“Haʼu hatene katak nia sei moris fali”
“Ita-nia belun toba ona, maibé haʼu sei bá hodi fanu nia.”—JOÃO 11:11.
KNANANUK: 54, 154
1. Saida mak Marta fiar sei akontese ba ninia alin-mane? (Haree dezeñu iha leten.)
MARTA mak Jesus nia belun no dixípulu ida. Nia laran-triste hela tanba ninia alin-mane Lázaro foin mate. Saida mak bele fó konsola ba nia? Jesus promete ba nia: “Ó-nia alin sei moris fali.” Maski Jesus nia liafuan neʼe la bele halakon Marta nia laran-triste, maibé nia tau fiar ba Jesus nia promete, no nia dehan: “Haʼu hatene katak nia sei moris fali iha tempu moris-hiʼas nian iha loron ikus.” (João 11:20-24) Nia fiar katak moris-hiʼas sei akontese iha futuru. Maibé tuirmai Jesus halo milagre ida iha loron neʼe kedas. Nia halo Lázaro moris fali.
2. Tanbasá mak Ita hakarak iha fiar hanesan Marta?
2 Ita hatene katak, ohin loron Jesus ka ninia Aman sei la halo milagre atu fó moris-hiʼas ba ema. Maibé Ita iha fiar hanesan Marta ka lae katak iha futuru ema neʼebé Ita hadomi sei moris fali? Karik Ita lakon ona Ita-nia laʼen ka feen, inan, aman, avó, ka oan iha mate. Ita hein namanas atu hakoʼak, koʼalia, no hamnasa fali ho ema sira-neʼe. Ita bele sente kontente hanesan Marta tanba Ita iha razaun atu dehan, ‘Haʼu hatene ema neʼebé haʼu hadomi sei moris fali iha tempu moris-hiʼas.’ Tan neʼe, diʼak ba ema kristaun ida-idak atu hanoin kona-ba razaun sira tansá ita bele fiar nuneʼe.
3, 4. Oinsá mak Marta nia fiar sai metin liután tanba buat neʼebé Jesus foin halo?
Lucas 7:11-17; 8:41, 42, 49-55) Marta ho ninia alin-feto Maria hatene katak Jesus bele kura moras. Tan neʼe sira fiar katak, se Jesus mak hamutuk ho sira iha tempu neʼebá, Lázaro sei la mate. Maibé agora Lázaro mate ona, Marta iha esperansa saida? Haree fali ba ninia liafuan. Nia dehan katak Lázaro sei moris fali iha futuru, “iha loron ikus”. Tanbasá mak nia fiar kona-ba neʼe? No tanbasá mak Ita bele fiar katak iha futuru moris-hiʼas mós bele inklui Ita-nia família?
3 Marta hela besik Jeruzalein, tan neʼe karik nia la haree bainhira Jesus fó moris-hiʼas ba feto-faluk nia oan-mane ida besik Naim iha Galileia. Maibé karik nia rona ona ema konta kona-ba neʼe. Karik Marta mós rona kona-ba oinsá Jesus fó moris-hiʼas ba Jairo nia oan-feto. Maski ema sira iha uma neʼe “hatene katak labarik neʼe mate ona”, maibé Jesus kaer ninia liman hodi hatete: “Noi, hadeer bá!” No feto-oan neʼe hadeer kedas. (4 Iha razaun barak atu fiar kona-ba moris-hiʼas. Agora ita sei koʼalia kona-ba razaun balu. Karik Ita sei hetan pontu balu husi Maromak nia Liafuan neʼebé uluk Ita ladún hanoin, maibé pontu sira-neʼe bele hametin Ita-nia fiar katak Ita sei hasoru fali ema neʼebé Ita hadomi.
AKONTESIMENTU SIRA NEʼEBÉ HAMETIN ITA-NIA ESPERANSA
5. Tanbasá mak Marta fiar katak Lázaro sei moris fali?
5 Ita haree ka lae katak Marta la dehan: ‘Karik haʼu-nia alin-mane sei moris fali.’ Maibé nia dehan: “Haʼu hatene katak nia sei moris fali.” Tanbasá mak Marta fiar ida-neʼe? Tanba nia hatene kona-ba moris-hiʼas neʼebé akontese ona iha tempu uluk. Karik nia aprende kona-ba neʼe iha uma ka husi sinagoga bainhira nia sei kiʼik. Agora mai ita koʼalia kona-ba moris-hiʼas tolu neʼebé temi iha Bíblia.
6. Karik Marta hatene kona-ba akontesimentu saida?
6 Moris-hiʼas primeiru akontese durante tempu neʼebé Maromak fó kbiit ba Elias atu halo milagre sira. Iha rai-Fenísia, iha sidade ida naran Sarepta. Iha sidade neʼe iha feto-faluk kiak ida neʼebé simu profeta Elias ho laran-diʼak. Jeová halo milagre ida hodi feto-faluk neʼe nia trigu no mina nunka uza toʼo hotu, hodi aguenta nia ho ninia oan-mane nia moris. (1 Reis [Raja-Raja] 17:8-16) Maibé ninia oan-mane sai moras no ikusmai mate. Tuirmai, Elias mai hodi fó ajuda ba nia. Elias halo orasaun ba Jeová, hodi dehan: “Maromak, favór ida, husik labarik neʼe nia moris fila fali ba nia.” Maromak rona duni ba Elias hodi halo labarik neʼe moris fali. Neʼe mak moris-hiʼas primeiru neʼebé temi iha Bíblia. (Lee 1 Reis [Raja-Raja] 17:17-24. *) Ita fiar katak Marta aprende ona kona-ba akontesimentu furak neʼe.
7, 8. (a) Oinsá mak Eliseu fó kmaan ba inan ida neʼebé laran-triste? (b) Milagre neʼebé Eliseu halo hatudu saida kona-ba Jeová?
7 Moris-hiʼas segundu neʼebé temi iha Bíblia mak moris-hiʼas neʼebé profeta Eliseu halo. Iha feto Izraél ida neʼebé la iha oan no nia hela iha sidade Sunem. Tanba nia simu profeta Eliseu ho laran-diʼak, Jeová fó bensaun ba nia ho ninia laʼen neʼebé idade ona hodi iha oan-mane ida. Maibé tinan balu liutiha, labarik neʼe mate. Hanoin toʼok inan neʼe nia laran-triste. Nia sente 2 Reis (Raja-Raja) 4:8-31.
triste tebes toʼo nia laʼo kilómetru 30 hodi bá Eliseu iha Foho Karmel. Eliseu haruka uluk ninia asistente Geazi ba Sunem atu halo labarik neʼe moris fali. Maibé Geazi la bele fó fali labarik nia moris ba nia. Ikusmai inan neʼebé laran-triste toʼo mai hamutuk ho Eliseu.—8 Eliseu tama ba uma neʼebé sira latan labarik nia mate-isin no Eliseu halo orasaun. Jeová hatán duni ba Eliseu nia orasaun no halo milagre ba labarik neʼe hodi moris fali. Bainhira ninia inan haree ninia oan-mane moris fali, nia sai kontente tebes! (Lee 2 Reis [Raja-Raja] 4:32-37. *) Karik inan neʼe hanoin-hetan liafuan sira husi Ana nia orasaun. Ana la bele iha oan no ikusmai Jeová fó bensaun ba nia hodi iha oan-mane ida naran Samuel. Tan neʼe Ana fó hahiʼi ba Jeová tanba Jeová “bele lori tun ba rate, no nia bele fó moris-hiʼas”. (1 Samuel 2:6) Jeová fó moris-hiʼas ba labarik-mane iha Sunem hodi hatudu katak nia iha duni kbiit atu halo ema mate moris fali.
9. Esplika toʼok moris-hiʼas terseiru neʼebé temi iha Bíblia.
9 Iha akontesimentu ida tan neʼebé iha ligasaun ho Eliseu. Nia serbí nuʼudar profeta ba tinan 50 liu, no ikusmai nia sai moras no mate. Tempu balu liutiha, Eliseu nia isin dodok ona no hela ruin deʼit. Loron ida ema Izraél balu lori daudaun mane ida atu bá hakoi. Derrepente sira haree inimigu balu, no sira koko halai husi inimigu sira-neʼe. Tan neʼe sira soe mate-isin neʼe tama ba Eliseu nia rate kuak. Bíblia dehan: “Bainhira mane neʼe nia mate-isin kona Eliseu nia ruin sira, mane neʼe moris fali no hamriik.” (2 Reis [Raja-Raja] 13:14, 20, 21) Akontesimentu sira-neʼe ajuda Marta hodi hatene katak Maromak nia forsa boot liu fali mate. Neʼe mós bele ajuda Ita atu hatene katak Maromak iha forsa boot neʼebé la iha rohan.
AKONTESIMENTU HUSI APÓSTOLU SIRA-NIA TEMPU
10. Pedro halo saida hodi ajuda Tabita neʼebé mate ona?
10 Iha Eskritura Lia-Gregu mós temi kona-ba moris-hiʼas neʼebé Maromak nia atan sira halo. Ita koʼalia ona kona-ba moris-hiʼas neʼebé Jesus halo besik sidade Naim no iha Jairo nia uma. Liutiha tempu balu, apóstolu Pedro mós halo Dorkada, ka Tabita moris fali husi mate. Pedro tama ba kuartu neʼebé sira tau mate-isin, nia halo orasaun, no tuirmai nia dehan: “Tabita, hadeer!” Tabita hadeer kedas, no Pedro entrega Tabita neʼebé moris fali ona ba ninia belun sira. Akontesimentu neʼe halo “ema barak tau fiar ba Naʼi”. Sira haklaken ba ema seluk kona-ba Jesus no mós fó sai kona-ba Jeová nia kbiit hodi halo ema mate moris-hiʼas fali.—Apóstolu 9:36-42.
11. Akontesimentu saida mak doutór Lucas hakerek kona-ba mane joven ida, no ema sira neʼebé haree akontesimentu neʼe sente oinsá?
11 Iha akontesimentu ida tan neʼebé ema barak haree ho matan. Loron ida apóstolu Paulo hatoʼo diskursu iha reuniaun ida neʼebé halaʼo iha kuartu ida iha andár leten. Reuniaun neʼe halaʼo iha sidade Tróade, agora iha rai-Turkia nia parte norte. Paulo koʼalia toʼo kalan-boot. Iha joven ida naran Éutiko mós tuir reuniaun neʼe no nia tuur iha janela. Maibé nia sai matan-dukur no monu husi andár tolu. Karik doutór Lucas mak ema primeiru neʼebé halai atu bá haree Éutiko. Maibé nia haree katak mane joven neʼe laʼós kanek todan ka dezmaia deʼit, nia mate ona! Paulo mós tun husi andár. Nia hakoʼak Éutiko nia mate-isin Apóstolu 20:7-12.
no tuirmai nia hatete buat neʼebé halo ema hotu hakfodak, nia dehan: “Nia moris fali.” Ema sira neʼebé haree milagre neʼe sente “haksolok tebes tanba nia moris fali ona”.—ESPERANSA NEʼEBÉ TEBES
12, 13. Kona-ba moris-hiʼas sira neʼebé ita koʼalia ona iha leten, ita bele husu pergunta saida deʼit?
12 Moris-hiʼas sira neʼebé ita koʼalia ona iha leten bele ajuda Ita atu iha fiar hanesan Marta. Ita bele tau fiar ba ita-nia Maromak neʼebé Hun ba moris atu halo ema mate moris fali. Se ita fó atensaun didiʼak ba moris-hiʼas neʼebé akontese iha tempu uluk, ita bele haree katak Maromak sempre uza ninia atan ida neʼebé laran-metin hanesan Elias, Jesus, ka Pedro hodi fó moris-hiʼas ba ema. No moris-hiʼas sira-neʼe akontese iha tempu neʼebé Jeová hatudu milagre ba ema. Maibé oinsá ho ema sira neʼebé mate iha tempu neʼebé Jeová la hatudu ona milagre sira? Ema neʼebé laran-metin ba Maromak iha razaun ka lae atu fiar katak nia sei fó moris-hiʼas ba ema mate iha futuru? Sira bele fiar hanesan Marta ka lae neʼebé koʼalia kona-ba ninia alin-mane katak: “Haʼu hatene katak nia sei moris fali iha tempu moris-hiʼas nian iha loron ikus”? Tanbasá mak nia bele fiar katak moris-hiʼas sei akontese iha futuru, no tanbasá mak Ita mós bele fiar nuneʼe?
13 Iha ezemplu balu husi Bíblia neʼebé hatudu katak Maromak nia atan sira hatene ema mate sei moris-hiʼas fali iha futuru. Mai ita koʼalia kona-ba ezemplu sira-neʼe.
14. Ita bele aprende saida kona-ba moris-hiʼas husi buat neʼebé akontese ba Abraão?
14 Hanoin toʼok buat neʼebé Jeová husu Abraão atu halo ba ninia oan-mane mesak Isaac. Jeová dehan: “Favór ida, lori ó-nia oan-mane, ó-nia oan-mane mesak neʼebé ó hadomi tebes, Isaac, . . . no hasaʼe nia nuʼudar sakrifísiu sunu nian.” (Gênesis [Kejadian] 22:2) Hanoin toʼok Abraão sente oinsá bainhira nia rona Jeová nia mandamentu neʼe? Tanba Jeová promete nanis ona katak liuhusi Abraão nia jerasaun mak nasaun hotu sei hetan bensaun. (Gênesis [Kejadian] 13:14-16; 18:18; Roma 4:17, 18) No Jeová mós hatete katak bensaun sira-neʼe sei mai “liuhusi Isaac”. (Gênesis [Kejadian] 21:12) Maibé oinsá mak buat sira-neʼe atu sai loos se Abraão hasaʼe ninia oan-mane nuʼudar sakrifísiu? Espíritu santu leno Paulo hodi esplika katak Abraão iha fiar ba Maromak atu halo Isaac moris fila fali. (Lee Ebreu 11:17-19.) Maibé Bíblia la hatete katak Abraão iha hanoin katak liutiha oras balu, loron ida, ka semana balu, Isaac sei moris fali. Abraão la hatene bainhira loos mak ninia oan-mane atu hetan fali moris-hiʼas. Maski nuneʼe, nia tau fiar katak Jeová sei fó fali moris ba Isaac.
15. Job tau fiar ba esperansa saida?
15 Job neʼebé laran-metin mós hatene katak moris-hiʼas sei akontese iha futuru. Nia hatene Jó [Ayub] 14:7-12; 19:25-27) Se ema ida mate, nia rasik la bele halo nia an moris fali. (2 Samuel 12:23; Salmo [Mazmur] 89:48) Maibé neʼe la dehan katak Maromak la bele fó moris-hiʼas ba ema neʼe. Job fiar duni katak Jeová sei hanoin nafatin nia. (Lee Jó [Ayub] 14:13-15. *) Job la hatene bainhira mak moris-hiʼas sei akontese iha futuru. Maski nuneʼe, nia fiar katak Kriadór ba ema nia moris sei hanoin nafatin nia hodi fó moris-hiʼas ba nia.
katak se ai-hun ida tesi tiha, ai neʼe sei moris fali hanesan ai foun. Maibé buat hanesan neʼe la bele akontese ba ema. (16. Oinsá mak anju ida fó kmaan ba Daniel?
16 Ezemplu ida tan mak kona-ba Jeová nia atan Daniel. Nia laran-metin ba Jeová iha ninia moris tomak no Jeová fó apoiu ba nia. Iha tempu ida anju bolu Daniel nuʼudar “mane neʼebé folin-boot tebes” no hatete ba nia atu iha dame no sai forte.—Daniel 9:22, 23; 10:11, 18, 19.
17, 18. Jeová promete saida ba Daniel?
17 Daniel besik tinan 100 no besik ona atu mate, karik nia hanoin kona-ba saida mak sei akontese ba nia. Daniel sei hetan moris-hiʼas fali ka lae? Sin. Iha livru Daniel, Maromak promete ba nia: “Kona-ba ó, tahan bá toʼo rohan. Ó sei deskansa.” (Daniel 12:13) Daniel neʼebé idade ona hatene katak ema neʼebé mate hanesan deskansa no sira “la iha serbisu ka planu ka koñesimentu ka matenek iha rate”, fatin neʼebé lakleur nia mós atu bá. (Eclesiastes [Pengkhotbah] 9:10) Maibé neʼe la dehan katak Daniel nia moris ramata ona. Jeová fó esperansa furak ida ba nia kona-ba futuru.
18 Jeová nia anju hatete ba nia: “Ó sei hamriik atu simu ó-nia parte iha loron sira-neʼe nia rohan.” Daniel la hatene bainhira loos mak ida-neʼe sei akontese ba nia. Nia hatene deʼit katak nia sei mate no deskansa. Maibé bainhira Daniel rona liafuan kona-ba, “Ó sei hamriik atu simu ó-nia parte”, nia komprende katak nia sei hetan moris-hiʼas iha futuru. No Daniel tenke hein ba tempu neʼebé kleur tebes mak nia foin bele hetan moris-hiʼas, neʼe mak “iha loron sira-neʼe nia rohan”.
Ita bele iha fiar hanesan Marta kona-ba moris-hiʼas (Haree parágrafu 19, 20)
19, 20. (a) Oinsá mak akontesimentu sira kona-ba moris-hiʼas husi Bíblia iha ligasaun ho Marta nia liafuan ba Jesus? (b) Ita sei koʼalia kona-ba saida iha lisaun tuirmai?
19 Marta iha duni razaun oioin hodi fiar katak ninia alin-mane, Lázaro, neʼebé laran-metin sei “moris fali iha tempu moris-hiʼas nian iha loron ikus”. Jeová nia promesa ba Daniel no mós Marta nia fiar metin ba moris-hiʼas iha futuru ajuda hametin ita-nia fiar ohin loron katak moris-hiʼas sei akontese duni.
20 Ita aprende ona katak moris-hiʼas akontese duni iha tempu uluk. Ida-neʼe hatudu katak ema neʼebé mate ona bele moris fali. Ita mós aprende ona katak Maromak nia atan sira husi tempu uluk neʼebé laran-metin ba nia hein atu hetan moris-hiʼas iha futuru. Maibé iha evidénsia ka lae neʼebé hatudu katak moris-hiʼas sei akontese duni maski promesa neʼe halo husi tempu antigu kedas? Se evidénsia iha duni, neʼe sei fó razaun barak liu ba ita atu hein ba moris-hiʼas iha futuru. Maibé bainhira mak ida-neʼe akontese? Ita sei koʼalia kona-ba pontu sira-neʼe iha lisaun tuirmai.
^ par. 6 1 Reis 17:17-24 17 Liutiha buat sira-neʼe, feto-faluk neʼe neʼebé nuʼudar uma-naʼin, ninia oan-mane sai moras, no moras neʼe sai todan liután toʼo ninia iis kotu. 18 Ho ida-neʼe, nia dehan ba Elias: “Oh Maromak loos nia atan, haʼu halo sala saida ba Ita-Boot? Ita mai iha neʼe atu fó kastigu haʼu tanba haʼu-nia sala no halo haʼu-nia oan-mane mate ka?” 19 Maibé Elias dehan ba feto neʼe: “Entrega ó-nia oan-mane mai haʼu.” Tuirmai nia koʼus labarik neʼe husi feto neʼe nia liman no lori ba ninia kuartu iha uma leten, katak kuartu neʼebé Elias hela bá, no nia hatoba labarik neʼe iha ninia kama rasik. 20 Elias harohan ba Jeová, hodi dehan: “Oh Jeová, haʼu-nia Maromak, feto-faluk neʼe fó fatin ba haʼu atu hela, maibé Ita mós lori susar ba nia hodi husik ninia oan-mane mate ka?” 21 Tuirmai nia latan nia an iha labarik neʼe nia leten ba dala tolu no nia harohan ba Jeová, hodi dehan: “Oh Jeová, haʼu-nia Maromak, favór ida, husik labarik neʼe nia moris fila fali ba nia.” 22 Jeová rona ba Elias nia harohan, no labarik neʼe nia moris fila fali ba nia, no nia moris fali. 23 Elias lori labarik neʼe tun husi kuartu iha uma leten hodi tama ba uma laran no entrega ba ninia inan; Elias dehan: “Haree bá, ó-nia oan-mane moris fali ona.” 24 Ho ida-neʼe, feto neʼe hatete ba Elias: “Agora haʼu hatene duni katak Ita mak Maromak nia atan no katak Jeová nia liafuan neʼebé Ita fó sai mak lia-loos.”
^ par. 8 2 Reis 4:32-37 32 Bainhira Eliseu tama ba uma laran, nia haree labarik-mane neʼe mate ona no latan hela iha Eliseu nia kama. 33 Eliseu tama no taka odamatan. Sira naʼin-rua deʼit mak iha kuartu laran. Tuirmai Eliseu komesa halo orasaun ba Jeová. 34 Depois neʼe, nia saʼe ba kama leten, no latan an iha labarik neʼe nia leten. Nia tau ninia ibun iha labarik neʼe nia ibun, ninia matan iha labarik neʼe nia matan, no taka ninia liman ba labarik neʼe nia liman no kontinua latan iha labarik neʼe nia leten, no labarik neʼe nia isin komesa sente manas. 35 Eliseu laʼo bá-mai iha uma neʼe, depois neʼe, nia saʼe fali ba kama leten no latan an iha labarik neʼe nia leten. Labarik-mane neʼe fani ba dala hitu, tuirmai labarik neʼe loke matan. 36 Eliseu bolu Geazi no dehan: “Bolu feto Sunem neʼe mai.” Entaun Geazi bolu feto neʼe no nia tama mai hasoru Eliseu. Tuirmai Eliseu dehan: “Koʼus ó-nia oan-mane bá.” 37 Feto neʼe tama hodi hakneʼak no hakruʼuk an iha Eliseu nia ain, tuirmai feto neʼe koʼus ninia oan-mane no sai.
^ par. 15 Jó 14:13-15 13 Oh haʼu hein katak Ita sei subar haʼu iha rate laran, No subar haʼu toʼo Ita la hirus tan, No marka tempu mai haʼu hodi hanoin-hetan fali haʼu! 14 Se ema ida mate, nia bele moris fali ka lae? Haʼu sei hein loron ba loron toʼo haʼu-nia tempu nuʼudar atan remata no haʼu sai livre. 15 Ita sei bolu no haʼu sei hatán ba Ita. Ita sei hanoin tebes ema neʼebé Ita kria ona ho Ita-nia liman.