მშობლეფი, ქიმეხვარით თქვან სქუალეფს, ნამდა გინასკიდან
„ჭიჭენობაშე გიჩქ წმინდა წერილეფი, მუდგას შეულებ სქან დაბრძენება, ნამდა გინასკიდე“ (2 ტიმ. 3:15).
ობირეშეფი: 130, 88
1, 2. მუ ოწუხებელ შილებე უღდას ნამთინე მშობელს, მუჟამსით მუშ ბაღანას ღორონთშა დუდიშ მეძღვინუა დო ნათუა ოკო?
ანთასობით ბიბლიაშ მაგურაფალ დუც უძღვინენს იეჰოვას დო ინათუ. თინეფ შქას თი ახალგაზრდეფ ხოლო რენა, მიდგაქ ჭეშმარიტებას მირდეს დო არძაშ უჯგუშ შარა გეგშაგორეს (ფსალმ. 1:1—3). ქრისტიან მშობელ ქორეთ-და, მუშო ოკო რაგად, შურდოგურით ელუთ თქვან ბაღანაშ ნათუაშ დღას (ქოძირით 3 იოან. 4).
2 მარა შილებე იშენით გიღდან ოწუხებელი. ალბეთ გაგებულ გაჸინა, ნამდა ნათუაშ უკულ ნამთინე ახალგაზრდაქ ეჭვიშ თოლით ქუდუჭყ ღორონთიშ კანონეფს ჯინა, დასურო ქოღირუდ დო ვარ თიშ დაცვება დო საბოლათ კრება ხოლო მიოტუ. შილებე გოშქურდან, ნამდა დუდშე თქვან სქუაქ ხოლო ქიმიაჸუნას ქრისტიანულ ცხოვრებაშ შარას, მარა უკულ დათირას აზროვნებაქ დო მიოტუას ჭეშმარიტება. თინეფქ შილებე ქაგურან ეფესოელ ქრისტიანეფს, მიდგას იესოქ უწუ, ნამდა მიოტუეს „დუდშეიან ჸოროფა“ (გამოცხ. 2:4). მუჭო შეილებნა თენა დუდშე ეიჩილითუათ დო ქიმეხვარათ თქვან ბაღანას, ნამდა სულიერო მირდას დო გეგნასკიდას? (1 პეტ. 2:2). თე კითხვეფიშ პასუხ ქობძირათინ, მორთ გუვარჩუათ ტიმოთეშ მაგალითი.
„გიჩქ წმინდა წერილეფი“
3. ა) მუჭო გინირთ ტიმოთექ ქრისტიანო დო მუნერო გიმირინუანდ ნაგურეფუს? ბ) მუ სუმ საკითხ მიშინუ პავლექ ტიმოთეშა მეჭარილ წერილს?
3 საეგებიოთ, ტიმოთექ ჭეშმარიტება თიმწკუმა გეგ, მუჟამსით ახ. წ. 47 წანას მოციქულ პავლექ ლისტრაშა პირველო მერთ. შილებე ტიმოთე თე დროს მარდუ რდუკონ, მარა თიქ გეგმირინუ ნაგურეფ დო ჟირ წანაშ უკულ პავლეწკუმა ართო გილმალ მსახურება ქიდიჭყ. სოდგარენ 16 წანაქ გემკორთუნ, მოციქულქ ტიმოთეს მეჭარ: „თის მიაჸუნ, მუთ გიგურუაფ დო მუდგაშ რჯერს, მუშენდა გიჩქ, მუ ხალხშე იგურე, თეს გეძინელ, ჭიჭენობაშე გიჩქ წმინდა წერილეფი [ებრაულ წერილეფი], მუდგას შეულებ სქან დაბრძენება, ნამდა გინასკიდე ქრისტე იესოწკუმა რწმენათ“ (2 ტიმ. 3:14, 15). ყურადღება ქიმიაქცით მუს იჩიებ პავლე ტიმოთეშ გურშენ: 1) უჩქუდ წმინდა წერილეფი, 2) ჯერდ ნაგურეფუშ დო 3) რდუ დაბრძენებულ, ნამდა გინასკიდკო.
4. ორგანიზაციაშ გიშაშკუმალირ ნამ საშვალებეფქ იჸუ თქვანო მოხუჯურქ ბაღანეფიშ ოგურაფალო? (ქოძირით სურათი მა-18 გვერდის).
4 არძა ქრისტიან მშობელს ოკო მუშ ბაღანას უჩქუდას წმინდა წერილეფი. ჭიჭელეფს ხოლო შეულებნა გეგან ბიბლიას მოშინაფილ ხალხიშ დო მოვლენეფიშ გურშენ. იეჰოვაშ ორგანიზაცია შხვადოშხვა წიგნის, ბროშურას დო ვიდეოს გიშაშკვანს, ნამდა მშობლეფს ქიმეხვარას ბაღანეფიშ გურაფას. თავრეშე ნამ საშვალება რე ხეშამალაფარ თქვან ნინაშა? ვაგგოჭყორდან, ნამდა წმინდა წერილეფიშ რჩქინა ხეს უნწყუნს იეჰოვაწკუმა ჯგირ ურთიერთობაშ გავითარებას.
„მუდგაშ რჯერს“
5. ა) მუს ნიშნენს ფრაზა „მუდგაშ რჯერს“? ბ) მუშა რდუ ტიმოთე დარწმუნებული?
5 წმინდა წერილეფიშ რჩქინა მნიშვნელოვან რე. მარა დასაბაღ ვა რე ბაღანეფს ხვალე ბიბლიას მოშინაფილ ხალხიშ დო მოვლენეფიშ გურშენ ვოგურუათ. ტიმოთეს ჯერდ ნაგურეფუშ. ბერძნულ ნინაშე ნათარგმნა ფრაზა „მუდგაშ რჯერს“, ნიშნენს „მუდგარენიშ ბოლოშა დაჯერებას“. ტიმოთეს ბაღანობაშე უჩქუდ ებრაულ წერილეფ, უმოს გვიანო თიქ თიშე ხოლო დერწმუნ, ნამდა იესო მესია რდუ. ტიმოთეს თიცალ მანგარ რწმენა უღუდ, ნამდა დინათ დო პავლეწკუმა ართო მისიონერო მსახურება ქიდიჭყ.
6. მუჭო შეილებნა მეხვარათ ბაღანეფს, ქიდეჯერან ღორონთიშ სიტყვაშე ნაგურეფ?
6 მუჭო შეილებნა მეხვარათ ბაღანეფს თიცალ რწმენაშ გავითარებას, მუნერით ტიმოთეს უღუდ? პირველ რიგის მოთვინება გოსაჭირნა თეშო. რწმენა ართ დღაშა ვა მოურს; თიშ გავითარებელო დრო რე საჭირო. რწმენა მემკვირდეობათ ვეგნაჩამუ თქვან სქუალეფს. ბაღანეფს გააზრებულ ოკო აფდან ბიბლიურ ჭეშმარიტება (წეკითხით რომაელები 12:1). * მშობლეფს ბრელ მუთუნიშ კეთება შეულებნა, ნამდა გუმანგარან ბაღანეფს რწმენა, განსაკუთრებულო თიმწკუმა, მუჟამსით თინეფს კითხვეფ ურჩქინდნა. ქობძირათ ართ მაგალითი.
7, 8. ა) მუჭო გიმირჩქინანს ართ ქრისტიან მუმა მოთვინებას, მუჟამსით მუშ ძღაბის ოგურუანს? ბ) თქვა მუჟამ გოსაჭირნა მოთვინებაშ გიმორჩქინა?
7 ართ 11 წანერ ძღაბიშ მუმა ტომას იჩიებ: «მინშა ჩქიმ ძღაბ მოკითხ: „ვეშულებუდუო იეჰოვას ევოლუციაშ შარათ
გუჭყაფუდკო სიცოცხლე დედამიწას? მუშენ ვა ბღებულენთ არჩევნეფს მონაწილებას, ნამდა უჯგუშობაშა დობთირუათ სიტუაცია?“. ნამთინეშა ნინას კიბირს გითმუნჭირანქ, ნამდა დოგმატურ პასუხ ვემეფჩე. პიროვნებას რწმენაქ ქაშუასინ, ხვალე ართ ფაქტიშ მოჸონაფა ვა რე დასაბაღ. თის ოსაჭირ ბრელ ჭიჭე-ჭიჭე ფაქტეფიშ გაგება».8 ტომასის თინა ხოლო უჩქ, ნამდა მუშ სქუას ქუდაგურუასინ, მოთვინება ოსაჭირ. სინამდვილეს, მოთვინება არძა ქრისტიანშო მნიშვნელოვან თვისება რე (კოლ. 3:12). ტომასის არჩქილე, ნამდა შილებე მუშ ძღაბშა ბრელშა აჸუას ნამთინე საკითხიშ გურშენ ოჩიებელქ, მარა ბიბლიაშა გერსხილ მსჯელობათ შეულებ მეხვარას ბაღანას, ნაგურეფუშ დაჯერებას. ტომას იჩიებ: „მუჟამსით საქმე მნიშვნელოვან საკითხეფს ოხუნ, განსაკუთრებულო თე დროს მა დო ჩქიმ ოჯახობას მოკონა მიჩქუდან დასურო ქოჯერს დო ვარ ჩქინ ძღაბის მუდგა დიგურუ დო ქოთვალუნს დო ვარ თეს მნიშვნელოვანო. ჯგირ რე მუჟამსით თის კითხვეფ უღუ. სიმართლე ქოიწუათინ, თის კითხვეფ ვაღვენუდ-და, თენა უმოსო შემაწუხენდ“.
9. მუჭო შეილებნა მეხვარათ თქვან ბაღანეფს, ნამდა უმოსო დერწმუნან ნაგურეფუს?
9 მუჟამსით მშობლეფ სქუალეფს მოთვინებათ ოგურუანან, დრო ხანიშ უკულ თინეფ უმოსო ქენანჭუნა ნაგურეფუს (ეფეს. 3:18). ჩქი ოკო გეფთვალისწინათ, მუ ხანიშ რენა თინეფ დო მუშ გურაფა შეულებნა. მუთ უმოსო დერწმუნებნა ნაგურეფუს, თით უმოსო შეიალებენა დეცვან მუნეფიშ რწმენა შხვეფიშ წოხლე, მაგალთო, მუნეფიშ მახანეფწკუმა (1 პეტ. 3:15). ქეშულებუნო თქვან ბაღანას ბიბლიაშე გენწყას, მუ მდგომარეობას რენა ღურელეფი? ქოთვალნანო თინეფ მნიშვნელოვანო ბიბლიას მოჩამილ ინფორმაციას? * ღორონთიშ სიტყვაქ ბაღანაშ გურს ქენანჭასინ, მოთვინება რე საჭირო, მარა თენა დასურო ღირ ხანდაშა (კან. 6:6, 7).
10. მუს უღუ დიდ მნიშვნელობა ბაღანეფიშ გურაფაშ დროს?
10 მუშო ოკო რაგად, თქვან მაგალითის ხოლო დიდ მნიშვნელობა უღუ, მუჟამსით ბაღანეფს ოხვარუთ რწმენაშ გავითარებას. სუმ ძღაბიშ დიდა სტეფანი იჩიებ: «ბაღანეფ გვალო ჭიჭელეფ რდესინ თევრეშე ვოკითხუდ ჩქიმ დუც: „ქურაგადუქო ჩქიმ სქუალეფს, მუშენ ბჯერს, ნამდა იეჰოვა არსებენს, თინა მოჸოროფე დო სამართალიან ღორონთ რე? ქარწყენანო ბაღანეფ, ნამდა ნამდვილო მიჸორს იეჰოვა? რწმენა მა ვამიღ-და, საეჭვო რე, თიქ ჩქიმ ბაღანეფს ქაშუას“».
დაბრძენება, ნამდა გინასკიდე
11, 12. მუს ნიშნენს სიბრძნე დო მუშენ შემლებნა ფთქუათ, ნამდა სულიერ მოწიფულობა ხანშა ვა რე დამოკიდებული?
11 ჩქი ქიგებგით, ნამდა ტიმოთეს 1) უჩქუდ წმინდა წერილეფი დო 2) ჯერდ ნაგურეფუშ. მარა მუშ რაგად ოკოდ პავლეს, მუჟამსით თქუ, ნამდა წმინდა წერილეფს შეულებუდ თიშ დაბრძენება, ნამდა გინასკიდკო?
12 წმინდა წერილეფიშ ორკვიებელიშ მაჟია ტომს ჭარ, ნამდა ბიბლიას მოშინაფილ სიბრძნე ნიშნენს „რჩქინაშ გიმორნაფაშ დო პრობლემეფიშ მოგვარებაშ უნარს, საფრთხეეფიშ დუდიშ არიდებას, მიზნეფიშ მეჭირინაფას ვარდა შხვეფშა თიშ ელაჩამას, მუჭო აკეთან თე ირფელი. სიბრძნეშ საპირისპირო რე უჭკუობა“. ბიბლია იჩიებ: „ბაღანაშ გურს უჭკუობას იგავ. 22:15). სიბრძნე სულიერ მოწიფულობაშ მაძირაფალ რე. თენა პიროვნებაშ ხანშა ვარინ, იეჰოვაშ შიშშა დო თიშ მორჩილებაშა რე დამოკიდებული (წეკითხით ფსალმუნი 111:10). *
უღუ ადგილი“ (13. მუჭო ოძირანს ახალგაზრდა, ნამდა დაბრძენებულ რე გინასკილიდარო?
13 სულიერო მოწიფულ ახალგაზრდეფ ვეჸუნა სწორ ვარენ ფერ სურვილეფს დო ვართ მუნეფიშ მახანეფიშ აზროვნებას (ეფეს. 4:14). თინეფ გიმირინუანა ჯგირ დო ფურიშ გარჩიებაშ უნარს (ებრ. 5:14). მოწიფულობას თით ხოლო ოძირანა, ნამდა სწორას იქციებნა თიმწკუმა ხოლო, მუჟამსით ვართ მშობლეფ ორწყენა დო ვართ შხვეფი (ფილ. 2:12). თეცალ სიბრძნე აუცილებერ რე, ნამდა გეგნასკიდე (წეკითხით იგავები 24:14). * მუჭო შეილებნა მეხვარათ ბაღანეფს, ნამდა ქაშუან სიბრძნექ? პირველ რიგის, ქაძირეთ, მუ რე არძაშ უმოს მნიშვნელოვან თქვან ცხოვრებას. ბაღანეფ ორწყედან ოკო, ნამდა ირნერო ოცადუთ იცხოვრათ ბიბლიურ პრინციპეფით (რომ. 2:21—23).
მუშენ რე მნიშვნელოვან მშობლეფიშ მონდომა? (ქოძირით აბზაცეფი 14—18)
14, 15. ა) მუ საკითხეფშენ ოკო დეფიქრას ნათუა ოკონ ფერ ახალგაზრდაქ? ბ) მუჭო შეილებნა მეხვარათ თქვან ბაღანეფს დეფიქრან, მუ კურთხევეფ მოჸუნს ღორონთიშ კანონეფიშ მორჩილებას?
14 ბაღანეფქ რწმენა გევითარანინ, დასაბაღ ვა რე ხვალე თიშ რაგად მუ რე ჯგირ დო ფურ. ჯგირ იჸუაფ ქიმეხვარათ, დეფიქრან თეცალ კითხვეფშე: „მუშენ იჩიებ ბიბლია ვარიას ხორციელ საქმეეფშე? მუ მარწმუნენს, ნამდა ბიბლიურ პრინციპეფიშ გიმორნაფას ჩქიმო ჯგირობუა მოუღ“? (ეს. 48:17, 18).
15 ბაღანას, ნამუთ ნათუაშე ფიქრენსინ, ქიმეხვარან ოკო დეფიქრას თეცალ საკითხეფშე: მუ პასუხიშმგებლობეფ მოჸუნს ნათუას? მუ ჯგირობუა მოუღ თეს? მუ სირთულეეფს შილებე შეხვადე? მუჭო მარ. 10:29, 30). ნათუაშ უკულ არძაქ შილებე ქიგედირთას თეშ წოხოლე, ათეშენ ონდო თეცალ სერიოზულ ნაბიჯის გინოდგუნდათინ, აუცილებერ რე დეფიქრათ თეშ გურშენ. ბაღანეფს ოკო ქიმვეხვარათ თიშ ძირაფას, მუ კურთხევეფ მოჸუნს მორჩილებას დო მუ გლახა შედეგფ მაჸუნუ დაუმორჩილებლობას. თეშ უკულ თინეფ უმოსო ქიდეჯერენა, ნამდა ბიბლიურ პრინციპეფიშ მეჸუნას ირიათო ჯგირობუა მოჸუნს (კან. 30:19, 20).
გინოფორუნს კურთხევეფ თე სირთულეეფს? (მუჟამსით ეჭვეფ რჩქინდუ
16. მუ ოკო აკეთათ, ნათუაშ უკულ თქვან ბაღანაქ ჭეშმარიტება ეჭვიშ თუდო ქიგიორინუ-და?
16 მუშ კეთება შეილებნა, ნათუაშ უკულ თქვან ბაღანაქ ჭეშმარიტება ეჭვიშ თუდო ქიგიორინუ-და? მაგალთო, თიქ შილებე ქვეყნიერებათ დეინტერესას ვარდა დეეჭვას, ქოღირ დო ვარ ბიბლიურ პრინციპეფით ცხოვრება (ფსალმ. 73:1—3, 12, 13). თეცალ დროს დიდ მნიშვნელობა უღუ, მუჭო მიქციებნა მშობლეფ, მუშენდა თეშა რე დამოკიდებულ, გაგრძელენს დო ვარ თქვან სქუა იეჰოვაშ მსახურებას. ქეცადით თიწკუმა ჩიებაშ დროს მოთვინებაქ ვაიდინან, ვა უღუ მნიშვნელობა ჭიჭელეფ რენან დო ვარ დიდეფი. ირნერო დარწმუნით, ნამდა გიჸორა დო გოკონა თინეფიშ მოხვარა.
17, 18. მუჭო შეულებნა მშობლეფს სქუალეფიშ მოხვარა, მუჟამსით თინეფს ეჭვეფ ურჩქინდნა?
17 მუშო ოკო რაგად, ნათილ ახალგაზრდას დუდ აფუ მეძღვინელ იეჰოვაშა. თე დროს თიქ პირობა დოდვ, ნამდა ირიათო გეგმირჩქინანდ ღორონთიშ ჸოროფას დო თიშ ნებას ქიგიორინუანდ ირფელიშ წოხოლე (წეკითხით მარკოზი 12:30). * იეჰოვა თე პირობას სერიოზულო უჯინე დო ჩქი ხოლო თაშ ოკო ვუჯინედათ თეს (ეკლ. 5:4, 5). ტაქტიანო ქუგაშინით თქვან სქუას თეშ გურშენ. სოიშახ თეს აკეთენდათინ, ჯგირო გეგმირკვით თი მასალეფი, ნამუთ იეჰოვაშ ორგანიზაციაქ მშობლეფშო გიშაშკვ. თეშნერ საქციელით ქაძირანთ თქვან სქუალეფს, ნამდა იეჰოვაშა დუდიშ მეძღვინუათ დო ნათუათ სერიოზულ ნაბიჯ გინოდგეს, მარა თეს ბრელ კურთხევა მაჸუნუ.
18 მაგალთო, წიგნიშ „ახალგაზრდეფიშ შეკითხვეფი“ პირველ ტომს მოჩამილ რე დანართი — „მშობლეფიშ შეკითხვეფი“, სოდეთ ჭარ: „ხეთეშე ვეფიქრა, ნამდა სქან სქუა ვარიას იჩიებ სქან რწმენაშე. ხშირას თე პრობლემას შხვა მიზეზეფ უღუ“. თეშ მიზეზი შილებე რდას მუშ მახანეფიშ ზეგავლენა. შილებე ხვალახეთ გინაფლენდას დუც ვარდა ფიქრენდას, ნამდა შხვა ახალგაზრდეფ უმოს მეტის ორთუნა იეჰოვაშო. თე დანართის პკითხულენთ: „მუჭოთ ორწყექინ, თე საკითხეფს მუთუნ კავშირ ვა უღუ სქან რწმენაშე ვარიაშ რაგადწკუმა. შხვადოშხვა სიტუაციაშ გურშენ ახალგაზრდას უჭირს მუშ რწმენაშ დაცვება“. თეს გეძინელ, დანართის მუსხირენ რჩევა რე მოჩამილ, მუჭო შეულებ ქრისტიან მშობელს ქიმეხვარას მუშ სქუას, ნამუსით ნაკლებ რწმენა უღუ.
19. მუჭო შეულებნა მშობლეფს ქიმეხვარან მუნეფიშ სქუალეფს დებრძენან, ნამდა გინასკიდან?
19 მშობლეფიშ პასუხიშმგებლობა რე მუნეფიშ სქუალეფ იეჰოვაშ მოსაწონო მორდან დო ქიგიოწურუან (ეფეს. 6:4). თენა თის ნიშნენს, ნამდა ქუდაგურუათ სქუალეფს ბიბლია დო ქიმეხვარათ, ქიდეჯერან ნაგურეფ. თინეფქ დუდ მეუძღვინან იეჰოვას დო თის მთელ გურით ემსახურანინ, საჭირო რე მუთ იგურესინ თიშ მანგარო ჯერდან. იეჰოვაშ სიტყვა, თიშ წმინდა შურ დო თქვან მონდომა ქიმეხვარებ თქვან სქუალეფს დებრძენან, ნამდა გეგნასკიდან.
^ აბზ. 6 რომ. 12:1: თაშ, ნამდა ჯიმალეფ გოხვეწუთ: ღორონც ქეწურინეთ თქვან დუდ ცოცხალ, წმინდა, თიშო მოსაწონ მსხვერპლო, ნამუთ გააზრებულ წმინდა მსახურება რე.
^ აბზ. 9 წიგნი „მუს მოგურუანა ბიბლია სინამდვილეს?“ მეხვარებ, მუჭოთ ბაღანეფს თეშ დიდეფს ხოლო ქიგეგან დო გენწყან ბიბლიურ გურაფეფი. შეილებნა ბრელ ნინაშა ქოძირათ თე ბიბლიურ გურაფეფ ვებ-გვერდის jw.org (ბიბლიური სწავლებები/ბიბლიის საკვლევი საშუალებები).
^ აბზ. 12 ფსალმ. 111:10: სიბრძნე იეჰოვაშ შიშშე მოურს. ინონჭაფაშ უნარ თის უღუ, მიდგა თის ასრულენს, მუთ ღორონთიქ ზოჯუ. მარადიულო ოცქვანა თის.
^ აბზ. 13 იგავ. 24:14: თეწკუმა ართო გიღდას სიბრძნე კინ სქან საჯგირობუოთ. სიბრძნეს ქოძირუნქ-და, გაღვენუ მომავალ დო სქან იმენდ ვემისპუ.
^ აბზ. 17 მარ. 12:30: გიჸორდას იეჰოვა, სქან ღორონთი, მთელ გურით, მთელ შურით, მთელ გონებათ დო მთელ ძალათ.