Ko e Hā Ho‘o Fakakaukaú?
‘E lava ‘e he Tohi Tapú ‘o tokoni‘i koe ke ke hoko ko e kaume‘a ‘o e ‘Otuá?
‘OKU TUI ‘A E KAKAI ‘E NI‘IHI . . .
he‘ikai lava ke nau hoko ko e kaume‘a ‘o e ‘Otuá koe‘uhí ‘oku nau ongo‘i ta‘ema‘a pe angahala‘ia. ‘Oku pehē ‘e ha ni‘ihi ‘oku ‘ikai ke tokanga mai ‘a e ‘Otuá kiate kitautolu. Ko e hā ho‘o fakakaukaú?
ME‘A ‘OKU LEA‘AKI ‘E HE TOHI TAPÚ
Ko e ‘Otuá ‘okú Ne “kaume‘a ofi mo e faitotonú.” (Palōveepi 3:32) Kapau te tau talangofua ki he ‘Otuá, te tau hoko ko hono ngaahi kaume‘a.
KO E HĀ TE TAU TOE AKO MEI HE TOHI TAPÚ?
‘Oku loto ‘a e ‘Otuá ke hoko ko hotau Kaume‘a.—Sēmisi 4:8.
‘I he hoko ‘a e ‘Otuá ko hotau kaume‘á, ‘okú Ne mateuteu ke tokoni‘i mo fakamolemole‘i kitautolu.—Saame 86:5.
Ko e ngaahi kaume‘a ‘o e ‘Otuá ‘oku nau ‘ofa ‘i he me‘a ‘okú ne ‘ofa aí pea fehi‘a ‘i he me‘a ‘okú ne fehi‘a aí.—Loma 12:9.
