Oñgeni Huku Elitehelela Tyina Ove Umona Ononkhumbi?
Ovanthu vamwe vasoka okuti Huku kesukile-ale navo nii vala katutu.
TALA ETYI OMBIMBILIYA IPOPIA
Huku utuluete iya wesuka no onthue
“Jeova wamona okuti ovivi viovanthu ankho ovinyingi unene kombanda yohi . . . , iya atyimuihama komutima.”—Gênesis 6:5, 6.
Huku makamanako ononkhumbi mbatyo ambuho
“Apa katutu ondingavivi kamaikakalako vali. Mokatala pana ankho ikala, mahi kukeivasapo vali. Mahi, ovahiliyi mavakapiñgana ohi, iya avakakala nombembwa onene.”—Salmo 37:10, 11.
Huku ukuhandela-tyi?
“‘Tyetyi ame muene ndyii nawa omalusoke ndyina konthele yenyi,’ otyo tyapopia Jeova, ‘omalusoke ombembwa, ha-ononkhumbi, opo ndyimuavele ekevelelo no nonthiki mbo komutwe. Onwe mamundyihana, amuya, amulikuambela kuame, iya ame mandyimutehelela.’”—Jeremias 29:11, 12.
“Fuenei ku Huku, opo nae afuene kuonwe.”—Tiago 4:8.