“E Humildenan Lo Heredá e Tera”
Mayoria di nos a yega di presensiá inhustisia i mira bon hende ser maltratá. Inhustisia i maldat lo kaba un dia?
Beibel ta kontestá e pregunta ei i ta bisa nos kiko nos tin ku hasi. Wak kon Salmo 37 ta kontestá e siguiente preguntanan importante.
Kon nos tin ku reakshoná ora un hende trata nos malu?—Versíkulo 1 i 2.
Kiko lo pasa ku hende malbado?—Versíkulo 10.
Ki futuro ta spera hende ku ta hasi loke ta bon?—Versíkulo 11 i 29.
Kiko nos mester hasi awor?—Versíkulo 34.
E palabranan inspirá na Salmo 37 ta mustra bon kla ku tur hende ku “spera riba SEÑOR i sigui su kaminda” lo tin un futuro maravioso. Gustosamente e Testigunan di Yehova lo ke duna bo un kurso di Beibel pa yuda bo haña sa kiko bo tin ku hasi pa abo i bo sernan kerí por disfrutá di e futuro ei.