“Llampʼu sonqoyojkunatajrí kay pachata herenciata jina japʼenqanku”
Kay mundopi may chhika runaspaj mana justicia kanchu. Atiyniyoj kajkunataj, kʼacha runasta llakiyta kʼumuykachachinku. Chay sajra ruwaykuna, ¿maykʼajllapis chinkanmanchu?
Bibliaqa chay tapuyman Salmo 37 capitulopi kutichin. Chantapis yachachiwanchej, imatachus kay tiempopi ruwananchej kasqanta. Chay Salmoqa kay urapi tapuykunamanpis kutichin.
Pillapis ñakʼarichiwajtinchej, ¿imatá ruwasunman? (versículos 1, 2).
¿Imataj sajra runasmanta kanqa? (versículo 10).
¿Imataj llampʼu sonqo runaspaj kanqa? (versículos 11, 29).
¿Imatá kunan ruwananchej tiyan? (versículo 34).
Salmo 37 capituloqa, willawanchej ‘Diosta kasukojkunapaj, paypi suyakojkunapaj ima’ sumaj kausay kananta. Ichá qanpis, familiaykiwan khuska chay sumaj kausayta japʼiyta munanki. Jehovaj testigosnenqa, Bibliawan yachachisuykuman imatachus chaypaj ruwanayki kasqanta.