Әм әʹдәбйәтед хԝәйә сәр һʹиме Кʹьтеба Пироз бе пʹәрә бәла дькьн, у ләма һьнәк дьфькьрьн кӧ изьн һәйә ԝан әʹдәбйәта копи бькьн у бькьнә сәр малпәред дьн. Ле әԝ йәк мьԛабьли Ԛәйде Хәбьтандьна * малпәред мә нә, у проблемед мәзьн пешда тинә. Ви Ԛәйде Хәбьтандьнеда зәлал те готьне, кӧ изьна тʹӧ кәси тʹӧнә ԝәки «шькьл, әʹдәбйәтед әләктроник, мьԛам, текст у видео» жь малпәра мә, бькьнә Интернете (нә жи ль сәр рʹупʹелед бәлакьрьне, нә ль сәр малпәред сосиали у нә жи ль сәр тʹӧ малпәрәкә дьн). Чьрʹа изьн тʹӧнә ԝан тьшта бькьн?

Һʹәму материал у әʹдәбйәт сәр малпәред мә тенә хԝәйкьрьне. Рʹабәр у йед кӧ мьԛабьли Шәʹдед Йаһоԝа нә, дьхԝазьн әʹдәбйәтед мә бьдьнә хәбате сәр малпәред хԝә, сәва Шәʹдед Йаһоԝа у мәрьвед дьн бьхальфиньн у бькьнә тʹәльке. Нета ԝан әԝ ә, кӧ бь сайа ԝан малпәра шьке бькьнә дьле хԝәндәвана (Зәб. 26:4; Мәтʹлк. 22:5). Һьнә мәрьв жи материалед жь әʹдәбйәтед мә йан жи нишана jԝ.org дьдьнә хәбате рекламада йан жи әʹламәтийада, мәсәлә бона фьротана тьшта, у ӧса жи бона програмед мобили (apps). Сәва ԝан тьшта изьна мәйә бь ԛануни һәйә, ԝәки ԝан хәбьтандьнед нәрʹаст бьдьнә сәкьнандьне, чьмки әʹдәбйәтед мә у нишанед малпәра мә, бь ԛануни хԝәйкьри нә. Ләма жи изьн тʹӧнә кәсәк ԝан тьшта копи бькә йан жи бьдә хәбате (Мәтʹлк. 27:12). Ле һәрге әм хԝәха дьһельн, ԝәки кәсәк һәла һе жи хушк-бьред мә тьштед малпәред мәда бькьнә малпәред дьн, йан жи нишана jԝ.org бьдьнә хәбате бона фьротана  тьшта, диԝан ԝе ида пьштгьрийа мә нәкә, ԝәки әм рʹабәра у йед мьԛабьл бьдьнә сәкьнандьне.

Хоф ә һәрге әʹдәбйәтед мә бькʹьшиньн жь малпәред дьн, нә кӧ жь jԝ.org. Йаһоԝа щабдари дайә тʹәне «хӧламе амьн у сәрԝахт» сәва хԝарьна рʹӧһʹани бьдә (Мәт. 24:45). Әԝ «хӧлам» малпәред хԝәйә фәрми дьдә хәбате сәва хԝарьна рʹӧһʹани бәла кә. Әԝ дьдә хәбате ԝԝԝ.jԝ.org, tv.jԝ.org, у ԝol.jԝ.org. Хенщи ве йәке, әм тʹәне ван се програмед мобиле (apps) дьдьнә хәбате: JԜ Languagе^®, JԜ Library^®, у JԜ Library Sign Languagе^®. Әм дькарьн итʹбарийа хԝә ван малпәра у програма биньн, чьмки ԝедәре тьштед ԛәлп йед кӧ дьнйа Шәйтʹан бәла дькә, тʹӧнә нә. Ләма жи стандьна хԝарьна рʹӧһʹани пе малпәред дьн йан жи канийед дьн, нә кӧ пе ван кʹижан кӧ мә жоре гот, хоф ә, чьмки дькарә тьштед ԛәлп у гӧһасти һәбьн (Зәб. 18:26; 19:8).

Хенщи ве йәке, һәрге әм әʹдәбйәтед мә дькьн сәр ԝан малпәра кʹидәре кӧ коментарийа датиньн йан жи шеԝьр дькьн, әԝ йәк бона рʹабәра у мәрьвед дьн рʹе вәдькә сәва һьндава тʹәшкиләта Йаһоԝа шьке бькьнә дьле мәрьва. Һьнә хушк-бьра кʹәтьнә ве тʹәльке кӧ пе онлайне дькʹәвьнә дәʹԝе тʹәви мәрьвед майин, у бь ве йәке наве Йаһоԝа беһӧрмәт дькьн. Әԝ форумед онлайн щики лайиԛ ниньн бона ве йәке кӧ «бь ширьнайи йед мьԛабьл ширәт» кьн (2 Тимтʹ. 2:23-25; 1 Тимтʹ. 6:3-5). Ӧса жи һатә кʹьфше ԝәки малпәред ԛәлп һатьнә чекьрьне сәр наве тʹәшкиләта мә, Кʹома Рʹебәрийе у әндәмед ве. Ле бь рʹасти малпәра шәхси йа тʹӧ әндәмәки Кʹома Рʹебәрийе тʹӧнә у әԝана нә жи малпәред сосиалида ньн.

Чахе әм дина мәрьва дьдьн сәр jԝ.org, әм аликʹарийе дьдьн бәлакьрьна мьзгинийе. (Мәт. 24:14) Һʹәму техноложийед кӧ әм хьзмәтийа хԝәда дьдьнә хәбате, тʹьме тенә тʹәзәкьрьне. Әм дьхԝазьн кӧ һәр кәс кʹаре бьстинә. Ләма жи чаԝа кӧ Ԛәйде Хәбьтандьнеда те готьне, һун дькарьн копийа әләктроники йед әʹдәбйәтед мә, йан жи линк жь малпәра мә jԝ.org, мәрьварʹа бьшиньн. Чахе әм дина мәрьва дьдьнә сәр малпәред мә, әм дина ԝан дьдьн сәр «хӧламе амьн у сәрԝахт», демәк сәр ве кʹоме кӧ хԝарьна рʹӧһʹани дьдә.