1, 2. സെഖര്യക്ക് ഏഴാമത്തെ ദർശനം ലഭിച്ച സമയത്ത്‌ യരുശ​ലേ​മി​ലെ ജൂതന്മാ​രു​ടെ അവസ്ഥ എന്തായി​രു​ന്നു?

സെഖര്യ ഏഴാമത്തെ ദർശനം കണ്ടുക​ഴി​ഞ്ഞു. ആ ദർശന​ത്തി​ലൂ​ടെ ദുഷ്‌പ്ര​വൃ​ത്തി​കൾ ചെയ്യുന്ന വഞ്ചകരായ ആളുക​ളോ​ടു താൻ കണക്കു ചോദി​ക്കു​മെ​ന്നുള്ള യഹോ​വ​യു​ടെ ഉറപ്പു സെഖര്യ​യെ തീർച്ച​യാ​യും ബലപ്പെ​ടു​ത്തി​യി​ട്ടു​ണ്ടാ​കും. പക്ഷേ കാര്യ​ങ്ങൾക്കു വലിയ മാറ്റ​മൊ​ന്നും വന്നിട്ടില്ല. വഞ്ചനയും മറ്റു ദുഷ്‌കൃ​ത്യ​ങ്ങ​ളും യരുശ​ലേ​മിൽ അപ്പോ​ഴു​മു​ണ്ടാ​യി​രു​ന്നു. യഹോ​വ​യു​ടെ ആലയത്തി​ന്‍റെ പുനർനിർമാ​ണം എങ്ങും എത്തിയി​രു​ന്നില്ല. ദൈവം തങ്ങളെ ഏൽപ്പിച്ച ദൗത്യം ഇത്ര പെട്ടെന്ന് ഉപേക്ഷിച്ച് പോകാൻ ആ ജൂതന്മാർക്ക് എങ്ങനെ കഴിയു​മാ​യി​രു​ന്നു? സ്വന്തം താത്‌പ​ര്യ​ങ്ങൾക്കു​വേ​ണ്ടി​യാ​ണോ അവർ സ്വദേ​ശ​ത്തേക്കു മടങ്ങി​വ​ന്നത്‌?

² യരുശ​ലേ​മി​ലേക്കു മടങ്ങിവന്ന ജൂതന്മാർ വിശ്വാ​സ​മു​ള്ള​വ​രാ​യി​രു​ന്നെന്നു സെഖര്യക്ക് അറിയാ​മാ​യി​രു​ന്നു. ബാബി​ലോ​ണി​ലെ വീടു​ക​ളും കച്ചവട​വും എല്ലാം ഉപേക്ഷിച്ച് വരാൻ ‘സത്യ​ദൈവം മനസ്സിൽ തോന്നിച്ച’ ആളുക​ളാ​യി​രു​ന്നു അവർ. (എസ്ര 1:2, 3, 5) പരിചി​ത​മായ ചുറ്റു​പാ​ടു​കൾ ഉപേക്ഷി​ച്ചാണ്‌ അവരിൽ അനേക​രും മുമ്പ് ഒരിക്ക​ലും കണ്ടിട്ടി​ല്ലാത്ത ഒരു സ്ഥലത്തേക്കു വന്നത്‌. യഹോ​വ​യു​ടെ ആലയം പുനർനിർമി​ക്കു​ന്ന​തിന്‌ അത്രയ​ധി​കം പ്രാധാ​ന്യം കൊടു​ത്ത​തു​കൊ​ണ്ടല്ലേ 1,600 കിലോ​മീ​റ്റർ നീണ്ട ദുർഘ​ട​മായ യാത്ര​യ്‌ക്ക് അവർ തയ്യാറാ​യത്‌?

3, 4. തിരി​ച്ചെ​ത്തിയ ജൂതന്മാർ എന്തൊക്കെ പ്രതി​ബ​ന്ധങ്ങൾ നേരിട്ടു?

³ യരുശ​ലേ​മി​ലേ​ക്കുള്ള മടക്കയാ​ത്ര​യിൽ ആ ജൂതന്മാ​രു​ടെ മനസ്സി​ലൂ​ടെ എന്തൊക്കെ  കടന്നു​പോ​യി​ട്ടു​ണ്ടാ​കാം? ചെന്നെ​ത്താൻ പോകുന്ന സ്ഥലത്തെ​ക്കു​റിച്ച് അവർ വളരെ നേരം ചിന്തി​ച്ചു​കാ​ണും. യരുശ​ലേം നഗരം എത്ര മനോ​ഹ​ര​മാ​യി​രു​ന്നെന്ന് അവർ കേട്ടി​ട്ടുണ്ട്. അവരു​ടെ​കൂ​ടെ​യുള്ള പ്രായ​മാ​യവർ യരുശ​ലേ​മി​ലെ ദേവാ​ല​യ​ത്തി​ന്‍റെ മഹത്ത്വം കണ്ടവരാ​യി​രു​ന്നു. (എസ്ര 3:12) നിങ്ങൾ അവരോ​ടൊ​പ്പം യാത്ര ചെയ്യു​ന്ന​താ​യി സങ്കൽപ്പി​ക്കുക. യരുശ​ലേം നഗരം അതാ അങ്ങകലെ കൺമു​ന്നിൽ. നിങ്ങൾ ഇനി താമസി​ക്കാൻ പോകുന്ന ആ നഗര​ത്തോട്‌ അടുക്കു​മ്പോൾ നിങ്ങൾക്ക് എന്തായി​രി​ക്കാം തോന്നുക? തകർന്ന് കിടക്കുന്ന കെട്ടി​ട​ങ്ങ​ളിൽ കാട്ടു​ചെ​ടി​കൾ പടർന്ന് കയറി​ക്കി​ട​ക്കു​ന്നതു കണ്ട് നിങ്ങൾ വിഷമി​ക്കു​മോ? ഇപ്പോൾ നിങ്ങൾക്ക് യരുശ​ലേ​മി​ന്‍റെ മതിലു​കൾ കൂടുതൽ വ്യക്തമാ​യി കാണാം. അതിന്‍റെ പല ഭാഗങ്ങ​ളും ഇടിഞ്ഞു​കി​ട​ക്കു​ന്നു. മുമ്പു​ണ്ടാ​യി​രുന്ന പല കവാട​ങ്ങ​ളും കാവൽഗോ​പു​ര​ങ്ങ​ളും ഇപ്പോൾ കാണാ​നില്ല. അതു കണ്ടപ്പോൾ ബാബി​ലോ​ണി​ലെ പടുകൂ​റ്റൻ ഇരട്ടമ​തി​ലു​കൾ നിങ്ങളു​ടെ മനസ്സിൽ വന്നുകാ​ണും. ഇങ്ങനെ​യൊ​ക്കെ​യാ​യി​രു​ന്നെ​ങ്കി​ലും ആ ജനം നിരാ​ശ​യിൽ ആണ്ടു​പോ​യില്ല. സ്വദേ​ശ​ത്തേ​ക്കുള്ള നീണ്ട യാത്ര​യിൽ ഉടനീളം യഹോവ തങ്ങളെ സഹായി​ക്കു​ന്നത്‌ അവർ കണ്ടിരു​ന്നു. അവിടെ എത്തിയ​ശേഷം ആദ്യം​തന്നെ ആലയമി​രുന്ന സ്ഥലത്ത്‌ അവർ ഒരു യാഗപീ​ഠം പണിതു. അവിടെ അവർ ദിവസ​വും യഹോ​വ​യ്‌ക്കു യാഗങ്ങൾ അർപ്പി​ച്ചു​പോ​ന്നു. (എസ്ര 3:1, 2) അവരുടെ അപ്പോ​ഴത്തെ ആവേശം കണ്ടാൽ അത്ര പെട്ടെന്ന് അവർ നിരു​ത്സാ​ഹി​ത​രാ​കു​മെന്നു തോന്നു​കയേ ഇല്ല.

⁴ ആലയനിർമാ​ണ​ത്തോ​ടൊ​പ്പം ഇസ്രാ​യേ​ല്യർക്ക് അവരുടെ നഗരങ്ങ​ളും പുനർനിർമി​ക്കേ​ണ്ട​തു​ണ്ടാ​യി​രു​ന്നു. അവർ വീടുകൾ പണിയ​ണ​മാ​യി​രു​ന്നു, വയലിൽ കൃഷി ചെയ്‌ത്‌ കുടും​ബത്തെ പോറ്റ​ണ​മാ​യി​രു​ന്നു. (എസ്ര 2:70) ഈ ജോലി​ക​ളെ​ല്ലാം എടുത്താൽ പൊങ്ങാ​ത്ത​തു​പോ​ലെ അവർക്കു തോന്നി. ഇതി​ന്‍റെ​യെ​ല്ലാം പുറ​മേ​യാണ്‌ അവർക്കു മറ്റുള്ള​വ​രിൽനിന്ന് കടുത്ത എതിർപ്പു നേരി​ട്ടത്‌. തുടക്ക​ത്തിൽ സത്യാ​രാ​ധ​ന​യ്‌ക്കാ​യി ഉറച്ച നിലപാ​ടെ​ടു​ത്തെ​ങ്കി​ലും 15 വർഷം നേരിട്ട എതിർപ്പു​കൾ അവരുടെ ഉത്സാഹത്തെ കെടു​ത്തി​ക്ക​ളഞ്ഞു. (എസ്ര 4:1-4) ബി.സി. 522-ൽ പേർഷ്യൻ രാജാവ്‌ യരുശ​ലേ​മി​ലെ നിർമാ​ണ​പ്ര​വർത്ത​ന​ങ്ങ​ളെ​ല്ലാം നിറു​ത്തി​വെ​ക്കാൻ ഉത്തരവി​ട്ടത്‌ അവർക്കു കനത്ത തിരി​ച്ച​ടി​യാ​യി. അങ്ങനെ ആ നഗരത്തി​ന്‍റെ ഭാവി അനിശ്ചി​ത​ത്വ​ത്തി​ലാ​യി.—എസ്ര 4:21-24.

5. മടുത്ത്‌ പിന്മാ​റിയ തന്‍റെ ജനത്തെ യഹോവ എങ്ങനെ​യാ​ണു സഹായി​ച്ചത്‌?

⁵ എന്നാൽ, തന്‍റെ ജനത്തിനു വേണ്ടത്‌ എന്താ​ണെന്ന് യഹോ​വ​യ്‌ക്ക് അറിയാ​മാ​യി​രു​ന്നു. അതിനു​വേ​ണ്ടി​യാ​ണു ദൈവം സെഖര്യക്ക് അവസാ​നത്തെ ദർശനം കൊടു​ത്തത്‌. താൻ അവരെ സ്‌നേ​ഹി​ക്കു​ന്നെ​ന്നും അവർ ഇതുവരെ ചെയ്‌ത എല്ലാ കാര്യ​ങ്ങ​ളെ​യും വിലമ​തി​ക്കു​ന്നെ​ന്നും ഉറപ്പു​കൊ​ടു​ക്കുക എന്നതാ​യി​രു​ന്നു അതിന്‍റെ ഉദ്ദേശ്യം. അതു​പോ​ലെ താൻ ഏൽപ്പിച്ച വേലയി​ലേക്കു മടങ്ങി​പ്പോ​യാൽ ആവശ്യ​മായ സംരക്ഷണം കൊടു​ക്കു​മെ​ന്നും ആ ദർശനം ഉറപ്പേകി. ആലയം പുനർനിർമി​ക്കു​ന്ന​തി​നെ​ക്കു​റിച്ച് യഹോവ ഇങ്ങനെ വാഗ്‌ദാ​നം ചെയ്‌തു: “നിങ്ങളു​ടെ ദൈവ​മായ യഹോ​വ​യു​ടെ വാക്കുകൾ അനുസ​രി​ക്കു​ന്ന​തിൽ വീഴ്‌ച വരുത്താ​തി​രു​ന്നാൽ അങ്ങനെ സംഭവി​ക്കും.”—സെഖ. 6:15.

6. (എ) സെഖര്യ​യു​ടെ എട്ടാമത്തെ ദർശനം എങ്ങനെ​യാണ്‌ ആരംഭി​ക്കു​ന്നത്‌? (ലേഖനാ​രം​ഭ​ത്തി​ലെ ചിത്രം കാണുക.) (ബി) കുതി​ര​കൾക്കു വ്യത്യ​സ്‌ത​നി​റ​ങ്ങ​ളു​ള്ളത്‌ എന്തു​കൊണ്ട്?

⁶ സെഖര്യ​യു​ടെ എട്ടു ദർശന​ങ്ങ​ളിൽ, ഒരുപക്ഷേ വിശ്വാ​സത്തെ ഏറ്റവും ശക്തി​പ്പെ​ടു​ത്തു​ന്നത്‌ അവസാ​ന​ത്തേ​താണ്‌. (സെഖര്യ 6:1-3 വായി​ക്കുക.) ഈ രംഗ​മൊ​ന്നു ഭാവന​യിൽ കാണുക: “ചെമ്പു​കൊ​ണ്ടുള്ള രണ്ടു പർവത​ങ്ങൾക്കി​ട​യിൽനിന്ന്” നാലു രഥങ്ങൾ കുതി​ച്ചു​വ​രു​ന്നു. ഒരു യുദ്ധത്തി​നെ​ന്ന​പോ​ലെ​യാണ്‌ ആ വരവ്‌. രഥങ്ങൾ വലിക്കുന്ന കുതി​ര​കൾക്കു വ്യത്യ​സ്‌ത​നി​റ​ങ്ങ​ളാ​ണു​ള്ളത്‌. ഓരോ രഥവും തെളി​ക്കുന്ന വ്യത്യ​സ്‌ത​തേ​രാ​ളി​കളെ തിരി​ച്ച​റി​യാൻ ഇതു സഹായി​ക്കു​മാ​യി​രു​ന്നു. “എന്താണ്‌ ഇവയൊ​ക്കെ” എന്നു സെഖര്യ ചോദി​ക്കു​ന്നു. (സെഖ. 6:4) അത്‌ അറിയാൻ നമ്മളും ആഗ്രഹി​ക്കു​ന്നു. കാരണം ഈ ദർശനം നമ്മളെ​യും ബാധി​ക്കു​ന്ന​താണ്‌.

7, 8. (എ) രണ്ടു പർവതങ്ങൾ എന്തി​നെ​യാ​ണു പ്രതി​നി​ധാ​നം ചെയ്യു​ന്നത്‌? (ബി) പർവതങ്ങൾ ചെമ്പു​കൊ​ണ്ടു​ള്ള​താണ്‌ എന്നതിന്‍റെ പ്രസക്തി എന്താണ്‌?

⁷ ബൈബി​ളിൽ മിക്ക​പ്പോ​ഴും പർവതങ്ങൾ പ്രതി​നി​ധാ​നം ചെയ്യു​ന്നതു രാജ്യ​ങ്ങ​ളെ​യും ഭരണകൂ​ട​ങ്ങ​ളെ​യും ആണ്‌. സെഖര്യ​യു​ടെ വിവര​ണ​ത്തി​ലെ പർവതങ്ങൾ ദാനി​യേൽപ്ര​വ​ച​ന​ത്തിൽ പറഞ്ഞി​രി​ക്കുന്ന രണ്ടു പർവത​ങ്ങ​ളോ​ടു സമാന​മാണ്‌. അതിൽ ഒരു പർവതം, എന്നും നിലനിൽക്കുന്ന, യഹോ​വ​യു​ടെ അഖിലാ​ണ്ഡ​ഭ​ര​ണാ​ധി​പ​ത്യ​ത്തെ പ്രതി​നി​ധാ​നം ചെയ്യുന്നു. മറ്റേ പർവതം യേശു​വി​ന്‍റെ നിയ​ന്ത്ര​ണ​ത്തി​ലുള്ള മിശി​ഹൈ​ക​രാ​ജ്യ​ത്തെ​യും. (ദാനി. 2:35, 45) 1914-ൽ യേശു രാജാ​വാ​യ​തു​മു​തൽ ദൈ​വേഷ്ടം ഭൂമി​യിൽ നടപ്പാ​ക്കു​ന്ന​തിന്‌ ഒരു പ്രത്യേ​ക​വി​ധ​ത്തിൽ ഈ രണ്ടു പർവത​ങ്ങ​ളും ഒരുമിച്ച് പ്രവർത്തി​ക്കു​ന്നു.

 ⁸ പർവതങ്ങൾ ചെമ്പു​കൊ​ണ്ടു​ള്ള​താണ്‌ എന്നതിന്‍റെ പ്രസക്തി എന്താണ്‌? സ്വർണം​പോ​ലെ വളരെ മൂല്യ​മു​ള്ള​താ​യി കണക്കാ​ക്കി​യി​രുന്ന ഒരു ലോഹ​മാ​ണു ചെമ്പ്. തിളക്ക​മുള്ള ഈ ലോഹം വിശു​ദ്ധ​കൂ​ടാ​ര​ത്തി​ന്‍റെ​യും പിന്നീട്‌ യരുശ​ലേ​മി​ലെ ആലയത്തി​ന്‍റെ​യും പണിക്ക് ഉപയോ​ഗി​ക്കാൻ യഹോവ നിർദേ​ശി​ച്ചി​രു​ന്നു. (പുറ. 27:1-3; 1 രാജാ. 7:13-16) യഹോ​വ​യു​ടെ അഖിലാ​ണ്ഡ​പ​ര​മാ​ധി​കാ​ര​വും മിശി​ഹൈ​ക​രാ​ജ്യ​വും എത്ര ശ്രേഷ്‌ഠ​മാ​ണെന്നു ചെമ്പു​കൊ​ണ്ടുള്ള പ്രതീ​കാ​ത്മ​ക​പർവ​തങ്ങൾ നമ്മളെ ഓർമി​പ്പി​ക്കു​ന്നു. ഈ മിശി​ഹൈ​ക​രാ​ജ്യം എല്ലാ മനുഷ്യർക്കും സുരക്ഷി​ത​ത്വ​വും അനു​ഗ്ര​ഹ​ങ്ങ​ളും കൈവ​രു​ത്തും.

9. തേരാ​ളി​കൾ ആരാണ്‌, എന്താണ്‌ അവർക്കു ലഭിച്ചി​രി​ക്കുന്ന നിയമനം?

⁹ ദർശന​ത്തിൽ പറഞ്ഞി​രി​ക്കുന്ന രഥങ്ങളും തേരാ​ളി​ക​ളും എന്തി​നെ​യാ​ണു പ്രതീ​ക​പ്പെ​ടു​ത്തു​ന്നത്‌? അവ ദൂതന്മാ​രെ പ്രതീ​ക​പ്പെ​ടു​ത്തു​ന്നു, സാധ്യ​ത​യ​നു​സ​രിച്ച് ദൂതന്മാ​രു​ടെ കൂട്ടങ്ങളെ. (സെഖര്യ 6:5-8 വായി​ക്കുക.) ‘മുഴു​ഭൂ​മി​യു​ടെ​യും നാഥന്‍റെ മുന്നിൽനിന്ന്’ ഒരു പ്രത്യേക ദൗത്യം നിറ​വേ​റ്റു​ന്ന​തി​നു പുറ​പ്പെ​ട്ട​താണ്‌ അവർ. അവർക്ക് എന്തു നിയമ​ന​മാ​ണു കിട്ടി​യത്‌? ദൈവ​ജ​നത്തെ സംരക്ഷി​ക്കു​ന്ന​തി​നു ദൈവ​ദൂ​ത​ന്മാ​രെ ചില പ്രത്യേക പ്രദേ​ശ​ങ്ങ​ളി​ലേക്ക് അയയ്‌ക്കു​ക​യാ​യി​രു​ന്നു. അതിൽ പ്രധാ​ന​മാ​യി​രു​ന്നു ‘വടക്കേ ദേശം,’ അതായത്‌ ബാബി​ലോൺ. തന്‍റെ ജനം ഇനി ഒരിക്ക​ലും ബാബി​ലോ​ണി​ന്‍റെ അടിമ​ത്ത​ത്തി​ലാ​കി​ല്ലെന്ന് യഹോവ ഉറപ്പു​വ​രു​ത്തു​മാ​യി​രു​ന്നു. സെഖര്യ​യു​ടെ നാളിൽ ആലയം പണിയു​ന്ന​വർക്ക് ഈ അറിവ്‌ എത്ര ആശ്വാ​സ​മാ​യി​രു​ന്നു. ശത്രുക്കൾ തങ്ങളുടെ വേലയെ തടസ്സ​പ്പെ​ടു​ത്തു​മെന്ന് അവർ ഭയപ്പെ​ടേ​ണ്ട​തി​ല്ലാ​യി​രു​ന്നു.

10. രഥങ്ങ​ളെ​യും തേരാ​ളി​ക​ളെ​യും കുറി​ച്ചുള്ള സെഖര്യ​യു​ടെ പ്രവച​ന​ത്തിൽനിന്ന് ഇക്കാലത്തെ ദൈവ​ജ​ന​ത്തിന്‌ എന്ത് ഉറപ്പാണു ലഭിക്കു​ന്നത്‌?

¹⁰ സെഖര്യ​യു​ടെ കാല​ത്തെ​പ്പോ​ലെ ഇന്നും തന്‍റെ ജനത്തെ സംരക്ഷി​ക്കാ​നും ശക്തീക​രി​ക്കാ​നും സൈന്യ​ങ്ങ​ളു​ടെ അധിപ​നായ യഹോവ ദൂതന്മാ​രെ ഉപയോ​ഗി​ക്കു​ന്നു. (മലാ. 3:6; എബ്രാ. 1:7, 14) 1919-ൽ ബാബി​ലോൺ എന്ന മഹതി​യു​ടെ ആലങ്കാ​രിക അടിമ​ത്ത​ത്തിൽനിന്ന് ആത്മീയ ഇസ്രാ​യേൽ മോചി​ത​രാ​യ​പ്പോൾമു​തൽ എതിർപ്പു​കൾക്കു​മ​ധ്യേ​യും സത്യാ​രാ​ധന ദ്രുത​ഗ​തി​യിൽ മുന്നേ​റി​ക്കൊ​ണ്ടി​രി​ക്കു​ക​യാണ്‌. (വെളി. 18:4) ദൂതന്മാ​രു​ടെ സംരക്ഷ​ണ​മു​ള്ള​തു​കൊണ്ട് ഇനി​യൊ​രി​ക്ക​ലും യഹോ​വ​യു​ടെ സംഘടന ആത്മീയ അടിമ​ത്ത​ത്തി​ലാ​കു​മെന്നു നമ്മൾ ഭയക്കേ​ണ്ട​തില്ല. (സങ്കീ. 34:7) പകരം, ഈ ദർശനം നമുക്ക് ഒരു ഉറപ്പു തരുന്നു, ലോക​മെ​ങ്ങും ദൈവ​ദാ​സ​രു​ടെ ആത്മീയ​പു​രോ​ഗ​തിക്ക് ഒരു തടസ്സവു​മു​ണ്ടാ​വു​ക​യി​ല്ലെന്ന ഉറപ്പ്. സെഖര്യ​യു​ടെ ദർശന​ത്തെ​ക്കു​റിച്ച് ഒന്നു മനസ്സി​രു​ത്തി ചിന്തി​ക്കു​ന്നെ​ങ്കിൽ ആ രണ്ടു പർവത​ങ്ങ​ളു​ടെ നിഴലിൽ നമ്മൾ സുരക്ഷി​ത​രാ​ണെന്നു നമുക്കു വ്യക്തമാ​കും.

11. ദൈവ​ജ​ന​ത്തിന്‌ എതിരെ വരാനി​രി​ക്കുന്ന ആക്രമ​ണ​ത്തെ​ക്കു​റിച്ച് ഓർത്ത്‌ നമ്മൾ ഭയക്കേ​ണ്ട​തി​ല്ലാ​ത്തത്‌ എന്തു​കൊണ്ട്?

¹¹ പെട്ടെ​ന്നു​തന്നെ ദൈവ​ജ​നത്തെ നശിപ്പി​ക്കു​ക​യെന്ന ഒറ്റ ലക്ഷ്യത്തിൽ സാത്താന്‍റെ ലോക​ത്തി​ലെ രാഷ്‌ട്രീ​യ​ശ​ക്തി​കൾ സംഘടി​ക്കും. (യഹ. 38:2, 10-12; ദാനി. 11:40, 44, 45; വെളി. 19:19) മേഘം ദേശത്തെ മൂടു​ന്ന​തു​പോ​ലെ ഈ ശക്തികൾ കുതി​ര​ക​ളി​ലേറി അതി​കോ​പ​ത്തോ​ടെ നമു​ക്കെ​തി​രെ വരുന്ന​താ​യി യഹസ്‌കേ​ലി​ന്‍റെ പ്രവചനം വിവരി​ക്കു​ന്നു. (യഹ. 38:15, 16) * ആ സമയത്ത്‌ നമ്മൾ ഭയപ്പെ​ട​ണ​മോ? വേണ്ടേ വേണ്ട! കാരണം നമ്മു​ടെ​കൂ​ടെ​യും ഒരു കുതി​ര​പ്പ​ട​യുണ്ട്. മഹാക​ഷ്ട​ത​യു​ടെ ആ നിർണാ​യ​ക​സ​മ​യത്ത്‌ സൈന്യ​ങ്ങ​ളു​ടെ അധിപ​നായ യഹോ​വ​യു​ടെ ദൂത​സൈ​ന്യം ഒന്നിച്ചു​വ​രും. അവർ ദൈവ​ജ​നത്തെ സംരക്ഷി​ക്കു​ക​യും ദൈവ​ത്തി​ന്‍റെ പരമാ​ധി​കാ​രത്തെ എതിർക്കു​ന്ന​വരെ നശിപ്പി​ക്കു​ക​യും ചെയ്യും. (2 തെസ്സ. 1:7, 8) എത്ര ഭയങ്കര​മാ​യി​രി​ക്കും ആ ദിവസം! എന്നാൽ ആ സ്വർഗീ​യ​സൈ​ന്യ​ത്തെ നയിക്കു​ന്നത്‌ ആരായി​രി​ക്കും?

12, 13. (എ) സെഖര്യ​യോട്‌ എന്തു ചെയ്യാൻ ആവശ്യ​പ്പെട്ടു? (ബി) നാമ്പ് എന്നു പേര്‌ ലഭിച്ച മനുഷ്യൻ പ്രാവ​ച​നി​ക​മാ​യി ആരെയാണ്‌ അർഥമാ​ക്കു​ന്നത്‌? വിശദീ​ക​രി​ക്കുക.

¹² സെഖര്യ എട്ടു ദർശന​ങ്ങ​ളും കണ്ടത്‌ ഒറ്റയ്‌ക്കാ​യി​രു​ന്നു. എന്നാൽ ഇപ്പോൾ മറ്റുള്ള​വർക്കു​കൂ​ടെ  കാണാൻ കഴിയുന്ന ഒരു കാര്യം ചെയ്‌തു​കൊണ്ട് സെഖര്യ ദൈവ​ത്തി​ന്‍റെ ആലയം പുനർനിർമി​ക്കു​ന്ന​വർക്കു പ്രോ​ത്സാ​ഹനം പകരുന്നു. (സെഖര്യ 6:9-12 വായി​ക്കുക.) ബാബി​ലോ​ണിൽനിന്ന് അവസാനം വന്ന ഹെൽദാ​യി​യു​ടെ​യും തോബി​യ​യു​ടെ​യും യദയയു​ടെ​യും കൈയിൽനിന്ന് സ്വർണം ശേഖരി​ക്കാൻ സെഖര്യ​യോട്‌ ആവശ്യ​പ്പെട്ടു. ആ സ്വർണം​കൊണ്ട് ഒരു “വിശി​ഷ്ട​കി​രീ​ടം” ഉണ്ടാക്ക​ണ​മാ​യി​രു​ന്നു. (സെഖ. 6:11, അടിക്കു​റിപ്പ്) അപ്പോ​ഴത്തെ ഗവർണ​റും യഹൂദാ​ഗോ​ത്ര​ക്കാ​ര​നും ദാവീ​ദി​ന്‍റെ ഒരു പിന്മു​റ​ക്കാ​ര​നും ആയ സെരു​ബ്ബാ​ബേ​ലി​നെ​യാ​യി​രു​ന്നോ ആ കിരീടം അണിയി​ക്കേ​ണ്ടി​യി​രു​ന്നത്‌? അല്ല. മഹാപു​രോ​ഹി​ത​നായ യോശു​വ​യു​ടെ തലയിൽ സെഖര്യ അതു വെച്ച​പ്പോൾ കണ്ടുനി​ന്നവർ അതിശ​യി​ച്ചു​പോ​യി​ട്ടു​ണ്ടാ​കും.

¹³ കിരീടം വെച്ചതു​കൊണ്ട് മഹാപു​രോ​ഹി​ത​നായ യോശുവ ഒരു രാജാ​വാ​യോ? ഇല്ല. യോശുവ ദാവീ​ദി​ന്‍റെ രാജകീ​യ​വം​ശ​ത്തി​ലല്ല ജനിച്ചത്‌. അതു​കൊണ്ട് രാജാ​വാ​കാ​നുള്ള യോഗ്യ​ത​യി​ല്ലാ​യി​രു​ന്നു. അദ്ദേഹ​ത്തി​ന്‍റെ കിരീ​ട​ധാ​ര​ണ​ത്തിന്‌ ഒരു പ്രാവ​ച​നിക അർഥമാ​ണു​ണ്ടാ​യി​രു​ന്നത്‌. ഭാവി​യിൽ നിത്യ​രാ​ജാ​വും പുരോ​ഹി​ത​നും ആകുമാ​യി​രുന്ന ഒരാളി​ലേക്ക് അതു വിരൽചൂ​ണ്ടി. രാജാ​വാ​കുന്ന ഈ മഹാപു​രോ​ഹി​തനു നാമ്പ് അഥവാ മുള എന്ന പേര്‌ ലഭിക്കു​ന്നു. ഈ മുള യേശു​ക്രി​സ്‌തു​വാ​ണെന്നു തിരു​വെ​ഴു​ത്തു​കൾ വ്യക്തമാ​ക്കു​ന്നു.—യശ. 11:1; മത്താ. 2:23, അടിക്കു​റിപ്പ്.

14. രാജാ​വും മഹാപു​രോ​ഹി​ത​നും ആയി യേശു ഇപ്പോൾ എന്താണു ചെയ്യു​ന്നത്‌?

¹⁴ രാജാ​വും മഹാപു​രോ​ഹി​ത​നും ആയ യേശു​ക്രി​സ്‌തു​വാണ്‌ യഹോ​വ​യു​ടെ ആ സ്വർഗീ​യ​ദൂ​ത​സൈ​ന്യ​ത്തെ നയിക്കു​ന്നത്‌. പ്രക്ഷു​ബ്ധ​മായ ഈ ലോക​ത്തി​ലും ദൈവ​ജ​നത്തെ ഒരു കൂട്ടമെന്ന നിലയിൽ സംരക്ഷി​ക്കാ​നാ​യി യേശു​ക്രി​സ്‌തു തീക്ഷ്ണ​ത​യോ​ടെ പ്രവർത്തി​ക്കു​ക​യാണ്‌. (യിരെ. 23:5, 6) സമീപ​ഭാ​വി​യിൽ രാഷ്‌ട്രീ​യ​ശ​ക്തി​കളെ കീഴട​ക്കു​ന്ന​തി​നു ക്രിസ്‌തു നേതൃ​ത്വം വഹിക്കും, അങ്ങനെ ദൈവ​ത്തി​ന്‍റെ പരമാ​ധി​കാ​രത്തെ പിന്തു​ണ​യ്‌ക്കു​ക​യും യഹോ​വ​യു​ടെ ജനത്തെ സംരക്ഷി​ക്കു​ക​യും ചെയ്യും. (വെളി. 17:12-14; 19:11, 14, 15) പക്ഷേ ആ ന്യായ​വി​ധി​ക്കു മുമ്പ്, മുളയായ യേശു​വി​നു മറ്റൊരു ദൗത്യം പൂർത്തീ​ക​രി​ക്കാ​നുണ്ട്.

15, 16. (എ) ആധുനി​ക​കാ​ലത്ത്‌ ദൈവ​ജനം പുനഃ​സ്ഥാ​പി​ക്ക​പ്പെ​ടു​ക​യും ശുദ്ധീ​ക​രി​ക്ക​പ്പെ​ടു​ക​യും ചെയ്‌തി​രി​ക്കു​ന്നത്‌ എങ്ങനെ, ആരുടെ നേതൃ​ത്വ​ത്തിൽ? (ബി) ക്രിസ്‌തു​വി​ന്‍റെ ആയിരം​വർഷ​വാ​ഴ്‌ച​യു​ടെ അവസാനം ഭൂമി​യു​ടെ അവസ്ഥ എന്തായി​രി​ക്കും?

¹⁵ രാജാ​വും മഹാപു​രോ​ഹി​ത​നും ആയി സേവി​ക്കു​ന്ന​തോ​ടൊ​പ്പം യേശു​വിന്‌ ‘യഹോ​വ​യു​ടെ ആലയം പണിയാ​നുള്ള’ നിയമ​ന​വും ലഭിക്കു​ന്നു. (സെഖര്യ 6:13 വായി​ക്കുക.) ആധുനി​ക​കാ​ലത്ത്‌ യേശു എങ്ങനെ​യാണ്‌ ‘ആലയം പണിയു​ന്നത്‌?’ 1919-ൽ സത്യാ​രാ​ധ​കരെ ബാബി​ലോൺ എന്ന മഹതി​യു​ടെ അടിമ​ത്ത​ത്തിൽനിന്ന് മോചി​പ്പി​ച്ച​തും ക്രിസ്‌തീ​യ​സ​ഭയെ പുനഃ​സ്ഥാ​പി​ച്ച​തും അതിൽ ഉൾപ്പെ​ടു​ന്നു. വലിയ ആത്മീയാ​ല​യ​ത്തി​ന്‍റെ ഭൂമി​യി​ലെ വേലയ്‌ക്കു നേതൃ​ത്വം വഹിക്കു​ന്ന​തി​നു യേശു ‘വിശ്വ​സ്‌ത​നും വിവേ​കി​യും ആയ അടിമയെ’ നിയമി​ക്കു​ക​യും ചെയ്‌തു. (മത്താ. 24:45) കൂടാതെ, യേശു ദൈവ​ജ​നത്തെ ശുദ്ധീ​ക​രി​ക്കു​ക​യും ചെയ്യുന്നു, അതുവഴി യഹോ​വ​യ്‌ക്കു സ്വീകാ​ര്യ​മായ വിധത്തിൽ ആരാധന അർപ്പി​ക്കാൻ അവരെ സഹായി​ക്കു​ന്നു.—മലാ. 3:1-3.

¹⁶ ആയിരം​വർഷ​വാ​ഴ്‌ച​യു​ടെ സമയത്ത്‌ യേശു​വും, ഒപ്പം രാജാ​ക്ക​ന്മാ​രും പുരോ​ഹി​ത​ന്മാ​രും ആയി സേവി​ക്കുന്ന 1,44,000 പേരും ചേർന്ന് വിശ്വ​സ്‌ത​രായ മനുഷ്യ​രെ പൂർണ​ത​യി​ലേക്കു നയിക്കും. അതു കഴിഞ്ഞാൽ, ശുദ്ധീ​ക​രി​ക്ക​പ്പെട്ട ഈ ഭൂമി​യിൽ ദൈവ​ത്തി​ന്‍റെ സത്യാ​രാ​ധകർ മാത്രമേ കാണു​ക​യു​ള്ളൂ. അങ്ങനെ ഒടുവിൽ സത്യാ​രാ​ധന പൂർണ​മാ​യി പുനഃ​സ്ഥാ​പി​ക്ക​പ്പെ​ട്ടി​രി​ക്കും!

17. യഹോവ ജൂതന്മാർക്കു മറ്റ്‌ എന്ത് ഉറപ്പു കൊടു​ത്തു, ആ സന്ദേശം അവരെ എങ്ങനെ സ്വാധീ​നി​ച്ചു?

¹⁷ സെഖര്യ​യു​ടെ സന്ദേശം അക്കാലത്തെ ജൂതന്മാ​രെ എങ്ങനെ​യാ​ണു സ്വാധീ​നി​ച്ചത്‌? അവരുടെ നിർമാ​ണ​വേ​ല​യ്‌ക്കു തന്‍റെ പിന്തു​ണ​യും സംരക്ഷ​ണ​വും ഉണ്ടായി​രി​ക്കു​മെന്ന് യഹോവ വാക്കു കൊടു​ത്തു. ആലയം പുനർനിർമി​ക്ക​പ്പെ​ടും എന്ന ഉറപ്പു മനസ്സി​ടി​ഞ്ഞു​പോയ അവർക്കു പ്രത്യാ​ശ​യേകി. ഇത്രയ​ധി​കം വേല പൂർത്തി​യാ​ക്കാൻ കുറച്ച് പേരെ​ക്കൊണ്ട് എങ്ങനെ സാധി​ക്കും? അവർക്ക് എന്തെങ്കി​ലും ഭയമോ സംശയ​മോ ഉണ്ടായി​രു​ന്നെ​ങ്കിൽ സെഖര്യ​യു​ടെ തുടർന്നു​വ​രുന്ന വാക്കുകൾ അവയെ​ല്ലാം മാറ്റു​ന്ന​താ​യി​രു​ന്നു. വിശ്വ​സ്‌ത​പു​രു​ഷ​ന്മാ​രാ​യി​രുന്ന  ഹെൽദാ​യി, തോബിയ, യദയ എന്നിവ​രെ​ക്കൂ​ടാ​തെ മറ്റുള്ള​വ​രും “വന്ന് യഹോ​വ​യു​ടെ ആലയം പണിയാൻ സഹായി​ക്കും” എന്നു ദൈവം പറയുന്നു. (സെഖര്യ 6:15 വായി​ക്കുക.) ദൈവം പിന്തു​ണ​യ്‌ക്കു​മെന്ന ഉറപ്പു കിട്ടി​യ​തോ​ടെ അവർ വീണ്ടും പ്രവർത്ത​ന​സ​ജ്ജ​രാ​യി, വേല നിരോ​ധി​ച്ചി​രു​ന്നെ​ങ്കി​ലും അവർ പണിയു​മാ​യി മുന്നോ​ട്ടു​പോ​യി. പേർഷ്യ​യി​ലെ രാജാവ്‌ ഏർപ്പെ​ടു​ത്തിയ നിരോ​ധനം അവരുടെ മുമ്പിൽ ഒരു മഹാപർവ​തം​പോ​ലെ​യാ​യി​രു​ന്നു. എന്നാൽ പെട്ടെ​ന്നു​തന്നെ യഹോവ ആ നിരോ​ധനം നീക്കി. ഒടുവിൽ ബി.സി. 515-ൽ ആലയത്തി​ന്‍റെ പണി പൂർത്തി​യാ​യി. (എസ്ര 6:22; സെഖ. 4:6, 7) എന്നാൽ യഹോ​വ​യു​ടെ ആ വാക്കു​കൾക്ക് ഇന്നു നമ്മുടെ നാളിൽ ഒരു വലിയ നിവൃ​ത്തി​യുണ്ട്.

18. നമ്മുടെ കാലത്ത്‌ സെഖര്യ 6:15 എങ്ങനെ​യാ​ണു നിറ​വേ​റി​യി​രി​ക്കു​ന്നത്‌?

¹⁸ ഇന്നു ദശലക്ഷ​ക്ക​ണ​ക്കിന്‌ ആളുക​ളാ​ണു സത്യാ​രാ​ധ​ക​രാ​യി​ത്തീ​രു​ന്നത്‌. അവർ തങ്ങളുടെ ‘വില​യേ​റിയ വസ്‌തു​ക്കൾ’ സ്വമന​സ്സാ​ലെ അർപ്പി​ച്ചു​കൊണ്ട് യഹോ​വ​യു​ടെ വലിയ ആത്മീയ ആലയത്തെ പിന്തു​ണ​യ്‌ക്കു​ന്നു. അതിൽ അവരുടെ സമയം, ഊർജം, വസ്‌തു​വ​കകൾ എല്ലാം ഉൾപ്പെ​ടു​ന്നു. (സുഭാ. 3:9) ആത്മീയ ആലയത്തെ വിശ്വ​സ്‌ത​മാ​യി പിന്തു​ണ​യ്‌ക്കു​മ്പോൾ യഹോവ അതു വിലമ​തി​ക്കു​ന്നു​ണ്ടെന്നു നമുക്ക് എങ്ങനെ ഉറപ്പു​ണ്ടാ​യി​രി​ക്കാൻ കഴിയും? ഹെൽദാ​യി​യു​ടെ​യും തോബി​യ​യു​ടെ​യും യദയയു​ടെ​യും വിവരണം ഓർക്കുക. സെഖര്യ ഉണ്ടാക്കിയ കിരീ​ട​ത്തിന്‌ ആവശ്യ​മായ വസ്‌തു​ക്കൾ അവരാണു കൊണ്ടു​വ​ന്നത്‌. ആ കിരീടം സത്യാ​രാ​ധ​ന​യ്‌ക്കാ​യി അവർ കൊടുത്ത സംഭാ​വ​ന​യു​ടെ “സ്‌മാ​ര​ക​മാ​യി” അഥവാ ഓർമ​യാ​യി നിൽക്കു​മാ​യി​രു​ന്നു. (സെഖ. 6:14) അതു​പോ​ലെ നമ്മൾ ചെയ്യുന്ന ശുശ്രൂ​ഷ​യും യഹോ​വ​യോ​ടുള്ള നമ്മുടെ സ്‌നേ​ഹ​വും യഹോവ ഒരിക്ക​ലും മറന്നു​ക​ള​യില്ല. (എബ്രാ. 6:10) യഹോ​വ​യു​ടെ ഓർമ​യിൽ അത്‌ എന്നുമു​ണ്ടാ​യി​രി​ക്കും.

19. സെഖര്യ​യു​ടെ ദർശനങ്ങൾ നമ്മളെ എങ്ങനെ സ്വാധീ​നി​ക്കണം?

¹⁹ ഈ അവസാ​ന​കാ​ലത്ത്‌ സത്യാ​രാ​ധ​ന​യോ​ടുള്ള ബന്ധത്തിൽ കൈവ​രി​ച്ചി​രി​ക്കു​ന്ന​തെ​ല്ലാം യഹോവ നമ്മളെ അനു​ഗ്ര​ഹി​ക്കു​ന്നു എന്നതി​ന്‍റെ​യും യേശു​വാ​ണു നമ്മളെ നയിക്കു​ന്നത്‌ എന്നതി​ന്‍റെ​യും വ്യക്തമായ തെളി​വാണ്‌. നമ്മൾ നിത്യം നിലനിൽക്കുന്ന സുരക്ഷി​ത​മായ ഒരു സംഘട​ന​യു​ടെ ഭാഗമാണ്‌. ശുദ്ധാ​രാ​ധ​ന​യോ​ടുള്ള ബന്ധത്തിൽ യഹോവ ഉദ്ദേശി​ച്ചത്‌ അങ്ങനെ​തന്നെ “സംഭവി​ക്കും.” യഹോ​വ​യു​ടെ ജനത്തിന്‌ ഇടയിൽ നിങ്ങൾക്കുള്ള സ്ഥാനം വിലമ​തി​ക്കുക. ‘നിങ്ങളു​ടെ ദൈവ​മായ യഹോ​വ​യു​ടെ വാക്കുകൾ അനുസ​രി​ക്കു​ന്ന​തിൽ വീഴ്‌ച വരുത്ത​രുത്‌.’ അപ്പോൾ നമ്മുടെ രാജാ​വും മഹാപു​രോ​ഹി​ത​നും ആയ യേശു​ക്രി​സ്‌തു​വി​ന്‍റെ​യും രഥങ്ങളി​ലെ സ്വർഗീ​യ​സൈ​ന്യ​ത്തി​ന്‍റെ​യും സംരക്ഷ​ണ​ത്തിൻകീ​ഴിൽ ആയിരി​ക്കാൻ നമുക്കു കഴിയും. സത്യാ​രാ​ധ​നയെ പിന്തു​ണ​യ്‌ക്കാൻ നിങ്ങളു​ടെ കഴിവി​ന്‍റെ പരമാ​വധി ചെയ്യുക. അങ്ങനെ​യെ​ങ്കിൽ സൈന്യ​ങ്ങ​ളു​ടെ അധിപ​നായ യഹോവ നിങ്ങളെ തീർച്ച​യാ​യും സംരക്ഷി​ക്കും—ഈ വ്യവസ്ഥി​തി​യു​ടെ ശേഷിച്ച ദിവസ​ങ്ങ​ളി​ലും, എന്നു​മെ​ന്നേ​ക്കും!