Salaknibannaka Dagiti Karuahe ken ti Korona
“Mapasamakto dayta—no di bumurong nga imdenganyonto ti timek ni Jehova a Diosyo.”—ZAC. 6:15.
KANTA: 17, 136
1, 2. Idi dandanin agpatingga ti maikapito a sirmata ni Zacarias, ania idi ti kasasaad dagiti Judio idiay Jerusalem?
IDI dandanin agpatingga ti maikapito a sirmata ni Zacarias, adu ti masapul a panunotenna. Impasigurado ni Jehova a singirenna dagiti dakes a tattao gapu iti kinadakesda. Naparegta la ketdi ni Zacarias iti dayta. Ngem awan a talaga ti nagbaliw. Nakaro latta ti kinadakes, ken saan pay a nalpas idi ti pannakaibangon manen ti templo idiay Jerusalem. Apay a dagus a binaybay-an dagiti Judio ti impaannong kadakuada ti Dios? Nagawidda kadi para laeng iti pagsayaatanda?
2 Ammo idi ni Zacarias nga adda pammati dagiti Judio nga immakar idiay Jerusalem. Isuda dagiti “ginutugot ti espiritu ti pudno a Dios” a mangpanaw kadagiti natalged a balay ken negosioda. (Esd. 1:2, 3, 5) Pinanawanda ti daga a nakairuamanda ket immakarda iti lugar a saanda pay idi a nakitkita. No saan a napateg ti panangibangon manen iti templo ni Jehova, saanda koma idi a dinaliasat ti napeggad a daga nga agarup 1,600 a kilometro ti kawatiwatna.
3, 4. Ania ti pakarigatan dagiti Judio idi nagsublida?
Esd. 3:12) No nakipagdaliasatka koma kadakuada, ania ngata ti nariknam idi damo a makitam ti Jerusalem, ti baro a pagtaengam? Malidayanka ngata a makakita kadagiti nadadael a patakder a nakasamsameken? Ikomparam ngata dagiti doble a pader ti Babilonia iti narba a pader ti Jerusalem, nga addaan kadagiti dadakkel a birri kadagiti sigud a lugar dagiti ruangan ken pagwanawanan? Nupay kasta, saan a naupay dagiti Judio. Nakitada idin ti tulong ni Jehova iti napaut a biaheda nga agawid. Idi nakadanonda, nagaramidda iti altar iti lugar ti dati a templo, ket inaldaw a nagdatonda ken Jehova. (Esd. 3:1, 2) Nakaragragsakda idi damo, ket kasla awan ti mabalin a mangupay kadakuada.
3 Ania ngata dagiti napadasanda iti dayta a panagdaliasat? Bayat ti panagbiahe dagiti Judio, awan duadua nga adu nga oras a pinampanunotda ti lugar a papananda. Nadamdamagda ti kinapintas idi ti Jerusalem. Nakita dagiti kalakayan kadakuada ti kinapintas idi ti templo. (4 Malaksid nga ibangon manen dagiti Israelita ti templo, masapul pay nga ibangonda manen dagiti siudadda. Agipatakderda manen iti balay, agmulada, ken pakanenda ti pamiliada. (Esd. 2:70) Adu ti trabahoda. Kalpasanna, immay ti ibubusor—narigat ken nagpartak dayta. Nupay nagtalinaedda a natibker idi damo, kimmapuyda gapu iti 15 a tawen a pannakabusor. (Esd. 4:1-4) Saan a naituloy ti panagibangon iti Jerusalem idi 522 B.C.E. idi impasardeng dayta ti ari ti Persia. Kasla awanen ti masakbayan dayta a siudad.—Esd. 4:21-24.
5. Ania ti inaramid ni Jehova idi naupay ti ilina?
5 Ammo ni Jehova ti kasapulan ti ilina. Inted ni Jehova ken Zacarias ti maudi a sirmatana tapno ipasiguradona kadagiti Judio ti ayatna ken ti panangipategna iti amin nga inaramidda ken tapno ipasiguradona a salaknibanna ida no ituloyda ti trabaho nga impaannongna. No maipapan iti pannakaibangon manen ti templo, inkari ni Jehova: “Mapasamakto dayta—no di bumurong nga imdenganyonto ti timek ni Jehova a Diosyo.”—Zac. 6:15.
BUYOT DAGITI KUMAKABALIO NGA ANGHEL
6. (a) Ania ti maikawalo a nasirmata ni Zacarias? (Kitaen ti ladawan iti rugi ti artikulo.) (b) Apay nga agduduma ti kolor dagiti kabalio?
6 Nalabit ti maudi iti walo a sirmata ni Zacarias ti makapabileg unay iti pammati. (Basaen ti Zacarias 6:1-3.) Iladawanyo ti eksena: Uppat a karuahe, a mabalin a pakigubat, ti umab-abante ‘iti baet ti dua a gambang a bantay.’ Agduduma ti kolor dagiti kabalio a mangguyguyod kadagiti karuahe. Agdudumada tapno mailasin dagiti nakalugan kadagita. “Ania dagitoy?” insaludsod ni Zacarias. (Zac. 6:4) Kayattayo met nga ammuen dayta ta adda epekto daytoy a sirmata kadatayo.
Us-usaren ni Jehova agingga ita dagiti anghelna a mangsalaknib ken mangpabileg iti ilina
7, 8. (a) Ania ti irepresentar ti dua a bantay? (b) Apay a naaramid iti gambang dagiti bantay?
7 Iti Biblia, mabalin a pagarian, wenno gobierno, ti irepresentar dagiti bantay. Dagiti bantay iti salaysay ni Zacarias umarngida iti dua a bantay a nailadawan iti padto ni Daniel. Irepresentar ti maysa a bantay ti panagturay ni Jehova iti uniberso ken ti kinaagnanayon ti turayna. Ti sabali a bantay irepresentarna met ti Mesianiko a Pagarian nga iturayan ni Jesus. (Dan. 2:35, 45) Manipud idi naitrono ni Jesus idi maudi a paset ti 1914, agpada nga addan dagiti bantay ken nagpateg ti akem dagita iti pannakatungpal ti pagayatan ti Dios ditoy daga.
8 Apay a naaramid iti gambang dagiti bantay? Kas iti balitok, nakapatpateg a metal ti gambang. Imbilin idi ni Jehova a mausar daytoy nasileng a metal iti pannakaibangon ti tabernakulo ken ti templo iti Jerusalem. (Ex. 27:1-3; 1 Ar. 7:13-16) Ipalagip ngarud dayta kadatayo a nagsayaat ti panangituray ni Jehova iti uniberso ken ti panangituray ti Mesianiko a Pagarian, a mangyeg iti talna ken bendision iti amin a tattao.
9. Siasino dagiti nakalugan kadagiti karuahe, ken ania ti annongenda?
9 Subliantayo dagiti karuahe. Ania ti irepresentar dagita ken dagiti nakalugan? Anghel dagiti nakalugan kadagiti karuahe, nalabit grupo dagiti anghel. (Basaen ti Zacarias 6:5-8.) Rumrummuarda “iti sanguanan ti Apo ti intero a daga” nga adda espesial a mision nga aramidenda. Ania ti misionda? Naibaon dagiti karuahe ken dagiti nakalugan kadagita a mangasikaso iti espesipiko a teritoria. Responsabilidadda a salakniban ti ili ni Jehova, nangruna manipud iti “daga ti amianan,” ti Babilonia. Siguraduen ni Jehova a saan nga adipenen manen ti Babilonia ti ilina. Naparegta la ketdi iti dayta dagiti agibangbangon iti templo idi panawen ni Zacarias! Saandan a nagdanag iti ibubusor dagiti kalabanda.
10. Sigun iti padto ni Zacarias maipapan kadagiti karuahe ken kadagiti nakalugan, ania ti masigurado ti ili ti Dios ita?
10 Kas idi kaaldawan ni Zacarias, us-usaren ni Jehova agingga ita dagiti anghelna a mangsalaknib ken mangpabileg iti ilina. (Mal. 3:6; Heb. 1:7, 14) Manipud idi nawayawayaan ti naespirituan nga Israel iti arig pannakaadipenna iti Babilonia a Dakkel idi 1919, nagsaknap latta ti pudno a panagdaydayaw uray no nagtultuloy ti ibubusor. (Apoc. 18:4) Gapu ta salsalaknibandatayo dagiti anghel, saantayo nga agbuteng a maadipento manen iti naespirituan ti organisasion ni Jehova. (Sal. 34:7) Imbes ketdi, masiguradotayo nga agtultuloy a rumang-ay iti naespirituan dagiti adipen ti Dios iti intero a lubong. Bayat a pampanunotentayo ti sirmata ni Zacarias, masiguradotayo a natalgedtayo iti kaaddatayo iti sidong ti dua a bantay.
11. Apay a saantayo a pagbutngan ti iraraut a mapasamak iti ili ti Dios?
11 Dandanin agaaliansa dagiti napolitikaan nga agtuturay iti lubong ni Satanas tapno dadaelenda ti ili ti Dios. (Ezeq. 38:2, 10-12; Dan. 11:40, 44, 45; Apoc. 19:19) Nailadawan iti padto ni Ezequiel a nakakabalio dagitoy a puersa a kasla kadagiti ulep a mangabbong iti daga ken sipupungtot a mangraut kadatayo. (Ezeq. 38:15, 16) * Agbutengtayo kadi? Saan! Adda kaduatayo a buyot dagiti kumakabalio. Iti dayta a napeggad a tiempo bayat ti dakkel a rigat, agkakaduanto dagiti anghel a soldado ni Jehova, ti komander dagiti buyot, tapno salaknibanda ti ili ti Dios ken dadaelenda dagidiay kumontra iti panagturayna. (2 Tes. 1:7, 8) Makapagagarto dayta nga aldaw! Ngem asino ti mangidaulo iti buyot ni Jehova idiay langit?
KORONAAN NI JEHOVA TI ARI KEN PADINA
12, 13. (a) Ania ti naibaga ken Zacarias nga aramidenna? (b) Ilawlawag no kasano a tumukoy ken Jesu-Kristo ti lalaki a naawagan iti Tarubong.
12 Ni laeng Zacarias ti nakakita iti walo a sirmata. Kalpasanna, nakiraman iti pannakatungpal ti maysa a padto a nangparegta kadagiti mangibangbangon manen iti templo ti Dios. (Basaen ti Zacarias 6:9-12.) Naibilin ken Zacarias a mapan mangala iti pirak ken balitok kada Heldai, Tobia, ken Jedaias—tallo a lallaki a kagapgapuda idiay Babilonia—tapno agaramid iti “naindaklan a korona” manipud kadagiti kontribusion. (Zac. 6:11) Naibaga kadi ken Zacarias a koronaanna ti gobernador ti tribu ti Juda a ni Zorobabel a nagtaud iti pamilia ni David? Saan. Sigurado a nasdaaw dagiti nakakita gapu ta ti nangato a padi a ni Josue ti kinoronaanna.
13 Nagbalin kadi nga ari ti nangato a padi a ni Josue idi nakoronaan? Saan. Ngamin, saan a naggapu ni Josue iti pamilia ni David isu a saan a maikari nga agari. Ipakita ti pannakakoronana nga addanto madutokan nga agnanayon nga ari ken padi. Maawagan iti Tarubong ti nangato a padi a nagbalin nga ari. Nalawag nga ibaga ti Biblia a ni Jesu-Kristo daydiay a Tarubong.—Isa. 11:1; Mat. 2:23. *
14. Ania ti trabaho ni Jesus kas Ari ken Nangato a Padi?
14 Ni Jesus, kas Ari ken Nangato a Padi, ti lider ti buyot ni Jehova idiay langit. Gapuna, aramidenna ti amin tapno natalged ti intero nga ili ti Dios iti tengnga daytoy napeggad a lubong. (Jer. 23:5, 6) Dandanin idauluan ni Kristo ti panangparmekna kadagiti nasion kas panangsuportana iti turay ti Dios ken tapno idepensana ti ili ni Jehova. (Apoc. 17:12-14; 19:11, 14, 15) Ngem sakbay nga ipatungpalna ti panangukomna, adu pay ti masapul nga aramiden ti Tarubong.
BANGONENNA TI TEMPLO
15, 16. (a) Ania a pannakaisubli ken pannakapasayaat ti mapaspasamak ita, ken asino ti mangar-aramid iti dayta? (b) Anianto ti maibanag ti Sangaribu a Tawen a Panagturay ni Kristo?
15 Malaksid iti panagbalinna nga Ari ken Nangato a Padi, naibilin ken Jesus a ‘bangonenna ti templo ni Jehova.’ (Basaen ti Zacarias 6:13.) Iti panawentayo, ti panagibangon ni Jesus ramanenna ti panangwayawayana kadagiti pudno nga agdaydayaw manipud iti Babilonia a Dakkel ken ti panangisublina iti kongregasion Kristiano idi 1919. Dinutokanna met ti “matalek ken masirib nga adipen” a mangidaulo iti trabaho ditoy daga a paset ti naindaklan a naespirituan a templo. (Mat. 24:45) Okupado met ni Jesus a mangpaspasayaat iti ili ti Dios ken tultulonganna ida tapno agbalin a nadalus ti panagdaydayawda.—Mal. 3:1-3.
16 Bayat ti Sangaribu a Tawen a Turay, ni Jesus ken ti 144,000 nga ari ken papadi a kaduana pagbalinendanto a perpekto dagiti matalek a tattao. Inton matungpal dayta, dagiti laeng pudno nga agdaydayaw iti Dios ti agtalinaed iti nadalusan a daga. Naan-anayto met laengen a maisubli ti pudno a panagdaydayaw!
MAKIRAMAN ITI TRABAHO A PANAGIBANGON
17. Ania ti impasigurado ni Jehova kadagiti Judio, ken ania ti epekto kadakuada ti mensahena?
17 Ngem ania ti epekto ti mensahe ni Zacarias kadagiti Judio idi panawenna? Impasigurado ni Jehova a natalna ken salaknibanna ti panagtrabahoda. Nabang-aranda la ketdi idi impasigurado ni Jehova a mabangon ti templo. Ngem kasano a maitungpal ti sumagmamano ti dakkel Zacarias 6:15.) Agtalek dagiti Judio iti tulong ti Dios isu a dagus nga intuloyda ti nagibangon uray naparitanda. Di nagbayag, inikkat ni Jehova ti pannakaiparit, nga arig bantay ti kadakkelna a lapped, ket nalpas ti templo idi 515 B.C.E. (Esd. 6:22; Zac. 4:6, 7) Ngem iladawan ti sasao ni Jehova a dakdakkel ti mapasamak iti panawentayo.
a trabaho? Nakatulong dagiti imbaga ni Zacarias tapno maikkat ti amin a buteng ken panagduaduada. Malaksid iti tulong dagiti matalek a lallaki a kas kada Heldai, Tobia, ken Jedaias, imbilin ti Dios a makiraman ti dadduma a ‘mangibangon iti templo ni Jehova.’ (Basaen tiSaan a pulos lipaten ni Jehova ti ayattayo kenkuana! (Kitaen ti parapo 18, 19)
18. Kasano a matungtungpal ita ti Zacarias 6:15?
18 Minilion ita ti sumsumrek iti pudno a panagdaydayaw, ken matignayda a naimpusuan a mangisakripisio iti ‘napapateg a bambanagda,’ kas iti panawen, pigsa, ken sanikuada tapno suportaranda ti naindaklan a naespirituan a templo ni Jehova. (Prov. 3:9) Apay a masiguradotayo a napateg ken Jehova ti suportatayo? Laglagipenyo nga impan da Heldai, Tobia, ken Jedaias dagiti materiales nga inaramid ni Zacarias a korona. Nagserbi idi ti korona kas “pakalaglagipan” ti naitulongda iti pudno a panagdaydayaw. (Zac. 6:14) Kasta met, saan a pulos lipaten ni Jehova dagiti aramidtayo ken ti ayattayo kenkuana. (Heb. 6:10) Ipateg ni Jehova dagita ken agnanayon a laglagipenna.
19. Ania koma ti epekto kadatayo ita dagiti sirmata ni Zacarias?
19 Nalawag nga amin a nagapuanan para iti pudno a panagdaydayaw kadagitoy maudi nga al-aldaw ket ebidensia ti pamendision ni Jehova ken ti panangidaulo ni Kristo. Pasettayo ti natalna, natalged, ken agnanayon nga organisasion. “Mapasamakto” ti panggep ni Jehova mainaig iti pudno a panagdaydayaw. Ipategmo ti lugarmo iti organisasion ni Jehova, ken ‘umimdengka iti timek ni Jehova a Diosmo.’ Iti kasta, agtultuloy a salaknibannaka ti Ari ken Nangato a Paditayo ken dagiti nakalugan kadagiti karuahe nga adda idiay langit. Naan-anay a suportaram ti pudno a panagdaydayaw. No kasta ti aramidem, makapagtalekka nga aywanan ken salaknibannaka ni Jehova, ti komander dagiti buyot, bayat ti nabatbati a tiempo daytoy a sistema ti bambanag—ken iti agnanayon!
^ par. 11 Para iti kanayonan nga impormasion, kitaen ti “Salsaludsod Dagiti Agbasbasa” iti Pagwanawanan a Mayo 15, 2015, p. 29-30.
^ par. 13 Mabalin a naggapu ti sao a “Nazareno” iti Hebreo a sao a kaipapananna “tarubong.”