“Abafuuka E Bakekala mu Calo”
Fwe bengi twalimonapo uko abantu bakaele balebafyenga, kabili tulamona uko abacita ifyabipa bacusha abantu abacita ifisuma. Bushe kukatala akuba inshita ilyo takwakabe ulufyengo ne fyabipa?
Amalumbo 37 yalyasuka ici icipusho kabili yalilanda na pa fyo tufwile ukulacita pali ino nshita. Moneni ifyo yayasuka amepusho yakonkapo.
Finshi tufwile ukucita nga ca kuti baletucusha?—Icikomo 1, 2.
Finshi fikacitikila abacita ifyabipa?—Icikomo 10.
Bushe ifintu fikaba shani ku balungama?—Icikomo 11, 29.
Finshi tufwile ukulacita pali ino nshita?—Icikomo 34.
Amashiwi yaba mu Amalumbo 37 yalalanda pa fyo ifintu fikaba ku bantu ‘abalolela Yehova’ kabili abacita ifyo afwaya.’ Inte sha kwa Yehova kuti bamwafwa ukusambilila Baibolo no kwishiba ifyo mwingacita pa kuti ifintu fikamuwamine capamo na balupwa wenu ne fibusa.
Nalimo Kuti Mwatemwako ne fi
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
ULUPUNGU LWA KWA KALINDA
Ifyo Lesa Akacita pa Kufumyapo Ifyabipa
Bushe mwatemwa ifyo mwasambilila ukuti abantu abacita ifisuma tabakalecula ku fintu fyabipa?
AMASUKO KU MEPUSHO YA MU BAIBOLO
Bushe Umutende pa Calo Ukesa Shani?
Sambilileni ifyo Lesa alaya ukuleta umutende pa calo ukubomfya Ubufumu bwakwe.
