Paliding no Efa ato Tamohong Mamidipot to Finawlan no Kawas
“Ano masongilaˈ namo a midoedo ko limoˈot [ni Yihofa] Kawas namo i, caay ka eca ka laheci konini a demak.”—CIKARIYA 6:15.
RADIW: 17, 136
1, 2. Maˈarawto ni Cikariya ko saka 7 mapolosi ikor, samaanayho ko pakayraan no Yirusalim?
MAˈARAWTO ni Cikariya ko saka 7 a mapolosi ikor, misimsimay to adihayay demak cingra. Mikiˈokay ci Yihofa to tatefocen Ningra ko misamangahay a tamdaw, patanoktok to pasoˈlinay falocoˈ ni Cikariya. Kawra, cowaho ka falic ko pakayraan itiya. O misamangahay waywayan ato tatiihay demak kamayanayho ira, o patirengay to fangcalay sefi i Yirusalim a demak cowaho ko mamalaheci. Misamaanay hano kaliki a sawaden no Israil tamdaw ko sapatorod no Kawas a demak hani? Minokay tayra i Yirusalim cangra o saka siemelaw aca no ˈorip nangra han?
2 Mafanaˈay ci Cikariya tora minokayay tayra i Yirusalim a Israil tamdaw, ˈifowaay a pakasoˈlin to Kawas. O matemeray no Kawas ko falocoˈ nangra, saka makahi a misawad to singdi, miliyas to lomaˈ nangra. (Icra 1:2, 3, 5) Liyasen nangra ko kananaman a pala, malinah tayra i cowaho ka tayratayra ko ˈalomanay nangra. Ano cowa ka pisakareteng to patirengay to fangcalay sefi, makahi a nimaan milakowit to tokotokosan a lalan, maroray a romakat to 1,600 kongli ko nika raay han?
3, 4. Tahasiˈayaway to masamaanay a pasangar koya minokayay tayra i Yirusalim a Israil tamdaw?
3 Samaanay kora noka romakat tayra i Yirusalim hani? I lalan maedeng adihayay ko harateng nangra to mamasamaan ko halomaˈ ano ikor. Na matengilay nangra to hakowaay ko nika kapah no Yirusalim iti:yaho, samanen pakaˈaraway ko matoˈasay tamdaw nangra toya fangcalay sefi iti:yaho. (Icra 3:12) Haratengen hena, ano mikapotay kiso cangranan tahira i Yirusalim, maˈaraw ko nika pelal no lomaˈ, malengaw ko semot, mamasomad kiso han? Maˈaraw iso ko nika tastas no ˈadipel no niyaroˈ, marepat ko ˈadawang, o mamaharateng iso koya tosaay a mikoniyolay to niyaroˈ a takaraway a ˈadipel no Papilon han? Ano maˈaraw iso sahatira sa ko Yirusalim, samaan ko falocoˈ hani? ˈArawhan, cowa ka sawi ko Israil tamdaw, samanen midipotan ni Yihofa cangra tora mara:ayay a karomakat nangra. Tangasa cangra i Yirusalim i, tangsolay patireng to pipatoˈayaan i nano katomirengan i ˈayaw, romiˈamiˈad patoˈayaay ci Yihofaan. (Icra 3:1, 2) Faedetay ko falocoˈ no Israil, hato awaay ko mamipadik to pasoˈlinay falocoˈ nangra.
4 Cowa ko nika patireng aca to fangcalay sefi, oha papatirengho to niyaroˈ. Patireng to lomaˈ nangra, paloma to pinaloma, midimokos to paro no lomaˈ. (Icra 2:70) Adihayay ko dadademaken. Kawra, kalikiay a tahasiˈayaw to saconged no ˈada. Saˈayaˈayaw tanektekayho cangra, mataˈlifto ko 15 miheca a saˈadaen palaken no tamdaw i, palidlid sanayto matoled ko falocoˈ. (Icra 4:1-4) Tangasato i ˈayaw ni Yis to 522 miheca, irato ko sakeceng no hongti no Pirsiya micoay to pipatireng no Israil, tada taˈangayay ko noka pisetiˈ cangranan. Nengnengen awaayho ko pinang to mamasamaan ko Yirusalim.—Icra 4:21-24.
5. Samaanay a padama ci Yihofa to matoleday a finawlan Ningra?
5 Mahapinangay ni Yihofa ko saali no tamdaw Ningra, mansa paˈarawan ci Cikariya to salikoray a mapolosi, mikiˈok to tamdaw Ningra to maolahay cangranan, misakaretengay minengneng to naˈicelan nangra, halo mikiˈok ano liyawen nangra kora patirengay a demak i, o dadipoten cangra. Pakayni tora patirengay to fangcalay sefi a demak, somowalay ci Cikariya to sakiˈok ni Yihofa: “Ano masongilaˈ namo a midoedo ko limoˈot [ni Yihofa] Kawas namo i, caay ka eca ka laheci konini a demak.”—Cikariya 6:15.
MAKOMODAY A COYOH
6. (1) Oya saka 8 mapolosi isatapang maˈaraway ni Cikariya ko manan? (Nengnengen ko satapangan coka.) (2) Misamaanay hano cowa ka lecad ko cengel no efa?
6 Oya maˈaraway ni Cikariya a saka 8 mapolosi, patanektekay to falocoˈ no tamdaw. (ˈOsien ko Cikariya 6:1-3.) Iraay ko sepat efa a paliding masadakay naitini kalalaˈed no tosa fodawan tokos, o sapilalood kora paliding alatek. O cengel no efa cowa ka lecad, ngaˈay a pafafidaˈ to kahacecay a midakaway tamdaw. Sanay milicay ci Cikariya: “O maan ko tatodong nonini a paliding saw?” (Cikariya 6:4) Sakafanaˈaw kita tora caˈof nora salicay, samanen milingatay kitanan kora mapolosi.
Kalasaka dademakanho ni Yihofa ko coyoh midipot ato paˈicel to tamdaw Ningra
7, 8. (1) Oya tosa tokos mitaypiyaway to manan? (2) Hano o fodawan koni tokos hani?
7 Itini i Fangcalay Cudad, o tokos mitaypiyaway to kitakit anca o mikowanay. Oya tosa tokos i Cikariya malecaday toya tosa tokos i sapairasol ni Taniil. O cecay tokos mitaypiyaway to midaˈocay a fadangalan ni Taniil 2:35, 45) Ci Yis itiniay isaka 1914 miheca to kafarawfawan a mala hongti, oniya tosa tokos soˈlinay a ira, itini noka pipalaˈosi to araaw no Kawas toni sera, iraay ko karetengay a ˈinorong.
Yihofa a mikowan, ora roma mitaypiyaway to mikowanan ni Yis a Misiya Kitakit. (8 Hano o fodawan koni tokos hani? Samanen o fodawan mahecaday to ekim o matekesay a dafong. Palimoˈotan ni Yihofa ko tamdaw tano matiniay maˈdilay dafong a misangaˈ to fangcalay taloˈan ato itiniay i Yirusalim a fangcalay sefi. (Kasadakan 27:1-3; 1 Hongti 7:13-16) Mankora o fodawan koni tokos, mitaypiyaway to satadamaanay noka pikowan ni Yihofa ato Misiya Kitakit, o papaira to rihaday ato sakaraheker no tamdamdaw.
9. Oya efa atoya midakaway tamdaw mitaypiyaway to manan hani? Iraay ko manan a tayal nangra?
9 Oya efa atoya midakaway tamdaw mitaypiyaway to manan hani? O coyoh koya midakaway, alatek o masakapotay coyoh anca makomoday a coyoh. (ˈOsien ko Cikariya 6:5-8.) Itiniay i kaˈayaw no polong a Tatapangan micada to mikiriwiˈay tayal, ikor malingadto cangra. Pafelian to manan a tayal hani? Oniya piliding no efa atoya midakaway tamdaw, miocoran tayra i mikiriwiˈay a kilac. Mamidipot to tamdaw ni Yihofa, “talaˈamisay a tayra i Papilon.” Mihaenay mikiˈok ci Yihofa cowa ito ko mamala koli i Papilon ko tamdaw Ningra. Tada misayaray koni toya mipatirengay to fangcalay sefi i lintad ni Cikariya a tamdaw! Cowato ko mamarawraw cangra to ˈada nangra.
10. Pakayni toniya mapolosi a paliding no efa atoya midakaway tamdaw, papadama kitanan a pakasoˈlin to manan?
10 Itini i lintad ni Cikariya, makomoday Tatapangan ci Yihofa kamayanay kalasaka dademak to coyoh a midipot ato paˈicel to tamdaw Ningra. (Malaki 3:6; Hipray 1:7, 14) Isaka 1919 miheca, noˈadingoan Israil miliyasayto to pipalit no Taˈangayay Papilon. Mikitira misatapang, o matatodongay a pidoyongan macowat macowatay, soˈliˈlin tahasiˈayaw to picoay no ˈada, cowa ka tomerep cangra. (Paˈarawan 18:4) Madipotay no coyoh ko tamdaw ni Yihofa, mansa cowa ka talaw to mamaliyaw a makoli no mararaway pidoyongan. (ˈOlic 34:7) Pakasoˈlinay kita, o papadotoc a macakat ko noˈadingoan no tamdaw ni Yihofa. Songilaˈen ita misimsim ko mapolosi ni Cikariya i, o papasoˈlin to madipotay noni tosa a tokos kita.
11. Misamaanay hano cowa ka talaw ko tamdaw no Kawas to pilood no ˈada?
11 Mangataayto, oniya mirikerikecay no hekal ni Satan o mamakakapot cangra, sapihadefekaw to tamdaw no Kawas. (Icikil 38:2, 10-12; Taniil 11:40, 44, 45; Paˈarawan 19:19) Sowal no sapairasol ni Icikil, “samatiya sa o toˈem . . . mitahepo to polong no kitakiti,” sanay, midakaway to efa cangra, mafirangay a milood to tamdaw no Kawas. (Icikil 38:15, 16) * Kawra cowa ko mamatalaw kita cangranan, samanen coyoh a sofitay ni Yihofa mikapotay kitanan. Ano irato ko taˈangayay padiing i, coyoh no makomoday a Tatapangan ci Yihofa o mamidipot to tamdaw Ningra, mihadefek toya micoliay to satadamaany noka pikowan no Kawas a tamdaw. (2 Tisalonika 1:7, 8) Tada masaka lipahakan a romiˈad! Kawra cima ko mikeriday to ikakarayanay a sofitay ni Yihofa hani?
PATAMOHONGAN NI YIHOFA KO NIPATIRENGAN NINGRA A HONGTI ATO SAYSI
12, 13. (1) Palimoˈotan ni Yihofa ci Cikariya papisamaan to demak? (2) Hano mafanaˈ kita o ci Yis koya faelohay a coˈong? Tadtaden.
12 Oniya 8 mapolosi ci Cikariya aca ko pakaˈaraway, dotoc midemakay cingra to papakalalok toya patirengay to fangcalay sefi a tamdaw. (ˈOsien ko Cikariya 6:9-12.) Palimoˈotan ni Yihofa ci Cikariya, misolot to ekim ci Hiltayan ci Topiyaan aci Yitayaan, o naitiniay i Papilon cangra, tano nini sapakiyaho misangaˈ to “tamohong”. (Cikariya 6:11) Patamohongan ni Cikariya koya Sakakaay Saysi ci Yosiya, cowa ci Cirupapil, ya naitiniay Yuta a ngasaw a teloc ni Tafiti cingra, maedeng fahekaan nanay ko pakaˈaraway tamdaw itiya.
13 Mihaen ci Cikariya to demak o mamala hongti ci Yosiya ya sakakaay saysi cowa ka saan, samanen cowa ko teloc ni Tafiti cingra, awaay ko fadangalan mala hongti. Patamohongen ci Yosiya o paliˈayaway paihekal to aira ko cecay midaˈocay hongti ato saysi, oniya mala saysiay a hongti oyaan “faelohay a coˈong”. Ci Yis kora faelohay coˈong. *—Isaya 11:1; Matay 2:23.
14. Ci Yis o hongti ato saysi, iraay ko manan a demak ningra?
14 O hongti ato saysi ci Yis, halo o kakeridan no ikakarayanay sofitay ni Yihofa. Inanengay dademak cingra, padama to tamdaw no Kawas ira ko rihaday itini toni maforiforay a hekal. (Yirimiya 23:5, 6) Mangataayto, o mamikerid ci Kristo milowid to kasakitakit, patahekal to midopoay cingra to satadamaanay noka pikowan ni Yihofa, halo midipot to tamdaw ni Yihofa. (Paˈarawan 17:12-14; 19:11, 14, 15) ˈAyaw noni, adihayayho ko tayal to lalahecien noya faelohay coˈong.
PAPATIRENG TO FANGCALAY SEFI CINGRA
15, 16. (1) Anini iraay ko maanan palowaday ato miˈolacay a demak malaheciayto? Cima ko milaheciay toni demak? (2) Ikor no pikowan ni Yis to 1,000 a miheca, samaanayto ko pakayraan?
15 Cowa aca mala hongti ato saysi ci Yis, minilnilayho to tamdaw a patireng to fangcalay sefi ni Yihofa. (ˈOsien ko Cikariya 6:13.) Isaka 1919 miheca, midemakay to patirengay demak ci Yis, mitedal to mala koliay i Taˈangayay Papilon a tamdaw no Kawas, palowad to kasakopang no Krisciyang. Minilnilayho to ‘madimadiay citanengay a koli’, ocoran cangra itini i noˈadingoan a fangcalay sefi, mikerid to iseraay a masaka limelaan a tayal. (Matay 24:45) O roma i, matayalay a miˈolac to tamdaw no Kawas, mikorac to midokoay a demak nangra.—Malaki 3:1-3.
16 Itini pikowanan to 1,000 a miheca, ci Yis atoya 144,000 a dama a hongti, papadama to madimadiay tamdaw patikor malefot ko ˈorip. Ano malahecito koni demak, edengan oya soˈlinay midoko ci Yihofaan a tamdaw ko mamaterek i sera. Salikor, o matatodongay pidoyongan o mamasaheci a mapalowad.
MIRIENANG TO PATIRENGAY A DEMAK
17. (1) Mikiˈokan ni Yihofa ko Israil tamdaw to manan? (2) O mikiˈokan ni Yihofa samaanay mifiyor to itiyaay Israil tamdaw?
17 O sapalihaf ni Cikariya samaanay mifiyor to itiyaay Israil tamdaw hani? Mikiˈokay ci Yihofa to dadadipoten cangra, padama cangranan milaheci to patirengay to Cikariya 6:15.) Pakasoˈlinay ko Israil tamdaw to dadamaen ni Yihofa cangra, mansa tangsolay cangra a misatapang, soˈliˈlin iraayho ko saconged itiya. Caho ka halafin, palahedawanto ni Yihofa koya saconged, teloc malaheciayto mapatireng isaka 515 miheca. (Icra 6:22; Cikariya 4:6, 7) O sowal ni Yihofa malaˈosiay itiya, ano aninito taˈangayay ko tatodong i kitanan.
fangcalay sefi a demak. Mikiˈokay to sowal ci Yihofa o papakowaden koya matoleday ko falocoˈ a tamdaw. Nikawrira, cowa ka hakowa cangra, hano malaheci ko adihayay a demak hani? Dotoc a sowal ni Cikaraiya papalahedaw to calemcem ato sasa no falocoˈ nangra. Iraay ci Hiltay, Topiya aci Yitaya mipadang, o airaho ko ˈalomanay tayra patireng to fangcalay sefi ni Yihofa sanay ko Kawas. (ˈOsien koCowa ko mamatawal ni Yihofa ko olah ita i Cingranan! (Nengnengen ko saka 18, 19 fatac)
18. O Cikariya 6:15 misamaanay malaˈosi anini?
18 Anini, ˈalomanay ko mirienangay to soˈlinay a pidoyonagn, mahemekay cangra pafeli to “safangcalay a kinaira no omah”, mahawpay ko toki, ˈicel, ato dafong nangra. (Taneng 3:9) Misamaan pakasoˈlin kita to misakaretengay ci Yihofa to nipisaˈicel ita hani? Haratengen ci Hiltay, Topiya aci Yitaya, pafeliay to ekim ci Cikariyaan a misangaˈ to tamohong. O sapatalipaˈelal cangranan kora to nika pisaˈicel nangra a pakiyaho to soˈlinay a pidoyongan. (Cikariya 6:14) Anini, o nika tayal ita saki Yihofa ato olah Cingranan, misalimelaan ni Yihofa, tahadaˈoc cowa ko mamatawal Ningra.—Hipray 6:10.
19. O mapolosi ni Cikariya pakalalokay kitanan misamaan ko demak?
19 Itini i salikoray a lintad, o tamdaw ni Yihofa toha sapidamaaw to soˈlinay pidoyongan, madangaray nangra ko adihayay a demak. Misawacayay koni to makayatay ni Kristo cangra, halo misawacayay to palemedan ni Yihofa cangra. Milingatay kita toni likakawa, milifokay to midaˈocay a rihaday. O mamalaˈosi ko araaw ni Yihofa, mamacowat ko soˈlinay pidoyongan. Mihaenay haw i, salimelaen ko nika o tamdaw no Kawas kita, halo songilaˈen a midofdof ko sowal ni Yihofa. Mihaen i, o mamadipot noya hongti a saysi ci Kristo ato coyoh kita. Kiemelen ita midama ko soˈlinay pidoyongan. Pakasoˈlinen ita mikitini toni salikoray a romiˈad tangasa i daˈoc, o dadipoten no makomoday a Tatapangan ci Yihofa!