ŁAHDA DOO ÁKÓHOOTʼĮĮHGO, ‘HÁÁJÍSH GOD?’ NÍNÍZINÍSH ŁEH? DOODAIIʼ TʼÁÁ NEʼIINAʼ ŁAHDA DOO ÁKÓHOOTʼĮĮHGO ÁKÓTʼÉEGOÓSH NITSÍNÍKEES ŁEH?

Sheila nahalingo daatsʼí nitsídaakees, éí United States biiʼ kééhojitʼı̨́. Hooghan hazʼą́ągi oodląʼ hólǫ́ǫgo jineeyą́, éí ání: “Áłchíní nishłı̨́ı̨́dą́ą́ʼ God baa ákonisin háálá Ánihiilaaígíí nilı̨́. Ndi, doo áhą́dígo bił ahééhonísin da. Tʼáá hashísííd nisin. Doo éí shijoołáa da, ndi tʼáá shá ákonízin.” Sheila éí haʼátʼíísh biniinaa díí átʼéego nitsíjíkees? Ázhdííniid: “Shighan hazʼą́ągi nihichʼįʼ nidahwiiʼnáago nihił hodeeshzhiizh, áádóó God doo nihíká iilyeed da daniidzin.”

Sheila nahalingo, éí tʼáá aaníí Diyin God Aláahgo Ayóóʼábóodziilii bee nił bééhózin. Ndi, tʼáá shaa áhályą́ągo daatsʼí shaa nitsékees. Job éí diné tʼáá ákogi átʼéii nilı̨́, éí Ánihiilaaígíí bidziil dóó hódzą́ beʼoodląʼ, ndi tʼáá hoł naaki nilı̨́. (Job 2:3; 9:4) Job bichʼįʼ nahwiiʼná doo niitʼééhgóó, God ííłní: “Haʼátʼíí lá biniyé shitsʼąą nanítʼá, áádóó haʼátʼíí lá biniyé niʼanaʼí nishłı̨́įgo shaa nitsíníkees?”—Job 13:24.

Diyin Bizaad haʼátʼíí ní? Nihichʼįʼ nahwiiʼnáago Godísh bikʼíhwiitʼáah doo? Tʼááłaʼí niitínígo God nihaa áhályą́ągoósh nihił ííshjání íidoolííł? Tʼáásh nihił bééhózin nihaa ákozhnízinígíí, ániitʼéegi, nihá aʼááh jinízin, doodaiiʼ nihichʼįʼ nidahaztʼiʼgo yee nihíká adoolwoł?

Ádaalyaii bee naʼnitinígíí áádóó Diyin Bizaad ánínígíí éí God nihá áhályą́ągi baa nídadíitʼįįł. (Romans 1:20) Ádayiilaaígíí dóó Diyin Bizaad binahjįʼ “béédahoniilzingo”, “nihíneedlı̨́įgo nihaa áhályą́ą” doo nihił béédahodoozįįł.—1 John 2:3; 1 Peter 5:7.