Ko oti ne lavea ne te tokoukega o tatou a fakaakoakoga o faifaiga sē fakamaoni mo tino ‵lei kolā e taumafai o fai te mea tonu kae ‵tekegina ne tino ma‵sei. E mata, ka oko mai mafea te taimi telā ka se toe ai i ei ne faifaiga sē fakamaoni mo amioga ma‵sei?

E fakaasi mai i te Tusi Tapu i te Salamo 37 a te tali, fakatasi mō se fakatakitakiga mō tatou i aso nei. Ke onoono aka tatou ki fesili konei mai lalo.

• E ‵tau o ‵saga atu pefea tatou ki tino kolā e ‵teke mai ki a tatou?—Fuaiupu 1, 2.

• Ne a mea ka ‵tupu ki tino amio ma‵sei?—Fuaiupu 10.

• Se a te olaga ka maua ne tino kolā e fai ne latou te mea tonu i aso mai mua nei?—Fuaiupu 11, 29.

• Ne a mea e ‵tau o fai ne tatou nei?—Fuaiupu 34.

E fakaasi manino mai i pati fakaosofia i te Salamo e 37 se olaga manuia mō latou kolā e “fakamoe‵moe ki a Ieova kae tau‵tali i ana auala.” E fia‵fia eiloa a Molimau a Ieova o fesoasoani atu ki a koe ke sukesuke ki te Tusi Tapu kae tauloto ki te auala e mafai ei o mautinoa me ka maua ne koe fakatasi mo ou tino pele a te olaga tonu tenā i aso mai mua.