1-3. (a) Ka dinako tso re phelang ga tsona tsa mafelelo, re ka gelepa king gore re dule re tshepega ga Modimo? (b) Re nyoko tšhuta ying mo ga hlogotaba yo?

MO DINAKO tso tsa mafelelo di kene di bakiye bofelong, batho ba go ba le dipelo tse diphifadu ba nyoko tlala ba kene ba “hlohlotela go tshwana le ngwere.” (Pis. 92:7) Di fo ba lekgwaying gore batho a ba sa na taba le go latelela tsela ya gabutši ya go titshwara. Byalo, re ka maka byang gore rune re be “dibanenyana ga tsa go befa,” mara “ka go kwisisa [re] be ba bagolo”?—1 Makor. 14:20.

² Phetolo ya putsiso yowa yi krayega ga lengwalo la hlogotaba ya rune yo yi reng: “Bo ba nyakanang le Jehova ba kwisisa dilo tso ka mokana ga tsona”—mo ba ra dilo ka moka tso di jabodisang Jehova. (Diy. 28:5) Ga Diyema 2:7, 9, go bolabodiwwe ka taba ya go tshwana le yonone gore Jehova “go hlalefa ga bo ba lukiyeng o go tseyela hlogong.” Ka taba la gore ba hlalefiye, baa di kgona go “kwisisa sa go loka le sa gabutši, mong tsa go loka ka mokana ga tsona.”

³ Nnowa, Daniyele le Jobo ke mo ba hlalefiye ka mokg’onone. (Hez. 14:14) Le lekgono lo batho ba Modimo ba fo ba sone. Wene? Nje o “kwisisa dilo tso ka mokana ga tsona” tso o tshwaneleng o di make gore o jabodise Jehova? Tabataba ke gore re tshwanele re mo tšibe gabutši. Re sa  tshwere yonone, tla re bolaboleneng ka taba ya gore (1) Nnowa, Daniyele le Jobo ba makiye byang gore ba šinye ba mo tšiba ga Modimo, (2) go mo tšiba mone go ba leyele ying, le (3) gore tumelo ya bona re ka yi kopisela ka mokg’o mang.

4. Nnowa o mo tšibiye byang ga Jehova, fote go mo tšiba gabutši ka mokg’onone go mo gelepiye byang?

⁴ Nnowa o makiye byang gore a šinye a mo tšiba ga Jehova. Go tlogisela botala mola batho ba thomisang go phela, banna le basadi ba tumelo ba tšhutiye ka Modimo ba berekisa ditsela tsowa tse dikgolo ka ditharo: go fo lebelela hlago yo Modimo a yi makiyeng, go tšhuta ga batho bo ne ba hlompa Modimo le go bona maphomela ya ma bang gona mo ba phela ka go kwana le ditsela tsa Modimo tsa gabutši le go berekisa ditšhiko tsa Baebele. (Jes. 48:18) Mo Nnowa a lebelela dilo tso di makiwweng tsa gore re kgona go di bona, di mo thušiye go bona gore nnete Modimo o gona le gore tse dingwana ka yene di wutamme tsa go tshwana le “matšhika yage ya go ya go yye le go ba Modimo gage.” (Maroma 1:20) Sosone se makiye gore a tiyelele tumelong, a sa fo dumela fela gore Modimo o gona.

5. Nnowa ke mo a di tšibela kaye tsa gore Modimo o tikemisele ying ka batho?

⁵ Re ba le tumelo “mo go na le so re se kwileng.” (Maroma 10:17) Nnowa o kwelele ying ka Jehova? O tšhutiye tsa go tlala ga mašaga yage. Ga mašaga yane re ra le papage Lameke wa go dumela ga Modimo, wa gore o mmonne ga Adamo. (Lebelela sethombhe sa ku mathomisong.) Ye mongwana ke Methusela ye go leng kokwane wage le kokwane wa kokwane wage Jarede, ye a phidiyeng nako ka yyoši le Nnowa ka 366 ya mongwaga. * (Luka 3:36, 37) Banna bowa le basadi ba bona kela go ka fo ba go le bona ba tšhutisiyeng Nnowa ka taba ya mo motho a thomisa go phela, le so Modimo ke mo a tikemisele sona sa gore batho ba belege ba tlatse lefase lo ka batho ba go loka, a boya a tšhuta ka tsa go tšwa pateng tso di makegiyeng ku Edene—Nnowa o tiponele ka boyenemong tso di nyareleng ka taba loloneng. (Gen. 1:28; 3:16-19, 24) Le mo re sa tšibi gabutši gore Nnowa o tšhutisiye ke mang, tso a di tshutiyeng di yye tsa mo tikisa pelo, tsa mo maka gore a berekele Modimo di mmaba.—Gen. 6:9.

6, 7. Go ba le tshepo go tiyisiye tumelo ya Nnowa byang?

⁶ Go ba le tshepo go tiyisa tumelo. Nnowa a ka fo a kwele monate mo a kwa gore lebitso lage le ra gore “Go Khutsa; go Kgomoletsa,” lebitso lone le makiye gore ba be le tshepo ya go tiya! (Gen. 5:29) Lameke o yye a bolabola mantsu ya ma butšweletsiwweng a re: “Yenewa [Nnowa] ke yene a nyoko re leyelang go kgomoletsega ga . . . dilo ka moka tso di re hlopegisang go baba mo mobung wa gore Jehova o wo tšhediye senyama.” Nnowa ke mo a tshepa Modimo. Go fo tshwana le Abele le Henoge bo ba phidiyeng pele gage, le yene ke mo a di tšiba gore go na le “pewu” yo yi nyoko tlang yi kgahla hlogo ya noga.—Gen. 3:15.

⁷ Le mo kela Nnowa a ka fo ba a sa kwisisa seporofeto sa mowa ga Genesi 3:15 gore se ra gore king, mara yene o yye a tshepa gore ka letšatši le lengwana re nyoko khutsa. Fote yona tshepiso yone ya ku tšhomong ya Edeni ke mo yi sipidisana gabutši le tso Henoge ke mo a di sabalatsa, fote o bolabodiye botala gore batho ba dipelo tsa go befa ba nyoko tlusiwa. (Juda 14, 15) Ditaba tsone tsa Henoge tsa gore di nyoko makega gabutši di napa di ro felegelela ka nako ya Aremagedoni, ka nnete di tiyisiye tumelo ya Nnowa le tshepo yage!

8. Go tšiba Modimo gabutši go mo thušiye ka ying ga Nnowa?

⁸ Nnowa tsa go tšiba Modimo gabutši di mo gelepiye ka ying. Go tšiba Modimo gabutši go gelepiye Nnowa gore a be le tumelo le go hlalefa ga tso tsa Modimo, gwa maka gore a sa wele ga dilo tsa go mo kwaletsa, ka matlamatla tsa go mo maka gore a šepise ga tsa Modimo. Mo re beyisa, ka taba la gore Nnowa “ke mo a maka tso Modimo wa nnete a di nyakang,” a sanka a ba le banghana ba go sa nyake Modimo. Di ka makega gore batho  ba dinako tsela tsa Nnowa ba gore a ba na tumelo le ba gore ba fo dumela se sengwana le se sengwana ba yye ba tseya gore ba ghalawele mo ba bona madimona ma titšhentšhiye go le batho ba go ba le matšhika ka matla—fote di ka makega gore madimona yawa ma yye ma rapediwa—mara Nnowa ke mo a sa yi kene yonone. (Gen. 6:1-4, 9) Fote Nnowa ke mo a di tšiba tsa gore go belega go tshwanele go make ke batho bo ba dulang mo lefaseng. (Gen. 1:27, 28) A ka fo ba a di tšibiye tsa gore basadi ba mo lefaseng a baa tshwanela go yetsela le barongwa ka gore tsotsone di ya yila fote a yi tsona. Gore ke nnete taba yo, di yye tsa napa di bonala mo ba belega dibananyana tsa digoboro tsa gore a wo tšibi gore le mo o se lebelela o thoma kakaye. Mo nako yi kene yi ya, Modimo o yye a botsa Nnowa gore o nyoko leya mogogola lefaseng. Tumelo ya Nnowa e yye ya mo tšhofa gore a tlogamele a yage areka, mutši wage wa phona.—Maheb. 11:7.

9, 10. Tumelo ya Nnowa re ka yi kopisela ka mokg’o mang?

⁹ Tumelo ya Nnowa re ka yi kopisela ka mokg’o mang. Tšhiko ya taba ke go tšhuta Lentsu la Modimo le gore so re se tšhutang se thothele ku pelong ke mokane re potolle maphelelo ya rune ka tsotsone re di tšibang fote re phele ka tsona. (1 Pet. 1:13-15) Tumelo ke yona yi nyoko re yagelelang gore mathayithayi ya Sathane le moya wa lefase lo lage ma sa segelele mo ga rune. (2 Makor. 2:11) Moya wone wo maka gore batho ba kwane le bokgohlane le go titshwara nkare ke diphoofolo. Fote di maka batho gore ba lelekise menate ya lefase lo. (1 Joh. 2:15, 16) Di ka maka le gore motho wa gore aa soko bane a tiyelela gabutši ga tso tsa Modimo a bone nkare le tso di šupang gore nako ya letšatši la Modimo yi thina, ke go kgana. Mo Jeso a tshwanisa dinako tso rune re phelang ga tsona le dinako tsa Nnowa, ke mo a sa bolabolele ka matlamatla bokgohlane kela go šitega go titshwara ga batho, mara ke mo a šupa ka matla gore ba bangwana ba ka tšhoga ba lesetsiye Modimo.—Bala Matewu 24:36-39.

¹⁰ Tiputsise gore: ‘Ayitsano maphelelo yaka ma šupetsa gore ke ya resa mo ke re ga Jehova ke ya mo tšiba? Nje nna yaka tumelo ya ntšhofa gore mo nkene ke phela ke berekise melawo yo ya Modimo fote batho ba bangwana ke ba tšhutise ka yona?’ Nkare ka mokg’o o fetolang di ka šupa gore le wene ‘o maka tso Modimo wa mannete a di nyakang.’

11. (a) Daniyele ke mo a tineyele ga Modimo mo go sa le ye monyana, tsotsone di šupetsa gore o godisiwwe byang? (b) Ke ying so se go jabodisang ka Daniyele sa gore o nyaka go se yekisela?

¹¹ Daniyele o makiye byang gore a šinye a mo tšiba ga Jehova. Di bonala nkare Daniyele ditaba tso o di kwele ga batswadi bage, ba gore ba mo tšhutisiye go kwana ka matla le Jehova le Lentsu lage lo le ngwadiwweng. Daniyele o šinnye a kgwa a kene a ngangarele tsotsone a di tšhutiyeng. Le mo a šele a kgalabyele, ke mo a sa fela a sekela ka ku Mangwalong. (Dan. 9:1, 2) Thapelo ya gabutši ka matla ya Daniyele ya go tšwa pelong le ya go tisola yo yi ngwadiwweng ga Daniyele 9:3-19 yi šupetsa gore moporofeta yewa ke mo a tšiba Modimo gabutši le ka mokg’o Modimo ne a berekisana le Maisrayele. Ke ntaba o sa bale thapelo yone ke mokane o o naganisise ka yona, o kwe gore yi go botsa ying ka Daniyele?

12-14. (a) Daniyele o yye a šupetsa byang gore o hlalefele ga tsa Modimo? (b) Daniyele o yye a rufiwa byang ka taba la go ba le lešiši mo a kene a maka tso tsa Modimo?

¹² Daniyele tsa go tšiba Modimo gabutši di mo gelepiye ka ying. Lephelo la ku Bhabhilona ya mahedeni ke mo le thatafa ga Majuda ya ne ma tshepegela Modimo. Mo re beyisa, Jehova o butsiye Majuda gore: “Mutši wone wa gore ke le yisiye ga wona gore le be mabhantiti, wo kgopeleleneng khutšo.” (Jer. 29:7) Mara ka thoko ye nngwana, ke mo a nyaka gore ba rapele yene a ntoši. (Eks. 34:14) Ke ying so se gelepiyeng Daniyele gore a make tso ka mokana ga tsona gabutši? Go hlalefa ga tso tsa Modimo ke gona go mo gelepiyeng gore a kgone go ngangarela ditšhiko tsa molawo wo ke mo wo bolabola ka go theetsela bo ba go lawola. Mo go šele go fitiye mengwagangwaga, Jeso o biye a tla a bolabola ka ditšhiko tsotsone nako tse a le mo lefaseng.—Luka 20:25.

 ¹³ Bona so Daniyele a yyeng a se maka mo dindhuna tsela di thomisa go rakela di re ka 30 ya matšatši ba sa rapele modimo ye mongwana kela motho mo go se kgoši a ntoši. (Bala Daniyele 6:7-10.) Mola Daniyele go le ye mongwana nkebe a yitseri: ‘Mara 30 ya matšatši a yi selo!’ A sanka taba yone ya ka mošate yi boya yi ro maka gore a lebale tso Mangwalo a di bolabolang. Mola a di nyakiye, ke nnete gore nkebe a yye a fo rapela ba sa mmone. Ke mo a di tšiba gore taba yo yage ya go rapela ka moka matšatši ke mo ba šele ba yi tšiba. Le mo yi le gore Daniyele ke mo a di tšiba gore sosone se ka mmolayisa, a sanka a kanakana, o yye a fo se maka gore ba bone tsa gore yene o tshepiye Modimo.

¹⁴ Jehova o yye a mo rufa ga Daniyele ka taba la gore o yye a ba le sebete kela lešiši, a maka mohlolo gore mo a kgwa, a sa kgwisi lešidi. Gabutšibutši taba yone yi makiye gore Jehova a thanakiwe go segela kgole stereka ga dipoleke tsa go lawola ke Mmušo wa Mameda le Maperesiya!—Dan. 6: 25-27.

15. Tumelo ya Daniyele re ka yi kopisela ka mokg’o mang?

¹⁵ Tumelo ya Daniyele re ka yi kopisela ka mokg’o mang. Motho aa tiyelele tumelong mo a fo bala Lentsu la Modimo, o tshwanele a le ‘kwisise.’ (Mat. 13:23) Re nyaka Jehova a re thuše mo re kene re bala gore re ngangarele ditšhiko tsa Baebele. Ka taba lone, re tshwanele re naganisise ka so re se balang. Se sengwana se segolo so re tshwaneleng go se maka thina le thina ke go rapela di tšwa pelong, ka matlamatla mo re hlakana le meleko kela tso di re phiriketsang. Mo re šupetsa gore re na le tumelo ka go rapelela matšhika le go hlalefa, Jehova a ka sa re kone.—Jak. 1:5.

16, 17. Jobo o makiye byang gore ga Modimo a mo tšibe gabutši?

¹⁶ Jobo o makiye byang gore a šinye a mo tšiba ga Jehova. Jobo ke mo go se Moisrayele. Ke mo go le lešaga la go hlomagetsa la Abhrahama, Isaka, le Jakobo, byalo Jehova o yye a tiwupulla ga bona le go ba botsa so a nyoko se makelang batho. Go na le ye a tšhutisiyeng Jobo dinnete, gore ke mang, a re tšibi. (Jobo 23:12) O itseri: “Ba nhlayisele ka wene.” (Jobo 42:5) Fote Jehova o tipolabolele ka boyenemong gore Jobo o mmolabodiye gabutši.—Jobo 42: 7, 8.

¹⁷ Jobo mo a lebelela tso di makiwweng o yye a bona tse dingwana ka Modimo tsa gore a di yakgoswe di bonala. (Jobo 12:7-9, 13) Ka morago ga mone, Elikgu le Jehova ba berekisiye tse dingwana tsa dilo tso di makiwweng mo ba gelepa Jobo gore a kgone go di bona gore motho a yi selo ga Modimo. (Jobo 37:14; 38:1-4) Lentsu la Jehova le yye la tikisa pelo ya Jobo, mo a šinya a tinyanafatsa ga Modimo a re: “Byalo ke di bona gabutši  gore a se šiyo so o se naganneng sa gore se ka go šita. . . . Ke tisola ke le mobung le luteng.”—Jobo 42:2, 6.

18, 19. Jobo o šupetsiye ka ying gore Jehova o mo tšiba gabutši?

¹⁸ Jobo tsa go tšiba Modimo gabutši di mo gelepiye ka ying. Ditšhiko tsa molawo wa Modimo Jobo ke mo a di tšiba gabutši. Nnete ke mo a mo tšiba Jehova fote a berekisa so a se tšhutiyeng ka yene. Ye nngwana taba ke yo: Jobo ke mo a di tšiba gore a ka sa botse batho a re o kwana le Modimo mara ka thoko a tshwara ba bangwana ka lešidi. (Jobo 6:14) A sanka a tipona nkare yene ke yene a bona nkare ba bangwana a yi selo, dinghamula le ba go tihlopegela ke mo a ba tshwara go tshwana. O itseri: “Anthe Ye a mmakiyeng ka popelong le bona a baa maka ke yene?” (Jobo 31:13-22) Ka nnete, go ba le setulo le go kguma a gwa maka Jobo gore a tseyele ba bangwana fase. Mpakakgonthe ke mo a sa tshwane le batho ba go ghanya le bo ba neyiwweng ditulo ba lekgono lo!

¹⁹ Jobo ke mo a sa šutele le ka gonyana ga medimo ya dithombhe—le mong ka pelong yage. Ke mo a di tšiba gore mo motho a rapela medimonyana ya matsaka, le go ro tlungwela dilong tsa majabajaba, o nyoko jikela “Modimo wa mannete wa ku magedimong.” (Bala Jobo 31:24-28.) Ke mo a di tšiba gore lenyalo ke selo sa go hlompega ka matla so se makang gore monna le mosadi ba tlemane go be selo ka ssoši. O yye a šinya a kwana le mahlo yage gore a ka sa nabele kgareba. (Jobo 31:1) O sa lebale gore mo ke ka nako tsela Modimo a soko rakela gore motho a be le basadi ba go tlala. Jobo nkebe a f’lo titseyela mosadi ye mongwana mola a di nyakiye. * Di šupetsa nkare go sa le a beyisa ka lenyalo lela la ku Edeni la gore le thomme ke Modimo, a napa a tseya sosone go le molawo mo gage. (Gen. 2:18, 24) Mo Jeso Kreste a segela mo lefaseng go šele go fitiye 1 600 ya mongwaga, le yene o yye a kgahlisela ditšhiko tsone tsa gabutši mo a tšhutisa ka lenyalo le gore go tshwanele go yela ga tsa ka ku mapaying.—Mat. 5:28; 19:4, 5.

20. Go tšiba Jehova le melawo yage gabutši go nyoko re gelepa byang gore re hlawole banghana le tsa go tijabodisa tsa gabutši?

²⁰ Tumelo ya Jobo re ka yi kopisela ka mokg’o mang. Le gana mowa, tabataba ke go tšiba Jehova gabutši ke mokane re make tso a re botsang tsona mo re kene re phela. Mo re beyisa, mopisalema Dafita mo a yi beya taba o re Jehova “o hloyye batho ba go kwana le dintwa,” fote Dafita o re re kganele kgole le “batho ba go tshokana.” (Bala Pisalema 11:5; 26:4.) Mangwalo yawa ma re tšhutisa ying ka Modimo? Go kwisisa mangwalo yane go tshwanele go go gelepe byang gore o tšibe so o tshwaneleng go se yetisa mahlong, ka mokg’o o tshwaneleng o berekise Inthanete le go hlawola tsa go tijabodisa le banghana? Diphetolo tsago di ka go gelepa gore o tinyakolle gore ga Jehova o mo tšiba gabutši go segela kaye. Mo re nyaka go dula re se na selabi sa lefase lowa la gore le dhunghegiye le la batho ba dipelo tse diphifadu, re tshwanele re tšhutise “matšhika ya menagano” ya rune gore re tšibe go hlawola sa gabutši le sa go befa le sa go šupetsa gore re hlalifiye ga ditlayela.—Maheb. 5:14; Maef. 5:15.

21. Re nyoko gelepa king re ‘kwisise dilo ka mokana ga tsona’ gore re jabodise Papa wa rune wa legedimong?

²¹ Ka taba la gore Nnowa, Daniyele le Jobo ke mo ba nyakana le Jehova ka dipelo tsa bona ka moka, Jehova o yye a maka gore ba mo kraye. O yye a ba gelepa gore ‘ba kwisise dilo ka mokana ga tsona’ ka yene gore ba mo jabodise. Ke batho ba gore mo re nyaka go maka tsa go loka re ka kopisela ga bona, fote ke batho ba gore ke mo ba phomelele ka tsa lephelo. (Pis. 1:1-3) Byalo tiputsise gore, ‘Nje Jehova ke mo tšiba ka mokg’o Nnowa, Daniyele le Jobo ke mo ba mo tšiba ka gona?’ A go tshwane ka gore gana byalo llampa ka mo ga tsa Modimo le bonela kgole, o ka mo tšiba ka matla go feta mathomisong! (Diy. 4:18) O sa tshwatele Lentsu la Modimo. Ghayela ka lona. Rapelela moya wa go hlawolega. Le wene o nyoko di kwa gore byalo gona o šutele thina ga Papago wa legedimong. Dilo tso o di makang mo o kene o phela lefaseng lo la batho ba go sa nyake Modimo di nyoko šupetsa gore o hlalifiye fote wa kwisisa.—Diy. 2:4-7.