«Ja matik chʼin wa xyaʼa sbʼaji oj sbʼajuke ja luʼumi»
Ja keʼntik kilunejtik jitsan jastik wa xkʼulaxi bʼa mi tojuk sok jastal ixta wa x-ilji ja ixuk winiki. ¿Oj maʼ kʼot jun kʼakʼu oj chʼakuk ja jastik mi tojuki sok ja jastik malo?
Ti oj jtatik ja sjakʼjel ja sjobʼjel bʼa Salmo 37 bʼa wa xyalakabʼtik jasa oj jkʼuluktik. Kʼela jastal wa sjakʼa ja sjobʼjelik it:
Jastal oj jeʼ ja jmodotik yajni ay maʼ mi lek sjeʼa smodo jmoktiki? (bersikuloʼik 1 sok 2).
¿Jasa oj ekʼ sbʼaj ja matik malo? (bersikulo 10).
¿Jasa wa smajlaye ja matik toji? (bersikuloʼik 11 sok 29).
¿Jasa oj jkʼuluktik ja wego? (bersikulo 34).
Ja yaljelik jakel bʼa Dyos wa xtaʼatik bʼa Salmo 37 wa xyala jaman lek ja matik wa ‹smajlay bʼa Jyoba sok wa snolo ja sbʼeji› ojni ajyukyuj jun tsamal sakʼanil ja bʼa tyempo jakumi. Ja taʼumantiʼik bʼa Jyoba jelni sgustoʼe oj skoltaya spaklajel ja Biblia sok sjejelawi ja jas oja kʼuluk bʼa jachuk ja weʼn sok jawa pamilya oj abʼajukex ja tsamal smajlajel it.
Bʼobʼta cha ojni akʼul gusto
SBʼAJA KEʼNTIKONI
¿Jas yuj tʼilan spaklajel ja Biblia? (bideo mas najat)
Ja Biblia skoltunej jitsan mil ixuk winik bʼa sutanal ja luʼumi bʼa stajel ja sjakʼjel ja sjobʼjelik mas tʼilanik ja bʼa jsakʼaniltiki. ¿Wan maʼ xcha kʼana oj ataʼ ja weʼn?
