Де-Бавно; Али Зарʹед Хԝә Бькьн кӧ «Сәрԝахт» бьн бона «Хьлазбуне»
«Тӧ жь зарʹотийа хԝәда ньвисаред пироз зани, йед кӧ дькарьн тә сәрԝахт кьн, . . . ԝәки хьлаз би» (2 ТИМТʹ. 3:15).
КʹЬЛАМЕД: 141, 134
1, 2. Чьрʹа һьнә де-бав бәрхԝә дькʹәвьн, чахе зарʹед ԝан дьхԝазьн бенә ньхӧмандьне?
ҺӘР сал бь һʹәзара мәрьв хԝә тʹәсмили Йаһоԝа дькьн у тенә ньхӧмандьне. Гәләк жь ԝан щаһьл ьн, кʹижан кӧ нава рʹастийеда мәзьн бунә у рʹийа лапә баш бьжартьнә (Зәб. 1:1-3). Һәрге һун Мәсиһи нә у зарʹед ԝә һәнә, бешьк һун бь дьл у щан һивийа ве рʹоже нә, чахе ԛиз йан кӧрʹе ԝә бе ньхӧмандьне (Бәрамбәр кьн 3 Йуһʹәнна 4).
2 Ле дьбәкә һун бәрхԝә дькʹәвьн, чьмки дьԛәԝьмә һун һьнә щаһьла дьвиньн, йед кӧ һатьнә ньхӧмандьне, ле паше дӧдьли дьбьн кӧ принсипед Хԝәде бона кʹара ԝан ьн. Гәләк жь ԝан щаһьла һәла һе жи жь рʹийа рʹаст дәрдькʹәвьн. Ләма жи дьбәкә һун бәрхԝә дькʹәвьн кӧ чахе зарʹа ԝә дәстпекә Йаһоԝарʹа хьзмәт кә, паше бе гӧһастьне у һʹьзкьрьна хԝәйә пешийе ӧнда кә. Зарʹ дькарә бьбә мина Мәсиһийед ԛьрʹна йәке жь щьвата Әфәси. Иса дәрһәԛа ԝан гот: «Тӧ мина бәре мьн һʹьз наки» (Әʹйан. 2:4). Де-бавно ча һун дькарьн али зарʹед хԝә бькьн, ԝәки һʹьзкьрьна хԝә ӧнда нәкьн у «хьлазбунерʹа мәзьн бьн»? (1 Пәт. 2:2). Ԝәрә шеԝьр кьн сәрһатийа Тимотʹейо у пебьһʹәсьн кӧ әм чь дькарьн жь ԝи һин бьн.
«НЬВИСАРЕД ПИРОЗ ЗАНИ»
3. а) Чаԝа Тимотʹейо бу Мәсиһи, у ча әԝи һинкьрьнед Мәсиһи ԛәбул кьр? б) Паԝлос дәрһәԛа кʹижан се тьшта Тимотʹейорʹа гот?
3 Паԝлосе шанди сала 47 Д.М., щара пешийе тʹәсәлийа Листрайе кьр, у дьбәкә һьнге Тимотʹейо дәрһәԛа һинкьрьнед Иса пеһʹәсийа у бу Мәсиһи. Ԝи чахи Тимотʹейо щаһьл бу, у әԝ чь жи педьһʹәсийа әʹмьре хԝәда дьани сери. Чахе әԝ бу Мәсиһи, паши 2 сала әԝ бу һәвалрʹеԝийе Паԝлос. Ԝәкә 16 сал дәрбаз бун, у Паԝлос Тимотʹейорʹа ньвиси: «Нава ԝан тьштада бьминә, чь кӧ һин буйи у чьда избат буйи. Тӧ зани жь кʹижана һин буйи, ӧса жи тӧ жь зарʹотийа хԝәда ньвисаред пироз [Ньвисаред Ибрани] зани, йед кӧ дькарьн тә сәрԝахт кьн, ԝәки бь баԝәрийа сәр Мәсиһ Иса хьлаз би» (2 Тимтʹ. 3:14, 15, ДТʹ). Дина хԝә бьдьне, Паԝлос гот ԝәки Тимотʹейо 1) ньвисаред пироз заньбу, 2) чь кӧ һин буйә, ԝан тьштада избат буйә, у 3) дькарә сәрԝахт бә ԝәки бь баԝәрийа сәр Мәсиһ Иса хьлаз бә.
4. Кʹижан һащәта һун дьдьнә хәбате сәва зарʹед хԝәйи бьчʹук һин кьн? (Бьньһерʹә шькле әʹԝльн.)
4 Һун чаԝа де-баве Мәсиһи, дьхԝазьн кӧ зарʹа ԝә ньвисаред пироз бьзаньбә, у иро әԝ Ньвисаред Ибрани у Ньвисаред Йунани нә. Һәла һе зарʹа бьчʹук жи дькарә һин бә дәрһәԛа мәрьв у ԛәԝьмандьнед жь Кʹьтеба Пироз. Тʹәшкиләта Йаһоԝада һәнә гәләк кʹьтеб, видео у диса һащәтед дьн, кӧ дькарьн али де-бава бькьн зарʹед хԝә һин кьн. Ле сәр зьмане ԝә чь һащәт һәнә? Бир нәкьн кӧ зарʹа ԝә гәрәке бьзаньбә Кʹьтеба Пирозда чь те готьне, сәва кӧ һәләԛәтийа хԝә тʹәви Йаһоԝа ԛәԝи кә.
ТӦ БАԜӘРИЙЕДА «ИЗБАТ БУЙИ»
5. а) Чь те һʹәсабе хәбәра «избат»? б) Әм жь кʹӧ заньн кӧ Тимотʹейо избат бу ԝәки Мәсиһ әԝ һәйә Иса?
5 Гәләк фәрз ә кӧ зарʹ бьзаньбьн Кʹьтеба Пирозда чь ньвисар ә. Ле бәс нинә тʹәне сәрһати у ԛәԝьмандьнед Кʹьтеба Пироз зарʹа һин кьн. Биньн бира хԝә кӧ Тимотʹейо ӧса жи «избат» бу, демәк баԝәрийа хԝә ԝан тьшта ани чь кӧ һин бу. Зьмане орижиналеда хәбәра «избат», те һʹәсабе «нәдӧдьли», йан жи баԝәрбун кӧ фьлан тьшт рʹаст ә. Тимотʹейо жь бьчʹуктайе Ньвисаред Ибрани заньбу. Ле паше әԝи сәр һʹиме избаткьрьна, баԝәр кьр, ԝәки Иса Мәсиһ бу. Занәбуна ԝи, баԝәрийа ԝи ԛәԝи кьр. Баԝәрийа ԝи ӧса ԛәԝи бу кӧ әԝ һатә ньхӧмандьне у тʹәви Паԝлос чаԝа мисйонер дәстпекьр хьзмәт кә.
6. Чаԝа һун дькарьн али зарʹед хԝә бькьн, ԝәки баԝәрийа хԝә Хәбәра Хԝәде биньн?
6 Де-бавно, һун чаԝа дькарьн али зарʹед хԝә бькьн, ԝәки мина Тимотʹейо «избат» бьн ԝан тьштада чь кӧ һин дьбьн? Йа пешьн бь сәбьр бьн, чьмки баԝәри рʹожәкеда найе. Ӧса жи һәрге баԝәрийа ԝә ԛәԝи йә, әв найе һʹәсабе кӧ баԝәрийа ԝә ԝе дәрбази зарʹед ԝә бә. Һәр зарʹ гәрәке хԝәха һʹьш-аԛьле хԝә бьдә хәбате, сәва баԝәрийа хԝә рʹастийа Кʹьтеба Пироз бинә. (Бьхунә Рʹомайи 12:1.) Ве йәкеда һун чаԝа де-бав роләкә фәрз дьлизьн, илаһи чахе зарʹ пьрса дьдә ԝә. Ԝәрә дәрһәԛа ве йәке мәсәләке шеԝьр кьн.
7, 8. а) Чаԝа Мәсиһик кӧ бав ә сәбьре дьдә кʹьфше чахе ԛиза хԝә һин дькә? б) Кʹәнге ԝәрʹа лазьм ә сәбьр һьндава зарʹа хԝә?
7 Бьраки мә бь наве Томас ԛиза кʹижани 11 сали йә, гьли дькә: «Ԛиза мьн щара жь мьн дьпьрсә: ‹Дьԛәԝьмә кӧ Йаһоԝа бь сайа еволусйайе әʹмьр сәр әʹрде чекьрийә?› йан жи, ‹Чьрʹа әм накʹәвьнә нав шьхӧлед дәԝләте сәва
әʹмьре хԝә һе баш кьн, мәсәлә дәнге хԝә надьн бона бьжартьна сәрԝера?›». Томас гот кӧ әԝ щара хԝә дьгьрә, сәва жь хәбәрдана ԝи нәйе кʹьфше кӧ әԝ ԛиза хԝәрʹа дьбежә әԝ чь гәрәке баԝәр кә у чь на. Әԝ занә, кӧ баԝәри һьндава рʹастийа Кʹьтеба Пироз нә кӧ тʹәне жь избаткьрьнәкә мәзьн те, ле жь гәләк избаткьрьнед һур.8 Томас ӧса жи занә ԝәки сәва ԛиза хԝә һин кә жерʹа сәбьр лазьм ә. Бь рʹастийе һʹәму Мәсиһи гәрәке бь сәбьр бьн (Колс. 3:12). Томас фәʹм дькә, кӧ лазьм ә ԝәʹдә у гәләк шеԝьркьрьн, сәва али ԛиза хԝә бькә ԝәки әԝ баԝәрийа хԝә Кʹьтеба Пироз бинә. Томас гәрәке избаткьрьна бь Кʹьтеба Пироз жерʹа шьровәкә. Әԝ дьбежә: «Чахе әм пьрсед фәрз тʹәви ԛиза хԝә шеԝьр дькьн, әз жьна хԝәва дьхԝазьн пебьһʹәсьн һәла ԛиза мә бь рʹастийе баԝәр дькә ве йәке чь кӧ әм ле һин дькьн, у гәло әԝ бона ԝе фәʹмдари йә йан на. Һәрге әԝ пьрса дьдә, әԝ йәк гәләк баш ә. Рʹаст бежьм, әзе һе бәрхԝә кʹәтама һәрге әԝе ԛә пьрс нәдана у перʹа-перʹа тьшт баԝәр кьра».
9. Ча һун дькарьн али зарʹа хԝә бькьн кӧ баԝәрийа хԝә Хәбәра Хԝәде бинә?
9 Һәрге де-бав бь сәбьр зарʹед хԝә һин кьн, ԝәʹдә дәрбаз бә зарʹ ԝе бькарьбьн фәʹм бькьн «бәрайи, дьрежайи, бьльндайи у кʹурайийа» баԝәрийе (Әфәс. 3:18). Әм гәрәке һьлдьнә һʹәсаб кӧ әԝана чәнд сали нә у чьԛас фәʹм дькьн. Һәрге баԝәрийа зарʹа ԛәԝи бә ԝан тьштада чь кӧ әԝана һин дьбьн, ԝанрʹа ԝе һеса бә мәрьвед дьнрʹа, мәсәлә һәвалдәрсханед хԝәрʹа, баԝәрийа хԝә шьровәкьн (1 Пәт. 3:15). Бәʹса хәбәре, бьфькьрьн, гәло зарʹед ԝә дькарьн бь сайа Кʹьтеба Пироз шьровәкьн кӧ чь дьԛәԝьмә паши мьрьне? Гәло шьровәкьрьна Кʹьтеба Пироз дәрһәԛа ве пьрсе бона ԝан логики у фәʹмдари йә? *. Бәле, сәва кӧ зарʹа ԝә баԝәрийа хԝә Хәбәра Хԝәде бинә, лазьм ә һун сәбьр кьн. Бь рʹастийе һежа йә кӧ һун сәбьр кьн, чьмки ӧса һун дькарьн бәред баш бьстиньн (Ԛан. Дщр. 6:6, 7).
10. Һинкьрьна зарʹада чь гәләк фәрз ә?
10 Сәва баԝәрийа зарʹед ԝә ԛәԝи бә, ӧса жи гәләк фәрз ә кӧ һун ԝанрʹа бьбьнә мәсәла баш. Хушкәкә мә бь наве Стефани кӧ се ԛизед ԝе һәнә, гьли дькә: «Жь бьчʹуктайа зарʹед хԝәда, әз пьрсед ӧса дьдьмә хԝә: ‹Әз зарʹед хԝәрʹа шьровәдькьм кӧ чьрʹа әз дӧдьли ниньм ԝәки Йаһоԝа һәйә, әԝ мә һʹьз дькә у рʹийед ԝи рʹаст ьн? Гәло зарʹед мьн дьвиньн кӧ әз бь рʹастийе Йаһоԝа һʹьз дькьм?› Әз нькарьм һивийе бьм кӧ зарʹед мьн баԝәрийеда ԛәԝи бьн, һʹәта кӧ әз хԝәха ԛәԝи нибьм».
«СӘРԜАХТ» БЬН БОНА ХЬЛАЗБУНЕ
11, 12. Сәрԝахти чь йә, у чьрʹа әм дькарьн бежьн кӧ сәрԝахти салийед әʹмьрва гьредайи нинә?
11 Чаԝа мә дит, Тимотʹейо 1) Ньвисаред Пироз заньбу, у 2) баԝәрийеда ԛәԝи бу. Ле гәло гьлийед Паԝлос чь тенә һʹәсабе чахе әԝи Тимотʹейорʹа гот, кӧ ньвисаред пироз дькарьн ԝи «сәрԝахт» кьн ԝәки «хьлаз» бә?
12 Кʹьтеба «Фәʹмкьрьна Ньвисарада» Пʹара 2-да, һатә готьне кӧ Кʹьтеба Пирозда сәрԝахти, әԝ һәйә «фәрәсәт, кʹижан кӧ дькарә али мәрьв бькә, кӧ занәбун у фәʹмкʹарийе бьдә хәбате сәва чәтьнайа сафи кә, нәкʹәвә ԛәзийе, бьгьһижә нета, у ӧса жи ве йәкеда Мәтʹлк. 22:15). Бь ве йәке те кʹьфше ԝәки чахе мәрьв сәрԝахт ә, әԝ йәк дьдә кʹьфше кӧ әԝ гьһишти йә. Рʹӧһʹанида гьһиштибун салед әʹмьрва гьредайи нинә. Мәрьве гьһишти әԝ ә, дьле кʹеда хофа Хԝәде һәйә, у дьхԝазә бь дьл у щан гӧрʹа тʹәмийед ԝи бькә. (Бьхунә Зәбур 111:10.)
аликʹари бьдә мәрьвед дьн. Сәрԝахти мьԛабьли бефәʹмийе йә». Кʹьтеба Пироз дьбежә кӧ «ахмахти дьле зарʹева гьредайи йә» (13. Щаһьл ча дькарә нишан кә кӧ әԝ сәрԝахт ә бона хьлазбуне?
13 Щаһьлед кӧ рʹӧһʹанида гьһишти нә, пе хԝәстьнед хԝә йан жи пе фькьред щаһьлед дьн «жь пʹела вьрда-ԝеда» накʹәвьн (Әфәс. 4:14). Дәԝсе әԝана пешда дьчьн у һʹьш-аԛьле хԝә һин дькьн, ԝәки «ԛәнщи у хьрабийе» жь һәв дәрхьн (Ибрн. 5:14). Чахе әԝана сафикьрьнед аԛьлайи дькьн һьнге жи чахе кʹеләка ԝан кәсәк тʹӧнә, әԝ жи дьдә кʹьфше кӧ әԝана гьһишти дьбьн (Фили. 2:12). Әԝ щурʹе сәрԝахтийе бона хьлазбуне гәләк фәрз ә. (Бьхунә Мәтʹәлок 24:14.) Де-бавно һун ча дькарьн али зарʹед хԝә бькьн кӧ сәрԝахтийа ԝи щурʹәйи ԛазанч кьн? Йа пешийе, зарʹед хԝәрʹа нишан кьн кӧ һун чьрʹа Кʹьтеба Пироз ԛимәт дькьн. Пе гьли у кьред хԝә нишан кьн, ԝәки һун ль гора принсипед Хәбәра Хԝәде дьжин (Рʹом. 2:21-23).
Чьрʹа фәрз ә кӧ де-бав бәрдәԝам кьн зарʹед хԝә ширәт кьн? (Бьньһерʹә абзаса 14-18)
14, 15. а) Щаһьл кӧ дьхԝазә бе ньхӧмандьне гәрәке дәрһәԛа чь бьфькьрә? б) Де-бавно һун ча дькарьн али зарʹед хԝә бькьн, ԝәки әԝана бьфькьрьн кӧ ԝе чь кʹәрәма бьстиньн чахе гӧрʹа Хԝәде бькьн?
14 Бәс нинә һун зарʹед хԝәрʹа тʹәне бежьн чь рʹаст ә у чь хьраб ә. Һун ӧса жи гәрәке али ԝан бькьн, ԝәки әԝана сәр пьрсед ԝи щурʹәйи бьфькьрьн: «Гәло чьрʹа Кʹьтеба Пироз ԛәдәхә дькә ԝан тьшта, чь кӧ мәрьва хԝәш те? Чь мьн дьдә баԝәркьрьне кӧ принсипед Кʹьтеба Пироз бона мьн тʹьме керһати нә?» (Иша. 48:17, 18).
15 Һәрге зарʹа ԝә дьхԝазә бе ньхӧмандьне, һун гәрәке али ԝи бькьн, ԝәки әԝ фәʹм кә кӧ әв гавәкә гәләк фәрз ә. Жерʹа шьровәкьн кӧ паши ньхӧмандьне ԝе чь борщдарийед ԝи һәбьн. Әԝ
ԝе чь кʹаре бьстинә һәрге бе ньхӧмандьне? Әԝ дькарә рʹасти чь чәтьнайа бе? Чьрʹа әԝ кʹар жь чәтьнайа зедәтьр ьн? (Марԛ. 10:29, 30). Гәләк фәрз ә кӧ пешийа ньхӧмандьне әԝ сәр ԝан пьрса бьфькьрә. Де-бав гәрәке али зарʹа бькьн, ԝәки әԝана бьфькьрьн, ԝе чь кʹәрәма бьстиньн һәрге гӧрʹа Хԝәде дькьн у һәрге гӧрʹа ԝи нәкьн әԝ ԝе чь ахьрийе бинә. Ӧса әԝана ԝе ԛәԝи баԝәр кьн, кӧ принсипед Кʹьтеба Пироз тʹьме бона кʹара ԝан ьн (Ԛан. Дщр. 30:19, 20).ЧАХЕ ЩАҺЬЛЕ НЬХӦМАНДИ БАԜӘРИЙЕДА СЬСТ ДЬБӘ
16. Де-бав гәрәке чь бькә, һәрге зарʹа ньхӧманди баԝәрийеда дӧдьли дьбә?
16 Һун чь дькарьн бькьн, һәрге зарʹа ԝә паши ньхӧмандьне баԝәрийеда дӧдьли дьбә? Мәсәлә, щаһьле ньхӧманди дькарә пәй тьштед ве дьнйайе кʹәвә, йан жи дьбәкә дӧдьли бә кӧ аԛьлайи йә пе принсипед Кʹьтеба Пироз бьжи (Зәб. 73:1-3, 12, 13). Ве дәме һун ча хԝә бьдьнә кʹьфше, дькарә һʹӧкӧм бә сәр ве йәке кӧ зарʹ ԝе баԝәрийеда ԛәԝи бә йан жи баԝәрийе бьһелә. Тʹӧ щар бона ве йәке тʹәви зарʹе шәрʹ-дәʹԝа нәкьн, фьрԛи тʹӧнә әԝ бьчʹук ә йан мәзьн ә. Нета ԝә гәрәке әԝ бә, кӧ зарʹа ԝә бьвинә ԝәки һун ԝи һʹьз дькьн у дьхԝазьн али ԝи бькьн.
17, 18. Һәрге зарʹ баԝәрийеда дӧдьли йә, де-бав ча дькарьн аликʹарийе бьдьнә ԝи?
17 Щаһьле ньхӧманди кʹижан кӧ хԝә тʹәсмили Йаһоԝа кьрийә, әԝи соз дайә кӧ ԝе ԝи һʹьз бькә у ԛьрарʹа ԝи сәр һәр тьштирʹа бьгьрә. (Бьхунә Марԛос 12:30.) Йаһоԝа сәр әԝи сози сьвьк наньһерʹә, у йе кӧ соз дьдә, әԝ жи гәрәке сьвьк нәньһерʹә сәр ԝи сози (Ԝаиз 5:4, 5). Чахе мәщал вәдьбә, бь нәрми әве йәке биньн бира зарʹа хԝә. Ле пешийа ве йәке, ԝе баш бә һун бьдьнә хәбате ԝан һащәта, кʹижан кӧ тʹәшкиләта Хԝәде дьдә бона де-бава. Ӧса һуне зарʹа хԝә бьдьнә фәʹмкьрьне, кӧ рʹаст ә тʹәсмилбуйин борщдарийа мәзьн ә, ле йәкә гәләк кʹәрәма жи тинә.
18 Мәсәлә, һун дькарьн ширәтед баш бьвиньн кʹьтеба «Пьрсед Щаһьла у Ширәтед Керһати», Пʹара 1-да. Бьхуньн әʹламәтийа зедә бь наве «Пьрсед Де-Бава». Ль ԝедәре те готьне: «Ләз нәкʹәвьн кӧ бьфькьрьн ԝәки зарʹа ԝә баԝәрийа ԝә ԛәбул накә, чьмки дьԛәԝьмә чәтьнайи тьштәки дьнда нә». Мәсәлә, мәʹни дькарә әв бә кӧ һәвал сәр ԝан һʹӧкӧм дькьн. Мәʹнийед дьн жи дькарьн әԝ бьн, һәрге әԝана хԝә тʹәне тʹәхмин дькьн йан жи чахе дьфькьрьн кӧ щаһьлед дьн щьватеда алийе рʹӧһʹанида жь ԝана баштьр пешда дьчьн. Ве әʹламәтийа зедәда ӧса жи те готьне: «Әв мәʹни баԝәрийева гьредайи ниньн. Ле дькарьн бежьн ԝәки әв мәʹни дәрәщава гьредайи нә, кʹижан кӧ рʹийа зарʹа дьгьрьн кӧ ль гора рʹастийе бьжин». Ве әʹламәтийа зедәда ӧса жи һәнә чәнд ширәт кӧ дькарьн али ԝан де-бава бькьн, зарʹед кʹижана баԝәрийеда дӧдьли дьбьн.
19. Де-бав ча дькарьн али зарʹед хԝә бькьн кӧ «сәрԝахт» бьн бона «хьлазбуне»?
19 Ча де у бав, борщдарийа ԝәйә мәзьн һәйә у ԛәдьрәки мәзьн, кӧ зарʹед хԝә «бь ширәт у һинкьрьна Хӧдан мәзьн кьн» (Әфәс. 6:4). Чаԝа мә жь ве готаре дит, де-бав гәрәке нә кӧ тʹәне зарʹед хԝә һин кьн кӧ Кʹьтеба Пирозда чь те готьне, ле ӧса жи али ԝан бькьн, кӧ баԝәрийа хԝә ԝан тьшта биньн, чь кӧ әԝана һин дьбьн. Бәле, ԝанрʹа баԝәрийа ԛәԝи лазьм ә, кʹижан кӧ ԝе ԝана һелан кә әʹмьре хԝә тʹәсмили Йаһоԝа кьн, у бь дьл у щан жерʹа хьзмәт кьн. Бьра Хәбәра Йаһоԝа, рʹӧһʹе ԝийи пироз, у щәфе ԝә де-бавно, али зарʹед ԝә бькьн кӧ «сәрԝахт» бьн бона «хьлазбуне».
^ абз. 9 Малпәра мә jԝ.org-да сәр гәләк зьмана һәйә рʹебәрийед бона һинбуне бь наве «Кʹьтеба Пироз бь Рʹастийе Чь Һин Дькә?». Әԝ һащәт дькарә али һьн щаһьла һьн жи мәзьна бькә, кӧ рʹастийед Кʹьтеба Пироз фәʹм кьн у бькарьбьн мәрьвед дьнрʹа шьровәкьн. Бьньһерʹьн ҺИНКЬРЬНЕД КʹЬТЕБА ПИРОЗ > ҺАЩӘТЕД БОНА ЛЕКОЛИНКЬРЬНА КʹЬТЕБА ПИРОЗ.