Йа ХÖДАН, һʹәта чь wәхти әзе банги тә бькьм у тöйе гöһ нәдә мьн? Әз . . . дьqерьм у тö хәлас наки!» (Һәбаqуq 1:2, 3). Әв гьлийе Һәбаqуq пʹехәмбәр ьн, мәрьвәки qәнщ йе кö Хwәдерʹа хьзмәт дькьр. Гәло гьлийе wи дьдьнә кʹьфше, кö баwәрийа wи кем бу? Һәмьки на. Хwәде Һәбаqуq да баwәркьрьне, кö wәʹде кʹьфшькьрида Әwе һʹәму кöл-дәрда бьдә һьлдане (Һәбаqуq 2:2, 3).

Чахе тö йан кәсәк жь мәрьве тәйи незик дьчәрчьрә, һеса йә бьфькьри кö Хwәде әглә дьбә, у кö әwи ида гәрәке чʹарәк бькьра. Кʹьтеба Пироз мәрʹа дьбежә: «Хöдан созе хwә дәрәнги найехә, чаwа һьнәк дьфькьрьн. Әw бь думька дьреж ль wә сәбьр дькә, нахwазә т′ö кәс öнда бә, ле дьхwазә wәки һ′әму жь гöнәкьрьне вәгәр′ьн» (2 Пәтрус 3:9).

Әw wәʹдә ида бәр шемике йә! Иса гот кö ньсьләк wе бь чʹәʹве хwә бьвиньн әw һʹале дьнйайе, кʹижан кö wе бьбә wәк нишана «ахьрийа ве дьнйайе» (Мәтта 24:3-42). Әw пʹехәмбәртийа Иса кö рʹожед мәда те сери, дьдә кʹьфше wәки Хwәде зутьрәке ида wе дәстпекә һʹале дьнйайе рʹаст кә. a

Гәло ле чь щурʹәйи Хwәде wе һʹәму кöл-дәрда бьдә һьлдане? Чахе Иса ль сәр әʹрде бу, әwи qәwата Хwәде да кʹьфше, кö wе бар у дәрд-кöле мәрьва сьвьк кә. Wәрен әм һьнә мәсәла шеwьр кьн.

Хәзәб: Чахе Иса у шагьртед wи Гöла Щәлилерʹа дьчун, фьртона qайим рʹабу у qәйика wан һьндьк мабу нöqи аве буйа. Ле Иса нишан кьр, кö ча әw у Баве wи дькарьн тʹәбийәте контрол кьн (Колоси 1:15, 16). Иса гот: «Бьсәкьнә, кәр′ бә!» У чь бу паше? «Фьртоне дани у һ′әму тьшт сәqьр′ин» (Марqос 4:35-39).

Нәхwаши: Гәләка заньбу wәки Иса дькарә кора у йед сәqәт qәнщ кә, öса жи нәхwашийа епилепсийа, кʹотибун, у щурʹә-щурʹә нәхwашийед дьн. Әwи «һʹәму нәхwәш qәнщ кьрьн» (Мәтта 4:23, 24; 8:16; 11:2-5).

Бьрчибун: Иса әw qәwата кö Баве wи wирʹа дабу, дьда хәбате сәва кö хwарьн тʹьжә бә. Кʹьтеба Пирозда те готьне, wәки wәʹде хьзмәтийа хwә, Иса дö щара бь һʹәзара мәрьв тʹер кьр (Мәтта 14:14-21; 15:32-38).

Мьрьн: Мәсәла Иса, кö әwи се мәрьв жь мьрьне рʹакьр, дьдә кʹьфше кö qәwата Йаһоwа дьгьһиже кö мьрьне бьдә һьлдане. Йәк жь wан мәрийа, чар рʹожа мьрибу (Марqос 5:35-42; Луqа 7:11-16; Йуһʹәнна 11:3-44).