Ra Ayuwegem e Bible ni Nge L’agan’um ko Pi N’en ni Bay Nga M’on
MU SUSUNNAG ni ga be yan u ba pa’ i kanawo’ nnep’. Yugu aram rogon ni ke aw e lumor, machane dab mmalog ni bochan e bay ba dengki u paam nib ga’ raen. Ga ra sapeg fare dengki nga but’, ma rayog ni ngam guy e n’en ni bay u puluwom nga but’. Ma nap’an ni ga ra sapeg nga m’on, me gal’ e kanawo’ rom nib fel’ rogon nrayog ni ngam guy e n’en ni bay nga m’on.
Bay boch e kanawo’ nrayog ni ngan taareb rogonnag e Bible riy ko dengki. Kad weliyed ko fapi article ni ke yan nrayog ni nge ayuwegdad e Thin rok Got ni ngad pithiged boch e magawon ni gad ma mada’nag u lan e re fayleng ney u reb e rran ngu reb. Machane, gathi kemus e n’en nrayog ni nge rin’ e Bible, ya ku rayog ni nge ayuwegdad ni ngad nanged e pi n’en ni bay nga m’on, me ayuwegdad ni ngad leked kanawoen e yafos nra yibnag e felfelan’ nge pagan’ ngodad. (Psalm 119:105) Ni uw rogon?
Chiney e ngad weliyed l’agruw e kanawo’ nrayog ni nge ayuwegdad e Bible riy ni nge l’agan’dad ko pi n’en ni bay nga m’on, ni aram e: 1 Ra ayuwegdad ni nge yib fan e yafos rodad, ma 2 be fil ngodad rogon ni nge par nib fel’ e tha’ u thildad e En Ke Sunmiydad ndariy n’umngin nap’an.
1 RA YIBNAG FAN E YAFOS RODAD
Bay e fonow u lan e Bible nrayog ni nge pagan’uy ngay nra ayuwegdad u rogon ni ngad pithiged e pi magawon rodad. Machane, kab fel’ e Bible nga yu ken e babyor ni yima chuw’iy nrayog ni ngan beeg ni nge ayuwegey u boch ban’en. Der yog e Bible ni kemus ni yigoo pi n’en ni be magafan’dad ngay e ir e ngaud pared ni gad be lemnag, ya be fil ngodad ni ngad lemnaged e tin nib kab ga’ fan ban’en. Faan gad ra rin’ ni aray rogon, ma aram e rayog ni nge yib fan e yafos rodad.
Am lemnag fare kenggin e motochiyel u Bible ni be gaar: “Ba gel e felfelan’ ni ma yib ko pi’ ban’en ngak be’ ko bin ni be’ e nge pi’ ban’en ngom.” (Acts 20:35) Gur, rayog ni ngam lemnag ba ngiyal’ ni kam ayuweg be’ u ban’en nib t’uf ko par rok? Fa reb e kam tay e tayim ni ngam motoyil ngak reb e fager rom u nap’an ni be weliy laniyan’ ngom? Gathi kam felfelan’ ni ke yag ni ngam ayuweg be’ mag pi’ e athamgil nga laniyan’?
Rib gel e felfelan’ ni gad ma tay u nap’an ni gad ra pi’ Proverbs 19:17) Rib ga’ fan u wan’ e pi n’en ni gad ma rin’ ni fan ngak e piin gafgow, ma ke micheg nra sulweg puluwon ngodad ni aram e ra pi’ e yafos ni manemus ngodad u paradis u fayleng. Ireray reb e athap nrib manigil!—Psalm 37:29; Luke 14:12-14. *
ban’en ku be’ ndarud lemnaged ni nge sulweg puluwon ngodad. I yog be’ ni ma yoloy yu ken e babyor ni gaar: “Dabiyog ni ngaum pag fam ni fan ngak yugu boch e girdi’ ndabi sul puluwon ngom ni boor ko tin ni kam pi’—machane thingari mu rin’ ndab mu lemnag ni ngan sulweg puluwon ngom.” Bin riyul’ riy e, faanra ud paged fadad ni ngad ayuweged yugu boch e girdi’, nib ga’ ni piin ndabiyog ni ngar sulweged puluwon ngodad, ma aram e yira tow’athnagdad. Arrogon, faan gad ra rin’ ni aray rogon ma aram e gad be maruwel e En Ke Sunmiydad u taabang ni ir e en ni ma tay ni pi n’en ni gad ma rin’ ni fan ngak yugu boch e girdi’ e bod ni ir e yibe rin’ ni fan ngak, ma ra sulweg puluwon ngodad. (Bin th’abi ga’ fan riy e be fil e Bible ngodad ni faan gad ra liyor ngak Jehovah ni ir e bin riyul’ e Got, ma aram e rayog ni nge yib fan e yafos rodad. Be pi’ e Thin rok e athamgil nga lanin’dad ni ngad pininged e sorok ngak, ma gad tayfan, ma gad fol rok. (Eklesiastes 12:13; Revelation 4:11) Faan gad ra rin’ ni aray rogon, ma aram e gad be rin’ ban’en ni gad ra lemnag ma ban’en nrib manigil. Re n’em e aram e: Gad be felfelan’nag e En Ke Sunmiydad. Arrogon, be pi’ e athamgil nga lanin’dad ni be gaar: “Mu gonop, ma gu ra felfelan’.” (Proverbs 27:11, BT) Aygum lemnag e re n’ey. Faan gad ra dugliy boch ban’en u fithik’ e gonop nrogon nib puluw ko pi kenggin e motochiyel u Bible, ma aram e gad be felfelan’nag e Chitamangidad ni bay u tharmiy. Mang fan? Bochan e gad ba t’uf rok ma baadag ni nge yib angin ngodad e pi fonow rok ni gad ma fol riy. (Isaiah 48:17, 18) Arrogon, dariy ban’en nra yibnag fan e yafos rodad nge migid e bin ni ngad liyorgad ngak e En Th’abi Tolang u ga’ngin e palpalth’ib, mu ud ngongolgad u reb e kanawo’ nra k’aring e felfelan’ ngak!
2 RA FEL’ E THA’ U THILDAD E EN KE SUNMIYDAD
Ku be fil e Bible ngodad rogon ni nge fel’ e tha’ u thildad e En Ke Sunmiydad. Be gaar: “Mu chugurgad ngak Got, me chugur ngomed.” (James 4:8) Bay yu ngiyal’ nrayog ni nge maruwaran’dad ko rayog ni nge fel’ e tha’ u thildad e En Ke Sunmiydad ni gubin ma rayog rok fa danga’. Machane, ke micheg e Bible ngodad ni faan gad ra ‘gay’ Got ma gad ra “pirieg,” ya bin riyul’ riy e “dariy bagadad nib mal’af Got rok nga orel.” (Acts 17:27) Re n’ey ni be yog e Bible ni aram e ngad manged fager rok Got e ban’en nrib ga’ fan ngodad boch nga m’on. Ni uw rogon?
Am lemnag e re n’ey: Demtrug gelngin e athamgil ni gad ra tay, ma dariy bagadad nrayog ni nge mil ko bin th’abi ga’ e toogor rodad ni aram e yam’. (1 Korinth 15:26) Machane, Got e de sum ma dariy e rofen nra mus. Got e dabi yim’, ma baadag ni nge par e pi fager rok ni manemus. Be weliy e Bible e n’en ni baadag Jehovah ni fan ngak e piin ni yad be gay u daken e pi thin ni baaray nrib manigil ni be gaar: “Manga ur pired nib fel’ rogorad ndariy n’umngin nap’an!”—Psalm 22:26.
Uw rogon ni nge fel’ e tha’ u thilmew Got me par ni ir e fager rom ndariy n’umngin nap’an? Aram e ngaum fil murung’agen ko Thin rok, ni aram e Bible. (John 17:3; 2 Timothy 3:16) Ngemu’, mu ku mog ngak ni nge ayuwegem ni ngam nang fan e thin ni bay u lan e Bible. Ke micheg e Bible ngodad ni faanra ud ‘wenignaged ngak Got’ ni nge pi’ e gonop ngodad, ma ra pi’. * (James 1:5) Bin tomur e, ngam gay rogon ni ngam fol ko pi n’en ni kam fil, mag pag e Thin rok Got ni nge mang ‘ba magal ni be pow’iyem,’ nge ‘tamilang ko kanawo’ ni ga be yan riy’ e chiney i yan nga m’on.—Psalm 119:105.
^ par. 8 Ra ga baadag ni ngkum nang boch ban’en u murung’agen e yafos ni manemus u Paradis ni ke micheg Got, mag guy e guruy ni 3 ko fare ke babyor ni Mang e Ri Be Fil e Bible? ni ke ngongliy e Pi Mich Rok Jehovah.
^ par. 13 Rayog ni nge fil e Pi Mich Rok Jehovah e Bible ngom ndariy puluwon mar ayuweged gur ni nge yoor ban’en nim nang fan u lan e Bible. Ra ga baadag ni ngam nang murung’agen e fol Bible ni yad ma tay, mag yaliy fare video ni kenggin e Mang e Yima Rin’ u Nap’an e Fol Bible? Rayog ni ngam pirieg e re video ney ko jw.org. Mman ko fare thin ni be gaar Mu Gay e, mag enternag fithingan e re video ney.
Got e dabi yim’, ma baadag ni nge par e pi fager rok ni manemus