តើគម្ពីរជាប់ទាក់ទងយ៉ាងណានឹងអនាគតរបស់អ្នក?
សូមស្រមៃគិតថា អ្នកកំពុងដើរពេលយប់តាមផ្លូវងងឹតមួយ។ ព្រះអាទិត្យបានលិចបាត់ជាយូរហើយ តែអ្នកមិនខ្លាចវង្វេងផ្លូវទេ ដោយសារក្នុងដៃរបស់អ្នកមានពិលភ្លឺខ្លាំងមួយ។ ពេលអ្នកបញ្ចាំងទៅខាងក្រោម អ្នកឃើញភ្លាមៗថាមានអ្វីនៅខាងមុខអ្នក។ ម្យ៉ាងទៀត ពេលអ្នកបញ្ចាំងទៅខាងមុខ ពន្លឺពិលភ្លឺទៅបានឆ្ងាយ។
ក្នុងន័យមួយ គម្ពីរគឺប្រៀបដូចជាពិលដ៏ភ្លឺខ្លាំងនោះ។ កាលដែលយើងពិចារណាអត្ថបទមុនៗ យើងឃើញថាបណ្ដាំរបស់ព្រះអាចជួយយើងឲ្យយកឈ្នះនឹងអ្វីដែលនៅខាងមុខយើង ពោលគឺបញ្ហាសព្វថ្ងៃដែលយើងទាំងអស់គ្នាជួបប្រទះក្នុងពិភពលោកដែលចេះតែប្រែប្រួលនេះ។ មិនត្រឹមតែប៉ុណ្ណោះទេ តែគម្ពីរក៏បង្ហាញប្រាប់អំពីថ្ងៃអនាគតដែរ ដើម្បីជួយយើងឲ្យឃើញនិងដើរតាមផ្លូវដែលនាំឲ្យយើងមានសុភមង្គលនិងការស្កប់ចិត្ដជារៀងរហូត។ (ទំនុកតម្កើង ១១៩:១០៥) តើតាមរបៀបណា?
សូមយើងពិចារណាអំពីរបៀបពីរយ៉ាងដែលគម្ពីរផ្ដល់សេចក្ដីសង្ឃឹមសម្រាប់ថ្ងៃអនាគត គឺ: ១ ជួយយើងឲ្យមានគោលបំណងក្នុងជីវិត ២ បង្រៀនយើងអំពីរបៀបបង្កើតមិត្ដភាពដ៏ស្ថិតស្ថេរជាមួយនឹងព្រះដែលជាអ្នកបង្កើតយើង។
១ គោលបំណងក្នុងជីវិត
គម្ពីរមានឱវាទដ៏គួរឲ្យទុកចិត្ដដែលជួយយើងយកឈ្នះបញ្ហារបស់យើង ប៉ុន្ដែគម្ពីរប្រសើរជាងសៀវភៅសម្រាប់អប់រំចិត្ដ។ ជាជាងលើកទឹកចិត្ដយើងឲ្យផ្ដោតអារម្មណ៍តែបញ្ហាផ្ទាល់ខ្លួន គម្ពីរបង្រៀនយើងឲ្យមានទស្សនៈទូលំទូលាយ។ យ៉ាងនេះ ជីវិតយើងអាចមានន័យខ្លឹមសារពិតប្រាកដ។
សូមគិតអំពីឧទាហរណ៍មួយ។ ដូចក្នុងគម្ពីរចែងថា៖ «ការឲ្យគេ នោះនឹងផ្ដល់សុភមង្គលច្រើនជាងការទទួល»។ (សកម្មភាព ២០:៣៥) តើអ្នកអាចនឹកឃើញពេលដែលអ្នកធ្លាប់ជួយអ្នកណាម្នាក់ខាងទ្រព្យសម្បត្ដិឬទេ? ឬប្រហែលជាពេលអ្នកចំណាយពេលនិងកម្លាំងដើម្បីស្តាប់មិត្ដរបស់អ្នកនិយាយអំពីអារម្មណ៍កប់ជ្រៅរបស់ពួកគេ។ អ្នកច្បាស់ជារីករាយណាស់ ដោយសារអ្នកបានជួយអ្នកឯទៀតឲ្យសប្បាយចិត្ដ មែនទេ?
យើងមានសុភមង្គលបំផុតពេលយើងឲ្យដោយមិនរំពឹងការតបស្នង។ អ្នកនិពន្ធម្នាក់បានសរសេរថា៖ «ពេលយើងឲ្យពេលវេលានិងកម្លាំងដើម្បីជួយអ្នកឯទៀត យើងច្រើនតែទទួលមកវិញលើសពីអ្វីដែលយើងបានឲ្យ ដោយសារយើងបានឲ្យដោយមិនរំពឹងទទួលការតបស្នង»។ ពេលយើងសុភាសិត ១៩:១៧) ព្រះឲ្យតម្លៃយ៉ាងខ្លាំងចំពោះអ្វីដែលយើងធ្វើសម្រាប់មនុស្សដែលទន់ទាប ហើយលោកសន្យាថានឹងតបស្នងយើងនូវអ្វីដ៏អស្ចារ្យណាស់ ពោលគឺជីវិតជារៀងរហូតនៅផែនដីដែលជាសួនឧទ្យាន។ នេះពិតជាសេចក្ដីសង្ឃឹមដ៏គួរឲ្យរំភើបចិត្ដសម្រាប់ថ្ងៃអនាគត! *—ទំនុកតម្កើង ៣៧:២៩; លូកា ១៤:១២-១៤
ឲ្យពេលវេលានិងកម្លាំងដើម្បីជួយអ្នកឯទៀត ជាពិសេសពួកអ្នកដែលមិនអាចតបស្នងវិញ ទោះជាមើលទៅយើងមិនទទួលអ្វីក៏ដោយ តែតាមពិតយើងនឹងទទួលរង្វាន់។ យើងទៅជាមនុស្សដែលមានទស្សនៈទូលំទូលាយ។ បន្ថែមទៅទៀត យើងក៏កំពុងរួមសហការជាមួយនឹងព្រះដែលជាអ្នកបង្កើត។ លោកចាត់ទុកការប្រព្រឹត្ដដោយបង្ហាញចិត្ដសប្បុរសទាំងនេះថាដូចជាឲ្យដល់លោកខ្ចី។ (សរុបមក គម្ពីរបង្រៀនយើងថាយើងអាចរកឃើញគោលបំណងពិតប្រាកដក្នុងជីវិត ដោយគោរពប្រណិប័តន៍ព្រះពិត ពោលគឺព្រះយេហូវ៉ា។ គម្ពីរដែលជាបណ្ដាំរបស់លោកលើកទឹកចិត្ដយើងឲ្យសរសើរ លើកកិត្ដិយស និងស្តាប់បង្គាប់ព្រះ ព្រោះលោកសមនឹងទទួល។ (សាស្តា ១២:១៣; ការបើកបង្ហាញ ៤:១១) ពេលយើងធ្វើដូច្នេះ យើងសម្រេចអ្វីមួយដែលអស្ចារ្យណាស់ ពោលគឺយើងធ្វើឲ្យព្រះដែលជាអ្នកបង្កើតសប្បាយរីករាយ។ លើសពីនេះទៀត លោកដាស់តឿនយើងថា៖ «ចូរឲ្យឯងមានប្រាជ្ញាឡើង ហើយឲ្យចិត្ដអញបានរីករាយចុះ»។ (សុភាសិត ២៧:១១) សូមគិត ពេលយើងធ្វើការសម្រេចចិត្ដឈ្លាសវៃដោយផ្អែកលើគោលការណ៍ដែលមានក្នុងគម្ពីរ យើងធ្វើឲ្យបិតានៅស្ថានសួគ៌ដែលប្រកបដោយសេចក្ដីស្រឡាញ់សប្បាយរីករាយ។ ហេតុអ្វី? ដោយសារលោកយកចិត្ដទុកដាក់ចំពោះយើង ហើយចង់ឲ្យយើងទទួលប្រយោជន៍ដោយធ្វើតាមការណែនាំពីលោក។ (អេសាយ ៤៨:១៧, ១៨) ពិតមែន ការគោរពប្រណិប័តន៍ព្រះដែលជាអ្នកគ្រប់គ្រងសកលលោកទាំងមូល និងការរស់នៅតាមរបៀបដែលនាំឲ្យលោករីករាយ ជាគោលបំណងប្រសើរបំផុតក្នុងជីវិត មែនទេ?
២ ចំណងមិត្ដភាពជាមួយនឹងព្រះដែលជាអ្នកបង្កើតយើង
គម្ពីរក៏បង្រៀនយើងឲ្យបង្កើតមិត្ដភាពជាមួយនឹងព្រះដែលជាអ្នកបង្កើតយើង។ គម្ពីរចែងថា៖ «ចូរចូលទៅជិតព្រះ ហើយលោកនឹងចូលមកជិតអ្នករាល់គ្នាដែរ»។ (យ៉ាកុប ៤:៨) ជួនកាល យើងប្រហែលជាឆ្ងល់ថាតើយើងពិតជាអាចធ្វើជាមិត្ដនឹងអ្នកបង្កើតដែលមានឫទ្ធានុភាពខ្លាំងក្លាបំផុតបានឬយ៉ាងណា។ ប៉ុន្ដែ គម្ពីរពង្រឹងទំនុកចិត្ដយើងថាបើយើង«រកព្រះ» យើងនឹង‹រកលោកឃើញ› ព្រោះ«លោកមិននៅឆ្ងាយពីយើងម្នាក់ៗ»ឡើយ។ (សកម្មភាព ១៧:២៧) ឱវាទក្នុងគម្ពីរស្ដីអំពីការទៅជាមិត្ដរបស់ព្រះគឺមានប្រយោជន៍យ៉ាងខ្លាំងសម្រាប់អនាគតយើង។ តើតាមរបៀបណា?
សូមគិតអំពីរឿងនេះ: ទោះជាយើងខំប្រឹងយ៉ាងណាក៏ដោយ គ្មានអ្នកណាម្នាក់អាចគេចផុតពីសេចក្ដីស្លាប់ដែលជាសត្រូវដ៏សាហាវបានឡើយ។ (កូរិនថូសទី១ ១៥:២៦) ប៉ុន្ដែព្រះគឺរស់ជារៀងរហូត។ លោកមិនចេះស្លាប់ទេ ហើយលោកក៏ចង់ឲ្យមិត្ដរបស់លោករស់ជារៀងរហូតដែរ។ គម្ពីរប្រើពាក្យសាមញ្ញតែពីរោះដើម្បីប្រាប់អំពីអ្វីដែលព្រះយេហូវ៉ាចង់ឲ្យដល់ពួកអ្នកដែលស្វែងរកលោក។ ពាក្យនោះថា៖ «សូមឲ្យអ្នកអ្នករាល់គ្នារស់ជារៀងរហូតដោយមានសុភមង្គល»។—ទំនុកតម្កើង ២២:២៦, ព.ថ.
តើអ្នកអាចបង្កើតចំណងមិត្ដភាពដ៏ស្ថិតស្ថេរជាមួយព្រះយ៉ាងដូចម្ដេច? សូមបន្ដរៀនអំពីព្រះតាមរយៈគម្ពីរដែលជាបណ្ដាំរបស់លោក។ (យ៉ូហាន ១៧:៣; ធីម៉ូថេទី២ ៣:១៦) សូមសុំជំនួយពីលោកដើម្បីយល់បទគម្ពីរ។ គម្ពីរពង្រឹងទំនុកចិត្ដយើងថាបើយើង«សុំព្រះម្ដងហើយម្ដងទៀត»ដោយចិត្ដស្មោះដើម្បីបានប្រាជ្ញា នោះលោកនឹងផ្ដល់ឲ្យយើង។ * (យ៉ាកុប ១:៥) ម្យ៉ាងទៀត សូមព្យាយាមធ្វើតាមអ្វីដែលបានរៀន ហើយឲ្យបណ្ដាំរបស់ព្រះធ្វើជា«ចង្កៀងដល់ជើង» ហើយ«ជាពន្លឺបំភ្លឺផ្លូវ[របស់អ្នក]» នៅឥឡូវនេះនិងជារៀងរហូត។—ទំនុកតម្កើង ១១៩:១០៥
^ វគ្គ 8 ដើម្បីដឹងថែមទៀតអំពីសេចក្ដីសន្យារបស់ព្រះស្ដីអំពីជីវិតជារៀងរហូតនៅផែនដីដែលជាសួនឧទ្យាន សូមមើលជំពូកទី៣នៃសៀវភៅតើគម្ពីរអាចបង្រៀនយើងអំពីអ្វី? ដែលបោះពុម្ពដោយសាក្សីព្រះយេហូវ៉ា។
^ វគ្គ 13 សាក្សីព្រះយេហូវ៉ាស្នើផ្ដល់កម្មវិធីរៀនគម្ពីរដោយឥតគិតថ្លៃដែលអាចជួយលោកអ្នកឲ្យកាន់តែយល់បទគម្ពីរ។ ដើម្បីរៀនថែមទៀតអំពីរឿងនេះ សូមទស្សនាវីដេអូតើកម្មវិធីរៀនគម្ពីរត្រូវធ្វើឡើងតាមរបៀបណា? អ្នកអាចរកឃើញវីដេអូនេះដោយចូលគេហទំព័រjw.org/km (ចុច«សៀវភៅផ្សេងៗ» ▸ «វីដេអូ»)។
ព្រះគឺរស់ជារៀងរហូត ហើយលោកក៏ចង់ឲ្យមិត្ដរបស់លោករស់ជារៀងរហូតដែរ