“Abawombeefu Balisikira Ensi”
Ffenna tulabye obutali bwenkanya, era abantu ababi banyigiriza abo abafuba okukola ebirungi. Olowooza ekiseera kirituuka ebikolwa ebibi n’obutali bwenkanya ne biggwaawo?
Mu Zabbuli 37, Bayibuli eddamu ekibuuzo ekyo, era etuwa amagezi agasobola okutuyamba ne mu kiseera kino. Weetegereze engeri zabbuli eyo gy’eddamu ebibuuzo bino.
Twandikoze ki singa tuyisibwa mu ngeri etali ya bwenkanya?—Olunyiriri 1, 2.
Kiki ekinaatuuka ku bantu ababi?—Olunyiriri 10.
Abo abakola ebirungi banaafuna mpeera ki?—Olunyiriri 11, 29.
Kiki kye tusaanidde okukola kati?—Olunyiriri 34.
Ebisuubizo bya Katonda ebiri mu Zabbuli 37 biraga nti abo ‘abateeka essuubi lyabwe mu Yakuwa era ne batambulira mu kkubo lye,’ ebiseera byabwe eby’omu maaso bijja kuba birungi. Abajulirwa ba Yakuwa baagala okukuyamba okuyiga Bayibuli, ebiseera byo eby’omu maaso n’eby’ab’omu maka go bisobole okuba ebitangaavu.
Era Oyinza Okwagala Okusoma Ebitundu Bino
EBITUKWATAKO
Lwaki Kikulu Okuyiga Bayibuli?—vidiyo Empanvuko
Bayibuli eyambye abantu bangi nnyo okwetooloola ensi yonna okufuna eby’okuddamu mu bibuuzo bye beebuuza. Naawe wandyagadde okumanya Bayibuli ky’eyigiriza?
OMUNAALA GW'OMUKUUMI
Katonda Ajja Kuggyawo Okubonaabona Kwonna
Wandyagadde okubeera mu nsi etejja kubaamu bizibu?
EBIBUUZO BAYIBULI BY’EDDAMU
Ensi Eneesobola Etya Okubaamu Emirembe Egya Nnamaddala?
Laba engeri Katonda gy’agenda okuleeta emirembe ku nsi okuyitira mu Bwakabaka bwe.
