TAKORLOORUK un­nuk­kut taar­tumi aq­qusinik­koor­tutit. Seqineq tarrikatareeraluar­toq tam­man­ngilatit, sak­kor­tuumim­mi qaam­mar­tar­toqar­putit. Am­mut qin­ngor­tik­kaangak­ku siunin­nguan­niit­tut takul­luarsin­naasar­patit. Siumul­lu qin­ngor­tik­kaangak­ku aq­qutis­sat ungasin­nerusoq qaam­maaris­sisar­poq.

Biibili qaam­mar­tar­tutul­lusooq ip­poq. Al­laaserisani matuma siulianiit­tuni sam­meriik­katsitut Guutip oqaasia iluaqutigalugu siunin­nguatsin­niit­tut – ul­luin­nar­ni ajor­nar­torsiutit silarsuarmi al­lan­ngorar­tumi matumani nalaat­tak­kavut – iliuuseqarfigisin­naavavut. Biibilili aam­ma al­lamik iluaqutis­sar­taqar­poq. Siunis­saq pil­lugu qaam­marsarsin­naavaatigut naas­saan­ngitsumik nalerisimaarlutalu pil­luarluta inuunis­satsin­nut aq­qum­mik takun­nis­sin­naalersil­luta. (Tus­siaat 119:105) Qanoq?

Biibilip marlutsigut qanoq neriuuteqalersis­sin­naagaatigut sam­meriar­tigu: 1 Inuunerup siunertaanik ilisimatippaatigut, aam­ma 2 Pinngortitsisitsinnik naassaanngitsumik qanoq ikinnguteqalersinnaasugut paasitippaatigut.

Ajor­nar­torsiutit iliuuseqarfiginis­saan­nut Biibili tutsuiginar­tunik siun­nersuuteqar­poq, atuak­kanil­li im­minut ikior­niar­tunut naatsorsuus­sanit imaqar­nerujus­suuvoq. Biibilimi ilin­niar­titsis­sutigineqar­poq nam­mineq ajor­nar­torsiutivut kisiisa eq­qarsaatigis­san­ngik­kivut. Pingaaruteqar­nerungaar­tumut ilaaner­put eq­qaamagutsigu inuuner­put siuner­taqalivis­saaq.

Najoq­qutas­siaq Biibilimeersoq una as­sersuutigisigu: “Tunisineq pil­luar­nar­neruvoq tigusinermit.” (Apustilit Suliaat 20:35) Timik­kut pisariaqar­titsisumik ikiuisimanin­nik eq­qaamasaqar­pit? Imaluun­niit ikin­ngut uum­mam­miuminik aniatitsisoq tusar­naar­nikuuiuk? Inum­mik al­lamik qiim­mas­saanerit nalerisimaar­nar­tip­pat, ilaa?

Pil­luar­nar­ner­paavoq akiler­neqar­nis­sar­put naatsorsuutiginagu ikiuisimagaangat­ta. Atuak­kior­toq al­lap­poq akilerneqarnissat naatsorsuutiginagu pilliuteqaruit  pil­liutigisan­nit an­nerusumik pis­sasutit. Ingam­mik akil­luta iliuuseqarsin­naan­ngitsunut pil­liuteqaraangat­ta akis­sarsisar­pugut. Pin­ngor­titsisoq suleqatigaar­put, taas­sumalu ajun­ngitsulior­nerit im­minut atuk­kiiner­tut isigai. (Us­satit 19:17) Pisariaqar­titsisunik ikiuiner­put pingaar­tingaar­paa neriorsor­paatigul­lu nunarsuarmi paratiisiusumi naas­saan­ngitsumik inuunermik akiler­niarluta. Neriuutip tupin­nangaas­susia! – Tus­siaat 37:29; Lukasi 14:12-14. *

Pingaar­ner­paamik Biibilimi ilin­niar­tin­neqar­pugut Guutip Jehovap pal­lorfigineratigut inuuner­put siuner­taqalivis­sasoq. Oqaasiani kajumis­saar­neqar­pugut pineqar­tariaqar­neratut taan­na un­nersiutigalugulu ataq­qil­lugulu naalas­sagip­put. (Oqaluus­sisar­tup oqaasii 12:13; Saq­qum­mersitat 4:11) Taamaalior­ner­put tupin­nangaar­tumik kinguneqas­saaq: Pin­ngor­titsiser­put nuan­nersumik misigitis­savar­put. Imami kajumis­saar­paatigut: “Ilisimasuuniarit taamalu uum­matiga nuan­naar­til­lugu.” (Us­satit 27:11) Una eq­qarsaatigiuk: Najoq­qutas­siat Biibilimeersut tun­ngavigalugit silatusaar­tumik aalajangiigaangat­ta Ataatat­ta qilam­miusup uum­mataa nuan­naar­tit­tar­par­put. Sooq? Soqutigigamisigut kis­saatigigamiul­lu siun­nersuutimi maleruar­neratigut im­minut iluaqutis­sis­sasugut. (Esaja 48:17, 18) Inuuner­put siuner­taqarluar­nerusin­naava nunami qilam­milu kisimi oqar­tus­saasup pal­lorfigineratigut uum­mataatalu iluarisaanik inooriaaseqar­nitsigut?

Biibilimi aam­ma ilin­niar­tin­neqar­pugut Pin­ngor­titsiser­put ikin­ngutigilersin­naagip­put. Imami al­las­simavoq: “Guuti qanin­niarsiuk, taava taan­na ilis­sin­nut qanil­lis­saaq.” (Jaaku 4:8) Ilaan­nik­kut up­periuminaatsis­sin­naavar­put ilumut Pin­ngor­titsisoq ajugaqan­ngitsoq ikin­ngutigisin­naanerlutigu. Biibilimili neriorsor­neqar­pugut ‘Guuti ujarutsigu nanisin­naagip­put ilatsin­nit kimil­luun­niit ungasin­ngim­mat’. (Apustilit Suliaat 17:27) Guutimut ikin­ngutaaler­neq aam­ma siunis­sami iluaqutigingaarsin­naavar­put. Qanoq?

Una eq­qarsaatigiuk: Qanorluun­niit ilioraluarut­ta arlaan­nat­taluun­niit akeraaner­paaq – toqu – nam­mineerluta pin­ngitsoor­tis­sin­naan­ngilar­put. (1 Korinthimiut 15:26) Guutili naas­saan­ngitsumik piuvoq. Toqun­ngisaan­nas­saaq, kis­saatigaalu ikin­ngutini aam­ma naas­saan­ngitsumik inuus­sasut. Jehovap ujarlersiminut kis­saataa Biibilimi ima oqaatigineqar­poq: ‘Naas­saan­ngitsumik inuuneqas­sap­put.’ – Mat­thæusi 25:46.

Naas­saan­ngitsumik Guutimik qanoq ikin­nguteqalersin­naavugut? Taan­na pil­lugu Biibilimi ilin­niar­tuarit. (Johan­nesi 17:3; 2 Timotheusi 3:16) Biibili paasiumal­lugu taas­sumun­nga ikior­tis­sarsior­tuarit. Biibilimi neriorsor­neqar­pugut ilumoorluta ilisimas­suseq taas­sumun­nga qin­nutigiuarutsigu ilisimas­suseqalersis­sagaatigut. * (Jaaku 1:5) Kiisalu ilik­kak­katit maleruar­niarsarik­kit, Guutil­lu oqaasia – maan­na naas­saan­ngitsus­samul­lu – ‘isik­kan­nut naneruariuk aq­qutin­nilu qaam­maq­qutigalugu’. – Tus­siaat 119:105.