Techeʼ ¿baʼax ka tuklik?
¿Jeʼel wa u yáantkoʼon le Biblia utiaʼal k-amigotik Diosoʼ?
BAʼAX KU TUKLIK JUJUNTÚUL MÁAKOʼOB
Yaan máaxeʼ ku tuklikeʼ maʼ tu páajtal u amigotik Dios tumen yaan baʼaxoʼob kʼaastak u beetaj. Uláakʼoʼobeʼ ku yaʼalikoʼobeʼ maʼ yaabiltaʼanoʼon tumen Diosiʼ. Techeʼ ¿baʼax ka tuklik?
BAʼAX KU YAʼALIK LE BIBLIAOʼ
Dioseʼ u yaabiltmaj le máaxoʼob beetik baʼax maʼaloboʼ (Proverbios 3:32). Wa k-beetik baʼax ku yaʼalikeʼ jeʼel k-amigotikeʼ.
BAʼAX ULÁAKʼ KU YAʼALIK LE BIBLIAOʼ
Dioseʼ u kʼáat ka k-amigote (Santiago 4:8).
Jeʼex juntúul amigoeʼ, Dioseʼ u kʼáat u yáantoʼon yéetel u perdonartoʼon (Salmo 86:5).
U amigoʼob Dioseʼ u pʼekmoʼob baʼax u pʼekmaj yéetel u yaabiltmoʼob baʼax u yaabiltmaj (Romailoʼob 12:9).
