Rma rutinamit Jehová ma ye rukʼayij ta ri publicaciones yeresaj, ye kʼïy winäq nkichʼöbʼ chë ütz nkijotobʼaʼ pa jun chik página de Internet o pa jun red social. Ye kʼa reʼ ma pa rubʼeyal ta naʼän rma kʼïy kʼayewal ruyaʼon. Chpan jw.org choj nuʼij chë ma nyaʼöx ta qʼij «najotobʼaʼ pa jun chik sitio de Internet ri achbʼäl, publicaciones electrónicas, rachbʼäl ri jw o jw.org, bʼix, videos o achkë chik na jun (chqä ma nyaʼöx ta qʼij yajotobʼaʼ pa jun red social o pa jun página akuchï yejotobʼäx jalajöj kiwäch videos o archivos)». Reʼ rma ri nuʼij ri Términos y Condiciones de Uso * (taskʼij ruwäch ri nota). ¿Achkë rma kan nkʼatzin nqanmaj tzij chwäch re naʼoj reʼ?

Jontir ri kʼo chpan ri jw.org rchë ri Watch Tower Bible and Tract Society of Pennsylvania, Inc. («Watch Tower»). Ri apóstatas chqä ri winäq itzel nkinaʼ chqë röj, ri testigos de Jehová, yekijotobʼaʼ qa-publicaciones chpan ki-sitios ryeʼ rma nkajoʼ chë ri Testigos chqä ri nikʼaj chik winäq yeʼok chpan. Nkiʼän riʼ rma nkajoʼ nkisüqʼ chkiwäch ri winäq (Salmo 26:4; Proverbios 22:5). Ye kʼo chik jujun nkiksaj ri nuʼij qa-publicaciones o rachbʼäl ri jw.org rchë nkitzüj kikʼayij, rchë nkiyaʼ chrij kikʼayij o nkiyaʼ chkipan ri aplicaciones rchë teléfonos o tabletas. Rchë chë ri organización nkowin nbʼetzujun chrij jun winäq we ma pa rubʼeyal ta nuksaj ri kʼo chpan ri sitio, kʼo chë nuchajij achkë rubʼanik nukusäx ri publicaciones chqä ri rachbʼäl ri jw o jw.org (Proverbios 27:12). Xa ta ri organización nuyaʼ qʼij chkë jujun winäq, tapeʼ ye Testigos, rchë nkijotobʼaʼ qa-publicaciones chkipan nikʼaj chik sitios de Internet o rchë nkiksaj rachbʼäl ri jw.org rchë kikʼayij, ri qʼatbʼäl taq tzij rkʼë jubʼaʼ ma xtkitoʼ ta chik ri organización taq nbʼetzujun  chrij jun winäq ri ma ütz ta ruksaxik nuʼän che rä ri kʼo chpan qa-sitio.

Ri yeʼaqasaj qa-publicaciones chpan jun página ri ma jw.org ta, rkʼë jubʼaʼ kʼo kʼayewal nukʼän pä pa awiʼ. Jehová pa ruqʼaʼ ri «mozo [samajel] kan kʼo runaʼoj» ruyaʼon wä rchë nuyaʼ ri nkʼatzin chqë chrij Ruchʼaʼäl Dios (Mateo 24:45). Re samajel reʼ nuyaʼ qatoʼik xa xuʼ chkipan re páginas reʼ: www.pr418.com, tv.pr418.com chqä wol.pr418.com. Chqä ri oxiʼ aplicaciones ruyaʼon pä rchë nqaksaj chpan qa-teléfonos o tabletas ya riʼ: JW Language^®, JW Library^® chqä JW Library Sign Language^®. Re aplicaciones chqä ri páginas de Internet reʼ ma yetzuj ta kʼayij chkipan chqä ma tzʼilbʼisan ta kimä naʼoj ri kʼo rkʼë Satanás. We ri qanaʼoj xa jukʼan chik tajin nqesaj wä, rkʼë jubʼaʼ xa jalon chik o xa itzel taq naʼoj najin yeqatzʼët (Salmo 18:26; 19:8).

Chqä we jun winäq nujotobʼaʼ qa-publicaciones pa jun sitio akuchï ütz yeyaʼöx comentarios, reʼ xtuyaʼ qʼij chkë ri apóstatas o ri yojkiyöqʼ pä rchë xkekiyaʼ itzel taq naʼoj chpan. Reʼ rkʼë jubʼaʼ xtuʼän chë ri winäq ma xtkinmaj ta chik ri nukʼüt rutinamit Jehová. Ye kʼo qachʼalal xa más kitzʼilbʼisan rubʼiʼ Jehová rma kitzurun äl kiwäch ri yeyoqʼon pä. Ye kʼa ma pa rubʼeyal ta chë xa chpan ri páginas de Internet nqaʼij chkë ri winäq chë ma ütz ta yechʼö itzel chrij Ruchʼaʼäl Dios o chë tkijalaʼ kinaʼoj (2 Timoteo 2:23-25; 1 Timoteo 6:3-5). Chqä ye kʼo itzel taq winäq xa rubʼiʼ ri organización, ri Molaj Ukʼwäy Bʼey o kibʼiʼ ri ye kʼo chpan ri Molaj Ukʼwäy Bʼey kiksan rchë kijaqon cuentas pa redes sociales o páginas de Internet. Ye kʼa majun ta jun chkë ri ye kʼo chpan ri Molaj Ukʼwäy Bʼey kijaqon jun ki-página de Internet o cuentas pa redes sociales.

Taq yeqatäq ri winäq pa sitio jw.org yojtoʼon rchë nqatzjoj ri utziläj taq rutzijol (Mateo 24:14). Ri ruyaʼon pä rutinamit Jehová rchë nqatzjoj ri Ajawaren, ronojel mul más ütz najin nbʼan pä chkë. Chqä nqajoʼ chë jontir winäq nkïl kitoʼik rkʼë riʼ. Rma riʼ, achiʼel nuʼij chpan ri Condiciones de Uso, nyaʼöx qʼij chqë rchë yeqatäq publicaciones che rä jun winäq pa correo electrónico o jun link rchë nukʼwaj pa jw.org. Taq yeqatäq ri winäq ri nkajoʼ nkitamaj más chrij Ruchʼaʼäl Dios pa qa-sitios oficiales, najin yeqatoʼ rchë nkïl kitoʼik rkʼë ri «mozo [samajel] kan kʼo runaʼoj», ri xa xuʼ pa ruqʼaʼ ryä yaʼon qa rchë yojrutoʼ chrij Ruchʼaʼäl Dios.