Wa naa ní komɛ nɛ nihi peeɔ kɛ tsɔɔ kaa a yi dami sane, nɛ wa naa bɔ nɛ nimli yaya nɛ ɔmɛ waa nihi nɛ a bɔɔ mɔde kaa a maa pee nɔ́ nɛ da a yi mi ha. Anɛ be ko maa ba nɛ a ma je nihi nɛ a yi dami sane kɛ nihi nɛ a peeɔ ní yayamihi kɛ je lo?

Baiblo ɔ ha wɔ heto ɔ ngɛ La 37 ɔ, nɛ e tsɔɔ wɔ nɔ́ nɛ wa ma nyɛ maa pee amlɔ nɛ ɔ. Mo kadi nɔ́ nɛ Baiblo ɔ de ngɛ sane bimihi nɛ a he hia nɛ nyɛɛ se nɛ ɔmɛ a he.

• Kɛ e sa nɛ waa pee wa ní ha kɛɛ ngɛ nihi nɛ a waa wɔ yi mi ɔ he?​—Kuku 1 kɛ 2.

• Mɛni maa ba yayami peeli a nɔ?​—Kuku 10.

• Kɛ nihi nɛ a peeɔ nɔ́ nɛ da a si himi maa pee ha kɛɛ hwɔɔ se?​—Kuku 11 kɛ 29.

• Amlɔ nɛ ɔ, mɛni e sa nɛ waa pee?​—Kuku 34.

La 37 ha nɛ wa na kaa nihi nɛ a ‘ngɔɔ a hɛ kɛ fɔɔ Yehowa nɔ, nɛ a yeɔ e mlaa amɛ a nɔ’ ɔ ma ná si himi kpakpa hwɔɔ se. Yehowa Odasefohi a bua maa jɔ kaa a maa ye bua mo kɛ kase Baiblo ɔ nɛ o le nɔ́ nɛ o kɛ o suɔli ma nyɛ maa pee konɛ nyɛ hu nyɛ ná si himi kpakpa hwɔɔ se.