ပဝဲ​အါဂၤန့ၣ် ပ​ထံၣ်ဘၣ် တၢ်တတီတလိၤ​လီၤ. ဒီး​ပ​ထံၣ်ဘၣ် ပှၤအၢပှၤသီတဖၣ် မၤနးမၤဖှီၣ် ပှၤလၢ​အသူၣ်ဂ့ၤသးဝါတဖၣ်​လီၤ. အဃိ မ့ၢ်​မုၢ်​ကအိၣ်ဝဲ တနံၤ​လၢ တၢ်တတီတလိၤ ဒီး​တၢ်အၢတၢ်သီတဖၣ် က​လီၤမၢ်ကွံာ်​ခဲလၢာ်ဧါ.

စံးထီၣ်ပတြၢၤ ၃၇ န့ၣ်​ န့ၣ် ပာ်ဖျါထီၣ်န့ၢ်​ပှၤ တၢ်စံးဆၢ​ဒီး တၢ်ဟံးစုနဲၣ်ကျဲ​တနီၤ​လီၤ. ဆိကမိၣ်ထံ တၢ်သံကွၢ်တဖၣ်​လၢ လာ်အံၤ​တက့ၢ်.

• ဖဲ​ပှၤ​မၤအၢမၤသီ​ပှၤ​အခါ ပ​ကြၢး​မၤ​ဒ်လဲၣ်. —အဆၢဖိ ၁, ၂.

• တၢ်​ကကဲထီၣ်အသး​ဒီး ပှၤအၢပှၤသီတဖၣ်​ဒ်လဲၣ်. —အဆၢဖိ ၁၀.

• ပှၤလၢ​အမၤတၢ် တီတီလိၤလိၤ​တဖၣ်န့ၣ်​ ခါဆူညါ​အတၢ်အိၣ်မူ​က​မၤအသး​ဒ်လဲၣ်.—အဆၢဖိ ၁၁, ၂၉.

• ခဲအံၤ ပ​ကြၢး​မၤ​တၢ်မနုၤလဲၣ်.—အဆၢဖိ ၃၄.

ပှၤလၢ​အ “မုၢ်လၢ်တၢ်​လၢ​ယွၤ, ဒီး​တိၢ်န့ၢ်​အကျဲ” တဖၣ်န့ၣ် စံးထီၣ်ပတြၢၤ ၃၇ ပာ်ဖျါ​န့ၢ်​ပှၤလၢ ခါဆူညါန့ၣ် အဝဲသ့ၣ် က​အိၣ်ဒီး​တၢ်အိၣ်မူ​လၢ​အဂ့ၤ​လီၤ. ယဟိဝၤ​ပှၤအုၣ်အသးတဖၣ်​ သးအိၣ်​မၤလိ​လံာ်စီဆှံ​ဒီး​နၤ ဒ်သိး​နၤ​ဒီး ပှၤလၢ​န​အဲၣ်တဖၣ် က​အိၣ်ဒီး​တၢ်အိၣ်မူ​လၢ​အဂ့ၤကတၢၢ် လၢ​ခါဆူညါ​အဂီၢ်​လီၤ.