Te Tohi-Tapu Mo Tou Ka Haʼu
FAKAKAUKAUʼI age muʼa ʼe ke haʼele ʼi he ʼala ʼi te afiafi ka kua kamata fakapoʼuli. Logo la kua fualoa te to ʼo te laʼa kae ʼe mole ke mataku he ʼe ʼi ai tau hila. Kapau ʼe ke inaina tou ʼala pea ʼe ke sio lelei. Pea kapau ʼe ke inaina ki mamaʼo pea ʼe ke sio mamaʼo ki tou ʼala.
ʼE hage pe te Tohi-Tapu ko he hila. ʼE feala ke tokoni mai te Folafola ʼa te ʼAtua ke tou tauʼi te ʼu faigataʼaʼia ʼo te ʼaho fuli ʼi te malama ʼaeni. Kae ʼe mole gata ai pe. ʼE tou toe maʼu ai he ʼamanaki taulekaleka ki te ka haʼu, ʼe feala ke tou sisio ai mo tou mulimuli ki te ʼala ʼae ʼe iku ki te maʼuli fiafia mo fimalie ʼo talu ai. (Pesalemo 119:105) ʼO feafeaʼi?
Tou vakaʼi ʼi te Tohi-Tapu aluʼaga ʼe lua ʼe foaki mai ai he ʼamanaki taulekaleka ki te ka haʼu: 1 ʼE tou maʼu ai he ʼuhiga ʼo te maʼuli, 2 ʼe akoʼi ai tatou peʼe feafeaʼi hatatou fakakaumeʼa mo totatou Tupuʼaga ʼo talu ai.
1 TE UHIGA ʼO TE MAʼULI
ʼE foaki mai ʼi te Tohi-Tapu he tokoni lelei ke tou tauʼi ai ʼotatou fihifihia, he ʼe mole ko he kiʼi tohi noa pe. ʼE fakalotomalohiʼi tatou ʼi te Tohi-Tapu ke ʼaua naʼa tou tokakaga fau pe ki ʼotatou tuʼania kae ke tou fakakaukau lelei mo sio mamaʼo ke feala ai ke tou maʼu he ʼuhiga moʼoni ʼo totatou maʼuli.
Ohage la, ko te pelesepeto Fakatohi-tapu ʼaeni ʼe ui fenei ai: “ ʼE lahi age te fiafia moka kita foaki, ʼi takita tali.” (Gaue 20:35) ʼE ke manatuʼi la he temi neʼe ke foaki ai he tokoni neʼe ʼaoga ki he tahi? Peʼe neʼe ke fagono ki hou kaumeʼa neʼe ina fakamatala atu te ʼu meʼa ʼae ʼe ʼi tona loto. Neʼe mole ke fiafia koa la ʼi tau fakalotofimalieʼi he tahi?
ʼE feala ke ke manuʼia moka ʼe ke foaki kae mole ke fakatalitalifaki he meʼa. Neʼe ui fenei e te tagata faitohi: “ ʼE mole feala ke ke foaki he meʼa kae ʼe mole liufaki atu ke lahi age, gata pe moka ʼe ke foaki kae mole hona liufaki.” Kae, kapau ʼe tou lotolelei Taaga Lea 19:17) ʼE maʼuhiga kia ia te ʼu meʼa ʼae ʼe tou fai ki ʼae ʼe veliveli, pea ʼe ina fakapale anai tatou ʼaki te maʼuli heʼe gata ʼi he palatiso ʼi te kele. ʼE ko he ʼamanaki taulekaleka ia ki te ka haʼu!—Pesalemo 37:29; Luka 14:12-14. *
pe ʼo foaki, tafito kia natou ʼae mole feala ke natou liufaki mai pea ʼe fakapale anai tatou. Koia ʼe mole tou tokakaga pe anai kia tatou totonu. Kae ʼe tou gaue tahi mo totatou Tupuʼaga, ʼae ʼe ina tokagaʼi te ʼu aga manavaʼofa ʼae ʼe tou foaki ki ʼihi ʼo hage pe ʼe tou foaki kia Sehova totonu. (Koia, ʼe akoʼi mai ʼi te Tohi-Tapu ʼe feala ke ʼi ai he ʼuhiga moʼoni ʼo te maʼuli moka ʼe tou tauhi ki te ʼAtua moʼoni, ia Sehova. ʼE fakalotomalohiʼi tatou ʼi tana Folafola ke tou fakavikiviki, mo fakaʼapaʼapa pea mo fakalogo kia te ia, heʼe tuha ia pea mo ia. (Ekelesiasi 12:15; Fakaha 4:11) ʼI tatatou fai te faʼahi ʼaia, ʼe tou fakahoko ai he meʼa ʼe fakaofoofo he ʼe fiafia ai totatou Tupuʼaga. Koia, ʼe ina ʼekenaki fenei ai tatou: “Ke ke poto, pea ke ke fakafiafiai toku loto.” (Taaga Lea 27:11) Fakakaukauʼi age muʼa, mo kapau ʼe ke toʼo he ʼu tonu fakapotopoto ʼe fakatafito ki te ʼu pelesepeto ʼo te Tohi-Tapu, ʼe ke fakafiafiaʼi ai te loto ʼo tatatou Tamai ʼofa ʼae ʼe ʼi selo. Kotea tona tupuʼaga? Koteʼuhi ʼe tokaga ia kia tatou pea ʼe loto ke tou maʼu he ʼu fua ʼe lelei ʼi tatatou mulimuli ki tana takitaki. (Esaia 48:17, 18) Koia, ʼe ʼi ai koa he tahi pilivilesio ʼe lahi age ʼi tatatou tauhi ki te Tui ʼAliki ʼo te ʼatulaulau pea mo tatatou fai te meʼa ʼae ʼe ina fakafiafiaʼi tona loto?
2 ʼE TOU KAUMEʼA MO TOTATOU TUPUʼAGA
ʼE toe akoʼi mai ʼi te Tohi-Tapu ke tou fakakaumeʼa mo totatou Tupuʼaga. ʼE ui ʼi te Tohi-Tapu: “Kotou fakaovi ki te ʼAtua, pea ʼe fakaovi atu anai kia koutou.” (Sakopo 4:8) ʼI ʼihi temi, ʼe tou feʼekeʼaki pe ʼe feala moʼoni koa ke tou kaumeʼa mo te Tupuʼaga mafimafi. Kae ʼe ui ʼi te Tohi-Tapu, kapau ʼe kotou “kumi ia te ʼAtua,” ʼe kotou ‘maʼu moʼoni anai ia ia,’ he “ ʼe mole mamaʼo ia tatou takitokotahi.” (Gaue 17:27) ʼE ʼaoga moʼoni te tokoni ʼa te Tohi-Tapu ke tou kaumeʼa mo te ʼAtua ki totatou ka haʼu. ʼO feafeaʼi?
ʼE mole he tahi ia tatou ʼe feala ke hao mai te fili lahi ʼae ko te mate. (1 Kolonito 15:26) Kae, ko te ʼAtua ʼe heʼe gata ia. ʼE mole feala ia ke mate, pea ʼe ina loto ke maʼuʼuli ʼona kaumeʼa ʼo heʼe gata. ʼAki te ʼu palalau matalelei ʼaeni ʼo te Tohi-Tapu, ʼe tou mahino ai pe kotea ʼae ʼe loto ki ai ia Sehova ʼo ʼuhiga mo natou ʼae ʼe natou kumi ia ia: “Ke kotou leleiʼia te maʼuli ʼo heʼe gata.”—Pesalemo 22:26, MN.
ʼE feafeaʼi hau kaumeʼa mo te ʼAtua ʼo heʼe gata? Ke hoko atu tau fia ako ʼo ʼuhiga mo ia ʼi tana Folafola, te Tohi-Tapu. (Soane 17:3; 2 Timoteo 3:16) Ke ke haga kumi tana tokoni ke feala hau mahino ki te ʼu vaega. ʼE ui ʼi te Tohi-Tapu, kapau ʼe tou “haga kole ki te ʼAtua” te poto, ʼe ina foaki mai anai. * (Sakopo 1:5) Pea ke faigaʼi ke ke maʼuliʼi te ʼu meʼa ʼae neʼe ke ako. Ke ke tuku leva te Folafola ʼa te ʼAtua ke liliu ko ‘he malama taki ki ʼou vaʼe’ pea ko ‘he malama ki tou ʼala,’ ʼi te temi nei ʼo talu ai.—Pesalemo 119:105.
^ pal. 8 Kapau ʼe ke fia maʼu he tahi age ʼu fakamahino ʼo ʼuhiga mo te fakapapau ʼa te ʼAtua ʼae ko te maʼuli heʼe gata ʼi te Palatiso, vakaʼi te kapite 3 ʼo te tohi Kotea ʼAe ʼe Akoʼi Mai ʼi Te Tohi-Tapu? ʼae neʼe ta e te kau Fakamoʼoni ʼa Sehova.
^ pal. 13 ʼE fakatuʼutuʼu e te kau Fakamoʼoni ʼa Sehova he ako Fakatohi-tapu ʼe mole totogi ke feala hau mahino lelei age ki te Tohi-Tapu. Vakaʼi te kiʼi ʼata viteo ʼE Feafeaʼi Te Fai ʼo He Ako Tohi-Tapu? ʼi te tuʼasila www.pr418.com/wls (TOHI > ʼATA VITEO).
ʼE heʼe gata te ʼAtua, pea ʼe ina loto ke maʼuʼuli ʼona kaumeʼa ʼo heʼe gata