Abangyi okw’ithwe thwabirilhangira obuthe bulingirirania, n’abandu bangyi abakalengaho erikolha ebyuwene bakanubibwa n’abandu babi. Mbwino obuthuku bune mwendi syahika obuthe bulingirirania n’obubi ibyabya isibikiriho?

Omwa Esyonyimbo 37 e Biblia yikaha eky’erisubirya, n’obusondoli obwanga thuwathikya lino. Lebaya ebya yikabugha okwa bibulyo by’omughaso bino.

• Ni kyahi ekya thwanga kolera abakathunubaya?​—Omulhondo 1, 2.

• Ni kyahi ekikendi syahika okwa bakolha-nabi?​—Omulhondo 10.

• Abakakolha ebyuwene balindirire engebe eyiri yithi?​—Omulhondo 11,  29.

• Ni kyahi ekya thutholere ithwakolha lino?​—Omulhondo 34.

Ebinywe bya Nyamuhanga ebiri omwa Esyonyimbo 37 bikakanganaya ndeke-ndeke obuthuku bw’embere obuwene okwa ‘bakahira amaha wabu w’oku Yehova n’abakowa ebihano biwe.’ Abema ba Yehova ibakendi tsema erikuwathikya erigha e Biblia n’eriminya ebya wanga kolha nuku iwe n’ab’okw’iwe mwanga syabana engebe eyiri ng’eyi.