“Ba Boleta Bona e tla ba Beng ba Lefase”
Bontši bja rena re bone go hlokega ga toka le go bona batho ba babe ba gatelela bao ba lokilego le bao ba se nago molato. Na go tla ka gwa ba le nako yeo go hloka toka le bobe di tlago go fedišwa?
Ka Beibeleng, Psalme 37 e re nea karabo gotee le tlhahlo tše re ka di šomišago gona bjale. Hlokomela seo e se bolelago dipotšišong tše bohlokwa tše di latelago.
Re swanetše go itshwara bjang ge bathoba re gatelela?—Ditemana 1, 2.
Go tla direga’ng ka batho ba babe?—Temana 10.
Baloki ba letetšwe ke eng?—Ditemana 11, 29.
Re swanetše go dira’ng gona bjale?—Temana 34.
Beibele go Psalme 37 e tloga e bontšha gore bao ba ‘holofelago Jehofa gomme ba lota tsela ya gagwe’ ba letetšwe ke bokamoso bjo bo kgahlišago. Dihlatse tša Jehofa di ka thabela go ithuta Beibele le wena le go go bontšha kamoo o ka dirago gore wena le bao o ba ratago le tle le hwetše ditšhegofatšo tšeo.
You May Also Like
MABAPI LE RENA
Ke ka Baka la Eng o Swanetše go Ithuta Beibele?
Beibele e nea dikarabo tša dipotšišo tša bohlokwa go batho ba dimillione lefaseng ka bophara. Na o ka rata go ba yo mongwe wa bona?
MOROKAMI
Seo Modimo a Tlago go se Dira ka Bobe
Na kgopolo ya go phela lefaseng leo dilo tše mpe di ka se sa hlwago di diragalela batho ba go loka e a go kgahla?
DIPOTŠIŠO TŠA BEIBELE DI A ARABJA
Khutšo Lefaseng—E tla ba Gona Bjang?
Ithute kamoo Modimo a holofetšago go tliša khutšo lefaseng ka Mmušo wa gagwe.
