“Ekewe Chon Tipetekison Repwe Fanüeni ewe Fanü”
Lape ngenikich sia kúna angangen pwúngúngaw me án aramasangaw eriáfféwúmwááli aramas mi múrinné ese wor tipisiir. Ineet epwe wes pwúngúngaw me aramasangaw?
Kölfel 37 a pélúweni ena kapas eis, me a pwal awora ekkóch kapasen emmwen fán itach iei. Nengeni met a erá usun ekkeei kapas eis mi lamot.
Epwe met meefiach ren chókkewe mi eriáfféwúmwáálikich?—Wokisin 1, 2.
Met epwe fis ngeni aramasangaw?—Wokisin 10.
Met epwe fis lón mwachkkan ngeni chókkewe mi féri minne mi pwúng?—Wokisin 11, 29.
Met sipwe féri iei?—Wokisin 34.
Alon Paipel lón Kölfel 37 a affata ewe sókkun manaw mi fókkun múrinné lón mwachkkan fán iten chókkewe mi ‘anomu ar apilükülük won ewe Samol mi Lapalap o aleasochisi an kewe allük.’ Chón Pwáraatá Jiowa repwe pwapwa le álisuk le káé ewe Paipel me silei ifa usun ámi me óm famili oupwe tongeni eáni ena sókkun manaw lón mwachkkan.
Neman Kopwe Pwal Sani
PWÓRÓUSEM
Pwata Kopwe Káé ewe Paipel?—Video Mi Ttam
Ewe Paipel a awora ngeni fite million aramas wóón unusen fénúfan pélúwen ekkewe kapas eis mi lamot lón manawach. Ka pwal mochen silei?
EWE LEENIEN MAS
Met Kot Epwe Féri Ngeni Minne mi Ngaw
Ka pwapwaiti ewe pwóróus óm kopwe nónnóm lón eú fénúfan ikewe mettóch mi ngaw esap chúen fis ngeni aramas mi múrinné?
