Leza Wasya Afumyepo Macuzi Yonsi
“Uzye ukufika lilaci lino we [Yeova] namalilila kunuli kuti ungazwe, lelo wemo usingasuuka? Nanti ukuilizyanya kuli wewe inti: “Ntulwe, inkondo kuno!” Lelo ukwaula kuti wemo ututuule?” (Habakuku 1:2) Yaa ali mazwi yano Habakuku uwaombelanga Leza walanzile. Uzye amazwi yaa yakalangilila ukuti atakweti utailo? Awe foo. Leza wanenyile Habakuku ukuti wakweti insita ino wali nu kufumizyapo kucula konsi.—Habakuku 2:2, 3.
Ndi cakuti mukucula nanti yauze yakucula, cangupala sana kulola kwati Leza akuwayawaya nupya asikucitapo cimwi. Lelo Baibo ikatunena ukuti “Leza atazingota pa kucita cino walaya, ndi vino yamwi yakaelenganya. Lelo wene akateka mwenzo kunomuli, pa mulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.”—2 Petulo 3:9.
A LILACI LINO LEZA ALAZIFYA VINTU?
Likwene sile. Yesu wasokolwile ukuti amu mukulo uu yalalolako ivintu ivilalanga ukuti tuli ku “mpelelekezyo ya nsi.” (Mateo 24:3-42) Kufikiliziwa kwa usoowelo uno Yesu walanzile ukukucitika mu manda itu, kukulanga sile ukuti Leza wasya afumyepo ucuzi onsi. *
Uzye lyene Leza alacita uli pa kusisyapo kucula? Lino Yesu wali pano nsi, walangizye amaka yano Leza wakwata akufumyapo ucuzi onsi. Lekini tulole vimwi vino wacisile.
Mazanzo: Lino Yesu yali pamwi na alondezi yakwe pali yemba wa Galile, kwizile cipupu icakuti uwato wali apipi nu kuunda. Lyene Yesu walangizye ukuti wene na Isi yakwata amaka pa vintu. (Kolose 1:15, 16) Yesu walanzile sile ati: Myalala! I cani cacitike? Cipupu ca muza icimyalala “kuya cele.”—Mako 4:35-39.
Malwala: Yesu wamanyikwe sana pa mulandu na maka yano wakweti akupozya impafu na alemale, na yayo yonsi aculanga ku ndwala zya ku wongo, tembwe alino ni misango yuze iya ndwala. Wapozyanga “alwale yonsi.”—Mateo 4:23, 24; 8:16; 11:2-5.
Inzala: Yesu waomvizye maka yano Isi wamupeezile ku kuvuzya ivyakulya ivyali vinono. Baibo ikalanda ukuti pa miku iili lino waombanga mulimo wakwe pano nsi, walisizye antu mazimbi.—Mateo 14:14-21; 15:32-38.
Imfwa: Vizungusyo vitatu vino Yesu wacisile ivya kutuutulula antu yatatu ivyalembwa muli Baibo vikatulangilila amaka yano Yeova wakwata akutuutulula afwe. Wenga pali yayo yano Yesu watuutulwile wafwile ala papita manda 4.—Mako 5:35-42; Luka 7:11-16; Yoane 11:3-44.
^ pala. 5 Nga mukulonda ukulola imilandu na yuze ino ukucula kwavulila, lolini sambililo 32 umwi buku lyakuti Mungaya ni Nsansa Manda Pe! Ilyapangwa na ya Nte Yakwe Yeova, nupya mungalikopa na pa www.pr418.com/mgr uwila sile.
Limwi Mungatemwa Ukulolako na Vii
LUPUNGU LWA MULINZI
Vino Leza Akamusakamala Vingamwavwa
Malembelo yakatwavwa kukomya utailo mu malayo yano Leza watulaya pa vilacitika ku nkoleelo.
MASUKO KU MAUZYO AMULI BAIBO
Uzye Insi Ilasila Lilaci?
Pakuti mumanye icasuko, icicindama ukumanya vino Baibo ikalanda pa nsita lino insi ilasila.
LUPUNGU LWA MULINZI—LWA KUSAMBILILAMO
