“Mi Toi ah aa Dormi cu Ram chungah hin Him tein an Um lai”
Sualnak a ngei lomi miṭha pawl kha miṭhalo pawl nih an namneh hna i a ding loin an pehtlaihmi hna kha kan hmuh. Dinlonak le ṭhatlonak a um ti lo caan a phante lai maw?
Baibal chung i Salm 37 ah a phi le lamhruainak hna hmuh khawh a si. A tanglei i a biapimi biahalnak he aa tlaiin zeidah a chim ti kha zohhmanh.
A kan namnehtu hna kha zeitindah kan lehrulh hna awk a si?—Caang 1, 2.
Miṭhalo pawl nih zeidah an ton lai?—Caang 10.
Miding pawl caah zei bantuk hmailei ruahchannak dah a um?—Caang 11, 29.
Atu ah zeidah kan tuah awk a si?—Caang 34.
‘BAWIPA aa bochan i a nawl a zulmi’ caah a ṭha tukmi hmailei ruahchannak a um ti kha Salm 37 nih fiang tein a langhter. Nangmah le na dawtmi hna nih a ṭha tukmi hmailei ruahchannak ngeih khawh ning kha Baibal in hlathlai awkah Jehovah Tehte Hna nih lunglawm tein bawmh an in duh.