Ababâ na amama, ala mû maboko na amolenge ti ala ti wara “ndara ti wara na salut”
“Ngbene ye so mo de foroto, mo hinga awe atënë ti Nzapa so a sû na mbeti, so alingbi ti sara si mo wara ndara ti wara na salut.”—2 TIM. 3:15.
1, 2. Ngbanga ti nyen la ambeni babâ na mama ayeke gi bê ti ala na ngoi so amolenge ti ala aye ti mû terê ti ala na Jéhovah na ti wara batême?
NGU oko oko, azo saki mingi so ayeke manda Bible ayeke mû terê ti ala na Jéhovah nga ala yeke wara batême. Mingi na popo ti ala ayeke amaseka so ababâ na amama ti ala afa na ala tâ tënë ngbene ye so ala de kete, na ala soro mbeni gigi so ayeke pendere mingi (Ps. 1:1-3). Tongana mo yeke mbeni babâ wala mama so ayeke Chrétien, kite ayeke dä ape so mo yeke ku kungo lango so molenge ti mo ayeke wara ande batême.—Bâ 3 Jean 4.
2 Ye oko, peut-être mo yeke na ambeni gingo bê. Peut-être mo bâ so ambeni maseka awara batême me na pekoni ala hunda terê ti ala wala a yeke na lege ti ndara ti sara ye alingbi na andia ti Nzapa. Ambeni azia même tâ tënë. Ni la peut-être mo gi bê ti mo so molenge ti mo alingbi ti komanse ti sara na Jéhovah me na pekoni lo yeke ye tâ tënë tongana ti kozo ape. Lo lingbi ti komanse ti sara ye tongana Apoc. 2:4). Tongana nyen la mo lingbi ti mû maboko na molenge ti mo ti ngbâ ti ye tâ tënë na ti “kono ti wara salut”? (1 Pi. 2:2). Ti hinga kiringo tënë ni, zia e bâ tapande ti Timothée.
ti ambeni kozo Chrétien so ayeke na Éphèse so Jésus asara tënë ti ala, lo tene: “Ndoye so [ala] yeke na ni kozo, [ala] zia ni awe.” (“MO HINGA AWE ATËNË TI NZAPA SO A SÛ NA MBETI”
3. (a) Timothée aga lani Chrétien tongana nyen? Nyen la lo sara na peko ti so lo hinga afango ye ti aChrétien? (b) Aye ota wa so andu mandango ye Paul afa ni na Timothée?
3 Bazengele Paul asi na Lystres ti kozoni na ngu 47. A yeke peut-être na ngoi ni so la Timothée amanda afango ye ti aChrétien. Atâa so na ngoi ni so peut-être Timothée ade maseka, kite ayeke dä ape so lo sara ye alingbi na tâ tënë so lo manda. Ngu use na pekoni, lo komanse ti voyagé legeoko na Paul. Ngu 16 tongaso na pekoni, Paul asara lettre na Timothée, lo tene: “Mo ngbâ na yâ ti aye so mo manda lani na so a ga na mo ti ye peko ni, ndali ti so mo hinga azo so mo manda ye ni na mbage ti ala, nga so ngbene ye so mo de foroto, mo hinga awe atënë ti Nzapa so a sû na mbeti [mbage ti Mbeti ti Nzapa so a sû ândö na Hébreu], so alingbi ti sara si mo wara ndara ti wara na salut na lege ti mabe na Christ Jésus.” (2 Tim. 3:14, 15). Bâ so Paul asara tënë ti (1) hingango atënë ti Nzapa so a sû na mbeti, (2) gango na zo ti ye peko ti aye so lo manda nga (3) warango ndara ti wara na salut na lege ti mabe na Christ Jésus.
4. Aye wa la mo yeke sara kua na ni ti fa ye na amolenge ti mo? (Bâ foto so ayeke na tongo nda ti article so.)
4 Tongana mo yeke mbeni babâ wala mama so ayeke Chrétien, mo ye ti tene molenge ti mo ahinga atënë ti Nzapa so a sû na mbeti, so laso aye ti tene mbage ti Mbeti ti Nzapa so a sû ândö na Hébreu nga na mbage so aChrétien asû ândö na Grec. Même amolenge so ade kete mingi alingbi ti manda ye na ndö ti azo nga na aye so Bible asara tënë ni. Bungbi ti Jéhovah asigi na gbâ ti aye so ababâ na amama alingbi ti sara kua na ni ti mû maboko na amolenge ti ala. Ati so wa la ayeke na yanga ti kodro ti mo? Girisa ape so a lingbi amolenge ti mo ahinga ye so Bible atene tongaso si ala duti na kpengba songo na Jéhovah.
“GA NA [ZO] TI YE PEKO” TI MBENI YE
5. (a) Ti “ga na [zo] ti ye peko” ti mbeni ye aye ti tene nyen? (b) E hinga tongana nyen so a ga na Timothée ti ye peko ti nzoni tënë na ndö ti Jésus?
5 Ti sara si amolenge ti mo ahinga ye na ndö ti azo nga na aye so ayeke na yâ ti Bible alingbi ape. Girisa ape so “a ga na [Timothée] ti ye peko” ti aye. Tënë ti Grec so a sara kua na ni aye ti tene “ti hinga mbeni ye biani” wala “ti yeda na bê ti mo kue so mbeni ye ayeke tâ tënë nga ti dë kite na ni ape.” Timothée ahinga lani mbage ti Mbeti ti Nzapa so a sû ândö na Hébreu ngbene ye na ngoi so lo de foroto. Me a si na mbeni ngoi, ambeni ye asara si lo hinga biani so Jésus ayeke lani Messie. Mabe ti Timothée akpengba mingi, ni la lo wara batême nga lo na Paul asara kua ti missionnaire.
6. Nyen la mo lingbi ti sara ti ga na amolenge ti mo ti mä na bê na ye so ala manda na yâ ti Bible?
6 Tongana nyen la mo lingbi ti mû maboko na amolenge ti mo ti duti na mara ti mabe so Timothée ayeke na ni lani, tongaso si “a ga na [ala] ti ye peko” ti ye so ala yeke manda? Kozoni, kanga bê ti mo. A yeke mû ngoi ti tene mbeni zo aduti na mbeni mabe so akpengba. Nga, so mo mä na bê na mbeni ye aye pëpe ti tene so amolenge ti mo ayeke mä na bê na ni nga gï tongaso. A lingbi molenge oko oko asara kua na “hingango ndo ti [lo]” ti duti na mabe na tâ tënë. (Diko aRomain 12:1.) So mo yeke babâ wala mama, mo lingbi ti mû maboko na amolenge ti mo ti kpengba mabe ti ala, mbilimbili na ngoi so ala yeke hunda atënë. Zia e bâ mbeni tapande.
7, 8. (a) Tongana nyen la mbeni babâ so ayeke Chrétien akanga bê ti lo ti fa ye na molenge ti lo ti wali? (b) Na ngoi wa la mo nga kue mo kanga bê na molenge ti mo tongaso?
7 Thomas, mbeni babâ ti molenge-wali so ayeke na ngu 11, atene: “Molenge ti mbi ti wali alingbi ti hunda mbi, atene: ‘Jéhovah alingbi lani ti créé aye na ndö ti sese na lege ti évolution ape?’ wala ‘Ngbanga ti nyen la e yeke mû mbage ape na yâ ti aye tongana sarango vote so tanga ti azo ayeke sara ti gi ti sara si aye aga nzoni mingi?’ Na ambeni ngoi, a lingbi mbi bata yanga ti mbi si mbi tene na lo pëpe ye so lo doit gï ti mä na bê na ni. Biani, ye so asara si mbeni zo ayeda na mbeni tâ tënë ayeke pëpe mbeni kota tâ tënë oko, me a yeke gbâ ti akete kete tënë so a sara si lo hinga so mbeni ye ayeke tâ tënë.”
8 Thomas ahinga nga so a lingbi lo kanga bê ti lo si lo fa ye na molenge ti lo. Ti tâ tënë ni, a lingbi aChrétien kue ahinga ti kanga bê (aCol. 3:12). Thomas ahinga so a lingbi peut-être lo sara lisoro mingi na molenge ni na yâ ti angoi mingi. A lingbi lo mû maboko na molenge ni ti gbu li na ndö ti ye so Bible atene, tongaso si lo yeda na bê ti lo kue na ye so lo yeke manda. Thomas atene: “A yeke mbilimbili na ngoi so e yeke fa na lo atënë so ayeke kota mingi la mbi na wali ti mbi e yeke gi ti hinga wala lo mä na bê biani na ye so lo yeke manda nga wala, na lo, a yeke na lege ni. Tongana lo yeke na ambeni hundango tënë, a yeke nzoni. Ti tâ tënë ni, mbi yeke gi bê ti mbi tongana lo yeda na mbeni ye sân ti hunda atënë.”
9. Tongana nyen la mo lingbi ti mû maboko na amolenge ti mo ti mä na bê na Bible?
9 Na ngoi so ababâ na amama ayeke kanga bê ti fa ye na amolenge ti ala, yeke yeke amolenge ni ayeke komanse ti hinga “largeur [ti mabe], longueur ni, yongo ni na nduzu nga lingo ni”. (aÉph. 3:18). E lingbi ti fa ye na ala alingbi na ngu ti ala nga na ngangu so ala yeke na ni ti mä yâ ti aye. Na ngoi so mabe ti ala na ye so ala manda ayeke kpengba, a yeke duti ngangu mingi na ala ape ti fa na azo, même amba ti ala ti ekole, ndani so ala mä na bê na ambeni ye (1 Pi. 3:15). Na tapande, amolenge ti mo alingbi ti fa na lege ti Bible ye so ayeke passé na peko ti kuâ ti zo? Eskê ye so Bible afa ayeke na lege ni na lê ti ala? * Girisa ape so a lingbi mo kanga bê ti mo ti mû maboko na molenge ti mo ti mä na bê na Bible, me a yeke ga na anzoni ye mingi.—Deut. 6:6, 7.
10. A lingbi nyen la aduti mbeni kota mbage ti fango ye ti mo?
10 Ye oko, tapande ti mo ayeke nga kota ye so ayeke mû maboko na amolenge ti mo ti duti na mabe. Stephanie, so ayeke mama ti amolenge-wali ota, atene: “Ngbene ye na ngoi so amolenge ti mbi ade maseka mingi, mbi yeke hunda terê ti mbi: ‘Mbi yeke sara lisoro na amolenge ti mbi ti fa na ala ndani so mbi hinga na bê ti mbi kue so Jéhovah ayeke dä, so lo ye mbi nga so aye so lo hunda na e ti sara ayeke na lege ni? Amolenge ti mbi abâ polele so mbi ye Jéhovah mingi?’ Mbi lingbi pëpe ti ku ti tene amolenge ti mbi ayeda na mbeni ye gï ndali ti so mbi yeda na ni.”
“NDARA TI WARA NA SALUT”
11, 12. Ndara ayeke nyen? Ngbanga ti nyen la e lingbi ti tene so a yeke hinga so zo ayeke na ndara gï pëpe ndali ti angu ti lo?
11 Tongana ti so e bâ awe, Timothée (1) ahinga ye lani na ndö ti Mbeti ti Nzapa nga (2) lo yeda na bê ti lo kue so aye so lo mä na bê na ni ayeke na lege ni. Me tongana Paul atene so atënë ti Nzapa so a sû na mbeti alingbi ti sara si Timothée awara “ndara ti wara na salut”, lo ye ti tene nyen?
12 Buku Étude perspicace des Écritures, Volume 2 atene so, na yâ ti Bible, ndara aye nga ti sara tënë ti “kode so zo ayeke na ni ti sara kua aProv. 22:15, kete tënë na gbe ni.) Tongaso, ndara, so ague nde na ye ti buba, ayeke mbeni ye so afa so mbeni zo ayeke biazo. Zo ayeke ga biazo na lege ti yingo ndali ti so lo kpe mbeto ti Jéhovah nga lo mä yanga ti lo, me pëpe gï ndali ti angu so lo sara.—Diko Psaume 111:10.
na hingango ye ti lo nga na hingango ndo ti lo ti leke akpale nzoni, ti kpe aye so alingbi ti sara sioni na lo wala ti kanga lege na aye so ti si, ti wara ambeni ye so lo zia na gbele lo ti wara wala ti mû wango na ambeni zo ti sara nga tongaso. A gue nde na ye ti buba.” Bible atene so “ye ti buba alï ngangu na bê ti molenge”. (13. Tongana nyen la mbeni maseka alingbi ti fa so lo wara ndara ti wara na salut?
13 Amaseka so akpengba kamême na lege ti yingo, aye so ayeke tongana “amapo ti ngu ayengi ala” pëpe nga anzara ti bê ti ala wala aye so amba ti ala agi ti pusu ala ti sara “ague na ala kirikiri” pëpe (aÉph. 4:14). Me ala yeke sara si ‘ngangu ti gbungo li ti ala aga nzoni ti hinga popo ti ye ti nzoni na ye ti sioni.’ (aHéb. 5:14). Tongaso, ala yeke mû anzoni desizion, même na ngoi so ababâ na amama ti ala wala ambeni kota zo nde abâ ala ape (aPhil. 2:12). A lingbi zo awara mara ti ndara so si lo wara salut. (Diko aProverbe 24:14.) Tongana nyen la mo lingbi ti mû maboko na amolenge ti mo ti wara mara ti ndara so? Kozoni kue, fa na amolenge ti mo polele andia ti Bible na ndö ti anzoni sarango ye so mo bâ ni na nene ni. Na lege ti atënë ti mo nga na tapande ti mo, sara si ala hinga so andia na ndö ti anzoni sarango ye so ayeke na yâ ti Bible ayeke nga andia so ayeke fa lege na mo.—aRom. 2:21-23.
Ngbanga ti nyen la a yeke kota ye ti tene mbeni babâ wala mama agi lakue ti mû maboko na molenge ti lo? (Bâ paragraphe 14-18)
14, 15. (a) A lingbi mbeni maseka so aye ti wara batême agbu li ti lo na ndö ti akpengba tënë wa? (b) Tongana nyen la mo lingbi ti mû maboko na amolenge ti mo ti gbu li na ndö ti aye ti nzoni so sarango ye alingbi na andia ti Nzapa ayeke ga na ni?
14 Ye oko, gï ti tene na amolenge ti mo so mbeni ye ayeke na lege ni wala ayeke na lege ni ape alingbi ape. A yeke nzoni nga ti tene mo mû maboko na ala ti gbu li ti ala na ndö ti amara ti hundango ndo so: ‘Ngbanga ti nyen la Bible ake ti tene e sara aye so ayeke zingo nzara ti terê ti zo? Nyen la afa na mbi biani so andia ti Bible na ndö ti anzoni sarango ye ayeke lakue ndali ti nzoni ti mbi?’—És. 48:17, 18.
Marc 10:29, 30). A yeke kota ye ti gbu li na ndö ti atënë so kozo na batême. Mû maboko na molenge ti mo ti gbu li nzoni na ndö ti aye ti nzoni so mango yanga ayeke ga na ni nga na akpale so kengo yanga ayeke ga na ni. Tongaso, a yeke duti ande ngangu na lo ape ti mä na bê so ti sara ye ague oko na andia ti Bible ayeke lakue ndali ti nzoni ti lo.—Deut. 30:19, 20.
15 Tongana molenge ti mo aye ti wara batême, mû maboko na lo ti gbu li ti lo nzoni na ndö ti akua so a lingbi zo so awara batême awe asara ni. Tënë ti bê ti lo na ndö ti akua so ayeke nyen? Aye ti nzoni wa la warango batême ayeke ga na ni? Akpale wa la warango batême ayeke ga na ni? Ngbanga ti nyen la aye ti nzoni ayeke mingi ahon akpale ni? (NA NGOI SO MABE TI MBENI MASEKA SO AWARA BATÊME AKPENGBA APE
16. Nyen la ababâ na amama alingbi ti sara tongana mabe ti molenge ti ala so awara batême akomanse ti woko?
16 Nyen la mo lingbi ti sara tongana molenge ti mo so awara batême akomanse ti dë kite na ndö ti tâ tënë? Na tapande, molenge ti mo alingbi ti sara nzara ti aye ti dunia so. Wala lo lingbi ti komanse ti dë kite so ti bata amama-ndia ti Bible ayeke biani nzoni ye ti sarango ni (Ps. 73:1-3, 12, 13). Sarango ye ti mo alingbi ti sara si molenge ti mo angbâ ti sara na Jéhovah wala pëpe. Leke na bê ti mo ti papa pëpe na molenge ti mo na ndö ti tënë so, atâa so lo de maseka mingi wala lo ga nduru ti kpengba koli wala wali awe. Me sara kue ti fa na lo so mo ye lo nga mo ye ti mû maboko na lo.
17, 18. Tongana mbeni maseka ayeke na kite, babâ na mama ti lo alingbi ti mû maboko na lo tongana nyen?
17 Mbeni maseka so awara batême amû terê ti lo na Jéhovah awe. Zo so amû terê ti lo na Nzapa amû zendo ti ye Nzapa nga ti zia aye so bê ti Nzapa aye kozo na aye kue. (Diko Marc 12:30.) A yeke kete ye na lê ti Jéhovah ape, na a lingbi zo kue so amû zendo so abâ ni tongana kete ye ape (Zo-ti. 5:4, 5). Dabe ti molenge ti mo na aye so. Me kozoni, diko ambeti so bungbi ti Jéhovah asigi na ni ndali ti ababâ na amama nga manda ni nzoni. Na pekoni, na nzoni ngoi nga na nzoni bê, sara si lo hinga nzoni mingi so mungo terê na Jéhovah ayeke kete ye ape nga dutingo mbeni Chrétien so awara batême aga na aye ti nzoni mingi.
18 Na tapande, mo lingbi ti wara anzoni wango na hunzingo ti buku Les jeunes s’interrogent. Réponses pratiques, Volume 1, na mbage so atene “Les parents s’interrogent.” A wa ababâ na amama ti tene hio ape so molenge ti ala so ayeke maseka ake tâ tënë awe, me a lingbi ala gi ti hinga mbilimbili kpale ti molenge ni. Peut-être amba ti lo ayeke pusu lo ti sara mbeni ye wala lo bâ so lo yeke gï lo oko. Wala peut-être maseka ni abâ so ambeni Chrétien so ayeke maseka ayeke sara akua ti Jéhovah mingi ahon lo. Buku ni atene nga so akpale ni so aye pëpe ti tene so lo ye pëpe tënë ti aye so mo mä na bê na ni. Mingi ni aye so asi ngbanga ti mbeni kpale nde so lo wara. Na pekoni, buku ni amû awango na ndö ti fason so mbeni babâ wala mama so ayeke Chrétien alingbi ti mû maboko na molenge ti lo so ayeke na kite na ndö ti tâ tënë.
19. Tongana nyen la ababâ na amama alingbi ti mû maboko na amolenge ti ala ti “wara ndara ti wara na salut”?
19 So mo yeke babâ wala mama, a mû na mo kua nga na pasa ti ngbâ ti bata amolenge ti mo “alingbi na fango lege nga na wango ti gbotongo mê so alondo na Jéhovah.” (aÉph. 6:4). Tongana ti so e bâ, ye so aye ti tene so a lingbi mo fa na amolenge ti mo ye so Bible atene nga mo mû maboko na ala ti yeda na bê ti ala kue na ye so ala manda. Na ngoi so mabe ti ala ayeke kpengba, bê ti ala ayeke pusu ala ti mû terê ti ala na Jéhovah nga ti sara na lo na bê ti ala kue. Zia si Bible, yingo vulu ti Jéhovah nga na aye so mo yeke sara ti mû maboko na amolenge ti mo asara si ala “wara ndara ti wara na salut”.
^ par. 9 Afiche ti étude ti buku “Bible alingbi ti fa nyen na e?” ayeke mû maboko mingi na amaseka nga na akangba ti mä yâ ti atâ tënë ti Bible na ti fa ndani. A lingbi ti wara ni na ayanga ti kodro mingi na ndö ti site jw.org. Ti wara ni, gue na gbe ti tënë AYE SO BIBLE AFA > AYE TI MANDANGO NA BIBLE.