Kadam-an ha aton an nakakakita nga an hustisya ginbabaliko ngan an mag-opay ngan inosente nga mga tawo gin-aabuso han magraot. Maabot pa ba an panahon diin mawawara na an kawaray-hustisya ngan karaotan?

Mababasa ha Salmo 37 an baton, pati an giya para ha aton yana. Tagda an ginsisiring hito may kalabotan ha masunod nga importante nga mga pakiana.

• Ano an sadang magin reaksyon naton ha mga nagtatalumpigos ha aton?—Bersikulo 1, 2.

• Ano an mahitatabo ha magraot nga mga tawo?—Bersikulo 10.

• Ano an magigin kabubuwason han mga matadong?—Bersikulo 11, 29.

• Ano an aton kinahanglan buhaton yana?—Bersikulo 34.

An giniyahan han Dios nga mga pulong ha Salmo 37 matin-aw nga naghihisgot han makalilipay nga kabubuwason para ha mga ‘naglalaom kan Jehova ngan nagsusunod han iya dalan.’ An mga Saksi ni Jehova malilipay ha pagbulig ha imo ha pag-aram han Biblia ngan ha paghibaro kon paonan-o ka magkakaada hito nga kabubuwason para ha imo kalugaringon ngan ha imo mga hinigugma.