«Buñ nadaʼa sabany ló Gudxlio»
Xidal de lóono ma bibiʼno ximod diti rac xinésni né ximod radudy buñtzay ló galrrioʼob xtol stipnés buñ. ¿Sadxin dzú sac xinésni né ma diti sioʼ cós mal la?
La Biblia racapy galrranabdiitz reʼ né raibyni lóono xi gonyno órni guicalóno galnagan. Bibiʼ ximod racapy Salmo 37 galrranabdiitz reʼ ni rasac:
¿Xí láani gonyno órni buñ diti ragobioo lóono sacró? (Versículos 1 né 2).
¿Xí sasaclóo buñ mal? (Versículo 10).
¿Xí sasaclóo buñtzay ló dzú ni sietra? (Versículos 11 né 29).
¿Xí raquiin gonyno nigoreʼ? (Versículo 34).
Diitz ni sieed ló Salmo 37 ni cuá né xcalrracné espíritu santo, nayadit náni que ni rabés lóo Jehová né rioʼ ló xinésbu sabany sacrodiguieʼ ló dzú ni sietra. Testigos xtuny Jehová sioladx gacné looy guisuidylo la Biblia né guisuidybu looy xi raquiin gonylo né buñ ni nadxiʼlo par labúu guibanyto sacró ló dzú ni sietra.
Sigory láaca sioladxlo ndeʼ
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
