Мүгәддәс Китаба әсасланан нәшрләримиз өдәнишсиз олдуғу үчүн бәзиләри онлары һәр һансы сајтда, јахуд сосиал шәбәкәдә пајлашмагда һеч бир гәбаһәт ҝөрмүр. Һалбуки бунунла сајтымызын «Истифадә шәртләри» * позулур, бу исә ҹидди проблемләр јарадыр. «Истифадә шәртләри»ндә ајдын дејилир ки, «бу сајтын шәкилләрини, електрон нәшрләрини, тиҹарәт нишанларыны, мусигисини, фотошәкилләрини, видеоларыны вә ја мәгаләләрини Интернетдә (истәнилән сајтда: торрент, фајл-пајлашма вә ја сосиал шәбәкә сајтларында)» јерләшдирмәк гадағандыр. Бу мәһдудијјәтләр нә үчүн гојулуб?

Сајтымызда јер алан бүтүн материалларын мүәллиф һүгуглары горунур. Дөнүкләр вә бизә гаршы чыхан диҝәрләри нәшрләримизи өз сајтларында јерләшдирәрәк Јеһованын Шаһидләрини, еләҹә дә диҝәр инсанлары ҹәлб етмәјә чалышыр. Онларын мәгсәди һәмин сајтларда јерләшдирилән диҝәр материалларын васитәсилә охуҹуларын бејнинә шүбһә тохуму сәпмәкдир (Зәб. 26:4; Мәс. 22:5). Бир башгалары нәшрләримиздәки материаллары вә jw.org логомузу рекламларда, сатыш үчүн нәзәрдә тутулан мәһсулларда вә мобил ҹиһазлар үчүн тәтбигетмәләрдә истифадә едибләр. Мүәллиф һүгуглары вә тиҹари (әмтәә) нишанларынын горунмасы сајәсиндә бизим бу ҹүр сәһв истифадәнин гаршысыны алмаг үчүн һүгуги әсасымыз вар (Мәс. 27:12). Амма әҝәр биз биләрәкдән диндашымыз да дахил олмагла, киминсә рәгәмсал  мәлуматымызы һәр һансы сајтда јерләшдирмәсинә, јахуд jw.org тиҹарәт нишаныны сатыш мәһсулларында истифадә етмәсинә јол версәк, мәһкәмәләр әлејһдарларымызын вә коммерсија мүәссисәләринин гаршысыны алмаг ҹәһдләримизи дәстәкләмәјә биләр.

Нәшрләримизи jw.org сајтындан башга һәр һансы сајтдан јүкләмәк потенсиал тәһлүкә дашыјыр. Јеһова јалныз «садиг вә ағыллы нөкәр»ә руһани гида илә тәмин етмәк тапшырығыны вериб (Мәт. 24:45). Һәмин «нөкәр» руһани гиданы јајымламаг үчүн јалныз www.pr418.com, tv.pr418.com вә wol.pr418.com рәсми веб-сајтларындан истифадә едир. Мобил ҹиһазлар үчүн исә јалныз үч рәсми тәдбигетмәдән истифадә едирик — «JW Language^®», «JW Library^®» вә «JW Library Sign Language^®». Әмин ола биләрсиниз ки, бу сајтлар вә тәдбигетмәләр рекламлардан узагдыр вә Шејтан дүнјасынын тәсири илә зәһәрләнмәјиб. Диҝәр мәнбәләр васитәсилә јајылан руһани гиданын дәјишдирилмәдијинә вә тәһриф олунмадығына исә һеч бир зәманәт јохдур (Зәб. 18:26; 19:8).

Үстәлик, нәшрләримизи шәрһләр бөлмәси олан сајтларда јерләшдирмәклә дөнүкләрин вә тәнгидчиләрин Јеһованын тәшкилатына гаршы јанлыш фикирләр јазыб инсанларда шүбһә ојатмасына шәраит јаратмыш олуруг. Бәзи гардашлар онлајн дебатлара гошулараг Јеһованын адына ләкә ҝәтирибләр. Ајдындыр ки, форумлар бизә «гаршы чыханлара һәлимликлә нәсиһәт» вермәк үчүн мүнасиб јер дејил (2 Тим. 2:23—25; 1 Тим. 6:3—5). Үстәлик, тәшкилатын, Рәһбәрлик Шурасынын вә онун диҝәр үзвләринин адына сосиал шәбәкәләрдә сахта һесаблар вә сахта веб-сајтлар јарадылмышдыр. Һалбуки, Рәһбәрлик Шурасынын һеч бир үзвүнүн нә шәхси веб-сәһифәси, нә дә сосиал шәбәкәләрдә һесабы јохдур.

Инсанлары jw.org сајтына јөнәлтмәк мүждәнин јајылмасына тәкан верир (Мәт. 24:14). Хидмәтдә истифадә етдијимиз рәгәмсал васитәләр ҝет-ҝедә тәкмилләшир. Биз һәр кәсин онлардан фајдаланмасыны истәјирик. Бу сәбәбдән «Истифадә шәртләри»ндә гејд олундуғу кими, биз нәшрләримизин електрон сурәтини e-mail васитәсилә инсанлара ҝөндәрә вә ја jw.org сајтындакы линкләри пајлаша биләрик. Инсанлары рәсми веб-сајтымыза јөнәлдәндә онлара көмәк едирик ки, руһани гиданы онун тәк мәнбәји олан «садиг вә ағыллы нөкәр»дән алсынлар.