TIA MERA EL UNGIL OMELATK! Ngike el Ulemeob er kid a tibir el kmo ngmo meskid a diak a ulebengelel el klengar el ngar tia el chutem. Me nguaisei a rebetok a meringel er tir oumerang er tiang. A rebebil a kmo, ‘A rokui el chad a ngar ngii a taem e te mo mad. Tia cycle er a klengar me a kodall.’ A rekuk bebil oumerang el kmo kede mo kiei el mo cherechar engdi tia sel demad e debora eanged. Ngera uldesuem?

A uchei er omonger e molatk a nger er a Biblia el kirel aika el edei el ker: A rolel a chad a ulebeob, ngera ngochotii el kirel a klemengetel a taem el mle kired el ngar? Ngera mle moktek er a Dios er a lomeob er a beluulechad me a rechad? Ngmilekera kodall e soiseb er a klengar er a rechad?

A rechad a kmal ileakl er aike el rokui el tekoi el Dios ulemeob. Ngoeak a ngera el rolel? A Biblia ouchais el kmo ngdi ta el rechad a ulebeob el ua ‘teletelel’ me a “okesiul” a Dios. (Genesis 1:26, 27) Tiang ngera belkul? Ngbelkul a kmo a rechad ulebeob el olab a blekerdelel a Dios, el ua bltikerreng me a llemalt.

Me a lmuut kung, a rechad a sebechir el melatk e omdasu e ngar ngii a duch er tir el medengei a ungil me a mekngit, e ngar ngii a urungulir el mo medengelii a Dios e mo er ngii a deleuill er tir lobengkel. Sei a uchul me ngkmal ocheuir a rengud a mengasireng el melidiul me a klebekelel a blebelel, me a dirrek el art, ongngak, me a poetry. Ngaruchei er ngii el kmal ileakl a kid a sebeched el mengull er a Ulemeob. Chouaika el tekoi a uchul me a rechad a kmal ngodech er aike el rokui louteliil el blebelel a Dios.

Me ka molatk: A Dios ngmo rulleterir a rechad lolab aika el blekeradel e dirrek el ngar ngii a duch er tir el lmuut el mungil lolab ngii el blekeradel a lsekum e ngmle soal a di dengar el diak el kemanget el taem? A Dios a ulemeob er a rechad lolab aika el blekeradel me a duch me bo doldeu er a rengud er a klengar el mo cherechar er tia el chutem.

A rebebil a melekoi el kmo a Dios a dimlak el moktek er ngii el rechad a kiei er tia el chutem el mo cherechar. Te melekoi el kmo a beluulechad ulebeob el kirel me lolasem er a rechad el kmo ngtecha rredemelel a mo kiei lobengkel a Dios er a eanged el mo cherechar. Engdi a lsekum e nguaisei, e tia ngdiak lebelkul a kmo a Dios ngike el luchul a klengit me a delengerenger el kmal klou er a beluulechad? Tia  omtok er a blekerdelel a Dios. A Biblia melekoi el kmo: “Ng cherrungel e melemalt el ngar a rokui el rolel. A Dios er kemiu a blak a rengul e merang, ng meruul a llemalt ma ungil.”​—Duteronomi 32:4.

A Biblia bleketakl louchais er a moktek er a Dios el kirel a beluulechad el kmo: “A eanged a kloklel a RUBAK el di ngii el tang, ngdi beluulchad a le bilsterir a re chad.” (Psalm 115:16) Chochoi, a Dios a milebii tia el klebokel el beluulechad el permanent el delengcheklir a rechad, e milekekii er aike el rokui el dousbech me bo lsebeched loldeu a rengud e lengar ngii a moktek er a klengar er kid el diak a ulebengelel.​—Genesis 2:8, 9.

“A eanged a kloklel a RUBAK el di ngii el tang, ngdi beluulchad a le bilsterir a re chad.”​—Psalm 115:16

A Biblia dirrek el bleketakl louchais er a moktek er a Dios el kirir a rechad. Ngdilu er tirke el kot lobengkel el kmo, “Bo le betok a re ngelekiu, . . . bo le kiei er ker me ker er a beluulchad e bo lorreder er ngii. Ak meskemiu a klisiich er omerreder er a . . . rokui el meklou ma mekekerel tebelik el charm.” (Genesis 1:28) Ngmera el mle ileakl a techall lobang el mo omekerreu er a beluulechad e meruul er ngii el rokir el mo Baradis! Nguaisei a omelatk lulebang a Adam me a Eva me a rengalek el bo lomechell er tir a mle diak a ulebengelel el klengar er tia el chutem, ngdiak el eanged.

Me ngera uchul me kede mad? A Biblia ouchais el kmo a ta er a anghel el uriul e ngmlo okedongall el Satan el Diabelong, a millasem el melemall er tia el arrangement el lekiltmeklii a Dios er a Eden. Loeak a ngera el rolel?

A Satan a rirelleterir a kot el delad me a demad er a Adam me a Eva el mo teloi er a ultekengel el mora Dios. A Satan er a lerelleterir el mo omdasu el kmo a Dios a ngar ngii a ungil lorreked er ngii er tir, el ngii a llemeltir lolterekokl er a ungil me a mekngit, e te mlo teloi er ngii el omtok er a Dios. Ngera mlo result? Omerollel a taem e te mlad el ua ledilu Dios. Te urridii a techellir el kiei el mo cherechar er a Baradis er tia el chutem.​—Genesis 2:17; 3:1-6; 5:5.

A ultekengel a Adam me a Eva ngar ngii a lerirellii el mora rokui el chad. A Tekingel a Dios a kmo: “A klengit a siliseb er a beluulchad el okiu a tal chad [el Adam], ma kodall a ulekiu a klengit el mei, ma kodall a ulemerk el mor a re chad el rokui.” (Rom 5:12) Kede mad e le kede uldiukes er a klengit me a kodall el dengiluu er a kot el delad me a demad, ngdimlak el telbiil er a Dios el blekeradel a mo uaisei.

A ultok el dilubech er a Eden a dimlak lengedechii a moktek er a Dios el kirir a rechad me a beluulechad. Cherrungel el bltikerreng er a Dios me a llemeltel a uchul me ngkiltmeklii a rolel e ngsebeched el mo mimokl er a klengit me a kodall. A apostol Paulus a kmo: “Ele omeksullel a klengit a kodall, e ngdi diak el ocheraol el sengk er a Dios, a diak a ulebengelel klengar el ngar a Kristus Jesus el Rubak er kid.” (Rom 6:23) A Dios a “milsa di tal Ngelekel, me tirkel rokui el mo oumera er a Ngelekel a Dios a diak le mad e bai mo ngar el diak a ulebengelel.” (Johanes 3:16) A Jesus er a lekengei el mad el olubet el tenget e ngulluut aike el rokui el ririid el Adam a uchul. a

Ngdi kmedung e a telbilel a Dios el kirel a baradis el chutem a mo tmaut. Ngkmal sebechem el mo kiei er ngii a lsekum e ke ngmai aika el tekingel a Jesus el mora rengum: “Bo msiseb er obutek el siseball, ele siseball el mor a tellemall a meteu e beot a rael el mor ngii, me te betok el chad a merael er ngii. Ngdi siseball el mor a klengar a obutek e meringel a rael el mor ngii, me te di kesai el chad a metik er ngii.” (Mateus 7:13, 14) Nguaisei a klengar er kau er a ngar medad a ngar chimam. Me ngera ke mo meruul er ngii?