Matemba naMuchama Vyeji Kumikinganga
“Kachi nge namwivwililanga mulizu lyaYehova Kalunga kenu, kaha chuma kana nachikasoloka.”—ZEKA. 6:15.
1, 2. Chiyoyelo chavaYuleya chapwile ngachilihi muYelusalema halwola Zekaliya vamumwenesele chakumwenesa chakusokesa 7?
OMU Zekaliya amwene chakumwenesa chakusokesa 7, aputukile jino kushinganyeka havyuma amwene. Yehova amufwelelesele ngwenyi mwanongesa vatu vakuhuka. Mazu kana ajikijishile Zekaliya. Oloze vyuma kavyalumukile washiko, mwomwo vatu vakuhona kashishi navilinga vyeka vyavipi kuvachipwile lika. Kaha nawa mulimo wakutungulula tembele yaYehova muYelusalema wapwile kanda uchikume. Jino mwomwo ika vaYuleya vechelelele washi mulimo wavo avahanyine Kalunga? Uno vakindulukile kwimbo lyavo mangana vakalizachile milimo yavo tahi?
2 Zekaliya ejivile ngwenyi vaYuleya vaze vakindulukile kuYelusalema vapwile vatu valufwelelo, mwomwo ‘vavakunywile kuli Kalunga wamuchano’ mangana vaseze jizuvo, naluheto lwavo. (Ezela 1:2, 3, 5) Ava vatu vasezele lifuchi lize vejililile kanawa nakuya kulifuchi lyeka kuze vamwe kanda vamonengako lyehi. Kachi nge mulimo wakutungulula tembele yaYehova kawapwile waulemuko, kachi kavaliyanjishile kutambuka tunda yayisuku kafwe jikilomita 1,600 mujila yajipili namingulungako.
3, 4. Ukalu muka vamwene vaYuleya vaze vakindulukile?
Ezela 3:12) Kachi nge mwapwile halizavu lyavaze vapwile nakuya kuYelusalema, kachi mwevwile ngachilihi omu mwamwene nganda kana halwola lwatete? Kutala kachi mwahombele hakumona nganda yosena yinashiuka nakupwa malala, kaha nawa yinajiki namwila tahi? Uno kachi mwaputukile kwesekesa Yelusalema nganda yize yashiukile kuMbavilone nganda yize yapwile najikembwe jakukola tahi? VaIsalele kavalingile ngochoko. Vamwene omu Yehova avakingilenga muungeji wavo wosena. Chuma chatete valingile omu vahetele shina kutunga lijiko lyakulumbila hachihela haze hapwilenga tembele yamwaka nakuputuka kuhana mawana akulumba kuli Yehova hakumbi hakumbi. (Ezela 3:1, 2) Hakavanga chasolokele nge kakwapwile chuma nachivahonesa kutunga tembeleko.
3 Uno ungeji wavo wapwile ngachilihi? Omu vaYuleya vapwile nakutambuka mujila, pamo vashinganyekelenga chikuma vyachiyoyelo chakuze vapwile nakuya. Vevwile omu vavalwezelenga ngwavo Yelusalema yapwile nganda yamwaza. Vakulwane vaze vapwile halizavu lyavo vejivile kuwaha chatembele kana. (4 VaIsalele kavapwile kaha namulimo wakutunga tembeleko, oloze vatelelele kutunga najinganda javo. Vatelelele nawa kutungulula jizuvo, nakulima mande, nakuzakama vatu javo nakuvalisa. (Ezela 2:70) Mulimo kana wasolokele nge wavatohwelelele chikuma. Nakushimbula chiku vavafumbukilile kuli vaka-kole. Numba tuhu hakavanga vomikile, oloze vazeyele mwomwo yakuvayanjisa kuli vaka-kole javo hamyaka 15. (Ezela 4:1-4) Kuheta mu 522 B.C.E., ukalu waunene wavasolokelele omu mwangana wavaPeleja akanyishile mulimo wakutungulula Yelusalema. Chasolokele nge mulimo kana kaveshi kukauzata chekako.—Ezela 4:21-24.
5. Vyuma muka alingile Yehova omu vatu jenyi vahombele?
5 Yehova atachikijile vyuma vapwile nakusaka vatu jenyi. Ngocho amwenesele Zekaliya chakumwenesa chamakumishilo mangana asolole ngwenyi azanga vaYuleya, kaha nawa amwene milimo vazachile kupwa yayilemu nakuvafwelelesa ngwenyi, nge navakinduluka cheka nakuzata mulimo wenyi kaha mwavakinga. Yehova avafwelelesele ngwenyi: “Kachi nge namwivwililanga mulizu lyaYehova Kalunga kenu, kaha chuma kana nachikasoloka.”—Zeka. 6:15.
LIZAVU LYAVANGELO
6. (a) Uno chakumwenesa chakusokesa 8 vamwenesele Zekaliya chaputukile ngachilihi? (Talenu muvwimbimbi wakulivanga.) (b) Mwomwo ika vaze tuvalu vapwile vaulombo wakulisezaseza?
6 Chakumwenesa chamakumishilo vamwenesele Zekaliya chakusokesa 8 chavajikijishile. (Tangenu Zekaliya 6:1-3.) Zekaliya amwene matemba ajita awana ali nakufuma “mukachi kajipili jivali . . . jaunengu,” kaha tuvalu vaze vapwile nakuwakoka vapwile vaulombo wakulisezaseza. Echi chakafwile kuhandununa vaze vapwile nakuwatambukisa. Zekaliya ahulishile ngwenyi: “Awa matemba anemanyinako ika?” (Zeka. 6:4) Nayetu twafwila kutachikiza ovyo echi chakumwenesa chapwila chachilemu nakuli yetu.
Yehova achili nakuzachisa vangelo mangana vakinge nakujikijisa vatu jenyi
7, 8. (a) Uno jize jipili jivali jemanyinako ika? (b) Mwomwo ika jize jipili japwililile jaunengu?
7 Shimbu jimwe muMbimbiliya jipili jemanyinako mawangana chipwe jifulumende. Jize jipili amwene Zekaliya jalifwana najipili jivali vavuluka muupolofweto waNdanyele. Pili yimwe yemanyinako chiyulo chaYehova chahaya myaka yosena. Pili yikwavo yemanyinako Wangana wauMeshiya uze ayula Yesu. (Ndanye. 2:35, 45) Kufuma vene haze Yesu aswanyine hawangana mu 1914, eji jipili josena jinapungako lika, kaha jinazatenga mulimo waunene wakutesamo vyuma ajina kukalinga Kalunga hano hamavu.
8 Mwomwo ika eji jipili japwilile jaunengu? Unengu wapwa waulemu chikuma ngana mwaulu. Yehova asakile vazachise awa malolwa akuvyakuma hakutunga tavanaku natembele muYelusalema. (Kulo. 27:1-3; Vamya. 1, 7:13-16) Ngocho, unengu wajize jipili weji kutwanukisanga kuwaha chawata wakutenga chaYehova chosena naWangana wauMeshiya vize navikalingila vatu vyuma vyamwaza nakuvakinga.
9. Uno vaka-kutambukisa matemba vapwa veya, kaha mulimo muka vavahanyine?
9 Aze matemba navaze vaka-kuwatambukisa vyemanyinako ika? Vaka-kutambukisa aze matemba vapwa vangelo, kaha pamo veji kutambukisanga mumazavu. (Tangenu Zekaliya 6:5-8.) Ava vangelo vapwile nakufuma “kumeso aMwata wahamavu hosena” mangana vayenga nakutesamo mulimo waulemu. Uno mulimo muka vavahanyine? Aze matemba navaze vaka-kuwatambukisa vavatumine kuya nakukinga jingalila jize vavalwezele. Vatelelele kukinga vatu jaYehova chikumanyi “kulifuchi lyakunote” lyaMbavilone. Yehova kasakile vatu jenyi vayenga cheka muundungo muMbaviloneko. Mazu kana avendejekele vaze vapwile nakutunga tembele mumakumbi aZekaliya. Kaha kavalizakaminyine cheka hali vaka-kole javoko.
10. Upolofweto waZekaliya wamatemba navaka-kuwatambukisa wakafwa ngachilihi vatu jaKalunga makumbi ano?
10 Ngana muze chapwile mumakumbi aZekaliya, namakumbi ano Yehova chazachisa lika vangelo jenyi vakinge nakujikijisa vatu jenyi. (Mala. 3:6; Hepe. 1:7, 14) Kufuma vene haze vaIsalele vakushipilitu vavafumishile muundungo wachifwanyisa waMbavilone Yayinene mu 1919, kulemesa chamuchano chinakutwalaho lika, kaha kakweshi vyuma vimwe vinakuchihonesako. (Kuso. 18:4) Hakuwana nge vangelo veji kutukinganga, shikaho katwatela kulizakamina ngwetu lwola lumwe liuka lyaYehova nalikengila cheka muundungoko. (Samu 34:7) Twatela kufwelela ngwetu vatu jaKalunga mukaye kosena navatwalaho lika kufukila kushipilitu. Kushinganyeka hachakumwenesa chaZekaliya chatulingisa tufwelele ngwetu navatukinganga kumuvwimbimbi wajipili jivali.
11. Mwomwo ika katwatela kwivwa womako omu vatu jaKalunga navakavalukuka?
11 Kalinwomu mauka amapolitiki amuno mukaye kaSatana alifutule nakufwila kunongesa vatu jaKalunga. (Ezeke. 38:2, 10-12; Ndanye. 11:40, 44, 45; Kuso. 19:19) Upolofweto waEzekele walumbununa ngwawo, mauka kana nawakeza namatoto navaka-kwasa jita hatuvalu ngana mwamavwi anafwiki halifuchi. (Ezeke. 38:15, 16) * Kutala twatela kwivwa woma tahi? Nduma. Etu tuli naliyongomena lyamaswalale. Haluyando lwalunene vangelo jaYehova wamayongomena navakakinga vatu jaKalunga nakunongesa vaze navakanyemukila wata wenyi. (Teso. 2, 1:7, 8) Likumbi kana nalikapwa lyakulipwila. Uno iya eji kutwaminyinanga ava vangelo jaYehova?
YEHOVA MWAVWIKA MUCHAMA MWANGANA WENYI UZE NAWA APWA KAPILISHITU
12, 13. (a) Zekaliya vamulwezele alinge vyuma muka? (b) Twatachikiza ngachilihi ngwetu lizu Muketengo lyatalisa kuli Yesu Kulishitu?
12 Zekaliya vamumwenesele vyakumwenesa 8. Kaha aputukile kukolezeza vakwavo vaze vapwile nakutungulula tembele yaKalunga. (Tangenu Zekaliya 6:9-12.) Zekaliya vamulwezele akungulule palata naulu kufuma kuli Heletai naToviya naYetaya, malunga vaze vakindulukile kufuma kuMbavilone, mangana atunge “muchama waupahu.” (Zeka. 6:11, kwinyikila chamwishi) Kutala Zekaliya vamulwezele ambate muchama nakuvwika Nguvulu Zeluvavele wakumuyachi waYuta uze apwile kakwatambuli kaNdavichi tahi? Nduma. Vaze vapwileko pamo valikomokelele hakumona muchama navauvwika kumutwe waYoshuwa Kapilishitu Wakulitulaho.
13 Uno kuvwika muchama Yoshuwa Kapilishitu Wakulitulaho chamulingishile apwenga mwangana tahi? Nduma, Yoshuwa kapwile wakumuyachi wawangana waNdavichiko, ngocho katelemo kupwa mwanganako. Kumuvwika uze muchama chapwile upolofweto wakwinyikila kumwangana nakapilishitu wakulutwe. Uze kapilishitu wakulitulaho himwangana uze vavuluka ngwavo Muketengo. Visoneka vyasolola hatoma ngwavo ou Muketengo ikiye Yesu Kulishitu.—Isa. 11:1; Yele. 33:15.
14. Mulimo muka azata Yesu hakupwa Mwangana kaha nawa Kapilishitu Wakulitulaho?
14 Yesu ikiye twamina wamaswalale jaYehova vamwilu hakupwa ikiye Mwangana kaha nawa Kapilishitu Wakulitulaho. Ngocho eji kuzatanga nangolo mangana akinge vatu jaKalunga numba tuhu vali nakutwama mukaye kano kakuhuka. (Yele. 23:5, 6) Kalinwomu, Kulishitu mwatwaminyina mulimo wakufungulula mafuchi nakukundwiza wata waKalunga nakukinga vatu jaYehova. (Kuso. 17:12-14; 19:11, 14, 15) Oloze ou Muketengo mwakavangila kutesamo mulimo waulemu numba jino akasopese vaka-mafuchi.
MWAKATUNGA TEMBELE
15, 16. (a) Vyuma muka vanakindulwisa mumyaka yakalinwomu, kaha iya nazatenga mulimo kana? (b) Vyuma muka navikalingiwa hanyima yaChiyulo chaKulishitu chaMyaka Likombakaji?
15 Yesu kavamutongwela kaha kupwa Mwangana naKapilishitu Wakulitulahoko, oloze “mwakatunga [nawa] tembele yaYehova.” (Tangenu Zekaliya 6:13.) Mumyaka yakalinwomu, Yesu nakafwenga vaka-kulemesa Kalunga vamuchano vafume muMbavilone Yayinene nakukindulwisa chikungulwilo chavaka-Kulishitu mu 1919. Atongwele nawa “ndungo wakushishika wakuzangama” mangana atwaminyine mulimo tuli nakuzata muchipango chatembele yakushipilitu yahamavu. (Mateu 24:45) Natomesanga nawa vatu jaKalunga mangana vamulemese mujila yitoma.—Mala. 3:1-3.
16 MuChiyulo chaMyaka Likombakaji, Yesu navaze 144,000 vaze navakapwa vamyangana kaha nawa vapilishitu navakalingisa vatu vakushishika vakapwe vakukupuka. Nge vanakumisa, hamavu jino nahakapwanga kaha vaka-kulemesa Kalunga vamuchano. Ngocho, hamavu hosena nahakazala nakulemesa chamuchano.
AZANENUNGA MUMULIMO WAKUTUNGA
17. Yehova afwelelesele vaYuleya vyuma muka, kaha chavakafwile valinge ika?
17 Uno mujimbu ambulwile Zekaliya wakafwile ngachilihi vaYuleya vamumakumbi enyi? Yehova avafwelelesele ngwenyi mwavakinga mangana vakumise mulimo wavo. Mazu kana pamo avevwishile kuwaha mwomwo vatachikijile jino ngwavo tembele navayikumisa kuyitunga. Oloze vauteselemo ngachilihi hakuwana nge vatu vapwile vavandende? Mazu ahanjikile Zekaliya akiko avakolezezele. Numba tuhu Heletai naToviya naYetaya Zekaliya 6:15.) VaYuleya vaputukile cheka kuzata mulimo wavo wakutunga chamokomoko nakuvakanyisa, mwomwo vafwelelele ngwavo Kalunga mwavakafwa. Nakushimbula chiku, Yehova afumishileko ukalu uze wasolokele nge kaweshi kukumako, ngocho vakumishile kutunga tembele mu 515 B.C.E. (Ezela 6:22; Zeka. 4:6, 7) Mazu aYehova atulweza vyuma vyavilemu vize navatulingila makumbi ano.
vakundwijile ou mulimo, oloze Kalunga ambile ngwenyi nakukapwa vatu veka vaze “navakeza nakwazana mumulimo wakutunga tembele yaYehova.” (TangenuYehova keshi kukavulyama zangi yize tweji kumusolwelangako (Talenu palangalafu 18, 19)
18. Uno chisoneka chaZekaliya 6:15 chili nakutesamo ngachilihi makumbi ano?
18 Makumbi ano, vatu vavavulu vali nakulemesa Kalunga wamuchano, ngocho vali nakusuula “luheto” lwavo kuhakilako nalwola, ngolo, navikumba vyavo hakukundwiza mulimo wakutunga tembele yaKalunga yakushipilitu. (Vishi. 3:9) Twatachikiza ngachilihi ngwetu Yehova amona milimo tweji kuzatanga kupwa yayilemu? Anukenu ngwenu Heletai naToviya naYetaya vakiko vakungulwile vikumba vize azachishile Zekaliya hakutunga muchama. Ngocho muchama kana ukiko wapwile chuma “chakwanukilaho” milimo yavo yakukundwiza kulemesa chamuchano. (Zeka. 6:14) Chochimwe nawa, Yehova keshi kukavulyama zangi yetu namilimo tweji kumuzachilangako. (Hepe. 6:10) Mwatwalaho lika kwanukanga zangi namilimo yetu haya myaka yosena.
19. Vyakumwenesa vamwenesele Zekaliya vyakwata ngachilihi hali yetu makumbi ano?
19 Vyuma vyosena vize vinatesamo mukulemesa chamuchano mumakumbi ano amakumishilo vili nakusolola nge Yehova naKulishitu vakiko vali nakutwaminyina. Chikupu vene twatwama muliuka lyakukingiwa lize kalyeshi kukanongako. Kujina chaYehova chakukindulwisa kulemesa chamuchano ‘nachikalingiwa’ chikupu. Ngocho wahililenu hakupwa hakachi kavatu jaYehova, kaha kanda ‘namulitwamina kwivwililanga mulizu lyaYehova Kalunga kenuko.’ Nge namulinga ngocho, kaha Mwangana uze nawa apwa Kapilishitu Wakulitulaho uze eji kutambukisanga matemba amwilu mwatwalaho lika kumikinga. Shikaho zatenu nangolo mumulimo wakukundwiza kulemesa chamuchano. Fwelelenu ngwenu Yehova wamayongomena mwamikinga mumakumbi ano amakumishilo nahaya myaka yosena.
^ par. 11 Nge muli nakusaka mijimbu yikwavo kaha talenu “Vihula Vyakufuma Kuli Vaka-Kutanga” muKaposhi Kakutalila waMay 15, 2015, mafwo 29-30.