Kariota Bona Korona ese Ita Ia Gimaia
“Inai bamona do ia vara bema Lohiabada emui Dirava umui kamonai henia namonamo.”—SEK. 6:15.
ANE: 61, 22
1, 2. Sekaraia ena matahanai namba 7 dokonai, Ierusalema dekenai idia noho Iuda taudia edia mauri be edena bamona?
SEKARAIA ena matahanai namba 7 dokonai, ia ese ia itaia matahanai ia lalodia matamaia. Iehova ia gwauhamata ia ese koikoi taudia ibounai do ia hahemaoro henia. Unai gwauhamata ese Sekaraia ia hagoadaia. To gau ta ia do vara lasi. Koikoi karadia bona kara dika ma haida be idia do vara noho, bona Ierusalema ai, Iehova ena dubu haginia gaukarana be ia do ore lasi. Dahaka dainai Iuda taudia be Dirava ese ia henia gaukarana idia rakatania haraga? Ierusalema dekenai idia giroa lou, unai amo sibona edia mauri idia hanamoa diba, a?
2 Sekaraia ia diba Ierusalema dekenai idia lao taudia be abidadama taudia. Idia dekenai ‘Dirava ese laloa goada ia henia’ dainai, idia ese edia ruma bona bisinesi idia rakatania. (Esr. 1:2, 3, 5) Danu, edia tano idia rakatania bona idia diba lasi tanona dekenai idia lao. Bema idia dekenai Iehova ena dubu haginia gaukarana be anina lasi, idia be kilomita 1,600 bamona do idia laolao lasi.
3, 4. Iuda taudia be dahaka hekwakwanai idia davaria?
3 Babulonia amo ia lao Ierusalema ena daudau mani oi laloa. Esr. 3:12) Bema oi be idia ida oi laolao, Ierusalema oi itaia neganai, emu hemami be do edena bamona? Oi itaia ruma ibounai be idia dika bona ava be bada herea neganai, do oi hebogahisi, a? Bona Ierusalema ena magu be Babulonia ena magu goadadia ida do oi hahegeregerea, a? To Iuda taudia be idia lalometau lasi. Badina edia laolao lalonai, Iehova ese idia ia durua bona gimaia. Idia ginidae neganai, idia karaia gauna ginigunana be guna dubu helaga ia gini gabuna ai boubou patana idia haginia, bona dina ta ta ai Iehova dekenai boubou gaudia idia henia. (Esr. 3:1, 2) Idia moale bada dainai, toana be gau ta dainai do idia lalometau lasi.
Iuda taudia edia laolao lalonai, reana idia be hora momo lalonai edia noho gabu matamatana idia lalohadailaia. Idia kamonai guna Ierusalema be mai ena hairai. Idia huanai idia noho buruka taudia be dubu helaga gunana ena hairai idia do laloatao. (4 Israela taudia be dubu helaga haginia gaukarana sibona do idia karaia lasi, to edia hanua bona ruma idia hanamoa danu be namo. Uma idia karaia danu be namo, unai amo edia ruma bese idia ubua diba. (Esr. 2:70) Toana be do idia karaia gaukarana be bada herea. To daudau lasi, edia inai taudia ese edia gaukara idia koua toho. Lagani 15 lalonai unai hekwakwanai idia mamia, bona Iuda taudia be idia lalomanoka matamaia. (Esr. 4:1-4) Bena lagani 522 B.C.E. ai, Parasa ena king ese oda ia henia Ierusalema ai idia karaia haginia gaukara ibounai idia hadokoa totona. Toana be Ierusalema hanuana be do idia haginia lou lasi.—Esr. 4:21-24.
5. Iehova ese edena dala ai ena taunimanima ia durua?
5 Iehova be ena taunimanima edia ura gauna ia diba. Dirava ese Sekaraia dekenai ia henia matahanai ginigabena amo ia hahedinaraia, Ia be Iuda taudia ia lalokau henia bona idia karaia gaukara ibounai ia moalelaia. Danu, ia gwauhamata idia do ia gimaia, bema Iena gaukara idia hamatamaia lou. Dubu helaga haginia gaukarana dainai, Iehova ia gwauhamata: “Inai bamona do ia vara bema Lohiabada emui Dirava umui kamonai henia namonamo.”—Sek. 6:15.
ANERU OREADIA
6. (a) Sekaraia ena matahanai namba 8 be edena bamona? (Laulau ginigunana herevalaia.) (b) Dahaka dainai hosi edia kala be idauidau?
6 Sekaraia ena matahanai ginigabena ese iseda abidadama do ia hagoadaia. (Sekaraia 6:1-3 duahia.) Mani inai oi laloa: Kariota 4 be auri laboralabora “ororo rua edia huanai dekena amo idia heau mai.” Kariota idia veria hosi edia kala be idauidau, unai dainai ia auka lasi hosi guia taudia ita diba totona. Sekaraia ia henanadai: “Unai kariota edia anina be dahaka?” (Sek. 6:4) Ita danu ita ura unai ita diba, badina ita dekenai unai matahanai be mai anina bada.
Iehova ese ena aneru ia do gaukaralaia noho ena taunimanima idia gimaia bona hagoadaia totona
7, 8. (a) Ororo rua be dahaka idia laulaulaia? (b) Dahaka dainai unai ororo rua be auri laboralabora gaudia?
7 Baibel lalonai, ororo ese basileia o gavamani ia laulaulaia diba. Sekaraia ese ia itaia ororo rua be Daniela ese ia perovetalaia ororo rua hegeregerena. Ororo ta ese Iehova ena lohia siahuna, ia noho hanaihanai gauna, ia laulaulaia. Bona ororo ma ta be Iesu ese ia lohiaia Mesia Basileiana ia laulaulaia. (Dan. 2:35, 45) Lagani 1914 amo, Iesu be King dagina ia abia neganai, unai ororo rua be idia noho, bona idia ese Dirava ena ura tanobada totona do ia guguru karana idia durua.
8 Dahaka dainai unai ororo rua be auri laboralabora gaudia? Golo hegeregerena, Eso. 27:1-3; 1 Kin. 7:13-16) Momokani, auri laboralabora ororo rua ese Iehova ena lohia siahuna bona Mesia Basileiana ese do idia karaia gau namodia idia hahedinaraia, idia ese taunimanima ibounai dekenai hahenamo momo do idia mailaia.
auri laboralabora be dava bada gauna. Iehova ese Israela taudia ia hamaoroa auri laboralabora be palai dubuna bona gabeai Ierusalema ena dubu helaga dekenai do idia gaukaralaia. (9. Kariota idia guia taudia be daidia bona edia gaukara be dahaka?
9 Hari mani kariota ita laloa. Unai kariota bona edia guia taudia be dahaka idia laulaulaia? Unai kariota dekenai idia guia taudia be aneru, reana idia be aneru oreadia. (Sekaraia 6:5-8 duahia.) Idia be “tanobada ena kahana ibounai ena Lohiabada idia rakatania” bona mai anina bada gaukarana do idia karaia. Idia be dahaka gaukara idia abia? Unai kariota bona edia guia taudia be gabu ta ta dekenai idia siaia lao. Edia maduna be Iehova ena taunimanima do idia gimaia, “mirigini kahana” amo, Babulonia unai. Iehova be unai matahanai amo ia ura hahedinaraia, Babulonia ese ena taunimanima do ia guia lou lasi. Sekaraia ena negai, dubu helaga idia haginia taudia dekenai unai be moale sivaraina! Edia inai taudia edia dagedage karadia dainai do idia laloa momo lasi.
10. Sekaraia ena matahanai lalonai ia itaia kariota bona edia guia taudia ese edena dala ai Dirava ena taunimanima ia durua diba?
10 Sekaraia ena nega bamona, tuari oreadia edia Iehova ese aneru ia do gaukaralaia noho ena taunimanima ia gimaia bona hagoadaia totona. (Mal. 3:6; Heb. 1:7, 14) Lagani 1919 amo Iehova ena taunimanima be laulau dalanai Babulonia Badana ena igui idia rakatania neganai, tomadiho momokani be ia tubu daekau noho, herevana dagedage idia davaria. (Apok. 18:4) Oibe, aneru be ita idia gimaia dainai, namo lasi ita laloa Iehova ena orea be tomadiho koikoi ese do ia guia lou. (Sal. 34:7) To namona be ita abia dae momokani, tanobada ibounai dekenai Dirava ena hesiai taudia be do idia hutuma idia lao. Momokani, Sekaraia ena matahanai ita laloa neganai, namo lasi unai ororo rua edia hegima karana ita daradaralaia.
11. Dahaka dainai Dirava ena taunimanima do idia hadikaia toho negana ita garilaia lasi?
11 Kahirakahira Satani ena tanobada ena politikol orea ibounai be do idia haboua bona do idia ura Dirava ena taunimanima idia hadikaia. (Ese. 38:2, 10-12; Dan. 11:40, 44, 45; Apok. 19:19) Esekiela ia peroveta ia gwau, unai orea ibounai be tanobada ibounai do idia koua, ori bamona. Bona hosi amo do idia mai, Dirava ena taunimanima idia tuari henia totona. (Ese. 38:15, 16) * Idia dainai do ita gari, a? Lasi! Badina Iehova ena aneru ese ita do idia durua. Unai hisihisi badana negana lalonai, tuari oreadia edia Iehova ena aneru be do idia haboua Dirava ena taunimanima idia gimaia bona Iena lohia siahuna idia dadaraia taudia idia hadikaia ore totona. (2 Tes. 1:7, 8) Unai be dina idauna! To, daika ese Iehova ena guba anerudia do ia gunalaia?
IEHOVA ESE KING BONA HAHELAGA TAUNA IA ABIA HIDI
12, 13. (a) Sekaraia be dahaka ia karaia? (b) Edena bamona ita diba inai tauna ladana Rigi be Iesu Keriso ia herevalaia?
12 Sekaraia sibona be matahanai ibounai 8 ia itaia. To gabeai ia karaia karana be ma haida ese idia itaia, bona unai ese Dirava ena dubu helaga idia haginia taudia ia hagoadaia. (Sekaraia 6:9-12 duahia.) Tatau toi, Heledai, Tobaisa, bona Iedaia, be Babulonia amo idia mai. Bona Iehova ese Sekaraia ia hamaoroa idia amo siliva bona golo do ia abia, bona unai gaudia amo “korona ta” do ia karaia. (Sek. 6:9-12) Sekaraia ese unai korona be Iuda ena iduhu bona Davida ena bese tauna, Gavana Serubabele, ena kwarana dekenai do ia atoa, a? Lasi. Reana taunimanima idia hoa, badina ia ese unai korona be Hahelaga Tauna Badana, Iosua, ena kwarana dekenai ia atoa.
13 Hahelaga Tauna Badana, Iosua, ena kwarana ai korona ia atoa dainai, ia be king ai ia lao, a? Lasi. Iosua be Davida ena bese tauna lasi, unai dainai ia be king ai ia lao diba lasi. To, korona ia abia karana ese vaira nega ai king bona hahelaga gaukarana do ia karaia tauna ia laulaulaia. King ai idia halaoa hahelaga tauna ena ladana be Rigi. Baibel ese ia hahedinaraia goevagoeva Rigi be Iesu Keriso ia herevalaia.—Isa. 11:1; Mat. 2:23.
14. Iesu be King bona Hahelaga Tauna Badana dainai, dahaka gaukara do ia karaia?
14 Iesu be King bona Hahelaga Tauna Badana dainai, ia ese Iehova ena aneru oreadia do ia gunalaia. Bona ia gaukara goada, unai amo Dirava ena taunimanima be do idia noho namonamo, herevana idia be inai tanobadana dikana ai idia noho. (Ier. 23:5, 6) Kahirakahira, Keriso ese tanobada ena bese ibounai do ia halusia, unai amo Dirava ena lohia siahuna do ia abia isi bona Iehova ena taunimanima do ia durua. (Apok. 17:12-14; 19:11, 14, 15) To unai ia do karaia lasi neganai, Iesu o Rigi, be gaukara badana ta do ia karaia.
DUBU HELAGA DO IA HAGINIA
15, 16. (a) Iseda nega ai, dahaka gaukara ia vara noho, bona daidia ese idia karaia? (b) Keriso ena Lagani 1,000 Lohia Negana ena dokonai, dahaka do ia vara?
15 Iesu be King bona Hahelaga Tauna Badana ena gaukara do ia karaia sibona lasi, to “Lohiabada ena Dubu Helaga do ia haginia” danu. (Sekaraia 6:13 duahia.) Lagani 1919 ai, ia ese tomadiho momokani taudia be Babulonia Badana ena igui amo ia ruhaia, bona Keristani kongrigeisen ia haginia lou. Danu, ia ese “igui hesiai tauna mai ena kamonai bona mai ena kara maoromaoro” ia abia hidi, idia be tanobada ena lauma dubu helagana ai mai anina bada gaukarana do idia karaia. (Mat. 24:45) Bona danu, Iesu ese Dirava ena taunimanima ia durua, unai amo goeva dalanai idia tomadiho diba.—Mal. 3:1-3.
16 Lagani 1,000 Lohia Negana ai, Iesu bona ia ida king bona hahelaga gaukarana do idia karaia taudia, 144,000 taudia unai, ese abidadama taudia do idia durua goevadae taudia ai idia lao totona. Unai idia hagugurua neganai, mai momokani ida Dirava idia tomadiho henia taudia sibona be inai tanobada goevana ai do idia noho. Unai murinai, tomadiho goevana sibona be tanobada ai do ia noho!
HAGINIA GAUKARANA OI DURUA
17. Iehova ese Iuda taudia dekenai dahaka hagoadaia herevana ia henia bona dahaka idia karaia?
17 Sekaraia ena matahanai ese edena dala ai Iuda taudia ia durua? Iehova ia gwauhamata, idia do ia durua bona gimaia, unai amo dubu haginia gaukarana do idia haorea. To reana idia laloa edena bamona inai orea maragina ese unai gaukara ia hagugurua diba? Sekaraia ese ia gwauraia herevana dainai, Sekaraia 6:15 duahia.) Iuda taudia idia diba Iehova ese idia do ia durua dainai, maoromaoro dubu helaga haginia gaukarana idia hamatamaia lou, herevana Parasa ena king ese unai gaukara ia taravatua. Ena be unai taravatu be ororo ta bamona idia ia koua, to Iehova ese unai ia kokia. Bena lagani 515 B.C.E. ai, dubu helaga haginia gaukarana idia haorea. (Esr. 6:22; Sek. 4:6, 7) Iseda negai danu, Iehova ena hereva ese mai anina bada gaudia ia hagugurua.
Iuda taudia idia gari o daradara lasi. Abidadama taudia hegeregere Heledai, Tobaisa, bona Iedaia sibona ese heduru idia henia lasi, to Dirava ia gwau “gabu daudau dekenai idia noho taudia be do idia mai, Lohiabada ena dubu helaga haginia gaukara do idia durua.” (Iehova be ia totona ita hahedinaraia lalokauna do ia laloaboio lasi (Paragraf 18, 19 itaia)
18. Edena dala ai Sekaraia 6:15 be iseda nega ai ia guguru?
18 Hari, taunimanima milioni momo be tomadiho momokani idia durua, bona mai kudouna ibounai ida edia “mai anina bada gaudia,” hegeregere edia nega, goada, bona kohu idia henia, Iehova ena lauma dubu helagana idia durua totona. (Aon. 3:9, NWT) Edena bamona ita diba Iehova be iseda heduru ia abia dae? Laloatao, Heledai, Tobaisa, bona Iedaia ese idia mailaia gaudia amo Sekaraia be korona ta ia karaia. Unai korona amo tomadiho momokani durua totona idia henia gaudia do idia laloa. (Sek. 6:14) Unai hegeregerena, Iehova ese ita karaia gaukarana bona ita hahedinaraia lalokauna do ia laloaboio lasi.—Heb. 6:10.
19. Sekaraia ena matahanai be edena bamona do ita laloa?
19 Inai nega dokona ai, Dirava ena taunimanima be gaukara momo idia hagugurua, badina Iehova ese ita ia hanamoa bona Keriso ese ita ia gunalaia. Oibe, ita moale badina inai orea be do ia noho hanaihanai, gau ta ese do ia hadikaia lasi. Bona Iehova ena ura tomadiho momokani totona be “do ia vara.” Iehova ena taunimanima bamoa karana oi laloa bada, bona “Lohiabada emui Dirava umui kamonai henia namonamo.” Bena iseda King bona Hahelaga Tauna Badana bona guba anerudia ese oi do idia gimaia. Namona be oi gaukara goada tomadiho momokani oi durua totona. Bema unai oi karaia, inai nega oromana ai tuari oreadia edia Iehova ese oi do ia gimaia!
^ par. 11 Diba ma haida abia totona, “Duahia Taudia Edia Henanadai,” Gima Kohorona, May 15, 2015, rau 29-30 itaia.