစား ညစ်ပတ်နံစော်နေရင် ဘာလုပ်မလဲ။ ချက်ချင်း ချွတ်ပစ်လိုက်မှာပဲ။ အလားတူပဲ ဘုရားသခင့် ဂုဏ်ရည်တော်နဲ့ ဆန့်ကျင်တဲ့ အကျင့်တွေကို စွန့်ပါဆိုတဲ့ ပညတ်ကို အရေးတကြီး နာခံရမယ်။ အဲဒါတွေကို “ရှောင်ရမယ်” ဆိုတဲ့ ပေါလုရဲ့ ရှင်းလင်းတဲ့ ညွှန်ကြားချက်ကို လိုက်နာရမယ်။ ပေါလု ဖော်ပြခဲ့တဲ့ လိင်အကျင့်ယိုယွင်းခြင်း၊ ညစ်ညူးစွာကျင့်ခြင်းဆိုတဲ့ အပြစ်ရှိတဲ့အကျင့်နှစ်ခုအကြောင်း ဆွေးနွေးသုံးသပ်ကြစို့။—ကောလောသဲ ၃:၅-၉ ကိုဖတ်ပါ။
၆၊ ၇။ (က) ပေါလုရဲ့ စကားတွေက စရိုက်ဟောင်းကို ချွတ်ဖို့ ကြိုးစားအားထုတ်ရမယ်ဆိုတာ ဘယ်လို ဖော်ပြသလဲ။ (ခ) ဆာကူရာ ဘယ်လိုဘဝပုံစံမျိုးနဲ့ နေထိုင်ခဲ့သလဲ။ ကျောခိုင်းစွန့်ခွာဖို့ ဘာက ကူညီပေးခဲ့သလဲ။
၆ လိင်အကျင့်ယိုယွင်းခြင်း။ ကျမ်းစာမှာ “လိင်အကျင့်ယိုယွင်းခြင်း” လို့ ပြန်ဆိုထားတဲ့ မူရင်းစကားလုံးမှာ တရားဝင် လက်မထပ်ထားသူ နှစ်ယောက် လိင်မှုပြုခြင်း၊ လိင်တူဆက်ဆံခြင်းတို့ ပါဝင်တယ်။ “ကိုယ်ခန္ဓာအစိတ်အပိုင်းတွေ၊” တစ်နည်းအားဖြင့် ‘လိင်အကျင့်ယိုယွင်းခြင်းကို ဖြစ်ပေါ်စေတဲ့’ ဆန္ဒမှန်သမျှကို “သေစေကြ” ဖို့ ခရစ်ယာန်တွေကို ပေါလု တိုက်တွန်းခဲ့တယ်။ ပေါလုရဲ့ စကားက မကောင်းတဲ့ဆန္ဒတွေကို ဖယ်ရှားပစ်ဖို့ ကြိုးစားအားထုတ်မှု လိုကြောင်း အထင်အရှား ဖော်ပြတယ်။ ဒါပေမဲ့ အပြစ်ရှိတဲ့အလိုဆန္ဒတွေကို တိုက်ခိုက်အောင်မြင်နိုင်ပါတယ်။
၇ ဂျပန်နိုင်ငံက ဆာကူရာ * အကြောင်း သုံးသပ်ကြည့်ပါ။ အထီးကျန်စိတ်၊ တန်ဖိုးမရှိဘူးဆိုတဲ့စိတ်နဲ့ ကြီးပြင်းလာတယ်။ အသက် ၁၅ နှစ်ကစပြီး အထီးကျန်စိတ်ကို ဖြေဖျောက်ဖို့ လူအမျိုးမျိုးနဲ့ လိင်ဆက်ဆံခဲ့တယ်။ “ဒါကြောင့် ကိုယ်ဝန် သုံးကြိမ် ဖျက်ချခဲ့ရတယ်။ ပထမတော့ အချစ်ခံရတယ်ဆိုပြီး လုံခြုံမှုခံစားခဲ့ရတယ်။ ဒါပေမဲ့ ပိုအကျင့်ပျက်လေ လုံခြုံမှု ပိုမဲ့လေပဲ” လို့ ရှက်ရှက်နဲ့ ဝန်ခံခဲ့တယ်။ အသက် ၂၃ နှစ်အထိ အဲဒီလိုပဲ နေထိုင်ခဲ့တယ်။ နောက်ပိုင်း သက်သေခံတွေနဲ့ ကျမ်းစာ စလေ့လာခဲ့တယ်။ သိရှိလာတာတွေကို နှစ်သက်တယ်။ ယေဟောဝါရဲ့ အကူအညီကြောင့် အပြစ်ရှိတယ်၊ ရှက်စရာကောင်းတယ်ဆိုတဲ့ ခံစားချက်ကို အနိုင်ယူပြီး လိင်အကျင့်ပျက်မှုကို ရှောင်နိုင်ခဲ့တယ်။ အခု မှန်မှန်ရှေ့ဆောင်အဖြစ် အမှုဆောင် နေပြီး အထီးကျန်တယ်လို့ မခံစားရတော့ဘူး။ “ယေဟောဝါရဲ့ မေတ္တာတော်အောက်မှာ နေ့တိုင်း ခိုလှုံခွင့်ရလို့ တကယ်ပျော်တယ်” လို့ပြောတယ်။
ညစ်ညူးတဲ့ အကျင့်တွေကို အနိုင်ယူခြင်း
၈။ ဘုရားသခင်ရှေ့ ညစ်ညူးစေနိုင်တဲ့ အရာတချို့က ဘာတွေလဲ။
၈ ညစ်ညူးစွာ ကျင့်ခြင်း။ ကျမ်းစာမှာ “ညစ်ညူးစွာ ကျင့်ခြင်း” လို့ ဘာသာပြန်ထားတဲ့ မူရင်းစကားလုံးဟာ လိင်ဆိုင်ရာအပြစ်တွေထက်မက ပါဝင်တဲ့၊ ကျယ်ပြန့်တဲ့ အသုံးအနှုန်း ဖြစ်တယ်။ အန္တရာယ်ရှိတဲ့အကျင့် ဆေးလိပ်သောက်ခြင်း၊ ညစ်ညမ်းတဲ့ ပြက်လုံးပြောခြင်းကို ရည်ညွှန်းနိုင်တယ်။ (၂ ကော. ၇:၁။ ဧ. ၅:၃၊ ၄) ကိုယ့်ဘာသာကိုယ် လိင်ဆန္ဒဖြေခြင်းကို ဦးတည်စေနိုင်တဲ့ ညစ်ညမ်းရုပ်ပုံစာပေတွေ ကြည့်ခြင်း၊ ဖတ်ခြင်းစတဲ့ လူကွယ်ရာမှာလုပ်တဲ့ ညစ်ညူးတဲ့အကျင့်တွေနဲ့လည်း သက်ဆိုင်တယ်။—ကော. ၃:၅။ *
၉။ “ရမ္မက်ဆန္ဒကို မချုပ်တည်း” ရင် ဘာဆိုးကျိုးတွေ ရရှိနိုင်သလဲ။
၉ ညစ်ညမ်းရုပ်ပုံကို ကြည့်ရှုလေ့ရှိသူတွေဟာ “ရမ္မက်ဆန္ဒကို မချုပ်တည်း” နိုင်တော့ဘဲ လိင်မှုကိစ္စကို စွဲလမ်းသွားနိုင်တယ်။ ညစ်ညမ်းရုပ်ပုံ မကြည့်ရမနေနိုင်သူတွေဟာ အရက်၊ မူးယစ်ဆေးစွဲသူတွေရဲ့ လက္ခဏာမျိုး ခံစားရတယ်လို့ လေ့လာမှုတွေက ဖော်ပြတယ်။ ညစ်ညမ်းရုပ်ပုံ ကြည့်ရှုတဲ့အကျင့်ကြောင့် ရှက်စိတ်၊ လုပ်ငန်းခွင်မှာ စွမ်းဆောင်ရည် ကျဆင်းမှု၊ မိသားစုဘဝ မသာယာမှု၊ ကွာရှင်းပြတ်စဲမှု၊ သေကြောင်းကြံမှုစတဲ့ ဆိုးကျိုးတွေ ခံစားကြရတယ်။ ညစ်ညမ်းရုပ်ပုံစာပေ စွဲတဲ့အကျင့် ဖြတ်နိုင်တာ တစ်နှစ်ပြည့်ခဲ့သူတစ်ယောက်က “ဆုံးၡုံးခဲ့ရတဲ့ သမာဓိစိတ်ကို ပြန်ရပြီ” လို့ ရေးတယ်။
၁၀။ ညစ်ညမ်းရုပ်ပုံစာပေ စွဲလမ်းမှုကို ရီဘေရို ဘယ်လို အနိုင်ယူခဲ့သလဲ။
၁၀ လူများစွာဟာ ညစ်ညမ်းရုပ်ပုံစာပေနဲ့ ကင်းကင်းနေဖို့ မပြတ်တွန်းလှန်နေကြရတယ်။ ဒါပေမဲ့ ဘရာဇီးနိုင်ငံက ရီဘေရိုအဖြစ်က ဖော်ပြတဲ့အတိုင်း တိုက်ခိုက်အောင်မြင်နိုင်ပါတယ်။ ရီဘေရိုဟာ ဆယ်ကျော်သက်အရွယ်မှာ အိမ်ကနေ ထွက်ပြီး စက္ကူစက်ရုံမှာ အလုပ်လုပ်တယ်။ အဲဒီမှာ ညစ်ညမ်းရုပ်ပုံစာပေတွေနဲ့ ထိတွေ့ခဲ့တယ်။ “တဖြည်းဖြည်း စွဲလာတယ်။ ကျွန်တော်နဲ့အတူနေတဲ့ အမျိုးသမီး အပြင်ထွက်တာကို မစောင့်နိုင်လောက်အောင် ညစ်ညမ်းဗီဒီယို ကြည့်ချင်စိတ် ဖြစ်ခဲ့တယ်” လို့ပြောတယ်။ တစ်နေ့ အလုပ်လုပ်နေတုန်း မိသားစုပျော်ရွှင်မှု၏ လျှို့ဝှက်ချက်စာအုပ်ကို သတိပြုမိတယ်။ စာအုပ်ပုံထဲကနေ ကောက်ဖတ်လိုက်တယ်။ သိလာတဲ့အရာတွေကြောင့် ယေဟောဝါသက်သေတွေနဲ့ ကျမ်းစာလေ့လာဖြစ်ခဲ့တယ်။ ဒါပေမဲ့ အကျင့်ဆိုးကို ဖြတ်ဖို့ အချိန်အကြာကြီး ယူရတယ်။ သူ့ကို ဘာက ကူညီပေးခဲ့သလဲ။ “ဆုတောင်းခြင်း၊ ကျမ်းစာလေ့လာခြင်း၊ တွေးတောဆင်ခြင်ခြင်းတို့ကြောင့် ဘုရားသခင့် အရည်အသွေးတွေကို ပိုတန်ဖိုးထားလာတယ်။ ယေဟောဝါကို ချစ်တဲ့မေတ္တာဟာ ညစ်ညမ်းရုပ်ပုံစာပေ ကြည့်ရှုချင်တဲ့စိတ်ထက် ပြင်းထန်လာတယ်” လို့ ရှင်းပြတယ်။ ရီဘေရိုဟာ ကျမ်းစာနဲ့ သန့်ရှင်းသော စွမ်းအားတော်ရဲ့ အကူအညီကြောင့် စရိုက်ဟောင်းကို ချွတ်ပယ်ပြီး နှစ်ခြင်းခံခဲ့တယ်။ အခု အသင်းတော် အကြီးအကဲအဖြစ် အမှုဆောင်နေပြီ။
၁၁။ ညစ်ညမ်းရုပ်ပုံစာပေနဲ့ ကင်းကင်းနေနိုင်အောင် ဘာလိုအပ်သလဲ။
၁၁ ရီဘေရိုဟာ တိုက်ခိုက်အောင်မြင်နိုင်ဖို့ ကျမ်းစာကို လေ့လာရုံထက်မက ပြုလုပ်ခဲ့ကြောင်း သတိပြုပါ။ ကျမ်းစာသတင်းစကား နှလုံးသားထဲ ရောက်အောင် အချိန်ယူခဲ့တယ်။ ဆုတောင်းခြင်း၊ တွေးတောဆင်ခြင်ခြင်းအားဖြင့် ဘုရားသခင်ကို ချစ်တဲ့မေတ္တာက ညစ်ညမ်းရုပ်ပုံစာပေ စွဲလမ်းစိတ်ကို အနိုင်ယူသွားတယ်။ ယေဟောဝါကို ချစ်တဲ့စိတ်၊ မကောင်းမှုကို မုန်းတဲ့စိတ် မွေးမြူခြင်းဟာ ညစ်ညမ်းရုပ်ပုံစာပေနဲ့ ကင်းကင်းနေနိုင်တဲ့ အကောင်းဆုံးနည်းလမ်းပါပဲ။—ဆာလံ ၉၇:၁၀ ကိုဖတ်ပါ။
စိတ်ဆိုးတာ၊ ဆဲဆိုတာ၊ လိမ်ပြောတာကို ရှောင်ပါ
၁၂။ စိတ်ဆိုးတာ၊ ဆဲဆိုတာကို ရှောင်ဖို့ စတီဗင်ကို ဘာက ကူညီပေးသလဲ။
၁၂ စိတ်ဆိုးလွယ်သူတွေဟာ ဆဲဆိုတတ်ကြတယ်။ အဲဒီအကျင့်က ပျော်ရွှင်တဲ့ မိသားစုဘဝကို မရရှိစေနိုင်ဘူး။ ဩစတြေးလျနိုင်ငံက ဖခင် စတီဗင်က “ကျွန်တော် အတော့်ကို ဆဲတတ်တယ်။ ဘာမဟုတ်တာလေးနဲ့ ဒေါသပေါက်ကွဲတတ်တယ်။ ဇနီးနဲ့ ခွဲနေတာ သုံးကြိမ်ရှိပြီ။ ကွာရှင်းဖို့ စီစဉ်နေတယ်” လို့ပြောတယ်။ နောက်ပိုင်း လင်မယားနှစ်ယောက် သက်သေခံတွေနဲ့ ကျမ်းစာ စလေ့လာတယ်။ ကျမ်းစာလမ်းညွှန်ချက်အတိုင်း လိုက်လျှောက်လို့ ဘာကောင်းကျိုးရသလဲ။ “အိမ်ထောင်ရေး သိသိသာသာ အဆင်ပြေလာတယ်။ ယေဟောဝါရဲ့ အကူအညီကြောင့် သင့်မြတ်အေးချမ်းတတ်လာတယ်။ အရင်ကတော့ ကျွန်တော့်ဒေါသစိတ်က ဘာမှ မဟုတ်တာလေးနဲ့ ပေါက်ကွဲတော့မယ့် ဗုံးလိုပဲ” လို့ စတီဗင် ပြောတယ်။ အခု စတီဗင်ဟာ အသင်းတော် အမှုထမ်းအဖြစ် အမှုဆောင်နေပြီ။ ဇနီးလည်း မှန်မှန်ရှေ့ဆောင်အဖြစ် အမှုဆောင်နေတာ နှစ်အတော်ကြာပြီ။ စတီဗင်ရဲ့ အသင်းတော် အကြီးအကဲတွေက “စတီဗင်ဟာ အလုပ်ကြိုးစားပြီး နှိမ့်ချတဲ့လူအေးပါ” လို့ပြောကြတယ်။ သူဒေါသထွက်တာကို တစ်ခါမှ မမြင်ဖူးကြဘူး။ ပြောင်းလဲမှုအတွက် ချီးမွမ်းဂုဏ်တင်တာကို စတီဗင် လက်ခံသလား။ “စရိုက်ပြောင်းလဲနိုင်အောင် ယေဟောဝါ ကူညီပေးတာကိုသာ လက်မခံခဲ့ရင် ဒီကောင်းချီးတွေ ရမှာ မဟုတ်ဘူး” လို့ပြောတယ်။
၁၃။ စိတ်ဆိုးတာ ဘာကြောင့် အလွန်အန္တရာယ် ရှိသလဲ။ ကျမ်းစာက ဘယ်လို သတိပေးထားသလဲ။
၁၃ စိတ်ဆိုးတာ၊ ဆဲဆိုတာ၊ အော်ဟစ်ငေါက်ငမ်းတာတွေကို ရှောင်ဖို့ ကျမ်းစာ သတိပေးထားတာ အကြောင်းကောင်း ရှိတယ်။ (ဧ. ၄:၃၁) အဲဒါတွေက အကြမ်းဖက်မှုအထိ တွန်းပို့ပေးလေ့ရှိတယ်။ စိတ်ဆိုးတာကို လောက,ကတော့ သာမန်အဖြစ် ရှုမြင်ပေမဲ့ ဖန်ဆင်းရှင်ကို ရှုတ်ချရာရောက်တယ်။ လူများစွာဟာ စရိုက်သစ်ကို မဝတ်ဆင်ခင် အန္တရာယ်ရှိတဲ့ ဒီအကျင့်တွေကို ချွတ်ပယ်ခဲ့ကြရတယ်။—ဆာလံ ၃၇:၈-၁၁ ကိုဖတ်ပါ။
၁၄။ ဒေါသကြီးသူတစ်ယောက် နူးညံ့လာနိုင်သလား။
၁၄ ဩစတြီးယားနိုင်ငံက အသင်းတော် အကြီးအကဲ ဟန်းစ်အကြောင်း သုံးသပ်ကြည့်ပါ– “သူဟာ တွေ့ချင်စရာ အကောင်းဆုံး၊ အနူးညံ့ဆုံး ညီအစ်ကိုတစ်ယောက်ပဲ” လို့ သူ့အသင်းတော်က အကြီးအကဲအဖွဲ့ ညှိနှိုင်းရေးမှူး ပြောတယ်။ ဒါပေမဲ့ ဟန်းစ်က အမြဲနူးညံ့ခဲ့တာတော့ မဟုတ်ဘူး။ ဆယ်ကျော်သက်အရွယ်မှာ အရက်သောက်တယ်။ ဒေါသကြီးတယ်။ အရက်ကြောင့် ဒေါသထွက်ပြီး ရည်းစားကို သတ်မိလို့ ထောင်ဒဏ် အနှစ် ၂၀ ကျခဲ့တယ်။ အစပိုင်းမှာတော့ ထောင်က ဒေါသကြီးတဲ့အကျင့်ကို မပြောင်းလဲပေးနိုင်ခဲ့ဘူး။ ဒီလိုနဲ့ သူ့အမေက ထောင်ကျနေတဲ့သားနဲ့ အကြီးအကဲကို ဆက်သွယ်ပေးတယ်။ ဒါနဲ့ ဟန်းစ် ကျမ်းစာ စလေ့လာခဲ့တယ်။ “စရိုက်ဟောင်းကို ချွတ်ဖို့ တော်တော်ခက်တယ်။ ကျွန်တော့်ကို ကူညီပေးတဲ့ ကျမ်းချက်တွေကတော့ ‘လူဆိုးက မိမိလမ်းစဉ်ကို စွန့်ပါစေ’ ဆိုတဲ့ ဟေရှာယ ၅၅:၇၊ ‘ခင်ဗျားတို့ထဲက တချို့ဟာ အရင်က အဲဒီလိုလုပ်ခဲ့ကြတယ်’ ဆိုတဲ့ ၁ ကောရိန္သု ၆:၁၁ တို့ပါပဲ။ စရိုက်သစ်ကို ဝတ်ဆင်နိုင်ဖို့ သန့်ရှင်းသော စွမ်းအားတော်အားဖြင့် ယေဟောဝါ နှစ်ပေါင်းများစွာ စိတ်ရှည်ရှည် ကူညီပေးခဲ့တယ်” လို့ ဟန်းစ် ပြောတယ်။ ထောင်ဒဏ် ၁၇ နှစ်ခွဲ ကျပြီးတဲ့နောက် ဟန်းစ်ဟာ နှစ်ခြင်းခံပြီးသား ခရစ်ယာန်အဖြစ် ထောင်ကနေ လွတ်လာတယ်။ “ယေဟောဝါရဲ့ ကရုဏာ၊ ခွင့်လွှတ်မှုကို ကျေးဇူးတင်တယ်” လို့ပြောတယ်။
၁၅။ ဘယ်အကျင့် မဆန်းတော့သလဲ။ ကျမ်းစာမှာ ဘာပြောထားသလဲ။
၁၅ ဆဲဆိုခြင်းအပြင် လိမ်ပြောခြင်းဟာလည်း စရိုက်ဟောင်းရဲ့ အကျင့်တစ်ခုပဲ။ ဥပမာ၊ အခွန် ရှောင်ဖို့၊ ဆာ. ၃၁:၅) ဒါကြောင့် “လိမ်လည်ပြောဆိုတာကို ဖယ်ရှားပြီး အချင်းချင်း မှန်တဲ့စကားကိုပဲ ပြော” ဖို့ တောင်းဆိုထားတယ်။ (ဧ. ၄:၂၅။ ကော. ၃:၉) အရှက်ကွဲမယ်၊ အဆင်မပြေဖြစ်မယ်ဆိုရင်တောင် အမှန်အတိုင်း ပြောရမယ်။—ပညာ. ၆:၁၆-၁၉။
အပြစ် မခံယူရဖို့ လူတွေ လိမ်ကြတာ မဆန်းတော့ဘူး။ ယေဟောဝါကတော့ “အမှန်တရားရဲ့ ဘုရား” ဖြစ်တယ်။ (သူတို့ အောင်မြင်ခဲ့ပုံ
၁၆။ စရိုက်ဟောင်း ချွတ်ပယ်ရာမှာ ဘယ်လို အောင်မြင်နိုင်သလဲ။
၁၆ စရိုက်ဟောင်းကို ကိုယ့်အစွမ်းခွန်အားနဲ့ မချွတ်ပယ်နိုင်ဘူး။ ဒီဆောင်းပါးမှာ ဖော်ပြတဲ့ ဆာကူရာ၊ ရီဘေရို၊ စတီဗင်၊ ဟန်းစ်တို့ဟာ အကျင့်ဆိုးတွေကို စွန့်ဖို့ တိုက်လှန်ခဲ့ကြတယ်။ မိမိတို့စိတ်နှလုံးမှာ ကျမ်းစာနဲ့ သန့်ရှင်းသော စွမ်းအားတော်ရဲ့ လွှမ်းမိုးမှု ခံယူခြင်းအားဖြင့် တိုက်ခိုက်အောင်မြင်ခဲ့ကြတယ်။ (လု. ၁၁:၁၃။ ဟီ. ၄:၁၂) အဲဒီလိုခံယူဖို့ နေ့တိုင်း ကျမ်းစာဖတ်ရမယ်၊ တွေးတောဆင်ခြင်ရမယ်၊ ကျမ်းစာအကြံဉာဏ်ကို ကျင့်သုံးနိုင်တဲ့ ဉာဏ်ပညာနဲ့ ခွန်အားပေးဖို့ မပြတ်ဆုတောင်းရမယ်။ (ယောရှု ၁:၈။ ဆာ. ၁၁၉:၉၇။ ၁ သက်. ၅:၁၇) အသင်းတော် အစည်းအဝေးတွေ ပြင်ဆင်တက်ရောက်ခြင်းအားဖြင့်လည်း ကျမ်းစာနဲ့ သန့်ရှင်းသော စွမ်းအားတော်ကနေ အကျိုးရရှိကြတယ်။ (ဟီ. ၁၀:၂၄၊ ၂၅) ကျမ်းစာအကြောင်းအရာတွေကို ကမ္ဘာတစ်ဝန်းက ဘုရားသခင့်လူမျိုး ရရှိနေတဲ့ နည်းလမ်းအမျိုးမျိုးကို အသုံးပြုရမယ်။—လု. ၁၂:၄၂။
စရိုက်ဟောင်း ချွတ်ပယ်ရာမှာ ဘယ်လို အောင်မြင်နိုင်သလဲ (အပိုဒ် ၁၆ ကိုကြည့်ပါ)
၁၇။ နောက်ဆောင်းပါးမှာ ဘာအကြောင်း ဆွေးနွေးကြမလဲ။
၁၇ ခရစ်ယာန်တွေ ချွတ်ပယ်ထားရမယ့် အကျင့်ဆိုးတချို့ကို လေ့လာသုံးသပ်ခဲ့ကြပါပြီ။ ချွတ်ပယ်ထားရုံနဲ့ ဘုရားသခင့် မျက်နှာသာ ရပြီလား။ မရပါဘူး။ စရိုက်သစ်ကိုလည်း ဝတ်ဆင်ရမယ်။ အမြဲတမ်း ဝတ်ဆင်ထားရမယ့် စရိုက်သစ်တချို့အကြောင်း နောက်ဆောင်းပါးမှာ ဆွေးနွေးသုံးသပ်ပါမယ်။
^ စာပိုဒ်၊ 7 ဒီဆောင်းပါးမှာ နာမည်တချို့ ပြောင်းထားပါတယ်။