Pasadak ko Misawacayay Tamdaw ni Yihofa to cudad no Fangcalay Cudad cowa ka pilipayci, saka o romaroma tamdaw miharateng ngangaˈay misiyacay tora lalakaw ato pasadaken i wangcan anca kacacawmaˈan a wangcan saan, ˈarawhan o misafelitay to sarikec no wangcan ko matiniay a demak *, tada pairaay to sakatatiih koni. Ihekalay a somowal kora sarikec no wangcan, cowa ko ngangaˈay pasadaken i romaroma a wangcan ko coka, i tingnaway cudad, radiw, sasing, tilid, ika no jw.org. Misamaanay hano ira ko hatiniay a sarikec hani?

Ilalomaˈay lalakaw maemin i wangcan no Misawacayay Tamdaw ni Yihofa madipotay no holic no kitakit. Misafelitay to kimad tamdaw ato micoliay a tamdaw mialaay to mitepangan no mita a lalakaw pasadak i wangcan nangra, mihaen o sapisolotaw to Misawacayay Tamdaw ni Yihofa ato romaroma tamdaw tayra misolap i wangcan nangra. ˈArawhan o wangcan nangra pacacamolay to mararaway, mifekad to licay no falocoˈ no tamdaw to soˈlinay kimad. (ˈOlic 26:4; Taneng 22:5) O romaroma tamdaw kalasaka dademakan ko lalakaw ita, anca tano jw.org a ngangan mikowangkaw a misasingdi, paliwal to dafong nangra, anca safacoen toha ngangaˈay i soci ato pingpan a minengneng to lalakaw (app, no Padaka). O lalakaw ato ‘loko’ (logo, no Padaka) no wangcan no mita, madipotay no holic no kitakit, ano ira ko tamdaw saolatekay saan a kalasaka dademak to lalakaw no jw.org i, wa ngaˈay pakaynien ita i hoing a pakokot cangra. (Taneng 27:12) Ano pasalat han ita ko tao, anca ano o salikakato palilam to lalakaw no jw.org, o roma, pacakay to iraay ko jw.org a coka a dafong i, o papaira to masamaanay a pasangaray  hani? O micoliay tamdaw ato misasingdiay a lekakawa ano miˈafas to fadangalan no jw.org i, cowato ko mamidipot ko hoing to fadangalan ita.

Ano naitini i papotalay wangcan misiyacay to mitepangan cudad ita tada masaka talawan a demak. Ci Yihofa pakasoˈlinay to ‘madimadiay citanengay a koli,’ patorodan to karetengay ˈinorong, mipawsa to noˈadingoan kakaenen, ao cowa ko romaroma a tamdaw. (Matay 24:45) Pakayniay ko madimadiay citanengay koli i wangcan no mita ato app a mipawsa to noˈadingoan a kakaenen, ora tolo a wangcan no mita​—www.pr418.com, tv.pr418.com, ato wol.pr418.com.O tolo a app no wangcan no mita​—JW Language^®, , JW Library^®, ato JW Library Sign Language^®. Orira wangcan ato app no mita awaay ko misasingdiay a kowangkaw, cowa ka ira ko tatiihay pifiyor no hekal ni Satan. Nikawrira, o romaroma a wangcan no tao anca app, padetengay a misamangah a mifalic anca miwilet to lalakaw no mita.​—ˈOlic 18:26; 19:8.

Misafelitay to kimad ato micoliay tamdaw, mipalakay to ngangan no Misawacayay Tamdaw ni Yihofa, ano saolatekay sa kita pasadak to lalakaw no mitepangan no Misawacayay Tamdaw ni Yihofa i, o ngangaˈay ko tao pasadak to milikafay a sowal, anca miyakayak to cowa ko soˈlinay. O harateng no salikaka sapipasifanaˈaw to tao na saan, ˈarawhan mifekaday to saka lacongisaw i wangcan, telocto, pakangodoay to fangcalay ngangan ni Yihofa. Miharatengay kita “o damsayay ko falocoˈ a misalof to pacoliay cingraan a tamdaw,” kawra, o kalalengoan a wangcan cowa ko matatodongay a kitiraan a pasifanaˈ to tamdaw. (2 Timoti 2:23-25; 1 Timoti 6:3-5) Maˈaraway ita o romaroma wangcan ato kacacawmaˈan a wangcan mitakaway to ngangan no likakawa, ato ngangan no Mikayatay Malohemay Malitengay i Congpo, kawra awaay ko cecacecay nangra, iraay ko notekedan a wangcan anca kacacawmaˈan a wangcan.

Pakafanaˈen ko tamdaw to wangcan no jw.org o sapitenakaw to “ngaˈayay ratoh” a hapakayraan. (Matay 24:14) Padadotocan no likakawa a misalof ko lalosidan no wangcan a mitosil, nanay kahacecay tamdaw milifok to epoc. O sarikec no jw.org somowalay, ngaˈayay kiso mipafeli to i tingnaway a mitepangan ato pikeniˈan to ciwsiw no wangcan. Oniya wangcan no mita, o papadama to tamdaw mikilim to soˈlinay kimad, samanen o pasadakan no ‘madimadiay citanengay a koli’ a lalakaw, o edengan a soˈlinay a noˈadingoan a kakaenen.