Кала драбатярэн па черӷая, через када ԥэнэн, со авэла англэ. И драбатяримаря ԥэнэн, кай лэ манушэстири жизня парувэн и черӷая, о шон и планеты. И мануша, савэ драбатярэн па черӷая доԥэнэн, кай кала о мануш арақадёлпэ, упрэ ростонпэ и черӷая кадя, па савэ полэн, саво авэла о мануш и сави лэстэ авэла жизня.

Андо Вавилоно драбатярэнас па черӷая. Хоть када и сас дэлмут, кадя терэн и адес. Исин бут ромайсо, савэ патян кодэлэнди, ко драбатярэл па черӷая и кодэлэсти, со вонэ ԥэнэн. Но ԥэнэса, кай кала драбатярэн па черӷая, када наука? Най, акэ васо.

• И планеты и черӷая на парувэн лэ манушэстири жизня, сар ԥэнэн и мануша, савэ драбатярэн.

• Най еқвар вонэ ԥэнэн кода, со поджылоп каринг любо мануш.

• Адес и мануша, савэ драбатярэн па черӷая, терэн кадя, сар драбатярэнас и мануша андэ дэлмутни время. Ай мануша андэ дэлмутни время патянас, кай и планеты болдэнпэ круӷом и ԥув. Но па чачимастэ и планеты болдэнпэ круӷом о қам.

• Кала еқэ манушэсти драбатярэл па черӷая най ек драбатяримари, лэндири дума на сжалпэ кодэлэса, со вонэ ԥэнэн.

• Андо бэрш исин 12 шона и знакоря зодиакоря кадяжэ 12. И кодэла, ко драбатярэн па черӷая, стидэн лэ манушэн, савэ арақаделэпэ андо ек шон, тала ек знако.Кодэлэстар, кай и ԥув набут банделя андэ риг и числоря кай и знакоря зодиакоря паруделэ. И акана и знакоря зодиакоря будэр на сжанпэ кодэлэса, кала прожал о қам через и созвездия.

И мануша гиндон, кай па знако зодиако полэса, саво о мануш. Но па чачимастэ и мануша, савэ арақаделэпэ андо ек дес, вонэ разни и када нисар на парувэл лэндири жизня. И мануша, савэ драбатярэн па черӷая, на диқэн пэ мануша кадя, савэ вонэ исин. Вонэ драбатярэн па черӷая и ԥэнэн пала мануш кода, со вонэ екжэнэ гиндон, саво о мануш и сар во пэс андярэл. Па чачимастэ кадэлэсти трэбуй тэ патяс?

Андэ фартэ дэлмутни время и мануша пушэнас кодэлэндар, ко драбатярэлас, кай тэ ԥэнэн, со авэла англэ. Дэсавэ жрецоря и кодэла, ко драбатярэнас, кай тэ ԥэнэн, со авэла англэ, драбатярэнас па кода, со андрэ андо муло мануш и па кода, со андрэ андо муло животно. Ай кадяжэ драбатярэнас па кода, сар о башно клюияс о зэрно. Авэр драбатярэнас па лэ чаёстирэ листоря чи па кофе. Акана драбатярэн па патря, па хрустально шаро, па вас и инке па бут со, кай тэ уӷанэн, со авэла англэ. Чаче, кала драбатярэн, через када ту уӷанэса, со авэла англэ? Най. Уӷанаса васо.

О мануш жал каринг кодэла, ко драбатярэн, кай тэ ԥэнэн, со авэла англэ. Хоть вонэ и драбатярэн кажно па пэстирятэ, най еқвар кода, со вонэ ԥэнэн, на сжалпэ ек еқэса. И кала вонэ драбатярэн па ек варисо кода, со вонэ ԥэнэн, может тэ авэл вся разно. Ԥэнаса, сар тэ пушэс ек варисо дуе манушэндар, савэ драбатярэн па патря, вижал кода, со вонэ ԥэнэн трэбуй тэ авэл ек. Но най еқвар вижал кадя, кай кода, со вонэ ԥэнэн, на сжалпэ ек еқэса.

И мануша диқэн, кай и драбатяримаря драбатярэн па патря и па хрустальни шароря и инке па бут со. Инке и мануша диқэн, васо и драбатяримаря када терэн, и через када и мануша парашэн кадэлэсти тэ патян. И мануша, савэ нисости на патян ԥэнэн, кай и патря и хрустальни шароря трэбуй кати важ кода, кай и мануша май бут сама тэ шон пэ патря и пэ хрустальни шароря. И када трэбуй кати, кай о драбатяримари май бут тэ полэл кодэлэс, касти драбатярэл. Ԥэнаса, о драбатяримари, саво дэлмут драбатярэл, пушэл лэ манушэстар кода, со может тэ авэл всаворэ манушэндэ. Состэ? Кай тэ диқэл, сар во пэс андярэл, со во видэл лэ муеса, со во ԥэнэн и кадэлэстар о драбатяримари уӷанэн пала мануш кода, со лэсти трэбуй. Тоди о драбатяримари ԥэнэн лэ манушэсти кода, со о мануш екжэно пала пэстэ дэзначай видя́. Кала во стердя кадя, кай о мануш лэсти тэ патял, во злэл па кадэва мануш бут ловэ.

Амэнца трэбуй тэ авэл кода, со инке дэлмут сас ԥэндо. Васо? Важ кода кай кадя ԥэнэн кодэла, ко драбатярэн па черӷая и кодэла, ко драбатярэн, кай тэ ԥэнэн, со авэла англэ. Но чаче када кадя? Най! Важ кода кай андэ Библия ԥэнэнпэ, кай о мануш екжэно витидэл, андэр со тэ патял и со тэ терэл и па кода, со во витидэл дицола, сави жизня лэстэ авэла англэ (Иисус Навин 24:15).

О Дэл заԥэнэн, кай любо драбатяримос нащи. Када инке, васо и мануша, савэ камэн тэ радосарэн пэстиря жизняса лэ Дэвлэс, на трэбуй тэ жан никай савэ драбатяримаря. Андэ Библия ԥэнэнпэ: «Нико тутэ на трэбуй... тэ драбатярэл, тэ залэлпэ кадэла диласа, тэ видиқэл и приметы, тэ калдуий, тэ подтерэл аврэнди, тэ виақарэл лэ бэнгэн, тэ ԥэнэн, со авэла англэ и тэ пушэл варисо лэ мулэндар. Всаворэ, ко када терэн, гряца лэ Иеговасти a» (Второзаконие 18:10—12).