Baledi wetu, ambuluishayi bana benu balue ‘bena meji bua kupetabu lupandu’
“Katshia ku buana buebe udi mumanye mifundu ya tshijila idi mua kukuvuija muena meji bua kupeta lupandu.”—2 TIM. 3:15.
1, 2. Bua tshinyi bidi mua kutonda bamue baledi padi bana babu bajinga kudilambula kudi Yehowa ne kubatijibua?
TSHIDIMU tshionso, balongi ba Bible binunu ne binunu badi badilambula kudi Yehowa ne babatijibua. Ba bungi ba kudibu mbakolesha kudi baledi bena Kristo ne mbasungule nsombelu mutambe buimpe eu. (Mis. 1:1-3) Kakuyi mpata, wewe muikale muledi, udi muindile ne muoyo kuulu kuulu dituku diabatijibua muanebe.—Fuanyikija ne 3 Yone 4.
2 Kadi kudi mua kuikala malu adi akutonda. Pamuapa udi mumone bamue bansonga babatijibua kadi pashishe batuadija kuela meji ne: kuikala ne nsombelu udi umvuangana ne mikenji ya Nzambi kakuena ne mushinga to. Bamue mene mbalekele bulelela. Nunku, bidi mua kuikala bikutonda paudi wela meji ne: muanebe udi mua kutuadija kulonda njila wa buena Kristo kadi kulua kushintuluka ne kujimija dinanga divuaye nadi bua bulelela. Udi mua kulua bu bena Kristo ba mu Buak. 2:4) Ntshinyi tshiudi mua kuenza bua kuepuka bualu bua nunku, kadi kuambuluisha muanebe bua ‘akole too ne ku lupandu’? (1 Pet. 2:2) Bua kuandamuna lukonko elu, tukonkononayi tshilejilu tshia Timote.
bidimu lukama bia kumpala ba mu Efeso bavua Yezu muambile ne: ‘Nudi balekele dinanga dinuvua nadi ku ntuadijilu.’ (“UDI MUMANYE MIFUNDU YA TSHIJILA”
3. a) Mmunyi muvua Timote mulue muena Kristo? Ntshinyi tshiakenzaye ne malu avuaye mulonge? b) Paulo wakavuluija Timote malu kayi asatu?
3 Timote wakalua muena Kristo pamuapa mu 47 panyima pa Yezu, pavua mupostolo Paulo ukumbula tshisumbu tshia mu Luseta bua musangu wa kumpala. Nansha muvuaye mua kuikala nsonga, uvua mudifile bikole. Bidimu bibidi pashishe wakatuadija kuenza ngendu ne Paulo. Panyima pa bidimu bitue ku 16, Paulo wakafundila Timote ne: “Tungunuka mu malu auvua mulonge ne avuabu bakufikishe ku ditaba, mumanye bantu bavua bakulongeshawu ne mumanye ne: katshia ku buana buebe udi mumanye mifundu ya tshijila [Mifundu ya tshiena Ebelu] idi mua kukuvuija muena meji bua kupeta lupandu ku ditabuja mu Kristo Yezu.” (2 Tim. 3:14, 15) Mona ne: Paulo wakamba bua Timote ne: 1) uvua mumanye mifundu ya tshijila, 2) bavua bamufikishe ku ditaba malu avuaye mulonge, ne 3) uvua mulue muena meji bua kupeta lupandu ku ditabuja mu Kristo Yezu.
4. Buebe wewe, mbintu kayi biudi umona ne: bidi bipatula bipeta bimpe paudi ulongesha bana bebe? (Tangila tshimfuanyi tshia ntuadijilu tshia tshiena-bualu.)
4 Bu muudi muledi muena Kristo, udi musue bua muanebe amanye mifundu ya tshijila idi ikongoloja lelu Mifundu ya tshiena Ebelu ne Mifundu ya tshiena Greke ya buena Kristo. Nansha bana batekete menemene badi mua kulonga malu adi mu Bible ne miyuki ya bantu badibu batelamu, bilondeshile lungenyi luabu. Bulongolodi bua Yehowa mbupatule bintu bia bungi bu mudi: mikanda, broshire, ne filme bidi baledi mua kuambuluisha nabi bana babu. Udiku uvuluka bimue bia ku bintu ebi bidi mu muakulu wenu anyi? Umanye ne: dimanya dia Mifundu ke didi diambuluisha muntu bua kudia malanda makole ne Yehowa.
“BAKUFIKISHE KU DITABA”
5. a) ‘Kufikisha muntu ku ditaba’ kudi kumvuija tshinyi? b) Mmunyi mutudi bamanye ne: bavua bafikishe Timote ku ditaba lumu luimpe lua bualu bua Yezu?
5 Kumanya mifundu ya tshijila kudi ne mushinga. Kadi kulongesha bana malu a Nzambi kakuena kulomba anu kubalongesha malu adi mu Bible ne miyuki ya bantu badibu batelamu patupu to. Bible udi wamba bua Timote ne: bavua kabidi ‘bamufikishe ku ditaba.’ Mu tshiena Greke, tshiambilu etshi tshidi tshiumvuija “kuikala mujadike” anyi “kuikala mutuishibue ne mushindike bulelela bua bualu kampanda.” Timote uvua mumanye Mifundu ya tshiena Ebelu katshia ku buana. Kadi kuvua bijadiki binene biakalua kumutuishisha ne: Yezu uvua Masiya. Tuambe ne: dituishibua divuaye nadi diakakolesha dimanya diende. Mu bulelela, dituishibua divua nadi Timote bua lumu luimpe divua dikole menemene kumufikishadi too ne ku dibatijibua bua kulua muyidi ne ku dilamata Paulo mu mudimu wa bumisionere.
6. Mmunyi muudi mua kufikisha bana bebe ku ditaba malu adibu balonga mu Dîyi dia Nzambi?
6 Mmunyi muudi mua kuambuluisha bana bebe bua bikale ne dituishibua diabafikisha pabu ku ditaba, anu bu Timote? Kuikala ne lutulu kudi ne mushinga. Muntu katu utuishibua anu musangu umue to. Paudi wewe witabuja bualu kampanda kabiena bisua kumvuija ne: bana bebe nebabuitabuje diakamue to. Muana yonso udi ne bua kuenza mudimu ne ‘tshieledi tshiende tshia meji’ bua kukolesha dituishibua diende bua bulelela bua mu Bible. (Bala Lomo 12:1.) Bu muudi muledi, udi ne mudimu munene mu bualu ebu, nangananga padi muanebe ukuela nkonko. Tumonayi tshidi tshilejilu tshia muledi kampanda mua kutulongesha.
7, 8. a) Mmunyi mudi tatu kampanda uleja lutulu mu dilongesha muanende? b) Ukadiku pebe mumone ne: kuikala ne lutulu mu dilongesha muanebe kudi ne mushinga anyi?
7 Tatu kampanda, diende Thomas, udi ne muana wa bakaji wa bidimu 11, udi wamba ne: “Muananyi udi mua kungebeja ne: ‘Bua bintu kuikalabi ne muoyo pa buloba, Yehowa uvuaku mua kuikala muenze bua bidienzekele anyi?’ peshi kungebeja ne: ‘Bua tshinyi katuena tuenza malu mudi bantu bonso benza bua kulengeja nsombelu wa bantu, bu mudi kuenza masungula?’ Imue misangu ntu ndienzeja bua kubenga kumuambila patupu tshidiye ne bua kuitabuja. Mu bulelela, muntu katu utuishibua anu bua dilongesha dilelela dimue dinene to, kadi udi utuishibua padiku bijadiki bikese bikese bia bungi.”
8 Thomas mmumanye ne: kulongesha muana kudi kulomba kuikala ne lutulu. Bushuwa, bena Kristo bonso badi ne bua kuikala ne lutulu. (Kolos. 3:12) Thomas mmufike ku dimona ne: kulongesha muana kudi mua kulomba bua kuyukidilangana nende misangu ya bungi bua tshikondo bule kampanda. Udi ne bua kueleshisha muanende meji ne Mifundu bua atuishibue bua malu adiye ulonga. Thomas udi wamba ne: “Meme ne mukajanyi tudi basue kumanya bikala muanetu witabuja bushuwa malu adiye ulonga, nangananga malongesha manene, ne bikalaye uumvua bimpe. Yeye ne nkonko ya kuela, mbimpe. Mu bulelela, yeye witaba bualu kayi wela nkonko bidi mua kuntonda be!”
9. Mmunyi muudi mua kubueja Dîyi dia Nzambi mu muoyo wa bana bebe?
9 Baledi bobu balongesha bana babu ne lutulu, bana nebatuadije kumvua ku kakese ku kakese “butshiama ne bule ne butumbuke ne buondoke” bua ditabuja. (Ef. 3:18) Tudi ne bua kukeba malu adi makumbanyine bidimu biabu ne lungenyi luabu. Padibu batuishibua bua malu adibu balonga, nebakumbane bua kuakuila ditabuja diabu kumpala kua bantu bakuabu, nansha kua balongi nabu. (1 Pet. 3:15) Tshilejilu, bana bebe badiku mua kumvuija ne Bible tshitu tshienzekela muntu padiye ufua anyi? Badiku bumvua bimpe tshidi Bible wamba anyi? * Eyowa, kubueja Dîyi dia Nzambi mu muoyo wa muana kudi kulomba kuikala ne lutulu, kadi kudienzeja nunku kakuena patupu to.—Dut. 6:6, 7.
10. Bualu kayi budi kabidi ne mushinga mu dilongesha bana?
10 Bulelela, tshilejilu tshiebe tshidi kabidi ne mushinga bua kukolesha dituishibua dia bana bebe. Stephanie, mamu wa bana basatu ba bakaji, udi wamba ne: “Katshia anu patshivua bana banyi batekete bikole, mvua anu ndiebeja ne: ‘Ntuku ngambila bana banyi bua tshinyi ndi mutuishibue ne: Yehowa udiku, mmutunange, ne mikenji yende mmiakane anyi? Bana banyi badiku mua kumona bipepele ne: ndi bushuwa munange Yehowa anyi?’ Bua kufikisha bana banyi kuditaba malu adibu balonga, bidi bikengela meme muine ngikale muitabe.”
“MUENA MEJI BUA KUPETA LUPANDU”
11, 12. Meji ntshinyi? Bua tshinyi katuena mua kuamba ne: adi alonda anu bungi bua bidimu bia muntu?
11 Anu mutukadi bamone, Timote uvua 1) mumanye Mifundu ne 2) mutuishibue bua malu avuaye witabuja. Kadi Paulo uvua musue kuamba tshinyi pavuaye muambe ne: mifundu ya tshijila ivua mua kuvuija Timote “muena meji bua kupeta lupandu”?
12 Mukanda wa Étude perspicace des Écritures, Volume 2, udi umvuija ne: mu Bible, meji adi akongoloja “bukokeshi bua kuenza malu ne dimanya ne dijingulula dia malu bua kupita bimpe ne malu a mu nsombelu, kuepuka njiwu anyi kuyidimukila, kukumbaja bipatshila kampanda, Nsu. 22:15, dim.) Mu bulelela, meji adi tshijadiki tshia dikola ne adi abengangana ne butshimbakane. Bungi bua bidimu bia muntu ki mbudi bujadika dikola diende dia mu nyuma to, kadi nditshina dimpe dia Yehowa ne dijinga dikole dia kutumikila mikenji yende.—Bala Misambu 111:10.
anyi kubela bakuabu bua kuenza malu aa. Meji adi abengangana ne butshimbakane.” Bible udi wamba ne: “Butshimbakane mbusuikibue mu muoyo wa muana.” (13. Mmunyi mudi nsonga mua kuleja ne: mmuena meji bua kupeta lupandu?
13 Bansonga badi bakole mu nyuma mu mushindu mukumbanyinaku kabena ‘babakupakaja eku ne eku anu bu bakupakaja kudi mavuala ne baya nabu eku ne eku’ kudi majinga abu anyi kudi bansonga nabu to. (Ef. 4:14) Kadi badi baya kumpala mu dikala ne “bieledi biabu bia meji bia kujingulula nabi malu bibidija . . . bua kutapulula tshidi tshimpe ne tshidi tshibi.” (Eb. 5:14) Badi baleja mudibu benda bakola mu nyuma padibu bangata mapangadika mimpe, nansha padi baledi babu anyi bantu bakole bakuabu kabayipu. (Filip. 2:12) Meji a mushindu au ke adi akengedibua bua kupeta lupandu. (Bala Nsumuinu 24:14.) Ntshinyi tshiudi mua kuenza bua bana bebe baapete? Enza muebe muonso bua kuleja bana bebe patoke muudi ulonda mikenji idi mu Bible. Ubaleje ku mêyi ne ku bienzedi biebe ne: mikenji idi mu Dîyi dia Nzambi ke iudi ulonda.—Lomo 2:21-23.
Bua tshinyi bidi ne mushinga bua muledi kutungunuka ne kudienzeja bua kulongesha muanende? (Tangila tshikoso tshia 14-18)
14, 15. a) Nsonga udi ujinga kubatijibua udi ne bua kuelangana meji a malu kayi a mushinga? b) Mmunyi muudi mua kuambuluisha bana bebe bua belangane meji a masanka a ditumikila mikenji ya Nzambi?
14 Kadi kuambila bana bebe patupu tshidi tshimpe ne tshidi tshibi ki nkukumbane to. Mbimpe ubambuluishe kabidi bua kuelangana meji a nkonko bu mudi: ‘Bua tshinyi Bible udi ukandika malu adi asankisha mubidi? Ntshinyi tshidi tshintuishisha ne: mikenji ya mu Bible itu anu bua diakalenga dianyi?’—Yesh. 48:17, 18.
15 Mbimpe kuambuluisha muana udi uleja dijinga dia kubatijibua bua elangana meji a mudiye udiumvua bua bujitu budiye wambula padiye ulua muena Kristo. Kulua muena Kristo kudi kumupetesha masanka kayi? Ntatu kayi idiye mua kupeta? Bua tshinyi masanka apetaye mmapite Mâko 10:29, 30) Aa mmalu adi muntu mua kupeta panyima pa batismo. Ke bua tshinyi mbimpe kuelela meji bikole kumpala kua kubatijibua. Paudi wambuluisha bana bebe bua belangane meji bikole bua masanka a ditumikila ne bua bipeta bibi bia dibenga kutumikila, badi anu mua kupeta dituishibua. Ndituishibua kayi adi? Ndituishibua dia ne: mikenji ya mu Bible itu anu bua diakalenga diabu.—Dut. 30:19, 20.
ntatu ayi kule ne kule? (PADI MUANA UKADI MUBATIJIBUE UTATA NE DITABUJA DIENDE
16. Ntshinyi tshidi muledi ne bua kuenza bikala ditabuja dia muanende ukadi mubatijibue dibange kutenkakana?
16 Kadi newenze tshinyi bikala muanebe mubange kuelakana panyima pa batismo wende? Tshilejilu, nsonga ukadi mubatijibue udi mua kumueneka munange malu a pa buloba anyi udi mua kutuadija kumona ne: kutumikila mikenji ya mu Bible kakuena ne mushinga to. (Mis. 73:1-3, 12, 13) Bu muudi muledi, umanye ne: mushindu uudi upita ne malu aa udi mua kuenza bua muanebe itabe bua kulonda malu audi witabuja anyi aabenge. Enza bua kukokianganyi ne muanebe bua malu aa, nansha yeye mutshikale muana mutekete anyi ukadi nsonga. Tshipatshila tshiebe ntshia kumuleja ne: udi mumunange ne udi musue kumuambuluisha.
17, 18. Mmunyi mudi baledi mua kuambuluisha nsonga udi welakana?
17 Bushuwa, muana ukadi mubatijibue mmuenze mutshipu munene kudi Yehowa. Mu mutshipu au, mmulaye bua kunanga Nzambi ne kuteka disua diende kumpala kua bualu kayi buonso. (Bala Mâko 12:30.) Yehowa kena wangata mutshipu eu bu bualu bua bilele to, ne muntu yonso udi uwenza kena ne bua kuwumona bu bualu bua bilele to. (Muam. 5:4, 5) Uvuluije muanebe bualu ebu mu tshikondo tshiakanyine ne mu mushindu muimpe. Kadi kumpala kua kuenza nanku, ukonkonone malu adi mu mikanda ne mu bintu bidi bulongolodi bua Yehowa bupatuile baledi. Kuenza nunku nekukuambuluishe bua kudilongolola bua kuleja muanebe mudi kuditshipa kudi Yehowa ne kubatijibua kupetesha masanka ne mudiku kakuyi bualu bua bilele to.
18 Tshilejilu, udi mua kupeta mibelu mimpe mu tshisakidila tshia ne: “Les parents s’interrogent” tshidi ku ndekelu kua mukanda wa Les jeunes s’interrogent. Réponses pratiques, volume 1. Badi bambamu ne: “Kuambi ne lukasa ne: muanebe mmubenge tshitendelelu tshiebe to. Misangu ya bungi, kutu anu bualu kampanda busokome.” Pamuapa bana bakuabu badi batatshisha muanebe. Ntatu mikuabu idi mua kuikala bunkaya peshi kumona bansonga bakuabu baya kumpala mu nyuma kumupita yeye. Badi bamba kabidi mu tshisakidila atshi ne: “Mu kuamba kuimpe, malu a buena aa kaatu atamba kutangila malongesha manene a mu tshitendelelu tshiebe to. Mmakebesha kudi nsombelu kampanda idi yenza bua bikolele muana bua kuleja ditabuja diende patoke bua mpindieu.” Pashishe mbafilamu mibelu ya bungi ya mudi muledi muena Kristo mua kuambuluisha muanende udi ne ditabuja didi ditenkakana.
19. Ntshinyi tshidi baledi mua kuenza bua bana babu kuluabu ‘bena meji bua kupeta lupandu’?
19 Bu muudi muledi, udi ne bujitu bunene ne diakalenga dia kukolesha bana bebe “ne mibelu ne didimuija bia Yehowa.” (Ef. 6:4) Anu mutudi balonge, kuenza nanku kakuena kulomba anu kubalongesha tshidi Bible wamba patupu to, kadi kudi kulomba kabidi kubambuluisha bua batuishibue bua malu adibu balonga. Eyowa, badi dijinga ne dituishibua dikole didi mua kubasaka bua kuditshipa nkayabu kudi Yehowa bua kumuenzela mudimu ne muoyo mujima. Muledi wetu, Dîyi dia Yehowa ne nyuma wende ne bionso biudi wenza biambuluishe bana bebe bua kulua ‘bena meji bua kupeta lupandu.’
^ tshik. 9 Malu adi mu tshitupa tshia Bia kulonga nabi bia mu “Qu’enseigne réellement la Bible?” adi mua kuambuluisha bana ne bakulumpe bua kumvua malongesha a mu Bible bimpe ne kuumvuija bakuabu. Udi mua kuapeta mu miakulu ya bungi mu site wa jw. org. Tangila mu tshitupa tshia LA BIBLE ET VOUS > OUTILS D’ÉTUDE DE LA BIBLE.