Astrologii tas­saavoq siulit­tuiniar­tar­neq ul­loris­sat, qaam­mat planetil­lu nunarsuarmi inun­nut sun­niuteqar­tar­neran­nik up­perisamik tun­ngavilik. Astrologit isumaqar­put inuup inun­ngor­nerata nalaani ul­loris­sat inis­sisimaneri inun­ngor­tup inut­tut qanoq it­tuunis­saanut siunis­saanul­lu aalajangiisuusut.

Astrologii itsaq Babylonimit sorlaqaraluar­toq suli nuan­narineqar­poq. 2012-imi inun­nik isumasiuineq naaper­torlugu USA-mi inuit apersor­neqar­tut pingasuugaangata ataaseq isumaqar­tar­poq astrologii “ilaatigut ilisimatusar­nerusoq”, aam­ma 10 procentii oqar­put “ilisimatusar­nerungaar­toq”. Taamaap­pa? Naamik. Uku pis­sutigalugit:

• Planetit ul­loris­sal­lu astrologit inun­nik sun­niisin­naas­suseqar­neraanerat­tul­li sun­niisin­naas­suseqan­ngil­lat.

• Siulit­tuutit amerlaner­tigut kimul­luun­niit eq­quus­sin­naasar­put.

• Itsaq up­perineqar­poq planetit nunarsuarmik kaaviisut, taman­nalu tun­ngavigalugu ul­lumik­kut astrologit naatsorsuisar­put. Planetil­li seqineq kaavip­paat.

• Astrologit inuk aalajangersimasoq pil­lugu siulit­tuutaat as­sigiin­ngis­sin­naasar­put.

• Astrologit inuit ul­loq inun­ngorfiat naaper­torlugu ul­loris­satigut siulit­tuinermi ilisar­naatinut aq­qaneq-marlun­nut im­mik­koor­titer­tar­paat. Nunarsuup inis­sisimanera ukiut hundredelik­kuutaat ingerlaneran­ni nikis­simam­mat ul­loris­sat ilisar­naataasut seqinermut naleq­qiul­lugit inis­sisimaf­fin­nut taaguutigitin­neqar­tunut naaper­tuuk­kun­naarsimap­put.

Ul­loris­satigut siulit­tuinermi ilisar­naatit inuup qanoq it­tuuneranut tik­kuus­sisuunerar­neqar­put. Inuil­li inuueqatigiit pis­susimik­kut as­sigiin­ngil­lat; ul­loq inuup inuuia taas­suma qanoq it­tuuneranik ersersitsin­ngilaq. Astrologit inuup qanor­piaq it­tuunera maluginiar­nagu siumut isum­mius­saareer­toq tun­ngavigalugu inuup pis­susilersor­nera pis­susiilu oqaatiginiar­tar­paat.

Itsarli inuit siulit­tuiniar­tar­tunukar­tar­put. Siulit­tuiniar­tar­tut ilaat uumasut inuil­lu erlavii imaluun­niit kuk­kukooq karrinik qanoq pukun­nersoq isumasior­niar­tar­paat. Al­lal­lu tiikut kaf­fil­luun­niit tangikui ‘atuar­niar­tar­paat’. Ul­lumik­kut tarok­kor­tit, krystalkuglit, im­meraatil­lu inuup siunis­saanik paasiniaanermi ator­neqar­tar­put. Siulit­tuiniar­tar­tut siunis­saq pil­lugu oqaasii tatiginar­tuup­pat? Naamik. Taman­na tun­ngavilersoriar­tigu.

As­sersuutigalugu siulit­tuiniar­tar­tup periaasia al­lap periaasianut akerliugajut­tar­poq. Al­laam­mi periaasii as­sigiik­kaluaraangataluun­niit ilimasaarutaat as­sigiin­ngit­tar­put. As­sersuutigalugu inuup ataatsip siulit­tuiniar­tar­tut marluk nal­lukat­tat as­sigiit atorlugit siunis­sani pil­lugu paasiniaaq­qugunigit akis­sutaat as­sigiit­tariaqaraluar­put. Amerlaner­tigul­li as­sigiin­neq ajor­poq.

Siulit­tuiniar­tar­tut periaasii iliuutsimin­nul­lu pis­sutaat pasinapilup­put. Pasil­liikujut­tut oqar­tar­put nal­lukat­tat krystalkuglil­lu pisuusaar­niutaagin­nar­tut siulit­tuiniar­tar­tul­lu ator­tutik iluaqutiginiar­pal­laar­nagit inuup qisuariar­nera maluginiar­taraat. As­sersuutigalugu siulit­tuinial­laq­qis­soq apeq­quteqar­tar­poq aperisamilu oqaaserisai pis­susilersor­neralu inut­tut qanoq it­tuuneranut ersiutaasin­naasut maluginiaq­qis­saar­tarlugit. Taava aperineqar­tup malugin­ngisaminik paasititsinera akis­sutaalu siulit­tuiniar­tar­tup akor­tar­pai. Siulit­tuiniar­tar­tut ilaasa siulit­tuif­figineqar­tunit tatigineqaleraangamik aningaasar­pas­suar­nik iluanaarfigisin­naasar­paat.

Astrologit siulit­tuiniar­tar­tul­lu oqaatigimisaar­tar­paat siunis­saq siumut aalajangeriigaasoq. Taamaap­pali? Biibilimi al­las­simavoq suna up­peris­sanerlugu qanorlu iliorusun­nersugut nam­mineq aalajangersin­naagip­put aalajangius­savul­lu siunis­satsin­nut sun­niuteqar­tar­tut. – Josva 24:15.

Guutimik pal­lorfigin­nit­tut astrologiimik siulit­tuiniar­tar­ner­nil­lu itigar­titsinis­samin­nut suli al­lamik pis­sutis­saqar­put – Guutip siulit­tuiniar­tar­nerit qanorluun­niit it­tut as­suarai. Biibilimi ima al­las­simavoq: ‘Ilin­ni siulit­tuisar­toqas­san­ngilaq angak­kuar­niar­toqas­sananiluun­niit, pisus­sanik ilimasaarisoqas­sanani ilisiin­niar­tar­toqas­sananiluun­niit. Angak­kuar­niutaasunik oqalut­toqar­tas­san­ngilaq, timaajagarsior­tunik sukuiaasar­tunil­luun­niit apersuisoqar­tas­sanani toqoreersunil­lu siunersiuisoqar­tas­sanani. Taamaalior­tut kik­kul­luun­niit Naalak­kap a maajugai.’ – 5 Mosesi 18:10-12.