“Era na Taukena na Vuravura na Yalomalumalumu”
Eda sa raica kece na kena vakatanitaki na lewadodonu, kei na nodra vakalolomataki ira na tamata vinaka na tamata ca. Vakacava ena oti dina ena dua na gauna na ka ca kei na veika tawadodonu?
Na Same 37 e vakaraitaka na ka ena yaco, e vakarautaka tale ga na idusidusi ena yaga vei keda nikua. Raica mada se sauma vakacava e vica na taro bibi qo.
Cava meda cakava nida vakararawataki?—Tikina e 1, 2.
Cava ena yacovi ira na tamata ca?—Tikina e 10.
Cava nodra inuinui na tamata vinaka?—Tikina e 11, 29.
Cava meda cakava ena gauna qo?—Tikina e 34.
E vakaraitaka na vosa uqeti vakalou ena Same 37 nira na marautaka na veika totoka ena gauna se bera mai o ira na “nuitaki Jiova qai muria nona sala.” Era na marau na iVakadinadina i Jiova mera vakavulici iko ena iVolatabu. Era na vakaraitaka tale ga na sala mo marautaka kina nomu bula kei na nodra bula na wekamu ena gauna se bera mai.