Weʼrüirü müliain maʼin atumawaa na wayuu anamiakana otta wainmain kasa mojusü alataka mmapaʼa. ¿Eejeetche wanee kaʼi nnojoleetkalü oʼu müliain wayuu otta nnojoleetkalü oʼu tü mojulawaakat?

Süküjain tia tü Wiwüliakat otta süküjain tü waaʼinrajatkat. Jülüja paaʼin tü sümakat Salmo 37 shiʼipajee pütchikat tüüirua:

• ¿Kasa waaʼinrajatka müliale waya atumawaa? (Wetsiikulo 1 otta 2).

• ¿Kaseerü alataka namüin na wayuu mojulaashiikana? (Wetsiikulo 10).

• ¿Jameerü nakuwaʼipa na wayuu anamiakana? (Wetsiikulo 11 otta 29).

• ¿Kasa waaʼinrajatka maaʼutpünaa yaa? (Wetsiikulo 34).

Saashin Salmo 37, aneerü maʼin nakuwaʼipa mapeena na wayuu eʼitaakana naaʼin nünain Jeʼwaa otta na oonookana sümaa tü nümakat. Keeʼireeshaatasü naaʼin na aküjaliikana pütchi nüchiki Jeʼwaa nekirajüin pia sünain tü Wiwüliakat. Nekirajeein pia sünain tü paaʼinrajatkat süpüla anainjatüin maʼin pukuwaʼipa mapeena otta nakuwaʼipa na püpüshikana.