Umekwisha kujiuliza ikiwa wakati wenye kuja utakuwa namna gani kwa ajili yako na familia yako? Unatazamia kuwa tajiri ao maskini, kupendwa ao kujisikia kuwa peke yako? Utaishi miaka mingi, ao maisha yako yatafikia mwisho kwa kushtukia? Kwa miaka mingi, watu wamejaribu kutoa mawazo mbalimbali kuhusu maulizo kama hayo.

Leo, watu wenye elimu wanajifunza matukio yenye kutokea katika dunia yote na kutabiri mambo ya wakati wenye kuja. Hata kama mambo mengi kati ya mambo yenye walitabiri yalitimia, mambo mengine hayakutimia, na mambo fulani hayakujaribu hata kutimia. Kwa mufano, katika mwaka wa 1912, ilisemekana kuwa Guglielmo Marconi, mutu mwenye alianzisha aina fulani ya chombo cha kupashana habari (télegraphie sans fil), alisema hivi: “Kuja kwa kipindi cha kutumia vyombo vya kupashana habari kutafanya watu wasipigane tena vita.” Mufanyakazi katika Kompanyi ya muziki yenye kuitwa Decca Reccord, mwenye alikataa kutumika na kikundi cha wapiga-muziki chenye kuitwa Beatles katika mwaka wa 1962, aliamini kuwa vikundi vya wapiga-muziki wenye kutumia gita havingeendelea.

Watu wengi wanategemea nguvu zenye haziko za kawaida ili ziwasaidie kujua mambo ya wakati wenye kuja. Watu fulani wanatafuta mashauri kwa watu wenye kutumia nyota ili kutabiri maisha ya watu; kutabiri matukio kwa kutumia nyota kunazungumuziwa kwa ukawaida katika magazeti ya kutangaza habari. Wengine wanaenda kwa watu wenye kufanya uaguzi, wenye wanasema kama wanaweza kutabiri mambo ya wakati wenye kuja kwa kutumia karata, hesabu, ao kwa kusoma mistari yenye kuwa ndani ya mukono wa mutu.

Katika bidii yao ya kutaka kujua mambo ya wakati wenye kuja, watu fulani wa zamani walienda kwa watu wenye kufanya uaguzi​—makuhani wanaume na makuhani wanamuke wenye walitoa habari kutoka kwa miungu yenye walisema kuwa ilikuwa inawatumikisha. Kwa mufano, inasemekana kuwa Mufalme Crésus wa Lidia alituma zawadi yenye bei kubwa katika Delphes, Ugiriki, ili kujua matokeo ya vita yenye angepigana na Koreshi wa Uajemi. Uaguzi ulionyesha kama Crésus ataharibu “utawala mukubwa” ikiwa angepigana na Koreshi. Kwa sababu alikuwa hakika kama atapata ushindi, Crésus alienda kupigana, lakini utawala mukubwa wenye uliharibiwa ulikuwa wake mwenyewe!

Mambo yenye hayakuwa wazi yenye yalitabiriwa na waaguzi hayakuwa na maana; ilipaswa kuonekana kuwa ya kweli kwa yeyote mwenye angepata ushindi katika vita hiyo. Crésus alipoteza kila kitu kwa sababu ya habari hiyo yenye haikuwa wazi. Leo, watu wenye kutegemea njia zenye kupendwa na watu wengi za kutabiri mambo ya wakati wenye kuja wamepata faida yoyote?